阿愷之聲Podcast

聽眾朋友逐家好，這集阿愷之聲Podcast「空中泡茶間」特別來賓是芋圓字典 Taro Dictionary的開發者芋圓本人，雖然阿愷本身無佮意食芋仔，但是這个臺語app實在太有意思，本台決定破例訪問（？ 芋圓雖然出世佇阿公阿嬤講臺語的家庭，但伊一直要到去日本留學，有一工發覺家己的日語竟然講了比臺語較好，才意識著應該要將母語學轉來。對羅馬字起步，芋圓學習語言的經驗，後來應用佇芋圓字典app的使用者設計上，無到一年的app開發，如今...

歡迎收聽阿愷之聲Podcast特別單元「臺灣當代出版計畫」，這个全新單元準備介紹最近國內優質的文學和社會科學出版。新節目頭一集欲對家鄉彰化開始，阮來到溪州鄉，也是本集特別來賓詩人吳晟的故鄉，佮咱作伙開講的閣有副主持人阿倫，對無仝世代的農村人，亻因按怎透過文學看待跤踏（腳踏）的這片土地？ 吳晟老師一生攏佇彰化寫作，看盡農村半世紀以來的地景變遷，也照實寫入文學。伊是一位行入去社會的作家，對農村的環境議題真致意...

聽眾朋友逐家好，這集阿愷之聲Podcast「文學烏亂濺」單元的特別來賓是作家洪明道aka臺灣小說界的美空ひばり（美空雲雀），明道平常時是一位醫生，下班了後是一位作家，伊2018年佇九歌文學出版短篇小說集《等路》，隔當年隨得著臺灣文學金典獎，足有才情。阿愷也是因為這本小說熟識明道，我真敬佩這款「臺語語境的華文書寫」，原來文學會使寫出咱中南部的聲韻！ 節目錄音前幾工，明道才對捷克轉來臺灣，伊拄去參加中歐的文學盛會「...

聽眾朋友逐家好，這集阿愷之聲Podcast「文學烏亂濺」單元的特別來賓是「泰譯聞 นนท์ นักแปลชาวไต้หวัน」的版主梁震牧，震牧是阿愷彰化高中的學長（彰化出敖人！），伊最近翻譯了泰國知名作家威拉蓬（วีรพร นิติประภา）的作品《迷魂陣內底的青暝杜蚓（迷宮中的盲眼蚯蚓）》，今年六月由聯經出版，這本小說實在非常好看！ 相信臺灣人對泰國足瞭解，但除了渡假和旅行，泰國文學對咱應該就非常生份（陌生），這本《迷宮中的盲眼蚯蚓》...

聽眾朋友逐家好，這集阿愷之聲Podcast「空中泡茶間」特別來賓是臺語Podcast的同業「亞特聊聊天丨台語Podcast放送」主持人亞特，小等一咧，宜蘭腔臺語竟然侵門踏戶咱鹿港放送頭？ 臺語迷人的所在，就是小小的臺灣竟然有各種腔調，雖然講話無相同，但其實連差上濟的宜蘭腔和鹿港腔，講話攏會通啦。 本集節目想欲來借問亞特做臺語Podcast的經驗，毋管是面對家鄉宜蘭、宜蘭腔臺語到做節目的想法等等，總講一句，本集節目阮貧惰戰腔調（...

聽眾朋友逐家好，這集阿愷之聲Podcast「空中泡茶間」特別來賓是阿愷佇彰化熟識的美國朋友Miguel，阮因為爵士樂變成換帖兄弟！ Miguel佇印尼出世美國大漢，伊大學畢業了後提著Fulbright獎學金對紐約來到彰化溪州國中教英文，多元的文化背景予Miguel佇臺灣有了精彩的一年。本集節目欲挑戰用英文訪問，免煩惱，節目前、後半段阿愷會用台語說明和翻譯予各位聽眾朋友瞭解，中間是我和Miguel的開講(9:30-34:00)，這有可能是全世界第一遍...

聽眾朋友逐家好，這集阿愷之聲Podcast「空中泡茶間」特別來賓是咱彰化秀水鄉民代表陳昀志，逐家莫叫是鄉民代表就一定是老阿伯，昀志是阿愷的彰中學弟，今年猶未三十！ 政治系畢業的昀志，人生目標其實毋是舞政治，但竟然因為COVID-19改變方向。秀水和阿愷住的福興同款，無親像隔壁鹿港遮出名，昀志決定轉來家鄉秀水參選鄉民代表，毋是想袂開，伊讀高中就足關心社會議題，當選代表的理想就是希望家鄉有可能閣較進步。 到底秀水是啥...

聽眾朋友逐家好，這集阿愷之聲Podcast「文學烏亂濺」的特別來賓是詩人柏森，柏森二十歲的時陣就出版了伊的頭一本詩集《灰矮星》（逗點文創結社，2019年），今年閣因為詩集《原光》（預計出版）得了楊牧詩獎，實在真厲害。對這位少年詩人來講，影響伊創作的音樂竟然是馬勒（Gustav Mahler）的交響曲，欸？！ 到底一位哲學系畢業、寫詩的人會按怎聽交響曲？馬勒佇一百年前寫完伊所有的交響曲，彼當時無人聽有，但是伊講：「我的時代...

聽眾朋友逐家好，這集阿愷之聲Podcast「學姊你敢有閒」單元欲來講「無聊」這回事，到底生活佇彰化無聊欲按怎？敢講彰化若有百貨公司就袂無聊？ 這个時代的人親像攏足驚「無聊」，無聊就代表生活過了傷爽（太爽），無聊就愛趕緊揣代誌來做，無聊不如來去娛樂娛樂......但是，無聊敢有可能是「自我對話」的時間？無聊敢有可能會使發明方法來解除？無聊其實誠有力量、充滿可能性？ 本集節目欲延續阿愷之聲主張的 #無聊理論，共同主持...

聽眾朋友逐家好，本集阿愷之聲Podcast「台長時間」單元欲來分享到底一位Podcaster敢會聽Podcast？這問題的答案當然是「會」，到底台長會按怎聽Podcast？最後，來分享最近半年台長愛聽的節目！ ►Podcast推薦 〔臺語同業〕 亞特聊聊天、曼城里長辦公室、台灣人台灣事 〔新聞議題〕 不好意思請問一下、報導者The Real Story 〔藝術文化〕 誰來報樹、妮說book我說可、情熱韓半島 ► 節目相片｜台長佇時鐘工廠 ► 節目音樂｜鹿港新聲閣 ►...

歡迎收聽阿愷之聲Podcast「空中泡茶間」單元，這遍來空中泡茶的人客是鬥鬧熱走唱隊的吳易叡和呂長運，易叡目前是成大不分系的教授，長運是資深的外科醫生，兩位來賓攏佇彰化市大漢，後來受著日本時代彰化文學家賴和的影響，毋但攏做醫生，閣成立樂團，將賴和的詩寫成歌，四界走唱。 2005年鬥鬧熱走唱隊發表頭一張專輯《河－賴和音樂專輯》，受著朱約信《鵝媽媽出嫁》專輯將楊逵文學寫成歌的影響，當時佇臺灣文化界受著誠大的迴響。...

歡迎收聽阿愷之聲Podcast「空中泡茶間」單元，這遍來空中泡茶的人客是阮劇團的編劇吳明倫，伊帶一疊金紙（？）準備來空中燒，毋是，這是木馬文化今年出版的《阮劇團台語劇本集》！ 欲燒金紙進前，毋對，欲講劇本進前，阿愷真好奇明倫到底按怎同時發落小說和劇本？這位捌提著林榮三文學獎短篇小說頭獎的人，佇2022年出版短篇小說集《湊陣》，但伊真正的本事是寫劇本，2016年正式變成阮劇團的編劇。這遍出版的台語劇本集，包括經典劇...

歡迎收聽阿愷之聲Podcast「文學烏亂濺」單元，這集的特別來賓是逐家懷念的溪州阿倫，阮欲來講韓國作家金英夏的小說《光之帝國》！ 1968年出世佇南北韓交界的金英夏，大學時代經歷韓國民主化運動，對社會有誠深的關懷。1990年代開始寫小說，非常幼路的寫出發達資本主義當中人的處境，這本2006年發表的小說《光之帝國》，竟然有法度用二十四點鐘來講一段韓國的近代史？！ 用文學作品深度理解一个國家，當中竟然會使看著你我共同的處...

​聽眾朋友，阿愷之聲Podcasst竟然三週年囉，先來唱一首葉啟田的三年前的我（？！ 這集節目欲對報名2024年廣播金鐘獎講起，回顧這三年，製作阿愷之聲Podcast過程竟然親像咧問家己是誰？（who am i？）做節目就是一步一步揣著家己的聲音，後來透過空中放送的機緣，Podcast出現各種趣味的代誌，甚至有了2024年的重要計畫？！ 上重要的是感謝一路以來聽眾朋友的支持，莫講傷濟，咱直接來聽節目！ ►節目好看頭 • 竟然報名廣播金鐘獎？ •...

歡迎收聽阿愷之聲Podcast「洛津浪音樂」單元，這集節目的特別來賓是留美臺灣文學博士aka臺南市孔廟文化基金會CEO石牧民老師，阮準備踮臺南孔子廟講馬勒（Gustav Mahler）的交響曲！ 阿愷和石牧民老師是面冊（facebook）毋捌見面的朋友，這遍因為古典音樂，總算空中相會。阮對古典音樂按怎影響少年時陣，講到馬勒交響曲的版本比較，音樂就親像人生，按怎攏講袂完。 最後工商服務介紹石牧民老師2023年的新冊《台語解放記事：寫給台灣...

聽眾朋友，臺灣鼓王黃瑞豐老師來囉！ 這集阿愷之聲Podcast「洛津浪音樂」單元的來賓，是2020年金曲獎「特別貢獻獎」的黃瑞豐老師，1970年代開始，老師參與大量的流行歌錄音，對鄧麗君、鳳飛飛、文夏、江蕙、蘇芮、王傑到羅大佑等等算袂完，黃瑞豐老師等於咱臺灣的流行樂史，無人毋捌聽過伊的鼓聲，正港是傳奇的「臺灣鼓王」。 故事要對1960年代的高雄講起，當時黃瑞豐老師佇大樂隊內底作學徒（band boy），後來到臺中的美軍Club、...

歡迎收聽阿愷之聲Podcast「文學烏亂濺」單元，這集節目作伙講冊的來賓是溪州阿倫和秀水奕瑄，阮欲來講陳映真的短篇小說〈山路〉。 「故鄉人，勞動者......三頓飯，蕃薯籤......。」 「嫂，你咧唱啥？」 「無，袂使唱，袂使唱喔.....。」 「這是恁大兄佮我教的......。」 大部分的人知影陳映真可能是對1985年創刊的《人間》雜誌開始，延續現實主義（realism）的路線，陳映真關懷社會的方式除了辦雜誌也發表小說。佇八〇年代的臺灣，...

聽眾朋友逐家好，歡迎收聽阿愷之聲台長時間，這集欲來講一場文化事件，發生佇2017年的彰化高中......。 感謝彰化高中黃瑞琴老師的邀請，四月九號我來到母校講了一場叫做「地景、都市規劃與彰化記憶：從文化資產保存法看日常生活的文化實踐」的講座。首先，我分享人文地理學對的地景（landscape）觀念，一個所在（place）的意義是因為世世代代的生活事實，但是現代性按怎快速改變咱熟識的地景？透過早期台北市面對都市開發和文化資...

“伊是硩袂扁的玫瑰花，開佇烏暗的籠仔底，一蕊玫瑰一叢花......。” 聽眾朋友逐家好，歡迎收聽阿愷之聲Podcast「洛津浪音樂」單元，這集節目感謝目宿媒體 Fisfisa Media牽成，咱無惜重本請了金曲歌王朱約信aka朱頭皮來到節目空中，分享這套臺灣文學重要的開基專輯「三十鵝麗」！ 楊逵是誰？臺灣文學欲按怎唱成歌？ 這集節目欲介紹的這張現場專輯有夠傳奇，延續一九九三年佇臺灣大學的彼場「楊逵紀念音樂會」，三十年後的同一個時間...

聽眾朋友逐家好，歡迎收聽阿愷之聲Podcast「文學烏亂濺」單元，這集節目作伙講冊的來賓是溪州阿倫和秀水奕瑄，阮欲來講諾貝爾文學獎得主卡繆（Albert Camus）的劇本《正義者》。 大部分人對卡繆的印象可能攏是伊的小說，親像1942年的《異鄉人》抑是1947年的《鼠疫》，這本1949年完成的五幕劇《正義者》，2021年才正式佇臺灣翻譯出版。劇本改編真實事件，卡繆想欲透過故事探討反抗的意義是啥？咱世間上敢有正義？ 經典文學適合對照...

敢有可能，有一工咱發現，這个城市根本無需要咱？ 聽眾朋友逐家好，歡迎收聽阿愷之聲「文學烏亂濺」單元，本集節目的特別來賓是阿愷讀臺大城鄉所的好朋友王昱鈞，今年（2024）二月遠景出版社出版了昱鈞的詩集《反城市人》，阮準備欲來講這本新冊背後的創作故事。 一个出世佇臺中海線的囡仔，為啥來寫詩？「城市」是按怎變成創作題目？昱鈞對臺中、新竹後來到臺大城鄉所讀冊，伊好奇到底城市對咱人的意義是啥？無的確，顛倒來看城市...

聽眾朋友逐家好，本集阿愷之聲「空中泡茶間」邀請上下游媒體記者林吉洋和獨立創作者粘力元，阮欲來討論這幾年臺灣西海岸的地景大變動，現子時是大種電時代？！ 咱講的「能源轉型」通常是先進國家的課題，但按怎公正轉型？這是吉洋關心的代誌，伊透過報導臺灣西海岸鄉鎮的漁塭和田岸這幾年予光電板取代，來探討政策來到地方為啥變成這款模樣。獨立創作者力元對高雄美濃的菸葉調查開始，伊觀察著平常時經過的田竟然出現大量的光電板...

聽眾朋友逐家好，本集阿愷之聲「文學烏亂濺」單元欲來講一本德國作家aka諾貝爾文學獎得主赫曼赫塞的經典作品《流浪者之歌》，作伙來節目講冊的是鹿港學姊和溪洲阿倫，這本小說對阮各自的人生攏有誠特別的意義。 赫塞和印度真有緣，伊寫出這本改編佛陀求道的故事影響了全世界。臺灣上早的翻譯佇1981出版，彼當時赫塞的哲學根本是戒嚴時期文藝青年的一扇窗，咱咧講的經典文學就是每一个時代攏有法度影響一群讀者，所以這集節目阮欲閣...

聽眾朋友逐家好，這集阿愷之聲「空中泡茶間」單元欲來討論一个對福興人來講足敏感的問題：咱到底是佗位人？鹿港福興真正分袂清？ 節目的特別來賓，真歡喜邀請到福興鄉親aka影像工作者陳君宥，君宥本身福興出世、台中成長，後來到嘉義民雄讀大學，伊的自我認同竟然對鏡頭開始。本集節目咱就來討論「福興問題」，閣有君宥行佇影像創作這條路的風景，緊來收聽！ ►節目好看頭 • 福興人按怎介紹家己？ • 福興人來到鹿港，和彰化人來到台...

聽眾朋友逐家新年快樂，節目放送時間是舊曆正月初十，對鹿港人來講過年已經結束，囡仔人轉去學校上課，大人開工上班，一切回歸日常生活。但是恁敢會感覺，本來應當是歇睏的過年時，為啥放假完定定攏感覺 “誠忝（thiam/累）”？？ 這集「台長時間」單元，愈來分享台長過年咧創啥，到底鹿港人過年為啥攏相招去看觀光客？面對過年親戚五十食飯泡茶有可能問的問題，咱用啥款心態面對？最後，過年期間，台長竟然佇threads熟識一群愛聽古...