OSEMSAMO LIMPHOSA EMNYANGO

UKanabo into ebekade ahlose ukuyenza ngepahla ka Mandla no Badanile ibhalile. Yaka Stapura no Badanile iyokuphelela kuphi?

UKosabo imphethe kumbi indaba yokuhlongakala kuka bab Gembe. Usola uyise nomanakhe ngokumalela bona anikele ngeso yakhe

Kazi uMandla uzokuphepha ejele njengombana uStapura afuna ukumsebenzisa ukufikelela kuBadanile?

Ingakgani ukubetjhwa kuka Mandla ejele kuzokwenza uBadanile bona asebenzisana no Stapura?

Ukujanyiswa kuka Toploss emrhatjhweni kuzombangela bona abuyele endleleni zakhe zakade njengombana uStapura afuna ukusebenza naye nje? Kazi uMasango uyokwamukela nini ukuthi uSithole uzokufumana ingcenye yelifa likaKosabo njengombana bahlukana 

Kazi uKosabo ubudlelwana bakhe nobabakhe busazokulunga njengombana abasola ngokuhlongakala kuka bab Gembe? Kubonakala ngasuthi uBadanile a ngenza nanyana yina ukuvikela umuntu amthandako

Kazi kwenzekani ngo Dzubhana sekabhalelwa kukwenza umsebenzi wakhe nje? UDliwa yini? NakunguSithole yena, uzimisele ngokufumana ingcenye yepahla evela uKosabo.

Ukujanyiswa kuka Toploss emrhatjhweni ngasuthi kutjharahanisa izinto, Indaba ekulu lihlelo lokuhlonipha ubabuGembe leli uKanabo angakathabi ngalo.

UMandla wenza nanyana yini ukuthi abe nevikeleko ejele nanyana lokho kufaka uBadanile emrarweni. UKosabo yena uhlanganaphi nokufundwa kwencwadi yeemfiso zika bab Gembe?

Nango ke uKosabo ngemuva kwelifa lika bab Gembe, ingakgani ziimfundiso zika Sithole? Ithando lenza uBadanile enze nanyana yini nanyana aphambana nomthetho. Akhe sibone ukuthi uyokuphelelaphi.

UKosabo uhlezi amalangana ngaphambi kokuhlongakala kuka bab Gembe, kodwana kunesifiso sokobana uthathe uBukhosi beMsukanyoni? Kanti ubab Gembe baphi abantwana bakhe na? Ihlonipho ka Kosabo yona ke yatjhingaphi nakangezwa uyise kangaka nje?

Nokho uKosabo wenza isono ngoyise. Umgidisa ngenyawo linye, akasabazi nobuthongo. Nakungu Stapura yena kazi uzifunelani iingidi ezinengi kangaka,zamapholisa nokwenza.

Kuyabonakala bona uMasango angeze ayamukela Indaba ka Toploss no Namalobola,kancani Kancani uyayivusa. Kanti uDzubhana yena wenza njani, namhlanje uqothisa UToploss emsebenzini, ksasa godu nguye ofuna isizo lika Toploss

Awa kutjho khona bona uToploss unehliziyo ehle ngombana nangu uyelelisa uDzubhana nangemva kobana ajanyiswe emsebenzini ngebanga lakhe. USithole ufisela uKosabo itjhudu mbala, nanyana yindlela yakhe yokumngena ngombana ezwe ngelifa lakwaGembe?

UBadanile ubuza umbuzo oqakathekileko, uStapura uzosifeza isithembiso sakhe sokuvikela uMandla ? Njengombana uToploss atjho nje bona into ekufuze bayenze le inobungozi, uzokuragela phambili nabo Gumba Gumba na?

Kazi yini engaka ngaka le UGumbagumba afuna ukuyikhuluma emrhatjhweni? UNamalobola ngathana khewalalela UBikwaphi ngathana iinkoloyi zakhe zisesekhona. Njenganje ulapha ngombana ubeke imali phambili

UBikwaphi ulingile ukuvimba into eyenzeke erengeni, kodwana uNomalobola waqinisa ihloko. Ingakgani uqinisile UBikwaphi nakathi uToploss akakathunjwa mbala, kodwana liqhinga lakhe nalo leli?

Kazi kuba yini uGumbas atjhisa uStapura? Khona ke unesqiniseko esingangani bona lakhe ibizo angeze lavezwa? Kwamenza ukuthanda imali uToploss. Ingakgani ukuthunjwa kwakhe kuzokuveza iqiniso ngokubandakanyeka kwakhe endabeni yamataxi?

UNamalobola uzifunela imali, akayizwa nento ekhulunywa nguBikwaphi. Asithembe bona angeze azisola. Kazi uBadanile uzokuphuma njani entweni yaboStapura azifake kiyo le?

USithole no Kosabo ngasuthi bazokubuyisela uMasango esbhedlela ngestroke godu. UBikwaphi yena ngasuthi uzokuba nomraro ngombana ufuna ukuthikazisa amaqhinga wabo Gumbagumba. 

Kazi uKosabo umhlangano awufuna noyise noSithole uzokukhamba njani nabayinja nomqasa kangaka. Kuyatjho bona uToploss lo angenza nanyana yini ukuthi afumane imali, akaqabangeli nesthandwa sakhe.

Awa kuyatjengisa bona uKosabo uyazisola begodu ukhulile ngombana nangu ufuna ukubuyisela ingcenye yelifa lakhe kuyise. Kazi uMasango uzamlibalela uSithole ngemuva kwakho koke akwenzileko?

UGumbagumba ulunge mbala nanyana uNcema utjho njalo ngombana ufuna isizo? UBikwaphi akayizwisisi indaba especial kodwana uNamalobola yena ke uzifunela imali kwaphela

Njengombana uBadanile sekalazi iqiniso ngoMandla nje, uzokwenzani? Ingakgani uzokuragela phambili nokubeka ithando phambili na? UToploss nango ke athengisela isthandwa sakhe ibhisinisi lamala ngesibanga semali.

Kuhle ukuzwa uKosabo akghona ukuhlala noyise bakhulume ngelanga eliqakatheke kangaka emlandwini we Sewula Afrika. UBadanile njengombana a bona ukuthi izinto azenzako azikalungi kuba yini aragela phambili.