OSEMSAMO LIMPHOSA EMNYANGO

Kazi ukukhitjhwa kuka Sithole ejele kutjho ukuthini kuMasango? Ngasuthi uBikwaphi uzibangele imiraro ngokubuza uToploss bona ufuna malini.

Ingakghani uMandla uqinisile nakathi uKanabo kukhona angakwenza bona aphume ejele? UBikwaphi nakazaziko bona umsulwa kubayini afuna ukufumbathisa uToploss? 

Kanti kubayini uKosabo no Phephe banomraro ngokufuna uthatha kuka Masango? UDzubhana yena sekafuna ukuplana  ini ke noGumbas kwanje nakangathembeki kangaka UGumbagumba?  

UToploss ubonakala  azokwenza nanyana yini ukuzivikela nanyana lokho kuzokufaka UBikwaphi emrarweni. Kazi uBadanile utlhale uMandla mbala nofana ukhulunyiswa kukwata?  

UMasango zakhe azipheli akhuzi, nje kazi sekwenzekani ngomma uNakabini nakangenela izinto zabantu aziphula nje? Nangu uBadanile athatha iinqundo ebegade asaba ukuzithatha ngo Mandla, ingakgani uNcema ubenomthelela kilokhu?  

Yazi kuyakarisa ukuzwa UBikwaphi ahleka kamnandi nonina ngesipho amthengele sona ukugidinga ilanga labomma. Kubonakala ngasuthi uGumbas uyifumene into ebegade ayifuna emphakathini ngokukhuluma emrhatjhweni  

UNamalobola qinisile nakathi uDzubhana akakazithwali, nanyana ukhulunyiswa yihliziyo ebuhlungu? UDzubhana kazi yena uhloseni ngokuthi uzithwele kodwana angkazithwali?

Indaba ekulu siselukaniso esifunwa nguTjhudu, nokuthatha isithembu kuka Bikwaphi. Khona ke, kutjho ukuthini uyise lika Ncema uSibanyoni nakangafuni umntwanakhe athathwe isithembu?

uNcema uzokuragela phambili nokuthathwa indlu yesibili nanyana uyise angafuni nje? uBikwaphi yena kuba yini angafuni ukutlikitla amaphepha wesahlukaniso akwazi ukuthatha uNcema kuhle ngombana onina uPhephe akafuni uTjhudu?

USithole bewaphaphama esibhedlela. Ingarhani uKosabo uyokuphelela kuphi ngokungazwani noyise uMasango ngonobangela wobudlelwana bakhe no Sithole?

Kazi uTjhudu uyokuphelela kuphi ngokufuna ukucima uNcema, njengombana uGumbagumba engafuni ukumenzela umsebenzi nje? UMasango akayizwisisi indaba yokutjhada kuka Kosabo no Sithole

UNcema ufuna ukwenda indlu yesibili ku Bikwaphi, akabezwa nababelethi bakhe nabamkhalimako. Wenzela uMusi ngombana atjho nje, nofana uzenzela yena njengombana athanda uBikwaphi? Kazi ngathana uKosabo akhange afike, uMasango bekazokubulala uSithole mbala?

Indaba yakaNcema yokufuna ukungena isithenjini iphethe uSibanyoni kabuhlungu khulu. Indoda ayilili mbala na? UBadanile nangu aziphosela emarhabheni, kazi uyokuphelelaphi ngombana utjwala aburarululi imiraro anayo.

Phezu kwemiraro aqalene nayo uBadanile, ufuna ukuyingezelela ngokwenza ingozi ngombana atjhayela arhamule utjwala. UKosabo uyokuphelelaphi njengombana uMasango angasamfuni kwaMasango nje? UMasango ukhulunyiswa yihliziyo ebuhlungu nakathi uKosabo akasese yindodana yakhe?

UNcema akasafuni ukungena esithenjini, kazi  utjhugululwe yini umnkhumbulo ngombana usathanda uBikwaphi? Ikosi uMasango izimisele khulu ngokuthi indodana yakhe uKosabo ikhambe endaweni ebuswa nguye nonobangela yokobana uthandana nabantu bobulili obufanako.

UTjhudu uqinisile nakathi akasafuni ukubulala uNcema? Begodu kubayini afuna ukuragela phambili nesehlukaniso nanyana uNcema ahlukene nobabakwakhe uBikwaphi nje?

Kazi uKanabo uhlose ukwenzani ngokufuna bona ipahla ka Mandla no Badanile zibhaliswe ngaphasi kwebizo lakhe? UTjhudu uzomlibalela na uBikwaphi?

Akubonakali uMasango azokwamukela uToploss njengesokana lika Namalobolo, nombana kancani kancani ukhuluma ngendaba le. UKosabo yena uyephi? Ngapha uBikwaphi naye ngapha indaba yesehlukaniso, imusa phasi Phezulu.

Laphela njalo ke ithando phakathi kuka Sithole no Kosabo. Kazi uKosabo yena uzosamukela na isehlukaniso? UBikwaphi kubayini aphethe isgidi? Kazi kudumuzeke ubani?

UBikwaphi upheze wenza ingozi, kazi bekahlose ini ngokuphatha isgidi. Ingakgani lokhu kuzokwenza uTjhudu bona angasaragela phambili ngesehlukaniso?

Kubonakala ngasuthi ukuphatha isgidi kuka Bikwaphi, kumsebenzele ngombana nangu unakwakhe umlibalele.

Ipi kaKosabo noyise uMasango iyokuphelelaphi? Ihlonipho kaKosabo yona iphelele kuphi nakaphendulana noyise kangaka nje?

UToploss noDzubhana balwa ngasuthi bebangasimamathe nelimi. Kazi Mtjhikatjhika wani uGumbagumba afuna ukufaka uToploss kiwo lo?

Kazi baphi abantwana baka bab Gembe njegombana uKosabo sekakhamba phambili nje afuna nokunikela ngeso nanyana uyise angafuni nje?.

Kazi uBadanile uzoyivuma ukwenza into efunwa nguStapura le? uToploss uzokwenzani iinyanga ajanyiswe ngazo emrhatjhweni?