NASA 逐工一幅天文圖 APOD Taigi

你若是有看著極光，就 kā 你 ê 手骨展--開。你就照按呢做，連紲兩暗...... 煞攏是 雲。阿好！第三暗閣轉來仝一个山頂，夜空總算是清氣矣，而且閣 出現壯麗 ê 極光。Kā 你 ê 手骨攑予懸，你若是有耐性，累積夠額 ê 經驗，就會翕著 好相片。這張創作性 ê 主題影像，是 kā 三張無仝感光 ê 相片組合起來--ê。遮是 tī 挪威 北部 Lofoten 群島 Svolvear 庄頭附近 ê Austnesfjorden 峽灣 ê 山頂。是 2014 年初 ê 時陣翕--ê。彼馬 ê 太陽...

這張上新 ê 影像是兩个 tī 室女座相戰 ê 星系。兩个 星系相挵 ê 時陣，星系內底 ê 恆星其實袂相碰。這是因為 星系 其實是一个足櫳 ê 結構，這寡發光 ê 恆星其實佔星系內底足少 ê 空間。毋過星系 相挵 ê 時陣，一个星系 ê 引力會 kā 另外一个星系搝甲變形，兩个 星系 ê 塗粉 kah 氣體嘛會 相碰。兩个星系若是 合併，星系中心 ê 烏洞 嘛會合併。因為兩个星系 ê 距離是差足遠--ê，所以你看著 這張影像內底 ê 變形其實是一个 足慢 ê 過...

這規片發光氣體塗粉雲，對 地球 ê 天文學家來講，看起來敢若是一隻鳥仔，所以伊才會提著這个外號，海鷗星雲。這張影像是 tī 天狼星 ê 方向附近，大犬座 α 星 遐。這張相片是 kā 3 張宇宙鳥仔 ê 狹頻影像資料疊出來 ê 拼鬥影像，攏總迒過銀河盤 2.5 度闊 ê 範圍。這規片海鷗星雲去予編做 Sh2-296 抑是 IC 2177，應該是連紲 ê 超新星爆炸 產生幾若重 大型外殼結構 ê 一部份。Tī 中央正爿下跤 彼个顯目 ê 藍色光弧，是 ùi 大犬座 FN...

是按怎仙女座星系 ê 方向附近有看著酸素發出 ê 光弧？無人知影。氣體弧 是 藍色--ê，是舊年幾若个 業餘天文學家 揣著、確認--ê。這个光弧 ê 來源有兩个主要 ê 假說。一个是講，in 真正是 tī 仙女座星系 (M31) 附近。另外一个是講，in 只是咱 銀河系 內底 ê 雲絲，意外疊 tī 仝這个視線方向。較奇怪 ê 是，進前 tī M31 ê 深空影像 內底，無揣著主要 ùi 水素 發出來 ê 光弧。而且 tī 較遙遠 ê 星系 內底，嘛無揣著定定有--ê、ùi 酸素...

1 月 3 號，有兩台踅地球低軌道 ê 太空站 tī 天欲光進前飛過天頂，去予日光照甲金爍爍。這張縮時攝影組合相片 頂懸彼逝光跡，sī 日頭出來進前 點外鐘就開始矣。這个 ùi 西爿飛到東爿 (倒爿到正爿) ê 軌跡，sī 中國 天宮號太空站。Tī 這个天星滿滿 ê 夜空下，天宮號 ùi 大熊座 內底彼个倒匼 ê 北斗星星群下底、kah 北極星頂懸飛過，in 拄仔好 sī tī 這个光弧 ê 上懸彼搭。毋過才 5 分鐘前，國際太空站 反射日光 ê 光跡，嘛迒過夜空...

Eng 暗你若是攑頭看，就會看著天頂有足濟粒行星。日頭拄落山 ê 時陣，咱看 tùi 西爿去，差不多就會看著 金星、土星、木星、kah 火星 tī 天頂 同齊出現 矣。這寡行星 ùi 西爿排 tùi 東爿去, 金星是上倚地平線彼粒，連鞭就會綴日頭落去矣。是講，毋管你是蹛 tiàm 地球 佗位攏無差，因為全球 tī 暗頭仔這陣 ê 天色是足清氣--ê，你應該會當 tī 天頂看著 行星連珠。這張相片是頂個月底翕--ê，面頂彼寡天體攏有翕著。而且，月娘 kah 水星...

共你 ê 3D 目鏡提來看這張 月球 Taurus-Littrow 山谷 ê 立體相片。這張彩色立體相片 ê 前景是 阿波羅 17 號 月球探測車，後壁是登月小艇 kah 月球遠方 ê 山崙。因為彼馬 規世界攏 ùi 探測車 ê 電視 kha-mé-lah 看 登月小艇 起飛，所以這个 停車點 就叫做 VIP 點。50 冬前 ê 1972 年 12 月，阿波羅 17 號 ê 太空人 Eugene Cernan 佮 Harrison Schmitt tī 月球停 75 點鐘久，毋過 in ê 同事 Ronald Evans 是 tī 月球天頂踅月球咧行。...

中央 ê 恆星會當做出所有 ê 物件。這粒星叫做 龍卵，是一粒較罕得看著、高溫、足光 ê O 型星。伊 ê 質量差不多是太陽 ê 40 倍。伊毋但生出這个足複雜 ê 星雲 (NGC 6164) 踅 tī 伊邊仔，嘛生出藍色 ê 星雲暈 kā 伊包起來。伊 ê 名有一部份是 ùi 這張美麗 ê NGC 6188 來--ê，就叫做 戰鬥龍 Ara。閣 3-4 百萬年，這粒大質量恆星應該就會結束伊 ê 性命，變做 超新星爆炸。這个星雲 ê 大細有 4 光年闊，是雙極對稱 ê 結構，予伊看起來較...

你身軀內 ê 水素，會叫做 水素 就是因為你會當 tī 水分子內底揣著伊。伊是 ùi 大霹靂 來--ê，是咱宇宙內底 上基本 ê 元素。你身軀內 ê 炭素，是 ùi 恆星內部 ê 核融合 反應產生出來--ê，酸素 嘛是按呢來--ê。你身軀內底大部份 ê 鐵，是足久以前、遙遠 ê 超新星 爆炸 產生--ê。珠寶內底 ê 黃金，有可能是 ùi 中子星相碰產生--ê。這个現象會發生 tī 短週期 ê gamma-光暴天體，抑是 重力波事件 內底。咱身軀內底 ê 磷 kah 銅，雖然才...

恆星爆炸了後實在是有夠亂--ê 啦！毛蟹星雲 是 西元 1054 年 揣著 ê 超新星 殘骸，伊 ê 內部有一大堆 神祕 ê 雲絲。這寡 雲絲 實在是複雜甲有賰。伊干焦是比超新星爆炸 噴--出來 ê 原始質量較少 ê 款，而且噴--出來 ê 速度 嘛比 科學家算出來 ê 自由爆炸 ê 速度閣較緊。這張相片 是 Hubble 太空望遠鏡 翕--ê。相片 使用 ê 三色，是 為著科學目的慣勢使用 ê 色水。毛蟹星雲 差不多有 10 光年 闊。星雲 中央有一粒 脈動星：伊是一粒...

近日點就是地球離太陽上倚 ê 時陣。2023 年 ê 近日點 是發生 tī 世界時 (UTC) 1 月 4 號 16:17。這張清楚 ê 太陽盤影像，是望遠鏡鬥 H-α 濾光片 tī 澳洲 雪梨 翕--ê。這張相片翕了了後 免 24 點鐘，地球就行到近日點。H-α 濾光片 會 予 水素原子發出 ê 特別紅光 透過來。這張太陽相片強調 ê 是太陽 ê 色球層，這是 tī 光球層 ê 頂懸層，嘛是平常時咱看著 ê 太陽表面。太陽烏子 ê 寸尺 kah 行星是差不多大。Tī 這張 活跳太陽 ê H-α...

質量上大 ê 少年星團是 NGC 346。伊就 tī 咱 ê 衛星星系 小麥哲倫星雲 ê 恆星形成區內底，離咱有 21 萬光年遠。雖罔講 NGC 346 星團內底 ê 大質量恆星 攏足短命--ê，毋過 in 攏 活跳跳 閣 pìn-piàng 叫。恆星風 kah 輻射 leh 雕這區 厚塗粉 分子雲外沿 ê 時陣，會驅動內底 ê 恆星形成活動。恆星形成區內底會有足濟 紅嬰仔恆星，四散 tī 星團內底。In 才 300 到 500 萬歲爾爾，猶未開始 tī in ê 核心 進行 水素 ê 核融合反應。NGC 3...

這片宇宙雲 內底有塗粉、氣體、kah 恆星，伊 tī 天頂佔差不多 6 度闊，就 tī 英雄星座 英仙座 ê 方向遐。Tī 這个 壯麗天景 ê 倒爿頂懸，有一个迷人 ê 少年星團 IC 348。伊 ê 邊仔是 飛行幽靈星雲，內底有閘光 ê 星際塗粉雲，tī 目錄內底 ê 編號是 Barnard 3 kah Barnard 4。正爿有另外一个活跳 ê 恆星形成區 NGC 1333，伊就 tī 大型 英仙座分子雲 外圍 較烏 ê 塗粉鬚 邊仔，kah 咱 ê 距離差不多有 850 光年遠。視野中央較暗 ê 紅光...

這个大型 ê 塗粉柱叫做 圓錐星雲，內底有足濟恆星當咧形成。氣體塗粉雲 是 恆星托兒所，會生出足濟新 ê 恆星。內底 ê 雲錐、雲柱、kah 壯觀 ê 雲流，攏是恆星 ê 高能風 kā 雕出來--ê。圓錐星雲 是一个足好 ê 例，伊就 tī 明亮銀河 ê 恆星形成區 NGC 2264 內底。這張 最近翕--ê 圓錐星雲，是用 智利 El Sauce 天文台 內底 直徑半公尺大 ê 望遠鏡，kā 24 點鐘久 ê 感光影像疊起來 ê 結果。圓錐星雲 ê 圓錐雲柱有 7 光年 長，伊就 tī...

咱可能有機會用目睭直接看著 ZTF 彗星。這粒大質量雪球 sī 舊年初發現--ê。伊這馬 sī 愈來愈光，因為伊離太陽 kah 地球 sī 愈來愈倚矣。彗星 C/2022 E3 (ZTF 彗星) 紲落來這禮拜會行到離太陽上倚 ê 位置。時到伊就會變甲足光--ê，按呢北天 ê 觀星者 tī 好天 ê 暗暝，無雙筒千里鏡嘛看會著。彗星 上歹名聲 ê 代誌 就是，in 若是愈倚太陽，伊 ê 輝度就愈歹預測。這張影像是頂禮拜 tī 這个 美麗 ê 星場 翕--ê。有 3 條藍色 ê 離子尾溜...

這个景色可能看起來敢若是幻影，毋過伊其實是 tī 冰島。這个叫做 Gatklettur ê 石拱門，是 tī 冰島西北爿 ê 海岸。前景有一寡仔較大粒 ê 岩石，差不多嘛有一公尺大。岩石下底 ê 雺霧，其實是海湧經過長時間感光了後 ê 平均運動。這張 是 kā 舊年 11 月彼陣，用仝一台 kha-mé-lah、踮仝一个地點、佇仝一暗 翕--ê 幾若張前景 kah 背景相片組合起來 ê 影像。會揀這个地點是因為前景媠甲親像是一幅圖。會揀這个時間是因為背景多彩 ê 極...

氣體敢有法度 kā 星系掠著？按呢問 to̍h 毋著矣！這張相片 內底奇怪「生物」ê「跤爪」是一个叫做 彗星形雲球 ê 氣體雲。毋閣這个雲球 已經破去 矣。彗星形 雲球 ê 特徵是有 厚塗粉 ê 頭部 kah 搝長 ê 尾溜。這个特徵予彗星形 雲球 tī 視覺上看起來敢若親像是 彗星，毋閣實際上 in 兩个差足濟 ê。雲球 較捷是恆星誕生 ê 所在，頭部彼搭有足濟少年 ê 恆星。這款天體 ê 頭部會破去 ê 原因，到今猶毋知。雲球倒爿 ê 星系 足大、足遠 ê...

這个角度是土星環內底看著 ê 土星。2017 年 ê 時陣，NASA 頭一擺 kā Cassini 太空船 送入去 土星 kah 土星環 之間。飛入去 ê 過程，機器人太空船翕幾若百張相片，翕著以前毋捌看過 ê 土星大氣結構 ê 細節。看倒轉來 ê 時陣，太空船嘛翕著 hŏng 印象足深 ê 景色。這張相片是飛上倚土星進前幾若點鐘翕--ê，有翕著踅 土星 北極 無四常 ê 六角雲。土星 ê B 環是相片內底較倚咱這爿--ê，暗色 ê Cassini 溝仔 kā A 環 kah B 環分開。若是...

這條天星袚鍊是真--ê！雖罔講 Kemble ê 天星袚鍊 用目睭直接看是看無，毋過你若是用雙筒千里鏡，就會看著這个 hŏng 敬畏 ê 景色。Kemble ê 天星袚鍊 就 kah 北斗星 仝款，是 星群，毋是 星座。這个星群是 tī 北天 有長頷頸 ê 麒麟鹿 座（鹿豹座）ê 方向遐。這條袚鍊內底差不多有 20 粒 星，in 攏無關係，毋過逐粒攏差不多光。袚鍊 tī 天頂 ê 長度差不多是 月娘 視闊度 ê 5 倍大。Kemble ê 天星袚鍊 tī 這張相片內底是 ùi 倒爿頂懸...

2023 年 ê 頭一个月圓 會出現 tī 今仔暗 23:08 UTC (世界時)，kah 日頭相對 ê 位置。這馬是伊 上光 ê 時陣，伊大閣媠，tī 天頂是足好揣--ê。予你做一个參考，這个特別 ê 天文影像計畫，是 kā 2022 年規年 tī 斯里蘭卡翕著 ê 月圓，鬥做這張相片--ê。2022 年這 12 粒月圓 ê 名、月份、佗一工，攏標示 tī 這張圖內底。逐粒月圓 ê 視寸尺 kah 伊是 倚 近地點 抑是 遠地點 偌近有關係。近地點就是月球 tī 長株圓軌道 行到離咱上倚彼點...

冬節快樂！今仔日是 冬節，tī 天文 ê 定義內底，這工 tī 南半球是熱天 ê 開始，北半球是寒天 ê 開始。咱若是來看太陽 tī 地球天頂 逐年 ê 運動，就會發現伊 tī 世界時 UTC 21:48 行到 至點，就是赤緯 ê 上南點，南緯 23.5 度。4 工前，太陽才拄行到這季 ê 上南點。Tī 瑞典中部 Ostersund 市 ê 太陽 tī 中晝時才 peh 到地平線頂懸一屑屑仔。這个看 tùi 北爿遙遠湖邊城市 ê 景色內底，有揣著中晝 ê 太陽 kah 美麗 ê 太陽冰暈。自然發...

今年 年尾，火星會繼續 tī 地球夜空 ê 金牛座附近閃閃爍爍。Tī 這張 天星滿滿 ê 視野範圍內，主要是黃色調--ê。內底有 金牛座 α 星，嘛叫做畢宿五。另外閣有畢宿星團 kah 昴宿星團。相片倒爿是 有 V 形船碇 ê 畢宿星團。雖罔講 紅巨星 畢宿五 出現 tī 遐，毋過伊毋是畢宿星團 ê 成員。畢宿星團離咱有 151 光年遠，是離咱上倚 ê 開放星團。畢宿五 tī 仝一个方向，毋過伊 kah 咱 ê 距離是無夠一半。正爿是去予編做 Messier 45 ê 開放...

馬頭星雲，嘛叫做 Barnard 33，是夜空中足出名 ê 烏暗標誌。Tī 這張清楚 ê 宇宙天景 內底，kah 背景 leh 發光 ê 發射星雲相比，就會看著伊破一空。馬頭星雲 差不多有 5 光年懸，伊離咱有 1500 光年遠，就 tī 獵戶座 ê 方向。Tī 這个足 gâu 生 ê 分子雲複合體內底，會 kā 閘光 ê 塗粉看做馬頭，攏是因為咱 ùi 銀河看過去才會按呢。獵戶座皮帶上東爿彼粒上光 ê 星是參宿一，就 tī 相片中央倒爿遐。參宿一 發出 ê 高能紫外光，kā 伊下...

你敢捌看過完整 ê 虹？一般咱 tī 地面干焦 會當看著 虹 ê 頂半節，因為向地面方向 ê 水滴較少。咱若是 ùi 空中看，較有法度看著規个 360 度 ê 圓箍仔 虹。這張相片是 9 月 ê 時陣 tiàm 挪威 Lofoten 島 ê 天頂，用 飛行翕相機 飛入去一陣雨內底，才翕著這个圓箍仔虹。這个愛靠觀測者 ê 觀測角度才看會著 ê 現象，主要是 雨滴 tùi 日光 ê 內反射 造成--ê。這个 虹 ê 直徑，佔天頂 ê 84 度闊。日頭 就 kah 虹 ê 中心 tī 相對面 ê 方...

飛過 太陽系 上大粒衛星 毋知是啥款？Tī 六月 ê 時陣，Juno 機器人太空船 飛過 木星 ê 大衛星 木衛三 Ganymede。彼陣翕 ê 幾若張相片，已經數位化，用來建構飛過 木衛三 Ganymede ê 詳細資料矣。這支影片 開始 ê 時陣，Juno 太空船衝 tùi 這粒 2000 公里闊 ê 衛星。伊 ê 表面看起來 kan-na 兩款色調，面頂攏是溝仔 kah 隕石坑，是一个結冰 ê 外星世界。這寡 溝仔 可能是衛星地表 ê 枋塊徙動造成 ê，隕石坑應該是 較猛 ê 衝擊 造成ê...