阿愷之聲Podcast

聽眾朋友逐家好，本集「空中泡茶間」出外景來到彰化出名的花鄉田尾，阿愷頭一遍佇溫室錄Podcast，這个繽紛花草的所在是這幾年相當出名的香久園，來賓是創辦人謝丞傑和匡易，咱來聽少年輩分享種花種出事業的故事。 對香久園上深的印象是彼片充滿自然野性的花園，遮親像大千世界，內底的花花草草是小傑和匡易的夢想，到底故事一開始是按怎發生？為啥一盆燈仔花（朱槿）會變成育種的起點？對愛花變成花事業的挑戰又閣是啥？ 歡迎收聽...

聽眾朋友逐家好，歡迎收聽阿愷之聲「台長時間」。這集節目欲來講最近網路上誠鬧熱的「Threads現象」，到底這是一个啥款的社群媒體？阿愷準備對一篇破千四讚的鹿港腔台語發文講起！ 足久無台長時間囉，這集節目除了感謝各界善男信女對本台的支持，閣有宣布2024年阿愷之聲的新計畫，緊來收聽。 ►節目好看頭 • Threads的鹿港腔台語按怎講？ • 為啥最近Threads遮鬧熱？ • 竟然佇Threads揣著堅持講鹿港腔的鄉親？ • 弱勢台語腔調的處境...

聽眾朋友逐家好，本集「學姊你敢有閒」單元收著聽眾臺中簡老師的call in，希望阮來討論「熟似過去（認識過去）」這個題目，這个主題足適合新的一年來講，特別是阿愷邀請著全鹿港上有正能量的佳生活實驗室學姊作伙討論，重新熟似過去的意義是啥？按怎面對人生的後悔？閣有阮按怎熟似各自的鹿港？ 歡迎收聽本集節目，也歡迎call in和阮分享恁聽完的感想。 天氣變冷囉，各位聽眾朋友請保重。 ►節目好看頭 • 回顧萊兒費可唱片行的一場...

聽眾朋友逐家好，這集「洛津浪音樂」的特別來賓是爵士鋼琴家吳昱辰，昱辰是阿愷舊年學爵士樂的老師，伊本身也是鹿港人，1月13號準備佇萊兒費可唱片帶來三重奏演出（但歹勢已經Sold Out），這是昱辰頭一遍佇家鄉演出，足有意義。 到底爵士樂按怎聽？「即興」敢講攏是黑白彈？這款問題提來問咱專業的爵士鋼琴家上適當。昱辰一開始是學古典鋼琴，後來予爵士樂電著了後，來到東華大學音樂系爵士樂組進修，這段過程的故事真有意思，本集...

⚠️本集節目小可仔透露劇情⚠️ 聽眾朋友逐家好，本集阿愷之聲「文學烏亂濺」欲來講一本春山出版2023年11月的新冊《福島漂流記》，作者是蔡易澄，這是一本結合了歷史和反事實的小說，故事真真假假分袂清楚，但是有影好看！ 這是一齣臺灣的命運，對日本時代講到戰後國民政府，雖然咱攏知影歷史按怎發展落去，但是作者透過故事想欲向咱講：歷史敢有其他的可能？敢有可能這一切毋是咱所想的遮簡單？本集節目的副主持人猶原咱懷念的聲音溪...

⚠️全新單元，但莫誤會毋是台長本人換頭路啦⚠ 聽眾朋友逐家好，歡迎收聽阿愷之聲全新單元「學姊你敢有閒」，這个單元的共同主持人是逐家懷念的鹿港學姊，未來每一集阮會揀（選）一个人生級的主題來講，會使講這个單元是學姊の相談室，也歡迎聽眾朋友call in問事問人生。 新單元第一集，因為錄音時間接近年底，通常年底真濟人就開始坐袂著想欲換頭路，但講是咧講，圓滿的「離職」會使講是一項藝術，順利「轉職」猶閣需要運氣，來到新...

⚠️ 這集主持人實在上過興奮，訪問小可仔失去水準請多包涵 聽眾朋友逐家好，歡迎收聽阿愷之聲「文學烏亂濺」單元，本集節目的副主持人是咱的好朋友溪州阿倫，精彩的來啊，這集特別來賓是當代臺灣文學誠重要的作家吳明益，阮欲來討論一位小說家的創作生活。 到底《海風酒店》的創作背景是啥？佇《單車失竊記》出版七年以後，咱總算等著這本新的創作，這七年世界有了真大的變化，包括對一位創作者也是。其實小說家和咱同款攏是一个「...

⚠️本集節目小可仔透露劇情⚠️ 聽眾朋友逐家好，本集阿愷之聲「文學烏亂濺」單元欲來講一套今年獨步文化出版的小說《獸靈之詩》，作者是當代臺灣文學非常使人期待的一粒星邱常婷。這套小說有兩本，分別是頂集「保留地的祭歌」和下集「模仿師的遊戲」，這可能是今年臺灣上有野心的奇幻文學作品，實在有夠厚啦！ 本集節目邀請作伙來講冊的是阿愷劇場界的好朋友aka二林紫莖，當初我也是受著紫莖的推薦來讀邱常婷的作品，阮對《怪物之鄉...

聽眾朋友逐家好，本集阿愷之聲「空中泡茶間」欲來去嘉義鹿草出外景，節目來賓是在地青農吳小胖，阮欲來講轉去家鄉生活的現實狀況，對照這幾年真紅的地方創生 ，農村生活咁有影浪漫？ 節目後半段，欲來講嘉義縣鹿草鄉公所佇12月9號、10號舉辦的「鹿町祭」，到底這个活動有啥好料？咱先來鼻芳！ ►節目好看頭 • 面對生利上予人倒數（帳）、厝內長輩過身，地方創生欲按怎浪漫？ • 若予小胖重選一遍，人生咁會閣轉來鹿草？ • 大港開唱準...

聽眾朋友逐家好，本集阿愷之聲「空中泡茶間」單元欲來去彰化市出外景，節目來賓是「旅庫彰化」創辦人邱明憲aka小王子，阮欲來講這个無聊到連風颱攏無想欲來的彰化，除了炕肉飯、肉圓、閣有彼尊各種傳說的大佛，彰化到底有佗位通耍（玩）？咱來借問彰化上敖（最會）引路的查埔人！ ►節目好看頭 • 小王子險仔是七期大國王？ • 泰國PRO領隊原本竟然是寫電腦軟體的？ • 台北做了好好咁是起痟才轉來彰化？ • 來講「彰化認同（Changhua P...

聽眾朋友逐家好，歡迎收聽阿愷之聲台長時間，這集欲來講一場演講。 十四年了後，阿愷仔總算有機會轉來家己畢業的學校「彰化高中」演講，感謝彰中圖書館曾馨霈主任的邀請，面對一群十六歲的高中一年仔，這遍的講題是「用自媒體予地方走入世界：阿愷之聲Podcast的聲音實驗」。 十七歲時陣，我是一个將教室日誌畫成五花雜色的學藝股長，現在，我是一个一直佇Podcast講五四三的台長，這个人為啥一直咧做無正經的代誌？遮一切攏愛對「無...

聽眾朋友逐家好，這集阿愷之聲「空中泡茶間」再次出外景來到嘉義，我欲來介紹鹿港人佇嘉義的靠山「碰碰諸羅山」，節目來賓是空間的頭家老狼，伊是阿愷佇嘉義的好朋友，我佇嘉義熟識的各種人和故事，攏對遮開始。 碰碰是一个神奇的空間，內面的榻榻米使人放鬆，各種故事攏會佇遮會合，樓尾頂是一个chill的所在，各種活動予人愛著嘉義的迷人。這集節目阮欲來講這个嘉義的烏托邦，聽到最好閣有阿愷之聲聽友才有的福利，緊來收聽！ ►節...

⚠️本集節目絕對無造成民雄、鹿港的困擾⚠️ 聽眾朋友逐家好，這集阿愷之聲「空中泡茶間」出外景來到嘉義民雄，節目的特別來賓是打貓街坊文化協會的羅怡芬和何信輝，羅理事本身厝內經營仁偉書局，何監事逐家autobike騎咧四界送批，咱來瞭解這群民雄人佇地方咧無啥文化？毋過一開始，民雄人和鹿港人欲先來互相傷害？！ ►節目好看頭 • 外地人對民雄的第一印象竟然是......？ • 民雄內部竟然閣有分你佮我？ • 民雄人對彰化人的第一印象竟...

⚠️本集節目小可仔透露劇情⚠️ 聽眾朋友逐家好，這集阿愷之聲「文學烏亂濺」的經典單元欲來講一本今年六月小寫出版的新冊《海風酒店》，作者是國際出名的臺灣作家吳明益，伊頂一本長篇小說是2015年發表的《單車失竊記》，等了七年，咱逐家總算等著這本新作品，阿愷個人是非常期待。 本集節目邀請來作伙講冊的是阿愷之聲的好朋友溪州阿倫，阮各自受著吳明益老師的小說作品的影響，進前也捌佇Podcast節目講過明益老師早期的長篇小說《...

聽眾朋友歡迎收聽本集阿愷之聲「洛津浪音樂」單元，這集節目的特別來賓是阿愷的國中同窗、也是臺灣知名搖滾樂團TRASH的吉他手，咱歡迎音樂人林頤原來講伊的搖滾路！ ►節目好看頭 • 鹿港國小禮堂的傳說？！ • 鹿港國小福利社麵線糊的秘密？ • 阮國中時代的數位串流竟然是...？ • 國中影響頤原的搖滾樂團？ • 創作音樂這條路上無靈感欲按怎？！ • 公眾人物的日常生活竟然是...？ 因為這集節目，阮兩个國中同學再次講著以前真濟趣味的...

聽眾朋友，阿愷之聲Podcast總算來到一百集囉，本集特別節目欲來分享到底是誰影響我開始做Podcast？閣有接受聽眾朋友的call in！ ►節目好看頭 ↳竟然是一个客話Podcast影響後來阿愷之聲的開台？ ↳阿愷之聲Podcast的聽眾有90%來自臺灣，其他10%竟然是美國和英國？ ↳咁有可能Podcast永遠攏有話題通講？永遠攏揣有來賓上節目？ ↳竟然有聽眾感覺聽完阿愷之聲會當得著一種「可愛的力量」？ 聽眾朋友，這兩年半以來感謝恁的支持和照顧，因...

本集節目是嘉義縣文化觀光局贊助放送 自頭講起，到底鹿港腔按怎學？ 一个劇場演員和母語者到底按怎互相刺激求進步？ 聽眾朋友逐家好，「自頭講起」是第一屆嘉義台語季PODCAST的特別單元，這集特別來賓邀請著嘉義阮劇團非常有才情的演員大領（大件/李冠億）來開講。阮劇團佇2019年改編臺灣文學家王禎和的小說〈嫁妝一牛車〉成作舞台劇，彼當時大領負責演出小說中誠重要的角色「簡仔」，簡仔是鹿港人，出外賺食講了無人聽有的鹿港腔...

聽眾朋友逐家好，歡迎收聽阿愷之聲「文學烏亂濺」單元，這集欲介紹一本今年八月左岸文化出版的新冊《台灣地方政治讀本：來自青年世代的提問、實踐與反思》，咱邀請著這本冊的作者之一，也是阿愷臺大研究所時期的好朋友林鴻揚，來講伊的家鄉麥寮和六輕的故事。 風頭水尾大發展？褲帶相縛的麥寮和六輕？ 家族世代攏佇麥寮的鴻揚講著，六輕一直是地方居民無啥愛提起的話題，一方面是因為逐家已經慣習，另外一方面是因為內底有太濟袂使...

聽眾朋友逐家好，歡迎收聽阿愷之聲經典的「文學烏亂濺」單元，欲來介紹臺灣最近誠讚的新冊出版，本集的特別來賓是社子島的少年家柳志昀，阮欲來講春山出版今年九月出版的新冊《城中一座島：築堤逐水、徵土爭權，社子島開發與臺灣的都市計畫》。 社子島佇佗？這是一个啥款的所在？ 咱真歹想像，今仔日佇台北市的士林區竟然閣有這款田庄所在，社子島完全保留五十年前台北市的模樣，故事就要對彼段「禁建」的歷史講起。1990年代以後，...

今年不知不覺也來到後半場，聽眾朋友恁咁有咧躊躇欲換頭路？未來的一年，咱的人生咁有可能活作家己理想的方式？ 這集阿愷之聲空中泡茶間，咱總算邀請著逐家懷念的聲音「學姊」，有聽眾朋友call in反應講為啥學姊這呢久無來空中獻聲？其實，學姊這陣仔人生有了一場重大的決定......。 緊來收聽本集節目，來聽學姊分享離職的勇氣？！閣有離職了後的法國旅行！？ ＊相片地點：法國的Antibes ＊歡迎贊助本節目： https://open.firstory...

逐家好歡迎收聽阿愷之聲！「台長時間」真久無和聽眾朋友五四三囉，這集節目欲來分享這陣仔台長的生活，閣有製作Podcast拄著的趣味代誌： 1. 來去福興教序大製作Podcast？ 2. 今年是阿愷之聲的歐洲元年？ 3. 這陣子阿愷之聲Podcast的合作對象竟然是？ 4. 最後欲感謝真濟人？ 阿愷之聲做到九十五集，首先感謝聽眾朋友一路以來的支持，因為恁，予本台有機會和其他單位合作。親像節目播出這工（9/11），阿愷透早才來到咱福興的秀厝，來...

＊本集節目感謝國家電影及視聽文化中心的支持放送＊   聽眾朋友逐家好，歡迎收聽阿愷之聲「洛津浪音樂」單元，本集邀請的特別來賓是類比音聲玩家林太崴，阮欲來講臺灣的寶島歌王：文夏！   文夏是誰？到底1970年代的文夏有偌紅？   國家影視聽中心修復了一齣老電影「再見台北」（1969），這齣電影的主角是文夏，這也是文夏前輩目前留落來上完整的電影，相當珍貴。咱佇「再見台北」這齣電影內底除了會使看著早期臺北...

＊本集節目感謝國家電影及視聽文化中心的支持放送＊ 聽眾朋友逐家好，歡迎收聽阿愷之聲「空中泡茶間」單元，本集節目誠歡喜邀請著國家電影及視聽文化中心的副執行長陳德齡，阮欲來講到底這个中心的任務是啥？甚至閣欲來到天涯海角放電影？   國家影視聽中心是臺灣重要的電影基地，中心的任務包括臺灣電影的研究、修復保存和推廣，佇新北市新莊的影視聽中心是一棟誠媠（suí）的建築物，現在一樓當咧展覽的是「一一重構：楊德昌...

聽眾朋友歡迎收聽阿愷之聲「空中泡茶間」單元，本集來到空中泡茶的特別來賓是倫敦大學亞非學院（SOAS）做臺灣研究的碩士施翔耀，翔耀是彰化人，也是「凱吉ㄉ活網週報」版主，這集節目欲來講為啥要去英國讀歷史？ 講著歷史，到底文史工作者和歷史學家的差別是？ 相信對彰化/鹿港人來講，咱生活佇一个充滿歷史感的環境，對地方歷史有興趣的人也會透過實地觀察、資料收集、甚至是訪問的方式，變成一个咱講的「文史工作者」。但是文史...

聽眾朋友歡迎收聽阿愷之聲「空中泡茶間」單元，本集來到空中泡茶的特別來賓是平凡製作的創辦人黃銘彰，咱真好奇到底阿彰轉來嘉義是咧變啥魍？ 以前感覺嘉義誠無聊，為啥大漢了後想欲轉來創業？ 少年時去臺北讀冊、工作的阿彰，因為2021年時臺灣設計展佇嘉義舉辦，彼當陣伊有一个機會來發落其中一間展場（剛剛好的城市：理想生活再想像），這擺機會予伊正經思考轉來家鄉創業的可能。但是轉來家鄉工作，咁有影這呢浪漫？ 本身的專業...