Podcast Kurdî

“Stranên ku jinên kurd sitraye zêdetir di hişê civaka kurdî de weke klasîkên muzîka kurdî mane. Jinan reseniya civata kurdî bi giştî berhevkirine û strane.” Nûjîn Onen amade kiriye.

Di nava salekê da çi rûda? Doza malbatê gihiştiye çi qonaxê? Parêzer Hîdayet Emek û Emîne Şenyaşar ji Podcastkurdiyê re axivîne.

Jinên kurd îsal jî 8'ê Adarê Roja Jinên Cîhanê di nava tundûtujiyê de pêşwazî kirin. Di nava salekî de 280 jin hatin kuştin. Baş e dema jinek rastî tundiyê tê û serî li dadgehê dide rastê helwesteke çawa tê? Medya bi çi awayî cih dide kuştina jinan? Bersiva van pirsan di vê podcestê de ye. Amade kirin Gonul Markoç

Şiyar Şerîf Berazî bi dawîn prensesa Kurd û rêvebera rêxistina jinan Yekitiya Afretani Kurdistan Sînemxan Bedirxan re axivî. Sînemxan Bedirxan: Rewşen Bedirxan ji bo ku jinên Kurd xwe bi pêş bixin gelek xebitî

Bi minasabeta 8’ê Adarê Roja Jinên Kedkarê Cihanê em ê ji Dêrika Mêrdînê çîroka jineke kurd ya serkeftinê bi we re parve bikin. Sevdat Bakî bi bisiqlêteke li Dêrîkê xelayê 95 jinan pêk aniye û wan fêrî ajotina bisiqletê kiriye. Bakî dibejê: “Ajotina bisqilêtê xeyalên zarokatîyê ya jinan bu. ME xeyalên wan pêkanîn.”

Xecêya karsaz piştî xwendina zanîngehê dest bi pîşeya bavê mêşvaniyê kiriye. Xecê niha bi karê mêşvaniyê debara malbata xwe dike. Xecê çîroka xwe û mêşvaniyê ji me re vegotiye. Rojnameger Gonul Gun amade kiriye.

Karsaza jin a Şirnexî Xeyal Erkanê kargeh û dikaneke qehweya kizwana li Gundikê Melî çêkiriye û Xeyal Erkanê serpêhatiya qehweya xwe ya bi navê Daristanê ji me re vedibêje.

Nivîskar û rojnameger, Ali Fikri Işık div ê xeleka xwe de behsa êrîşa Rûsya bo ser Ûkraynayê kiriye.  Ali Fikri Işık dibêje: "Ez nabêjim ka kî mafdar e, ka kî ne mafdar e; şer ji binî ve nebaş e û xirab e weke kurdan ku bi salan me êşa şer dîtiye divê beriya hemûkesî em li dijî şer bin. "Şer milletan dirizîne"

Daxwaznameya Partiya Însan û Azadiyê ji sala 2018an nayê qebûlkirin Wezareta Navxwe dîlekçeya partiyê qebûl nake. Serokê Partiyê Mehmet Kamaç proseya rêgiriyên li pêş partiya xwe aşkere kiriye.

Mele Enwer Emir Kulu ku ji ber xutbeya kurdî doz lê hatiye vekirin dibêje; Televizyona kurdî vekirine lê ji ber me ji cemaata xwe ya kurd re bi kurdî xutbe û waaz daye doz li me vekirin edaleta wan jî ev e.

Rojnameger Azad Altun dibêje, Ukraynî ji alîkariya NATO û YEyê kêfxweş in lê gazinên wan jî hene û dibêjin welatên Rojava weke pêwîst me naparêzin.

Malbatên zarokên xwe bi şîwezarên kurmancî û zazakî mezin kirine dibêjin, zanîna kurdî rêliber fêrbûna zimanên din vedike û zarokên di akademî û perwerdeyê ne gelekî serkeftîne. Rojnameger Gönül Morkoç amade kiriye.

Serokê @EMODIYARBAKIR Elî Can Çetînkaya dibêje, hewceye dewlet şîrketên elektrîkê dîsan têxe bin kontrola xwe û bi pereyekî guncaw elektrîkê bide hemwelatiyan.  Mahsum Rencber amade kiriye.

Kerîm Şêxanî ji zaroktiyê ve kelûpelên kurdî berhev dike û niha li bin Keleha Hewlêrê ji wan keleûpelan mûzexaneyeke niştimanî ava kiriye.  Şiyar Şerîf Berazî amade kiriye.

Beriya bi 97 salan dewletê Şêx Seîd û 46 hevalên wî li Diyarbekirê îdam kir. Heta niha hîn jî cihê qebra Şêx Seîd nayê zanîn. Serokê Baroya Diyarbekirê Nahit Eren û neviyên Şêx Seîd daxwazin cihê qebra Şêx û hevalên wî werin aşkerekirin

Alî Fikrî Işik dibêje: ‘’Ne rêveberiya Amedsporê ne jî rahênerê Amedsporê problem çaresernekirin û Amedspor niha tûşî wendakirinê dibe. ‘’ Işik diqîre û dibêje: ‘’Ez weke alîgirekî Amedsporê vê rewşa Amedsporê qebûl nakim.’’

Serokê Baroya Şirnexê Rojhat Dîlsîz dibêje, di îddianamê de ti tiştek nîn e. Em 2 sal in benda wê bûn lê mixabin vala derket.   Rojnameger Perihan Kaya amade kiriye.

Serokê Odeya Esnafên Diyarbekirê Alican Ebedinoğlu dibêje: "daneyên TUÎKê ne rast in û esnaf nikare li ser piyan bimîne. Me kredî û fonên pêwîst nestendin û roj bi roj esnaf dikanên xwe digirin.  Rojnameger Mahsum Rençber amade kiriye.

Hejarê Şamîl: Heger Rûsya êrîşî Ukrayna bike wê herî zêde Ukrayna zirarê bibîne. Rojnameger Hejarê Şamîl, rûdanên li ser sînorê Ukraynayê şîrove dike.

Mûçeya kemane  karmendan roj bi roj beramber bilindbûna enflasyonê dihile. Mahsum Rençber ligel karmenda bi mûçeya kemane kar dike Mercan Bayikê daketiya bazarê û lê guhdar kiriye bê ka mûçeya wê têra çi kiriye.

Parlementerê berê yê HDPê Mehmet Ali Aslan dibeje,  ji ber xemsariya Komisyona Hiquqê ya HDPê dosyayên me li DMMEyê hatin red kirin. Ev yek nayê qebulkirin. Gulistan Korban amade kiriye.

Di serîhildana DAIŞê de 4 sivîl, 47 pasevan û 40 şervan şehîd bûn. Lêkolîner Dr. Zara Salih proseya serîhildana DAIŞê ya li Rojava ji Podcaskurdiyê re şîrovekiriye.

Hewlên fraksiyonên Iraqê ji bo avakirina hikûmeta nû dewam dikin. Tevgera Sedir wê hikûmetê ava bike.  Gelo wê Tevgera Sedir ji qeyranên Iraqê re bibe derman?  Lêkolîner Ziryan Rojhilatî şîrove dike.

Alî Fikrî Işik temaşeyî maça Amedspor û Kirşehir Bldsporê kiriye û dibêje, divê rêvebirên Amedsporê vî halî tîma xwe qebûl nakin û rabin ser piyan.

Şaredariyê biryara rûxandina 1.500 xaniyî daye û heta niha 500 xanî hilweşiyane. Wêlatiyên taxê ‘dibêjin heta ku me bi zorê dernexin em malên xwe vala nakin.’ Perixan Kaya amade kiriye.