公視台語台

第14集Podcast來囉！ 哪會感覺誠久無唸批🤣 5月主題竟然收著開節目以來上濟的投稿！ 敢是因為有小禮物才投稿，烏白編會受氣喔😤 希望後個月仝款有遮~濟人來投稿 這集 #有聲音的批信 會當聽著： ✅將台語學轉來的燕仔 ✅顧囡仔才是成功的開始 ✅五寶媽敢真正生五个😳 ✅買一間厝予阿爸蹛 👏👏👏逐家的故事攏真成功呢 其實「成功」毋免人定義 咱家己認為成功，按呢就夠矣！ 閣有幾篇無唸著，後禮拜繼續來分享 -+-+-+-+-+-+-+-+-+-+-+...

第13集Podcast來囉！ 頂一集烏白編經過#少年廟公調氣了後 逐家聽看覓仔聲音敢有啥物無仝😲 但是嘛是愛共逐家提醒 人無爽快猶是愛去病院喔！ 這集 #出名人請借問 會當聽著： ✅神明指示出冊的時機 ✅廟公服務範圍到底偌大🤣 ✅現場來問事卜卦 ✅佮陳明章老師的緣分 到底廟公敢會當賜予烏白編破紀錄的收聽率 雖然自肥嘛有替聽眾朋友爭取小小的福利 啥物福利？家己來聽！ -+-+-+-+-+-+-+-+-+-+-+-+-+-+- 📬 6月批信主題是「耍水」 熱...

第12集Podcast來囉！ 這個月敢是宗教月?! 想袂到經過媽祖的加持 阮就邀請著少年廟公做來賓 這位廟公真正佮咱想的無仝款 有啥物無仝？趕緊來收聽！ 這集 #出名人請借問 會當聽著： ✅「少年」廟公有偌少年 ✅「台灣系」咧學啥？ ✅掠準眠夢煞是現場Live😨 ✅佇網路允「廟公」的頭路 ✅祈求美容💄愛拜啥物神 頭一改看著遮~愛笑的廟公 毋知影逐家聽完有啥物感想 到底後一集現場「調氣」了後 烏白編有怎樣的改變? 請期待🤭 -+-+-+-+-+-...

第11集Podcast來囉！ 錄音彼工收著禮物，有夠感動！ 佮媽祖真有緣，這個月敢是宗教月🤣🤣🤣 雖然無法度報獎，但是阮閣有共阮支持的聽友 多謝逐家的留話🥰 這集 #小編聽你講 會當聽著： ✅C網友的戰爭(?) ✅做節目的初心 ✅毋通予主持人遮無閒😤 ✅考驗聽眾的數學 ✅舊年出差的衰代😨 感動啦~~真多謝有春的禮物😭 有媽祖的加持，烏白編一定會「一片光明」💡 歡迎其他的聽友繼續分享故事 -+-+-+-+-+-+-+-+-+-+-+-+-+-+- 📬 5月批信主...

第10集Podcast來囉！ 繼續來歡迎 柯大堡 Kodabow 頂禮拜的訪問除了講著 號節目名的原因、錄影拄著的sign等等 內容實在是太豐富，絕對毋是人傷厚話🤣 新節目好看，Podcast嘛好聽(家己講 咱就趕緊來收聽！ 這集 #出名人請借問 會當聽著： ✅到底啥人較戇 ✅佮無仝年歲作家交流的感覺 ✅台語正確的發音真重要🤪 ✅按怎邀請神明來聽團👂 ✅上「靠桮」的文化季 雖然講有偷偷仔工商文化季😳 但是製作人咱大堡真正有認真咧宣傳啦！ 各位辛...

這真的是第9集 Podcast 來囉！ 小編足驚逐家聽聽咧叫是換人主持（？ 原本想講五一勞動節歇睏一擺， 結果．．．一切攏是媽祖的安排🌊 這禮拜邀請著文學跳曼波的主持人 上有靈感的柯大堡來節目🎙️ 這集 #出名人請借問 會當聽著： ✅ 啥物文學跳曼波 ✅ 文學行跤節目欲行去佗位？📚🚶‍♂️ ✅ 錄影拄著神明的 SIGN ✨📹 ✅ 侵入？親入！作家的生活🔍📝 真正是拄著一粒一的主持人👏 無免煩惱內容時間就超過囉 聽講後禮拜閣有真濟趣味佮「...

第8集Podcast來囉！ 4/1你敢有發生啥物難忘的代誌？ 4月的主題配合戇人節 問逐家佮「創治」相關的經驗 緊來收聽烏白編收著的故事內容 這集 #有聲音的批信 會當聽著： ✅白編敢有共烏編創治😲 ✅祖孫仔聯合共老師創治😡 ✅予新人的祝福👠 ✅戇人節限定的飲料🌽 聽完遮的故事以後 你敢有無仝的經驗欲分享 歡迎繼續寫批來喔 -+-+-+-+-+-+-+-+-+-+-+-+-+-+- 5月批信的主題是「成功」 人生到今，敢有啥物予你感覺成功？ 無論是大細件，...

第7集Podcast來囉！ 這集的來賓自年前約到年後 而且平常時仔攏踮佇南部 有影是天時地利人和 才邀請著伊來上節目 歡迎 #啪客講台語 主持兼製作陳功錚—功錚兄 這集的 #出名人請借問 會當聽著： ✅遊樂區🎡出身尾仔變廣播人 ✅做節目的挑戰 ✅烏白編佮功錚兄的緣份 ✅開喙就有孽譎仔話 ✅掌聲歡迎👏潮州四句聯 功錚兄的精神使人佩服 家己企劃、錄音、鉸帶 對無熟的領域也真有興趣去了解 逐家有興趣歡迎去收聽喔！ -+-+-+-+-+-+-+-+-+-...

第6集Podcast來囉！ 3月收著足濟聽眾朋友的留話 逐家嘛佮烏白編分享真濟相片🖼 誠歡喜做伙參與恁的生活 這集的 #小編聽你講 會當聽著： ✅烏編的魔法🤭 ✅2歲的聽友真正有咧吸收👂 ✅聽眾有翕豆菜gâu人 ✅啥物是按呢按呢的膨鼠手勢 ✅講愛食的哪會講去討厭的🤷‍♀️ 問題實在是傷濟矣，咱後個月繼續 逐家和阮佇線頂互動真趣味 歡迎聽眾朋友繼續來留話、分享、寫批😉 -+-+-+-+-+-+-+-+-+-+-+-+-+-+- 4月批信的主題是「愚人節」(戇人節)...

第5集Podcast來囉！ 繼續收聽台語新詞辭庫研究員建中的訪問 頂集講著做新詞辭庫的委屈(? 所以下集就是做詞庫延伸出來的 予建中敨放心情的休閒活動(? 到底是啥物活動，趕緊來收聽！ 這集的 #出名人請借問 會當聽著： ✅智識也有溫度 ✅寄批寄到上尾去開講座😮 ✅教典替你相命 ✅教典大惡人 ✅學台語的資源/工商嘛是愛來一下😁 想袂到教典遮爾趣味 聽完緊去相命看有準無🤣 其他僻智識的內容(家己去看~ -+-+-+-+-+-+-+-+-+-+-+-+-+-+-...

第4集Podcast來囉！ 又閣來到邀請來賓的集數 這回的出名人誠厲害 頭腦就親像一台電腦仝款 而且是得著烏編認證的GPT！ 歡迎台語新詞辭庫研究員—陳建中 這集的 #出名人請借問 會當聽著： ✅叫建中就讀建中⁉ ✅因為合唱團想欲學台語 ✅做台語新詞研究員的機緣 ✅新詞產生的過程 哇~干焦分享新詞就講一集矣 建中GPT閣有咧「研究」教典 教典按怎研究？後一集你就知！ 請逐家後禮拜繼續收聽~~~ -+-+-+-+-+-+-+-+-+-+-+-+-+-+- 4月批信的...

第3集的Podcast來囉！ 3/15種樹節🌳 可能毋是逐家攏有種樹栽的經驗 咱就來聽佮植物相關的故事 這回收著的故事攏真趣味，趕緊來收聽！ 這集的 #有聲音的批信 會當聽著： ✅白編的新年希望敢會實現 ✅種蔥仔/種芋仔是啥物意思 ✅小禮物敢有人欲愛 ✅天無絕人之路 ✅教你實現豆菜自由 著啦~欲問烏白編的QA欲收單矣喔 有啥物想欲問的問題緊去寫喔 欲分享相片嘛真歡迎😊 -+-+-+-+-+-+-+-+-+-+-+-+-+-+- 4月批信的主題是「愚人節」(戇人...

第2集Podcast來囉！ 到底這季邀請的頭一位出名人是啥人咧 🥁🥁🥁🥁🥁🥁🥁🥁 噗仔聲歡迎林茂賢 老師👏👏 老師人真正蓋趣味，莫怪課程遮爾受歡迎 這集的 #出名人請借問 會當聽著： ✅見面一句「痟查某」🤣🤣🤣 ✅宜蘭人的使命感 ✅歌仔戲推廣基金會有啥物活動 ✅歌仔戲版本的白雪👸主題曲 ✅做伙來做忠實的觀眾 哇~訪問完才知影老師為著傳承 民俗活動、傳統戲劇遮爾用心 烏白編嘛足想欲去體驗看覓！ 主管啊~4月敢會當去參加大甲媽🤩...

雖罔講歇睏一個月 烏白編嘛是仝款誠無閒😭 逐家敢有看著新的視覺設計 這季頭一集先來聽這段時間聽眾朋友的留話 是講......愛先共逐家會失禮🙇‍♀️ 烏白編因為傷久無錄音 講甲傷過激動，聲音piang~去 請聽友見諒😳 這集的 #小編聽你講 會當聽著： ✅網路交朋友千萬愛小心 ✅聽友講主持人笑聲戇戇的😨 ✅烏白編的碗強欲予敲破 ✅白編欲譴責烏編😤 新的一季開始囉~~ 3月批信的主題是 3/12植樹節— 佮植物🌱🌳相關的故事 -+-+-+-+-+-+-+-...

第25集Podcast來囉！ 心情一半歡喜一半感傷(? 這季上尾一集矣，敢是因為接近過年 烏白編收著足~~濟禮物😳 真正是愛跪咧共逐家說多謝🧎‍♀️ 到底上尾一集有啥物內容，緊來收聽！ 這集的 #小編聽你講 會當聽著： ✅VVVIP寄來的卡片走去耍 ✅烏編新的追求者出現囉😳 ✅下願後一季來賓的名單 ✅C網友稱號的戰爭 敢有人對烏白編足濟疑問 第五季做QA，歡迎來寫問卷🤗 祝福逐家新年快樂、身體健康大發財 3月的主題： 邀請逐家分享佮「植物...

第24集Podcast來囉！ 後禮拜結束咱就準備開始歇年假 逐家最近敢開始咧整理矣？ 這集欲分享摒掃🧹🧺的故事 會聽著啥物款的內容？趕緊來收聽！ 這集 #有聲音的批信 會當聽著： ✅會曉摒掃袂曉整理的聽友🤔 ✅心肝頭的鹿仔🦌誠重要 ✅冷氣變做密婆🦇的厝 ✅摒掃5大禁忌🈲 ✅實現願望煞佮厝內人冤家😨 一家伙仔做伙整理大摒掃 到底是感情會變好？ 抑是顛倒共關係拍歹去？ 歡迎逐家分享你的想法 ★投稿、留話攏佇遮★ https://forms.gle/5...

第23集Podcast來囉！ 🥁🥁🥁精彩的下集來矣 繼續來訪問鹿港青年阿愷之聲Podcast 逐家鹿港腔敢聽有慣習？ 毋通走去聽阿愷的聲煞袂記得聽烏白編喔😭 這集的 #出名人請借問 會當聽著： ✅鹿港神明有保庇 ✅透過訪問增加靈魂的HP值 ✅公開徵友(tér頭毛緊來👩 ✅見面會替聽友爭取福利 毋知阿愷敢有共「情緒價值」學起來😆 錄音結束真想欲來去鹿港食麵線糊🤤 欲報名1/12台北場聽友會的聽友 先搶先贏！報名費200箍(現場收) 請趕緊私訊台語...

第22集Podcast來囉~~~ 到底新年的頭一集是啥人來開講？ 🥁🥁🥁🥁🥁🥁🥁🥁🥁 歡迎鹿港少年家—阿愷之聲Podcast  一直想欲揣時間邀請阿愷 拄仔好趁伊上北參加錄影共掠過來(?) 阿愷講伊聽聲想像出來的烏白編 是留短頭鬃的古錐查某囡仔 實際見面了後的感想是？趕緊來收聽！ 這集的 #出名人請借問 會當聽著： ✅講鹿港腔親像予人看房間 ✅阿愷之聲2.0產生的過程 ✅彰化人的內戰桃園人無欲加入🙅‍♀️ ✅來賓佮主持人起冤家😤 敢講是有...

第21集Podcast來囉！ 時間愈來愈接近年底矣 你今年設定的目標敢有實現？ 無嘛無要緊，因為全新的一年閣欲開始 咱繼續來下願😆 但是毋通只有下願，嘛愛實際動起來呢！ 這集的 #有聲音的批信 會當聽著： ✅個性必思聽友的困擾 ✅共拍無去的友情揣轉來😭 ✅提升氣質、美妝保養、穿插小建議 ✅快閃店開佇佗 希望逐家新年的目標攏會當實現 烏白編嘛祝福恁身體健康 拜託逐家🙏替阮共收聽率衝懸懸 咱明年才會當繼續聽落去😚 -- 1月份的主...

第20集Podcast來囉！ 頂回聽眾朋友點的歌猶未唱完 毋知影逐家的耳空敢閣接載會牢😂 這个主題應該袂閣做矣，請把握收聽！ 這集的 #小編聽你講 會當聽著： ✅2位聽友敢是約束好來留話 ✅野球迷來點歌 ✅兩擺攏共歌詞唱毋著去😭 ✅烏白編送予聽友的歌(正經) ✅有點著的鐵粉趕緊來喝聲🙋‍♀️🙋‍♂️ 真正足感謝恁的支持閣有肯定🙇‍♀️ 滿足阮愛唱歌的私心(?) 聽過節目猶未互動的朋友 歡迎來佮阮交陪開講喔😉 -- 十二月份的主題： 🤜2025的...

第19集Podcast來囉！ 繼續來聽愛情(?)的故事 閣再一改歡迎台文雞絲麵 Tâibûn Kesimī 👏👏👏 下集的 #出名人請借問 會當聽著： ✅資料整合拄著的版權問題 ✅接手教授的資料庫🧠 ✅日本人用的台語教科書😮 ✅一切攏是對「台語」佮「牽的」的💖 兩集的訪談聽煞了後 逐家是毋是對蝦米感覺真佩服 一个人做遐~~爾濟代誌🤯 咱若是有用著遮的資料 請🦀加減共伊寄付鬥支持嘿！ -- 十二月份的主題： 🤜2025的目標🤛 今年咧欲結束，新年新希望...

第18集Podcast來囉！ 最近邀請真濟「好食物」🤣 咱來歡迎台文雞絲麵 Tâibûn Kesimī 原來是予雷公摃著⚡️進入台文箍仔 這集有足濟粉紅仔色的泡喔 想欲知影就趕緊來收聽！ 這集的 #出名人請借問 會當聽著： ✅芡芳是料理的頭一步 ✅愛情💓的力量有偌大 ✅叫雞絲麵的原因 ✅資料整合的過程 無簡單無簡單 蝦米毋但做「ChhoeTaigi台語辭典」、 「PhahTaigi台語輸入法」等等， 故事實在傷濟，咱分做2集共訪問 後禮拜請繼續收聽！ －－ 十...

第17集Podcast來囉！ 啊~~音樂共奏落去(無欲跳恰恰😂 是滴，感謝聽眾朋友熱情的敲碗 烏白編的歌唱🎵節目閣來囉🎤 毋過收聽進前愛先共逐家注預防射 這回唱的攏是網友點歌，若是無成請莫棄嫌 這集的 #小編聽你講 會當聽著： ✅財富自由前先「歪歪」自由🎉 ✅新單元敢會實現⁉ ✅留話哪會變考試🤯 ✅烏白唱時間😳😳😳 因為時間關係，閣有一寡歌猶未唱 請逐家繼續期待(?) －－ 十二月份的主題： 先予逐家發表意見(?) ★投稿、留話攏佇遮★...

第16集Podcast來囉！ 提早慶祝「11/26世界雞卵糕日」🥳 感謝聽眾分享遮爾濟雞卵糕🍰的故事 逐家期待會聽著啥物內容？ 免想矣！趕緊來聽！ 這集 #有聲音的批信 會當聽著： ✅桃園人的驕傲😤 ✅雞卵糕食甲哭出來😭 ✅創意雞卵糕🍚 ✅網友寫批哪會變提問🤯 ✅烏白編做伙食麵線🍜 想袂到逐家對雞卵糕有遮濟難忘的故事 烏編想欲知影「好食雞卵糕」到底佇佗？ 逐家若有啥物橐袋仔名單歡迎留話喔🤗 －－ 十二月份的主題： 先予逐家發表意...

第15集Podcast來囉！ 閣欲拍噗仔👏👏👏 俗語講「英雄出少年」 芋圓字典 Taro Dictionary Ō͘-îⁿ 開發者來囉！ 現此時上古錐、上好耍的台語字典你下載未？ táng-lóo進前咱先來收聽節目😁 這集的 #出名人請借問 會當聽著： ✅芋圓姊緊來收聽 ✅軟體設計攏是自學😲 ✅芋圓上愛食的毋是芋圓 ✅字典APP竟然會破壞人的家庭 聽完愛會記得共APP掠來耍看覓嘿 若有佮意歡迎寄付支持 予芋圓開發閣較濟功能💪 －－ 十一月份的主題： 恭喜「雞卵...