Paristòrias noas

Chini at a bivi in sa bidda de Unu? Ita at a incapitai a is duus amigus Nord e Sud? Ita totu cumbinant in sa citadi Fundadusu? Si ddu contant custas tre paristorias diferentis.

Una citadi aundi no bivit genti ma is nòminis. Sceti is nòminis: cussus de is cosas, de is bèstias e de is personas. Ma una dii in su ufìciu de su Taddinanta si presentat una dii Massimiliano Sebastiano Maria Cuccureddu Settembrini po unu chèsciu...

Duus fradis befianus e brullanus chi si faint sa guerra de si fai a timi s’unu cun s’àteru. Chini at a binci? Mirko su prus giovuneddu o Crabieli su matucu?  Chini at a fai atzicai a chini?

Nc’est chini ddu narat Pholcus Phalangioides e chini Maria Farranca, ma su nòmini suu fiat Gnagno, chi una dii si fiat agatau unu logu trancuillu po ddoi bivi. Ma unus cantu mesis avatu aicitrancuilliu no fiat prus…

François su maist’e pannu una dii si fiat agatau a depi fai unu traballu po su Rei de sa Francia imperendi sa mellus seda chi mai si fessit agatau in is manus. Ita ndi iat bogau de cussa prenda?

Cantat ca ti passat… narat su dìciu. LPJ boliat fai su cantanti… ma nci funt calidadis diferentis de cantantis: is chi cantant sa lirica, cussus a tenore e cussus de sa mùsica pop… e fintzas is chi ddis praxit a tzerriai. Is cantantis Rock!

A bortas no cumprendeus cu chi is àterus si narant poita seus pensendi a àteru. E intzanduscumprendeus allu po cibudda. Ma candu unu est unu sconcau professionista cumenti a Aricardu is cosas si faint beni beni atropelliadas.

“Labai su Lupu! Labai su Lupu!” naràt su pastori giovunu de su contu de Esopo. Custu est su contu chi su babbu de Edoardo ddi iat lìgiu cussu merì. E poita pròpiu cussu? Eh… dd’eus a intendi in custu contu.

Maistu Bissenti una dii nci iat pèrdiu unu pagu sa boxi. Su de no si podi fai intendi beni dd’iat fatu a cumprendi unu àteru problemeddu de Maria.

Tomasu fiat s’amigu fidali de Jimmy e candu una dii dd’at a contai de s’animaleddu cosa sua chi ddi nant Alex… calincuna cosa at a cambiai intra de issus. At a essi in mellus o in peus?

Una scuadra de cuàturu coloris indìnnius chi no nci dda faint a no certai e chi ant a furriai murrutotu su mundu. Chini at a fai torrai su sentidu a cussus cuàturu e su spantu de is coloris a su postuinsoru?

Acabada sa scola Luca si biiat giai inpitzus de su surf a giriotai in mesu de is undas. Ma su babbu e sa mama dd’ant scambillau is cartas! Nci dd’at a fai a imparai e imperai sa taula?

Samantha est una pipia chi chistionat pagu e chi tenit pagus amigas. Chentz’e ddu sciri ma aintrutenit unu Universu de contai: fatu de steddus, pianetas e amigàntzia. Ita dd’at agiudai a nci arrannesci a donai boxi a cussu spantu?

Unu scrafajoni de una bellesa spantosa chi s’agatat a brigai cun bèstias mannas, malas e perigulosas: is òminis chi ndi ddi bolint pigai domu sua. Cumenti si ndi at a scabulli de cussus tzerpius?

Sa Jungla est unu cuncertu de boxis de milla e milla bèstias… una Babele cumenti si spetat. Candu Alena sa Liona at a donai s’òrdini a dònnia animali de amostai sa boxi sua… po Lillu su cocodrilluat a incumentzai su trumentu.

Ilaria po annus at biu una fotografia in domu de is ajajus: unu musicista Punk-Rock a ghitarra a coddu. Candu at a scoberri chini fiat cussu piciocu a pilus longus in su palcu… at incumentzai su cuncertu de su contu!

Duus fradis gemellus, unu cani, unu pisitu, unu caboni e unu burricu ponint a pari unu circumachillotu. Ant a bidi pesau su bisu de una vida de andai in giru po su mundu?  

Unu prèsidi de scola cun duus mustatzus nieddus nieddus e de spètzia no tropu bona. Ita si cuatapalas de cussu òmini seriosu? Est abarrada calincuna cosa de su pipiu allirgu e befianu chi fiat stètiu?

“De aundi ses?” Candu a Karima ddi faint po sa prima borta custa pregunta arrespundit a lestru a lestru: “Deu seu de su mundu”. E candu sa pròpiu pregunta dd’at a fai issa a su babbu at a scoberriunu mundu nou…

Nico est unu mantiniconi: unu Orangotango. Bivit a solu in sa Jungla e no pensat a àteru che a baddai e a papai, ma unu mengianu calincunu e calincuna cosa ndi dd’ant scidau de su grandu sonnu…