NASA 逐工一幅天文圖 APOD Taigi

正爿彼个光點是 太陽系 內底上大粒 ê 石頭。伊是比咱所有知影 ê 小行星、衛星、kah 彗核 閣較大粒。伊嘛比 咱太陽系內底所有 ê 岩石行星 閣較大。這粒石頭大甲伊 ê 重力會當 kā 伊家己搝做一粒球，而且會當 kā 較重 ê 氣體搝 tiàm 伊 ê 表面。（伊以前是 咱所知影上大粒 ê 岩石行星。毋過 最近咱有揣著 足濟粒 踅別粒恆星咧行 ê 閣較大粒、實密 ê 行星。）這張 叫做「藍色光點」ê 相片是 航海家 1 號太空船 tī 1990 年代 ùi 外 太...

彗星 2022 E3 (ZTF 彗星) 是天文學家 tī 今年三月初 ê 時陣，利用 Zwicky Transient Facility (ZTF) 望遠鏡 ê 闊幅巡天 kha-mé-lah 揣著--ê。了後，這粒新揣著 ê 長週期彗星 煞變甲愈來愈光。伊這馬會 tī 天欲光進前，tiàm 北天 ê 北冕座出現。毋過伊這馬猶傷暗，若是無用天文望遠鏡就看袂著。這張 12 月 19 翕--ê 詳細 ê 望遠鏡影像，有看著 彗星 較光 ê 青色彗鬚、較短毋過較闊 ê 塗粉尾溜、kah 較長毋過較暗 ê 離子尾溜，迒過天...

Charles Messier tī 伊 18 世紀編 ê 星雲星團 總表內底，kā 第 88 个天體當做是無恆星 ê 捲螺仔星雲。是講咱 這馬已經知影 這个 華麗 ê M88 是一个內底攏是恆星、氣體、塗粉 ê 星系，kah 咱 ê 銀河無啥物無仝。實際上，M88 是 室女座星系團 上光 ê 星系，離 咱有 5000 萬光年遠。咱會當 ùi 這張 清楚 ê 宇宙肖像 內底，真簡單就揣著 M88 美麗 ê 捲螺仔手骨。捲螺仔手骨 面頂有 少年 ê 藍色 星團、粉紅仔色 ê 恆星形成區、kah 閘光...

棍螺仔星系 NGC 1365 真正是一个雄偉 ê 島宇宙，伊差不多有 20 萬光年闊。NGC 1365 離咱有 6000 萬光年遠，就 tī 暗暗毋過高溫 ê 天爐座 遐。伊是咱研究足濟 ê 天爐座星系團 ê 主要成員。咱 tī 這張 遮爾清楚 閣 hŏng 印象足深 ê 彩色影像 內底，有看著自星系中央棍仔 ê 尾段 kah 捲螺仔手骨攏有反紅、足光 ê 恆星形成區。咱閣 kā 看較詳細咧，就會看著閘光 ê 塗粉帶 ùi 較光 ê 星系核心切過去。這个核心其實有一粒超大質量烏洞。...

小行星 3200 Phaethon 逐年攏會 tī 12 月份 ê 時陣 送禮物予咱地球。這个禮物就是 雙生仔座流星雨。流星流 ê 來源就是這粒 神祕小行星 沙 tī 軌道頂懸 ê 塗粉粒。12 月 13/14 附近是雙生仔座流星雨活動上強 ê 時陣。這張是 kā 22 張 天星滿滿 ê 夜空影像 組合起來 ê 相片。是 tiàm 美國西南爿 ê 紀念碑谷，月娘 peh 起來進前翕--ê。流星雨輻射點附近彼粒足光 ê 恆星，是 雙生仔座 ê 雙星。藍色彼粒是 北河二，黃色彼粒是 北河三。...

12 月 11 這工，獵戶座太空船 ùi 月球 轉來，伊用一秒鐘上加 11 公里 ê 速度入來到咱地球 ê 大氣層。這个速度是這粒 產生長尾溜火流星 ê 塗粉粒 ê 速度 ê 一半。伊 tī 12 月 13 這工入來到咱 ê 大氣層，這陣差不多是逐年 雙生仔座流星雨 上濟 ê 時陣。咱這粒美麗 ê 行星逐年攏會 ùi 神祕 ê 小行星 3200 ê 塗粉軌跡行過。所有雙生仔座流星 ê 平行軌跡，看起來攏是 ùi 雙生仔座 ê 輻射點來--ê。毋過雙生仔座 ê 這兩粒星 這馬藏 tī 夜...

你敢知影這寡上光 ê 天星 ê 名？你可能知影。有一寡仔 天星 ê 名，是老甲拄開始有 書寫系統 ê 時陣就有矣。世界上足濟文化對這寡 上光 ê 天星 攏有 in 家己號名 ê 方式，而且知影 in ê 名 tī in ê 文化 kah 歷史佔足重要 ê 地位。毋過，為著欲予全球 ê 人有較精確 ê 溝通，國際天文聯合會 (IAU) kā 這寡天星 ê 名標準化。這張相片是這 25 粒 上光 ê 天星 kah IAU kā in 號 ê 名。相片內底這寡天星 ê 色彩，是咱 人 目睭真正看著 ê...

是啥物代誌予肚胿仔星雲遮爾鬧熱？是恆星形成活動啦！有厚塗粉發射線 ê 肚胿仔 星雲 IC 410 離咱有 1 萬 2000 光年 遠，就 tī 北天 ê 車夫 星座，御夫座 遐。這个發光雲有超過 100 光年闊。伊是去予藏 tī 星雲內底 ê 開放星團 NGC 1893 ê 恆星風 kah 輻射 雕出來 ê 形體。伊是 400 萬年前 才拄 tī 星際雲內底形成--ê。規个恆星形成雲內底攏是足光、拄生出來 ê 恆星。注意看 這張圖 ê 倒爿下跤，有兩个較實密 ê 物質流，當咧離開星...

是按怎月球面頂遮爾厚塗粉？ Tī 地球， 石頭經過風 kah 水 ê 風化作用了後，會產生沙塗。 月球 ê 歷史是一直去予微隕石砲擊，kā 本來 ê 岩石表面挵甲產生一重 月球沙塗抑是表岩屑仔。 毋閣 tùi 阿波羅太空人 kah in ê 設備來講，坱埃四界軁，閣 細粒，又閣著一直來，實在是有夠麻煩。 50 冬前 ê 1972 年 12 月，tī 月球表面 ê 阿波羅 17 號 太空人 Harrison Schmitt kah Eugene Cernan 愛拍拚 修理探測車 ê 其中一个塗帕仔，才有法...

夜空敢會當有藝術性，閣有科學性？若是會使，這張相片 就是一个足好 ê 例。這張數位全景圖是 kā 仝一暗、仝一个地點、仝一台 kha-mé-lah 翕--ê 10 張地景 kah 10 張天景組合起來--ê。相片內底 較光、較有代表性 ê 部份，有特別加強處理過，地面附近嘛有 特別 kā 搝予較光咧。咱會當 tī 前景看著一个 有創意 ê 攝影師。這是伊 tī 兩個月前提著一葩火，tiàm 挪威 這个彎彎曲曲 ê Lofoten 群島，翕著這張 hŏng 讚嘆 ê 景色。背景遠方...

這粒 太陽系 內底 ê 奇怪月娘是淺黃色--ê。這張 相片主要是欲展示 木衛一 Io tī 一般人類目睭看著--ê 誠實--ê 色彩是生做按怎。這張相片是 1995 年到 2003 年 踅木星行 ê 加利略太空船 tī 1999 年翕--ê。木衛一 Io ê 色彩主要是 ùi 硫磺 kah 熔去--ê 矽酸鹽岩石 來--ê。這个無四常 ê 木衛一 Io 表面 是足少年--ê，因為伊有足濟 活火山。木星 足強 ê 潮汐重力 kā 木衛一 Io 搝甲變形，嘛予 木星 另外三粒 加利略衛星 袂幌來幌去。這...

Kā 你 ê 3D 目鏡 提來，咱來看這張 tī 別个世界 ê 立體影像。50 冬前，阿波羅 17 號任務 ê 指揮官 Eugene Cernan tī 1972 年 12 月 11 欲降落月球進前踅月球一輾 ê 時陣，紀錄著 這張影像。這組立體浮雕是 ùi 兩張相片 (AS17-147-22465, AS17-147-22466) 組合來--ê，是 伊 kah Harrison Schmitt 博士 tī 登月艙 挑戰號飛到上好地點翕--ê。遐是 阿波羅 17 號 ê 降落地點，Taurus-Littrow 山谷。這个面對日光、寬闊 ê 南 Massif 山就...

12 月 8 號 是月圓 kah 火圓上倚 ê 時陣。兩粒攏足光 ê，而且 in tī 地球天頂 攏 kah 太陽 tī 相對面。實際上 火星去予月娘閘去矣。咱若是 tiàm 歐洲 kah 北美洲一寡所在看，就會看著火星 ùi 月娘後壁行過。若是 tiàm Slovakia 東爿 ê Kosice 市看，月掩火星 ê 現象就會發生 tī 日出進前。這个迷人 ê 景色 就紀錄 tī 這个望遠鏡 ê 縮時攝影 ê 感光系列內底。這粒紅色行星差不多消失 tī 月娘後壁一點鐘久，才閣 ùi 暖色調 ê 月圓邊...

12 月 7 號彼暗，火星行到月圓附近。實際上，咱若是 ùi 歐洲佮北美洲看，就會看著這粒紅色行星 ùi 月球後壁行過，去予月球閘去。這張 kā 幾若張影格疊出來 ê 清楚相片，是佇地球 美國 ê San Diego 翕--ê。火星差不多消失佇月盤後壁一點鐘久，又閣出現矣。前景是月娘，後壁 ê 火星干焦離咱 8200 公里遠爾爾，伊這馬佇「衝」 ê 附近。月圓佮火圓是光甲會當佇免調整感光 ê 狀況下，翕著這張壯觀 ê 相片。佇這張相片內底，火星 就 ùi...

這兩粒看起來遮爾清楚 ê 火星是 11 月底 tī 新加坡 ê 厝頂望遠鏡翕--ê。這个時陣，火星 kah 新加坡 ê 距離是 8200 公里。伊會 tī 12 月 8 號 行到「衝」ê 相位，就是 tī 地球天頂 kah 太陽相對 ê 位置。火星倚西爿 ê Olympus 山 是 Tharsis Montes 區上大 ê 火山（嘛是太陽系上大 ê 火山）。就是 tī 這兩張影像內底 正爿較倚面頂彼个，小可仔較淺色 ê 甜箍麭形彼搭。中央較暗彼搭是 Sirenum 高地，毋過倚東爿彼个烏烏長長 ê 半島是...

IC 1396 內底是毋是有一个怪物？有一寡人 kā 叫做 象管星雲，伊是 恆星形成區 內底 ê 一部份氣體 塗粉 雲。伊 ê 外形看起來敢若足奇怪--ê，有 ê 親像是人類。是講，這內底真正 ê 怪物 是一粒 足光 ê 少年恆星。毋閣伊傷遠矣，袂傷害著 tī 地球 ê 咱。這粒恆星發--出 ê 高能光 會 kā 這張相片 頂懸 ê 暗色 彗星形雲球 ê 塗粉 食食去。Ùi 恆星發--出 ê 噴流 kah 粒子 風 嘛會 kā 週邊 ê 氣體 kah 塗粉 捒--出去。較暗 ê IC 1396 星雲...

無載人 ê 獵戶座太空船頂懸彼台 kha-mé-lah，佇 12 月 5 號翕著這个景色。這个時陣獵戶座太空船當咧倚近月球，時到會利用飛過月球提著動力，才飛轉來地球。佇獵戶座太空船其中一片太陽能枋下底，是風暴洋 西爿 邊緣 暗暗平平 ê 地形。風暴洋 是 過去月球頂懸上大 ê 岩漿海，伊佇月球倚咱地球這爿面是足明顯--ê。月球 ê 晨昏線就佇相片 ê 倒爿，這是月球日時佮暗暝交界 ê 烏影線。相片頂懸中央彼个是直徑 41 公里闊 ê 深色 Marius...

有一粒離地球干焦 700 光年遠爾爾、佇 寶瓶座 方向、太陽質量 ê 恆星，當咧死亡。這粒欲死 ê 恆星佇這个階段持續幾若千年，製造出這个 捲螺星雲 (NGC 7293)。伊是一个咱研究足濟 ê 厝邊 行星形星雲，是恆星演化尾期 ê 形態。這張狹頻影像是 kā 紅色 ê 水素原子發射線 kah 藍色 ê 酸素原子發射線疊出來 ê 結果。咱會當看著捲螺星雲足精彩 ê 細節，嘛包括內底 3 光年闊較光 ê 區域。捲螺星雲中心彼个白點，是佇行星形星雲中央 ê 高溫...

星際雲山內底是發生啥物代誌？是有 恆星 當咧形成啦！雲山實際上是 鴟鴞星雲 (M16) 內底 ê 氣體佮塗粉。這款 雲柱 是較低密度--ê，你真簡單就會當 飛過去。伊看起來親像是固體，這是因為內底有足濟 塗粉，嘛 足深--ê。這个發光區是去予 新形成 ê 恆星 kā 照予光--ê。這區是發 紅光 佮 紅外光，因為 藍光 去予中央 ê 星際塗粉 散射去矣。這張頭一擺翕甲遮爾清楚 ê 影像，是舊年尾 發射 ê James Webb 太空望遠鏡 (JWST) 翕--ê 近紅外...

你敢捌看過七姊妹仔星團？就算你捌看過，你可能嘛毋捌看過像這个遮爾大閣清楚--ê。這个遮爾光 ê 昴宿星團，應該是天頂上有名 ê 星團。就算是佇 光害足嚴重 ê 城市，咱嘛會當直接用目睭看著。咱若有法度佇 暗-bin-bong ê 所在做長時間 ê 感光，箍佇昴宿星團邊仔 ê 塗粉雲就會變做足明顯--ê。這張是佇澳洲 ê Siding Spring 天文台，開 11 點鐘 ê 感光時間翕--ê。相片翕著 ê 天區，有幾若粒月娘遐爾闊。昴宿星團嘛叫做七姊妹仔星團抑...

雷神 Thor 毋若有 專屬 ê 日子（拜四），嘛是天堂 ê 頭盔。咱一般攏 kā NGC 2359 叫做 雷神 Thor ê 頭盔。伊是一个帽仔形 ê 宇宙雲，閣有兩支翼股。雷神 Thor ê 頭盔有 30 光年闊，tùi 北歐神 來講嘛是有夠大 ê。實際上，這个宇宙崁蓋較成是一个 星際氣泡，是去予氣泡中心一粒明亮、大質量恆星 ê 高速恆星風吹出來 ê。中心恆星是 Wolf-Rayet 星，伊是 足燒 ê 巨恆星，是 超新星 前期足短 ê 演化階段。NGC 2359 離 咱有 15000 光年...

11 月 28 是 獵戶座太空船載 Artemis 1 號 任務 飛出去 ê 第 13 工。這工是伊飛到離地球上遠 ê 所在。實際上，這个上遠 ê 地點離地球有超過 43 萬公里。伊 ê 遠逆行軌道，是共獵戶座太空船囥佇離月球 7 萬公里遠 ê 所在。佇這支第 13 工飛行日 ê 影片 內底，ùi 無載人 ê 太空船方向來看，咱 ê 地球就佮月球欲平大粒。今仔日 (12 月 1 號) 應該會當看著 獵戶座太空船離開 伊 ê 遠逆行軌道。伊轉來地球 ê 路--lih 會閣第二擺利用月球...

是哩！毋知你捌看過這款虹無？2018 年 tī 美國 New Jersey 州 ê Jersey 海岸，去予 Florence 風颱尾 掃過了後，日頭 tī 天頂出現，毋過另外彼爿煞出現 一大陣 虹。紲落來這半點鐘，因為 多重虹 tī 天頂足活潑--ê，一時仔光一時仔暗，所以攝影師佮 in chău 囝歡喜甲上無有 翕著五張 孤張感光 ê 相片。多重虹 干焦會 tī 天頂落落來 ê 水滴攏平大粒、而且比毫米較細 ê 時陣，才會出現。了後，日光毋但會 ùi 雨水內部 反射，而且閣會產...

這組合併星系 佇紅外線波段是足光--ê，伊離咱有 5 億光年遠，佇海豬仔座 ê 方向。 這張相片內底，有 這組宇宙天體，有背景 ê 遙遠星系，閣有前景閃閃爍爍 ê 天星。這張深空影像是 ùi James Webb 太空望遠鏡 來--ê。這个星系合併有 10 億光年遐爾闊。這張影像 ê 資料是 ùi Webb 太空望遠鏡 ê 近紅外線相機 (NIRCam) 佮 中紅外線儀器 (MIRI) 來--ê。這張清楚 ê 紅外線合成影像內底有 kā 規个星系尺度攏翕起來。內底有厚塗粉 ê 合併星...

這張彩色夜景有 4 粒月娘闊，是一个厚天星 ê 星雲。伊佇銀河盤頂懸附近，北天 ê 皇家星座 仙王座 遐。相片中央是發紅光 ê 發射區 Sharpless 155 (Sh 155)，嘛叫做 洞窟星雲。伊就佇 2400 光年遠 ê 大質量分子雲區邊仔附近。這个宇宙洞窟 ê 氣體壁有 10 光年闊，去予邊仔高溫少年恆星 ê 紫外光 kā 電離去。像正爿 ê vdB 155，是一个厚塗粉 ê 反射星雲，伊佮實密閘光 ê 雲，佇這張星際畫布頂懸是滿四界。天文 研究 已經知影其他 恆星...