公視台語台

第六季第32集的 #podcast 來囉～ 閣再一改歡迎 前衛出版社 的主編 鄭清鴻 👏 頂一集講著做編輯的各種工課內容， 這集來問主編做有聲冊的過程佮心酸(?) 原來做台語有聲冊遮爾無簡單， 偌無簡單，趕緊來收聽！ 這集的 #出名人請借問 會當聽著： ✅因為新冊來結緣 ✅是按怎選擇做有聲冊(iú-siann-tsheh)📚 ✅公版權佮著作(tù-tsok)權需要注意的所在✨ ✅無細膩踏著出版社的紅線⚠ 真感謝清鴻主編的分享， 逐家若欲做改編抑是分享一定愛...

第六季第31集的 #podcast 來囉～ 烏白編訪問過誠濟作家， 煞猶無機會邀請著編輯來開講， 一本冊欲出版，編輯是偌爾重要的角色✨ 感謝 前衛出版社 的主編 鄭清鴻 來分享伊的經驗， 到底有偌濟「業界的祕密」？趕緊來收聽！ 這集的 #出名人請借問 會當聽著： ✅做編輯愛會曉寫七字仔⁉ ✅一本冊有偌濟預算 ✅台文編輯工課量閣較濟🥴 ✅欲翻譯「原文」的重要性 ✅想欲做台語—先去交朋友👥 真正是無問毋知影，問落去不得了！ 感謝清鴻替...

第六季第30集的 #podcast 來囉～ 俗語講「千算萬算，毋值天一劃」 有人非常有自信，講伊物件攏準備好勢矣， 結！果！咧！ 到底是啥物落勾去，趕緊來收聽😂 這集的 #小編聽你講 會當聽著： ✅鐵粉的愛是衝碰的 ✅聽眾的愛會消失去😭 ✅雄雄開始研究星座 ✅烏白編醋桶真重😤 這集有較感性的內容， 除了感謝一直共阮支持的聽眾， 嘛欲共願意珍惜母語的朋友鼓勵， 想欲講就開喙大聲講、想欲做就盡量去做， 這是自由的社會，咱心內會得...

第六季第29集的 #podcast 來囉～ 這集烏白編發生各種狀況， 可能今仔日真正無適合更新😂 為啥物咧？詳細的原因節目內底攏有講 請家己去收聽嘿！ 這集的 #小編聽你講 會當聽著： ✅奇奇怪怪的下願內容 ✅主持人欲揣來賓冤家 ✅雄雄變做親子頻道(?) ✅烏白編的愛情到底有抑無🧐 原底想講欲歇一集，烏白編敢有法度共 「連假收聽率就變低的魔咒(?)」拍破？ 就看這斗矣，各位聽眾朋友啊~ 毋通予阮失望呢😨 -+-+-+-+-+-+-+-+-+-+-+-+-+-+...

第六季第28集的 #podcast 來囉～ 噗仔聲催落去👏👏👏歡迎 林貝芳 這集的來賓逐家可能會較生份， 毋過伊唱的華語歌恁一定有聽過， 這馬轉做台語歌手，是因為想欲講一寡故事， 嘛將家己揣倒轉來，過程中發生過啥物代誌， 咱做伙來收聽！ 這集的 #出名人請借問 會當聽著： ✅改用本名唱台語歌的原因 ✅用行動證明「我會當唱台語歌」！ ✅提著補助身上揹的責任 ✅唱歌予逐家鼻芳 貝芳的笑聲真正足有感染力的， 而且會當感受著伊真拍拚...

第六季第27集的 #podcast 來囉～ 最近聽著真濟好消息， 恭喜咱的好朋友入圍廣播/電視金鐘獎， 希望會當聽著恁的好消息🥰 若有想欲入圍的朋友，歡迎來上阮的節目喔~ 這集的 #小編聽你講 會當聽著： ✅烏白編是「倒踏第二个男朋友」😂 ✅是「尻川」抑是「川尻」 ✅聽眾寄來的「美國歪歪」 ✅一字落勾去造成的影響 這集一定愛聽到上尾！ 烏白編笑甲擋袂牢🤣🤣🤣 多謝逐家熱情的留話， 有恁的支持阮會更加有繼續做的動力💪 但是kô下願...

第六季第26集的 #podcast 來囉～ 台灣人相借問上蓋捷講「食飽未？」 「食」佇人的一生占上重要的地位！ 歡迎來到《阿媽的灶跤》， 遮有阿媽的故事、阿媽的料理， 閣有主持人 阿鴻 陪伴你規台灣行透透， 咱請 #阿鴻 來分享節目的一寡難忘代， 緊喔~燒燙燙的~做伙來收聽😆 這集 #出名人請借問 會當聽著： ✅新竹人台語客語也會通？ ✅國小就開始接觸煮食 ✅講著阿媽上懷念的菜 ✅阿鴻用「喙」做米粉炒🤤 聽阿鴻講著阿媽講甲強欲哭出...

第六季第25集的 #podcast 來囉～ 繼續來聽逐家的愛情故事🥰 頂集的VVIP之戰恁感覺按怎？ 聽完有想起家己彼段純純的愛無😆 咱的聽眾真正是足古錐的， 愛情故事無論當時投稿攏歡迎啦！ 這集 #有聲音的批信 會當聽著： ✅「初戀」的定義是？ ✅猶未交往就先見家長😳 ✅做衫的過程若咧揣愛情 ✅今仔發穎的愛情🌱 聽眾朋友想欲透過節目揣人是有較困難， 但是嘛歡迎逐家來試看覓， 毋過恁的資訊愛提供較齊啦~ 按呢揣著的機會會較大 烏白...

六季第24集的 #podcast 來囉～ 這集來聽愛情的故事😍 「感情」一直是逐家上有興趣的主題， 毋知影咱的聽友會分享啥物故事， 這集拄好是兩位VVIP之戰💥， 猶閣有一寡聽眾的投稿請等後一集， 逐家先來收聽這集！ 這集 #有聲音的批信 會當聽著： ✅感動！收著有音效的音檔 ✅翁婿嘛叫來搬戲😆 ✅煞著的瞬間人會發光🎇 ✅聽完敢有「上好莫結婚」的感覺？ 哇~兩段故事攏足精彩的， 而且詳細共聽其實有共通的所在喔！ 毋知影聽眾朋友有發...

第六季第23集的 #podcast 來囉～ 時間來到8月底，逐家9月有啥物計劃？ 來啦！烏白編共恁報一寡好空的🤩 先感謝咱好朋友 國家電影及視聽文化中心 的邀請， 今年是「台語片70週年」，in準備痟濟好看的台語老電影， 九月主題「零時𝗲̂望：流動．世界．台語片」， 世界的台語片，透過電影了解著歷史、文化等等， 加上策展員阿宗、組長小美兩位來賓的介紹， 而且in講毋捌用台語分享過，阮是獨家中的獨家， 逐家趕緊來收聽喔！ 這集 #出名...

第六季第22集的 #podcast 來囉～ 一站仔無揣出名人來矣， 拄仔好就邀請著聽友，直接變做聽眾見面會， 歡迎誠有才情的台系媠姑娘 西瓜 👏👏👏 利用下班的時間翕影片做料理🍴 干焦看伊的影片，喙瀾就強欲津落來🤤 是啥物原因予伊想欲拍台語影片？ 趕緊來收聽！ 這集 #出名人請借問 會當聽著： ✅「欠拍」的來賓 ✅影片主題想欲傳達的理念 ✅家己去做大祹衫 ✅台語人的溫暖 若像每一集攏咧叫咱的建中GPT😆 新詞辭典真正足重要的！請逐...

第六季第21集的 #podcast 來囉～ 開場白編氣怫怫，請聽眾來做主😤 烏編表示伊的跤已經麻去矣🧎‍♀️ 到底是發生啥物代誌，趕緊來收聽！ 這集 #小編聽你講 會當聽著： ✅客語發音真困難 ✅教育頻道兼環保教育 ✅印尼朋友佮全球腔 ✅烏白編有主題曲囉🎶 7月有收著新朋友的留話，歡迎歡迎~ 閣來阮會期待恁來投稿😉 有任何的想法，攏會當佇線頂表單留話喔 -+-+-+-+-+-+-+-+-+-+-+-+-+-+- 📬七、八月批信的主題是「七夕」 總算欲來徵愛情...

第六季第20集的 #podcast 來囉～ 溫馨提醒：頂集開高鐵🚈，這集坐火箭🚀 若是感覺講傷緊，請將速度調較慢咧😉 按呢加話免講傷濟，趕緊來收聽！ 這集 #有聲音的批信 會當聽著： ✅30年前CD Walkman的價值 ✅用「鉛筆」挖車 ✅日本人處理物件拍毋見的方式 ✅機關真濟的鉛筆篋仔 ✅多謝名偵探「康男]👓 六月「落去/Lucky」的投稿攏分享完囉~ 真多謝聽眾熱情的參與， 第一改收著3位朋友的音檔，痟感動的啦😭 相信恁會去愛著家己唸家己...

第六季第19集的 #podcast 來囉～ 閣是唸聽眾朋友留話的時間囉！ 真歡喜愈來愈濟聽友來互動🥰 嘛有收著「有聲音的留話」🗣 若有想欲寄語音的朋友攏歡迎，免歹勢！ 免驚會講袂順，加練才會進步😉 這集的 #小編聽你講 會當聽著： ✅鐵粉變鉎粉 ✅三句話挑戰∞改😨😨😨 ✅「台柱」抑是「聲柱」 ✅講好的5分鐘⁉ 烏白編以高鐵(?)的速度🚈 留話已經對5月底分享到7月初矣！ 逐家感覺這款回應啥款？敢會拖傷長🤔 有任何的想法攏會當共阮講，...

第六季第18集的 #podcast 來囉～ 繼續七月的投稿， 這回聽眾朋友投稿的量比普通時閣較濟， 敢是因為有雙主題「lak--khì」加「Lucky」， 抑是因為予烏白編唸甲耳仔👂癢癢，姑不而將才來投稿😆 毋管恁是啥物原因來投稿， 「逐家攏轉來矣」對阮來講真正是非常Lucky的啦！ 這集 #有聲音的批信 會當聽著： ✅以早的經驗成做今仔日的幸運 ✅美國人的Lucky penny ✅細漢時的見笑代序大人攏記牢牢 閣有一寡投稿猶未分享，請逐家繼續期待🥰...

第六季第17集的 #podcast 來囉～ 彼號彼號(hit-lō)的 HIRO 來矣！ 逐家敢有看過伊的影片？ 看了會當學著足濟實用的日語喔！ 到底土生土長的台灣人， 為啥物有這種想法？趕緊來收聽！ 這集 #出名人請借問 會當聽著： ✅「台日晶晶體」影片的想法 ✅雄雄就進行搶答 ✅字幕變做台文的機緣 ✅來學簡單的日語 真歡喜會當邀請著HIRO，本人足趣味的 閣約好後回做伙去唱歌🎤 見面會無共阮招的 #芋圓、#阿東😤 烏白編絕對會記得的😉 -+-+-+-...

第六季第16集的 #podcast 來囉～ 真正對雷華、空空真失禮🙇‍♀️ 共恁的投稿落勾去💦 後回逐家若無聽著家己投稿的內容， 會當私訊問一下，較免硞硞等攏等無😭 烏白編以後嘛會更加注意！ 這集投稿包含4、5、6月的主題喔， 相信逐家應該閣會記得主題啦(?) 這集 #有聲音的批信 會當聽著： ✅細漢無細膩去食著酒 ✅「開喙」才通得著幫助 ✅是「落去」抑是「擲落去」| ✅有「閃光彈」的批信💥 因為按呢所以按呢(?) 先共聽眾預告一下，六月...

第六季第15集的 #podcast 來囉～ 繼續歡迎雲林來的 林小林 👏👏🥳 頂集分享按怎飼出健康的豬仔， 下集來講好食的豬肉智識🤤 公的母的肉敢有差別？趕緊來收聽！ 這集 #出名人請借問 會當聽著： ✅毋是體重愈重就愈貴 ✅影一下👀就知影🐖偌重 ✅豬仔拍賣的故事 ✅有錢嘛買無的部位㊙ ✅非洲豬災造成的影響 聽小林講著豬災彼當陣的情形， 咱真正愛好好仔保護台灣的豬肉， 請逐家毋通對國外紮任何的豬肉製品轉來！ 小林愛繼續翕趣味閣...

第六季第14集的 #podcast 來囉～ 先共逐家講，充滿智識量的內容閣來矣！ 有一句話講「豬規身軀攏是寶」🐖 哪按呢阮就邀請產出遮的「寶」的主人來開講— 歡迎雲林來的 林小林 👏👏👏 這集 #出名人請借問 會當聽著： ✅豬仔的產後護理 ✅豬母一年生幾胎 ✅豬也有狡怪性的😆 ✅豬仔的小智識 ✅豬仔的品種「LDY」？ 會記得彼工錄完紙寫甲滿滿滿， 筆記做袂完呢📝手寫甲誠痠😂 聽眾朋友聽完敢有「原來是按呢」的感覺？ 歡迎留話來佮阮分...

第六季第13集的 #podcast 來囉～ 歡喜歡喜真歡喜🥰 收著愈來愈濟聽友的投稿佮留話， 猶閣有食的、用的各種禮物🎁有夠感動的啦！ 但是逐家毋通傷破費，阮會毋甘呢😳 六季做到今，總算毋是干焦烏白編來會失禮矣😂 到底是啥人？趕緊來收聽！ 這集 #小編聽你講 會當聽著： ✅「會失禮」但是無講著「失禮」🤣 ✅聽友家己做的kha-báng👜 ✅聽眾下願做50季😱 ✅萬事問建中GPT☺☺☺ 雖然這回機器無壞去， 但是白編的喙猶原是😭 敢真正有人愛...

第六季第12集的 #podcast 來囉～ 聽眾朋友，冠軍團體來矣啦！ 歡迎 妹迪 IN TAIWAN 啥人下願的，愛聽10改喔🤣 烏白編會去看收聽數字喔👁 好啦~加話免講，趕緊來收聽！ 這集 #出名人請借問 會當聽著： ✅細漢就攏講台語 ✅訪問前一暗做奇怪的夢 ✅烏白編的big fan 去佗位 ✅兩人到底有啥物款的感情 冠軍就是冠軍，無咧表演講話嘛仝款趣味😆 莫怪會當開專場，閣是一場接一場 恭喜兩位，啊答應阮的台北場乎😤 講話愛算話喔😉 工商一下...

第六季第11集的 #podcast 來囉～ 對四月開始的「諧音主題」來到五月 邀請聽眾朋友分享「誤會」的故事， 這集因為錄音的電腦出問題， 毋知影換機器聲音有差無，趕緊來收聽！ 這集 #有聲音的批信 會當聽著： ✅早頓店阿姨佮在地金城武的誤會 ✅啥物！加拿大無賣🍮 ✅頭毛色水造成的誤會 多謝聽眾相信阮真正無芋仔包 一切攏是real的啦！ 期待逐家分享六月頭一改有雙主題的故事， 看有人會將兩種主題結合無 上尾公廣集團20週年的工商...

聽眾朋友，最近上衝的話題主角之一— # 温若喬 來矣啦！ 自兩年前訪問過，欲閣邀請真無簡單 因為喬的傷過無閒矣，攏愛提號碼牌排隊呢！ 毋過等待是有價值的，拄好這幾工逐家咧討論 所以烏白編有問著獨家，趕緊來收聽！ 這集 #出名人請借問 會當聽著： ✅新冊今仔出版2點鐘就賣完 ✅對「臺灣漫遊錄」台文版的想法 ✅創作、諮商、社群經營，時間按怎安排 ✅聽若喬共人歹😆 這集錄完真正足期待的 敲碗成功！逐家請予若喬時間嘿 等待的...

第六季第9集的 #podcast 來囉～ 誠久無邀請著媠姑娘，有夠歡喜 噗仔聲👏歡迎台語創作歌手 鍾綺 這位少年的歌手毋但gâu唱歌 閣足用心翕影片向外國朋友推廣台語💖 伊本身毋是學音樂的， 按呢伊的音樂風格是按怎產生的？ 趕緊來收聽！ 這集 #出名人請借問 會當聽著： ✅猶未出世就咧聽音樂 ✅外國朋友按怎學台語 ✅雄雄就收著去坐郵輪的邀請😳 ✅翕新歌MV的趣味代 講話聲音溫柔、唱歌有力量 請所有的聽友做伙來支持Bell 予台語歌行向...

第六季第8集的 #podcast 來囉～ 好消息！總算共過年的「數」還完囉🥳 進前辦抽獎送紅包橐仔🧧活動 聽著逐家寄來的音檔真正足感動的 隨決定愛囥佇節目內底分享 毋知影逐家聽著家己的聲有啥物感覺？ 趕緊來收聽！ 這集 #小編聽你講 會當聽著： ✅鐵粉來聽家己的聲🤩 ✅是啥物款的聲予「耳仔有身」 ✅聽友的快樂建築佇烏編的痛苦頂面 ✅欲哭矣😭收著超級大禮包🎁 第一改聽著聽友的聲， 按呢的形式足趣味的， 希望後回會當聽閣較濟的內...