PLANET FM

"Osloda şəhərə çıxarkən yanınızda mütləq çətir olsun".  Fyordları, rəngarəng tarixi evləri və möhtəşəm təbiəti ilə tanınan Bergen dünyanın ən gözəl liman şəhərlərindən biri hesab olunur. Qonağımız səyahətçi Gülgün Ənvərli idi.

"Azərbaycanda arxeologiyanın beşiyi Qarabağdır". "İnsanlar yaşadıqları dövrdə mədəni irs yaradırlar, ona görə də bu irsə olduqca həssas yanaşmaq lazımdır". "Arxeologiyada hansı texnoloji yeniliklərdən istifadə olunur?"  Prezident mükafatına layiq görülən gənc arxeoloq Mircavid Ağalarov qonağımız idi.

"Qırğızıstan mətbəxi özünəməxsusluğu ilə fərqlənir". "Yurtanın qapısı hər zaman şərqə tərəf açılır". "Qırğızıstandan tranzit ölkə kimi də istifadə edə bilərsiniz".  Qonağımız səyahətsevər Əsmər Bağırovadır.

“Çin dilində sözlərin mənası vurğuya görə dəyişir”. Çinə gedən şəxs üçün hansı səviyyədə dil biliyi vacibdir? Çin ədəbiyyatı: Min illərlə yaşı olan zəngin mədəni miras. Çin mədəniyyəti və həyat tərzi: Qədim ənənələrlə müasir həyatın vəhdəti. Qonağımız Çin dilinin tədrisi üzrə mütəxəssis Eltac Həsənovdur.

"Planeti kəşf edək" rubrikasının qonağı səyahətçi Sona Abdulova oldu. -"Mərakeşin dar küçələrində sizə bələdçilik təklif etsələr qəbul etməyin".  -"Bura bir neçə mədəniyyətin vəhdətidir." -"Mərakeşin bazarlarında qiymət danışmaq adəti var, ona görə də alış-veriş zamanı ilk deyilən qiymətlə razılaşmayın". -Bu ölkəyə uyğun büdcə ilə səyahət etmək üçün nə etməliyik?

“Zaman Maşını” verilişinin növbəti buraxılışında baytar həkim Rəşad Hüseynov qonaq oldu. Ev heyvanlarına düzgün qulluq, onların yay aylarında baxımı, itlərin gündə neçə dəfə gəzdirilməsi və pişiklərin davranış xüsusiyyətləri barədə danışdıq.

"İspanların "siestasını" bölmək olmaz".  “Fransanın kafe-restoranlarında menyu əksərən milli mətbəxə aiddir”.  "İtalyan mətbəxi söyləndiyi qədər möhtəşəmdir!" Qonağımız qida bloqeri İnci Həsənzadə idi.

“İslandiyada ani hava dəyişkənliyinə hazır olmalısınız”. “Vulkanlar ölkəsinə sadəcə qeyzerləri görmək üçün belə getməyə dəyər”. Qonağımız səyahətçi Seymur Mehtiyevdir.

“Zaman Maşını” verilişinin növbəti qonağı Peşə Təhsili üzrə Dövlət Agentliyinin Peşə təhsilinin keyfiyyətinə nəzarət şöbəsinin müdiri Kənan Həsənli oldu. Bu buraxılışda peşə təhsilinin üstünlükləri, ixtisas seçimi prossesindən, kolleclərlə fərqləri, müraciət qaydaları və digər aktual suallara aydınlıq gətirdik.  Peşə təhsili ilə maraqlanan hər kəs üçün faydalı və maarifləndirici söhbət oldu!

“Sinqapurun hər küçəsi müasir şəhərsalmanın nümunəsidir”. “Bura dünyanın ən bahalı şəhərlərindən biridir”.  “Dünyadakı ən yaxşı əyləncə parkları bu ölkədədir”. Bu gün Baku Elektro Səhər Şousunda istiqamət Sinqapur idi.

"Bu buraxılışda riyaziyyatın humanitar və dəqiq sahələrdəki əhəmiyyəti, şagirdlərin məntiqi düşüncə və problem həll etmə bacarıqlarına təsiri, IQ səviyyəsi ilə əlaqəsi, eləcə də Pifaqor teoremi kimi mövzuların gündəlik həyatda real tətbiqləri barədə riyaziyyat müəllimi Mehman Məmmədovla ətraflı danışdıq”.

“Zaman Maşını” verilişinin növbəti buraxılışına Təmiz Şəhər ASC-nin İctimaiyyətlə əlaqələr şöbəsinin müdiri Orxan Cabbarlı qonaq oldu. Onunla tullantıların düzgün çeşidlənməsi, yaşıl iqtisadiyyat, plastik tullantıların enerji mənbəyinə çevrilməsi məsələlərindən danışdıq.

“Bu ölkəyə yayda getməyin".  “Kafelərdə pulsuz Wi-Fi yoxdur”.  “Buradakı balıq bazarında suşi yemədən qayıtmayın!”  “Yaponiyada restoranlarda əvvəlcə yeməyin maketini göstərirlər".  Qonağımız səyahətçi Aysel Ağayevadır.

“Zaman Maşını” verilişinin növbəti buraxılışına klinik psixoloq Rövşən Nəcəfov qonaq oldu. Psixoloji narahatlıqların səbəbləri, uşaqlıq travmaları və sosial medianın insan psixologiyasına təsiri barədə danışdıq.

“Zaman Maşını” verilişinin növbəti buraxılışına ETSN yanında Bioloji Müxtəlifliyin Qorunması Xidmətinin rəis müavini Arzu Babayeva qonaq oldu. O, milli parkların yaradılması, oradakı heyvanların müşahidəsi və park ziyarətçiləri üçün qaydalar barədə maraqlı məlumatlar verdi.

Bu gün “Zaman Maşını” verilişinin növbəti buraxılışında herpetoloq Anar Cəfərov qonaq oldu. O, ilanların yaşayış yerlərindən tutmuş onların davranış xüsusiyyətlərinə, zəhərli və zəhərsiz ilanların fərqlərinə qədər maraqlı məlumatlar paylaşıb. Bundan əlavə, ilanların insan həyatındakı rolu və ilan sancması halında ilk yardım qaydaları müzakirə edilib.

Bu dəfə "Zaman Maşını" verilişinin qonağı sosioloq Yusif Nəbiyev oldu. Onunla müasir texnologiyaların uşaqların gündəlik davranışlarına təsirindən, sosial məsuliyyət mövzusundan, cəmiyyətin fərdiləşməsi məsələsindən və modern təhsildəki problemlərdən danışdıq.

Bu dəfə "Zaman Maşını" verilişinə sağlam qidalanma mütəxəssisi və ekofəal Məhsəti Hüseynova qonaq oldu. O, sağlam qidalanmanın çətin olmadığından, səhər yeməyinin önəmindən və aralıqlı aclığın faydalarından danışdı. Əlavə olaraq, qlüten və laktoza həssaslığı mövzuları ilə bağlı fikirlərini də bölüşdü.

“İngilis dili biliyi bu ölkədə ünsiyyət üçün kifayət etmir". Çinlə Azərbaycanın işgüzar mədəniyyətləri arasında hansı fərqlər var?  “Şanxayda tanışlıq parkı var”.  "Çində dələduzluq demək olar yoxdur". “Bu ölkədə hər kəs çox səbirlidir”  Qonağımız səyahətçi Həsən Məmmədovdur.

“Zaman Maşını” verilişinin növbəti buraxılışının qonağı ətraf mühit məsələləri üzrə ekspert Rövşən Abbasov oldu. Bu buraxılışda yaşıl enerjinin təbiətə müsbət təsiri, onun istehsalı zamanı yaranan tullantılar və utilizasiya imkanları ilə bağlı maraqlı fikirlər səsləndirildi.

Vyetnamda nə yeyək? Vyetnamda küçə yeməklərinə niyə bu qədər çox tələb var? Kambocanın hansı şəhərlərini gəzməliyik? Bu ölkəni kəşf etmək üçün neçə gün lazımdır? Qonağımız səyahətçi Jalə Ələkbərovadır.

“Vəhşi təbiətin ən yaxşı qorunduğu yer Tanzaniyadır”  “Serengitidə zebra belə təhlükəlidir”  “Madaqaskara təyyarə bileti 2700 dollardır”  Bu adada turistləri hansı çətinliklər gözləyir?  Ada əhalisinin inancı nədir?  Qonağımız Səyahətçi Elşən İsmayılovdur.

Bu gün “Zaman Maşını” verilişində biologiya üzrə fəlsəfə doktoru, dosent Yusif Zeynalovla 5 İyun Ümumdünya Ətraf Mühit günü münasibətilə təbiəti qorumağın əhəmiyyəti, bitkilərin ətraf mühitdə rolu və onların insan sağlamlığı üçün vacibliyi mövzusunda maraqlı söhbət etdik.

Qonağımız WWF-in Azərbaycan ofisinin direktoru Elşad Əsgərov oldu. Bu söhbətimizdə onunla ətraf mühit problemlərini, WWF-in missiyasını, qar bəbirinin həyatını və kamuflyaj istifadə etmə səbəblərini müzakirə etdik. Bununla yanaşı, iqlim dəyişikliyinə antropogen təsirlərdən danışdıq.

“Zaman Maşını” verilişinin növbəti buraxılışının qonağı hidroloq Amin Məmmədov oldu. Su ehtiyatlarının düzgün istifadəsi, iqlim dəyişikliklərinin təsiri və Xəzər dənizinin səviyyəsinin azalması kimi vacib mövzulara toxunduq.