吹水奇懸

變態爸爸Josef覺得自己同阿女Elisabeth有住特別嘅連繫，但係阿女成年後想獨立搬走，為咗留住個女，佢困住咗佢喺地牢24年，令佢為自己生咗七個小朋友⋯⋯  到目前為止最長嘅一集⋯亦都可能係Jill 同 Wendy最粗魯嘅一集 聽完可能會動肝火，大家最好買定涼茶/啤酒，一邊飲一邊聽⋯ 多謝聽眾 pingpung_0 & all_is_fine 提議case

Jill初初睇Title仲以為有人寄條屍畀啲仇人（好似啲恐嚇郵件咁），嚇死。好采只係用佢嚟移動屍體啫～ 不過個殺人動機同背後故事都幾神奇。 感謝聽眾Suzanncheng & Nicky提案～

話說，由於上集唔係出咗好多日，都有考慮過星期四先至update... 但係Wendy好驚單案又有update，又要再edit，所以都係即刻出咗先⋯之後再有update會喺social media update 靚靚van life youtuber Gabby同男朋友Brian Laundrie揸住架van周圍去，一心經營好自己嘅youtube頻道。點解兩個人去得一個人返，之後另一個都失埋踪。今集Wendy同你講吓呢單早兩個月全美國true crime community日日跟得好貼嘅案件。 *2021/11/29 edit: Wendy講錯...

算得上係日本逃亡最耐嘅逃犯！但過程好似好爽皮，又整容結婚又盛⋯⋯ 究竟可唔可以捱得過15年訴訟期限？ 今集遲出真係唔好意思，因為Jill一路病咗十幾日，大吉大利。

最近兩集都講「Mary」。 Wendy今集係講一架好似好邪嘅船，喺海中心被發現嘅時候，船上唔見晒啲人⋯到底係咪真係咁靈異，定係只係所有人去晒游水冇返上船？ 註：Wendy知道Dei Gratia係有好幾個唔同嘅讀法，我揀咗個Google translate讀得幾好聽&我又幾鍾意嘅，若果好「銀」耳就真係唔好意思！ 若果你好奇有咩讀法：https://www.youtube.com/watch?v=QQ7fhuu0rd0&ab_channel=AmericanPronunciationGuide

一位廚娘堅拒承認自己係個帶菌者，佈毒佈到比人終生隔離。今集重點：人要知錯，手要勤洗。 希望聽完之後，唔會影響大家食雪糕嘅心情！ 另：要留意下星期將會暫停一次～不便之處，還望見諒。

紅衫同死亡扯上關係，總會覺得好邪⋯⋯ 仲要綁手綁腳吊死喺屋企？ 不過理性嘅Jill&Wendy都唔多信呢家嘢，都係理性咁相信：係人為嘅！ 感謝聽眾Esther提供案件！

47歲單身貴族Teresita Basa被殺，警方對案情一籌莫展之際，死者Teresita竟然主動報料幫手捉真兇？？？？ 今集好短，但係Wendy真係好想哈佬十月講啲靈異case。

一家人嚟㗎！點解搞成咁？ 除咗犯人天生偏激嘅性格，後天成長環境都好有影響。 人同人相處真係一世嘅學問，大家有事慢慢講呀！ 感謝聽眾under_illusion提案！

呢集嘅主角其中一個身分出名到個標題都要用假身分個名。老千真名叫Christian Gerhartsreiter。千里迢迢由德國去到美國呃飲呃食、呃書讀，大啲仲呃老婆、呃綠咭，竟然仲爆出綁架同謀殺。上等人真係唔係咁易扮！ 感謝聽眾christabelmak提議案件。

Jill終於返嚟喇！ 今次講吓聽眾Nicky提供嘅清朝Case，輕輕鬆鬆無人死嘅～ 呀唔係，有人最後被判死判⋯⋯古代真係Harsh！

一覺醒來發現自己殺咗外母Barbara Woods，仲重傷外父Denis Woods，但係Kenneth對過程毫無印象，科學竟然仲證明佢可能係講真話？ 錄完音同Jill傾計，Wendy先發現自己好似講到發夢一定係喺REM sleep，唔係㗎！只係大部份嘅夢係喺REM sleep發生咋！ 中間提及嘅psyhology today文章：https://www.psychologytoday.com/us/blog/the-superhuman-mind/201212/sleep-driving-and-sleep-killing

自小被家暴同性侵，為咗逃離惡夢家園，Jason跌入咗犯罪嘅惡性循環，但佢仍然想做啲嘢阻止惡夢發生喺其他人身上，於是決定走去嚇吓啲性罪犯⋯⋯ 你認為佢被判28年有期徒刑係咪合適？ 妹妹Angelina整畀Jason嘅linktree: https://linktr.ee/jason.vukovich

今次唔講殺人講冧樓。聽到都驚驚…因為自己都隨時會成為受害者！感謝聽眾Keith提案

Jill同Wendy兩個滿足大家好奇心嘅一集。 因為有唔少題問都好似，我哋冇重覆讀差唔多嘅題目，不過都應該有答到大家心中嘅提問嘅。  註：Wendy諗諗吓⋯其實我睇資料應該係比我講嘅用多更加多時間，因為揀case前已經睇咗好多，可能係double咗我所講嘅時間？？？ 有關Wendy提及過美國死刑同終身監禁嘅開支對比可以參考：https://www.thebalance.com/comparing-the-costs-of-death-penalty-vs-life-in-prison-4689874

世界各地都有食人魔案件，但係呢位委內瑞拉食人魔Dorángel Vargas好有自己一套揀受害人嘅標準，而且仲謹守聖經入面「同朋友分享麵包」嘅精神，同佢嘅朋友分享人肉料粴。 Wendy寫咗咁長嘅簡介，最尾都係覺得Jill嘅「佢只係一個痴線佬」結論最為到point。 多謝聽眾mabelcatzzz嘅提案。

今集名為人肉叉燒包，實質又係滅門案⋯⋯一睇就知係邊個講啦！

恭喜晒張家朗同何詩蓓～辛苦晒～ 錄音時何詩蓓個比賽未進行，喺度補祝返先～ 今次講個恐佈分子潛入奧運村脅持人質同大屠殺嘅案件⋯西德警方真係令人好無語⋯ Jill話呢集好多政治嘢，所以Wendy cut減咗啲暗殺部份㗎啦⋯ 以色列運動員受害者名單：摔跤教練Moshe Weinberg；舉重運動員1號Yossef Romano；摔跤裁判 Yossef Gutfreund；射擊教練Kehat Shorr；田俓教練Amitzur Shapira；劍擊教練Andre Spitzer；舉重評判Yakov Springer；摔跤...

今集最吸引Wendy嘅係Mona嘅女巫樣！佢做過咩都唔重要喇，因為佢個樣已說明一切（誤） 感謝聽眾mstroubletiny提案！

Roland Owen喺酒店房被殺，死前仲包庇兇手。佢死後發現原來佢身份不明，但係有一對唔肯透露身份嘅男女又畀錢幫佢搞葬禮，又送花到墳前，仲幫埋佢寫信畀阿媽⋯到底係咪真係好似Jill咁講，係同性戀人下嘅毒手？Wendy講完呢集都仲係一頭問號。

其實今集又係滅門case！不過Jill講咗唔少兇手嘅背景，所以今集個名就變做咁喇～感謝Yan嘅提案

住喺無家者收容中心嘅孕婦Teka錯信陌生人Stephanie會畀啲BB用品佢，被綁架之餘仲話要幫佢做「手術」拎個BB出嚟⋯Wendy今次送上重口味倖存者故事。

今次呢集雖然短短的，但都足以令Jill「大開眼界」⋯⋯個殺人動機真係⋯⋯ 感謝聽眾Esther提供個案！

父母因為工作關係，搵咗位好好生養嘅auntie嚟照顧兩個女。點知呢位Auntie Gertrude Baniszewski係個妒忌心勁重嘅女人，唔抵得少女嘅青春同美貌，叫自己啲仔女同埋鄰居小朋友一齊虐待少女⋯真心冇陰功⋯100％還原何謂上樑不正下樑歪 多謝聽眾olhverl (Betty)同pingpung_0嘅提案。

想發達？唔使用槍嘅，用腦就得！ 等Jill為大家講解吓呢位智慧型犯人嘅戲劇性作案手法