囡仔囡仔來聽古

😸😸😸 故事有啥物，佇遮聽斟酌 搭橋冊《野貓軍團佮金色魔法師》中，一陣激骨的野貓開始意外的冒險。佇咱的山林內底，嘛蹛有臺灣現存的原生貓科動物—— 石虎！強欲絕種，特別珍貴的石虎， 佮一般咱巷仔內的貓仔有啥物無仝？恁敢知石虎的名，可能閣佮「苗栗」的地名有關係？鬥陣來聽好冊，閣認捌這个神祕閣美麗的淺山精靈！ 01:10 ⮕ 苑芳阿媽講搭橋冊《野貓軍團佮金色魔法師》 6:48 ⮕ 小花阿兄想起家己捌佇今仔失去視力時...

🍎 故事有啥物，佇遮聽斟酌 佇搭橋冊《送你一粒蘋果》（《送你一顆蘋果》）內底，主角小玲足受氣，氣甲欲用石頭掔(khian)烏鴉！予人想著佇咱生活中，烏鴉四常無受人歡迎，甚至有人會用「烏鴉喙」來講彼款見講出喙就歹吉兆的人。是講你敢知影？佇傳說裡，烏鴉佮鴟鴞捌是誠好的朋友，伊的羽毛本底嘛毋是烏色的喔！到底發生啥物驚天動地的大代誌，才予烏鴉變做規身軀烏趖趖咧？咱耳仔開開，鬥陣聽好冊，聽烏鴉的「烏白」傳說乎！ 01:2...

🤥🤥 故事有啥物，佇遮聽斟酌 搭橋冊《失禮，我毋是刁意故的》（《對不起，我不是故意的》）共咱講，有時仔會無細膩講白賊。不二過佇咧臺灣民間故事內底，煞有一个有夠𠢕講白賊的大王——號做 白賊七！伊靠一支喙，共痟貪的員外騙甲戇戇踅。有想欲知影講伊按怎「賣神羊」、「 變出神鼎」無？做伙來聽今仔日的好冊，閣有白賊七這个傳奇講白賊大王的故事！ 01:18 ⮕ 苑芳阿媽講搭橋冊《失禮，我毋是刁意故的》 05:50 ⮕&n...

🏆 🇹🇼 故事有啥物，佇遮聽斟酌 欸？佇橋樑書《電子鍋參加運動會》電子鍋想欲去參加運動會！運動會真趣味，若是盲人，嘛會當參加運動會？這集來聽愛運動的小花阿兄，失去視力了後，是按怎佮盲人朋友做伙運動的，嘛欲佮逐家介紹一位咱臺灣真厲害的盲人選手：洪國展，伊到世界各國去參賽，有日本金澤、澳洲的黃金海岸、英國的倫敦、立陶宛、美國的波士頓、舊金山等等，逐擺伊攏披著國旗迒過終點線，予世間人看見盲人，嘛予世界看見台...

🦒  故事有啥物，佇遮聽斟酌 佇搭橋冊《麒麟鹿先生，請上車》（《長頸鹿先生，請上車》）內底，麒麟鹿先生頷頸真長，干焦為著欲坐公車就誠傷透腦筋啊！猶毋過你敢知影，麒麟鹿的頷頸毋是自以早就遐長呢！這一集，除了臺灣麒麟鹿的「長短代」，閣欲共恁講，佇當年臺北動物園的麒麟鹿，是按怎克服萬難才通「入厝」的故事。 01:50 ⮕ 苑芳阿媽講搭橋冊《麒麟鹿先生，請上車》 05:10 ⮕ 小花阿兄提起盲人坐公車...

🌀🌀🌀 故事有啥物，佇遮聽斟酌 佇搭橋冊《掠古奇風颱》（《捉拿古奇颱風》）內底，風颱來甲雄閣大。臺灣是佇太平洋，四面攏是海，夏秋兩季風颱嘛是特別濟，定定帶來強風大水雨。咱的離島金門，有一个超級厲害的大風守護者—— 風獅爺！風獅爺是按怎來的？是按怎伊大喙開開？做伙來聽風獅爺是按怎對抗大海怪，成做金門小島上威風的守護神！ 01:12 ⮕ 苑芳阿媽講搭橋冊《掠古奇風颱》 05:54 ⮕ 盲人小花阿兄的經驗分享 0...

👻 故事有啥物，佇遮聽斟酌 歇熱矣，妖怪嘛愛放假矣。來看覓佇《妖怪旅館歇熱》（《妖怪旅館放暑假》）這本搭橋冊內底，妖怪是按怎度過亻因的暑假！全世界攏有妖魔鬼怪，這集原仔欲𤆬逐家熟似咱臺灣的一種「魔神仔」：原住民巴賽族傳說的狡怪妖怪——山蛸。神秘的妖怪代，做伙來收聽！ 01:26 ⮕ 苑芳阿媽講搭橋冊《妖怪旅館歇熱》 05:02 ⮕ 小花阿兄講起家己青盲了後的行路經驗 07:28 ⮕ 臺灣妖怪的故事...

💨 故事有啥物，佇遮聽斟酌 噗——噗—— 讀完搭橋冊《深夜的放屁大賽》，你會發現放屁雖然有淡薄仔歹勢歹勢，顛倒是身體健康的證明喔！你可能嘛毋知影，蛇竟然嘛會放屁！而且佇咱臺灣古早的傳說內底，閣有人靠賣芳芳的屁來趁大錢？這集的故事有滿滿的特殊氣味，緊做伙來聽這佮「放屁」有關係的奇聞心適代！ 00:38 ⮕ 苑芳阿媽講搭橋冊《深夜的放屁大賽》 04:27 ⮕ 噗噗噗的「放屁」代：蛇其實會放屁？ 05:44 ⮕ 臺灣民間傳說內底，有人佇...

🌉  故事有啥物，佇遮聽斟酌 親像佇搭橋冊《吊橋搖啊搖》仝款，行佇搖搖掣掣的吊橋頂懸，敢是刺激閣好耍咧？你敢知影臺灣上長的單跨距吊橋佇佗位？伊毋但有夠長、閣有夠懸的，橋頂閣有布農族的神聖動物—— 百步蛇的圖樣！緊來聽這座壯觀的吊橋，佮布農族精彩的百步蛇傳說！ 00:34 ⮕ 苑芳阿媽講搭橋冊《吊橋搖啊搖》 05:52 ⮕ 臺灣上長的單軌距吊橋 08:12 ⮕ 臺灣原住民布農族佮百步蛇的傳說 12:00 ⮕ 啥物問題想看覓 📚 【展影像&...

🦊 故事有啥物，佇遮聽斟酌 佇搭橋冊《黃色水桶》內底，細隻狐狸等黃色水桶的主人等足久的！囡仔兄囡仔姊你敢有想過，咱臺灣敢真正有野生的狐狸？這一集，咱就對這本古錐的搭橋冊出發，做伙來探索臺灣的山林，揣看敢有臺灣神秘的原生狐狸，而且聽看動物佮植物之間互相鬥相共的趣味故事喔！ 00:30 ⮕ 苑芳阿媽講搭橋冊《黃色水桶》 04:05 ⮕ 咱臺灣敢有原生的狐狸？ 04:57 ⮕ 臺灣原住民的狐狸傳說 08:39 ⮕ 啥物問題想看覓 📚 【展影像...

嘿，小朋友！你毋知影的臺灣大細項代誌，予「囡仔囡仔來聽古」講予你聽／知！ 予咱用一本閣一本趣味的『 橋樑書』做鎖匙，拍開行向臺灣的大門！對山林內神祕的魔神仔、海邊展威風的風獅爺，到臺灣特有種石虎的生態，甚至是家家戶戶咧用的大同電鍋的發明故事……阮欲𤆬恁上山落海，軁過時間的磅空，挖出藏佇生活內底，彼寡心適閣新奇的在地代誌。 ● 逐禮拜五更新一集，緊『 訂閱』起來莫落勾去！ ● 10集節目每一个主題，攏是一場充滿...