怪獸冰室 Monster Cafe

文化差異呢家嘢，真係周圍都有，今集美國代表 Momo 同香港代表 Ar Boo 會分享下香港人望外國人同外國人望香港人嘅大驚小怪嘢。怕熱怕凍、曬陽光防曬、飲生水煲水、你件衫好靚關你咩事？ 第六十三集 10月26日上架！！！http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #社會文化 #生活習慣

今次「水」字Ar Boo 同 Momo 又諗起喲乜嘢呢？Momo 今次好貼近時事，由500年一遇到林作。而 Ar Boo 今次就化身維基為大家介紹香港有水字嘅地方。 怪獸冰室第六十二集10月19日上架！！！http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #水 #water

車仔麵，平靚正之選，但其實原來要搵嚟食都無想像中咁易，而且有好多都唔係真係咁平。到底車仔麵幾時開始出現呢？嗱喳麵？車仔麵進化史？而家到底有幾 Fancy 呢？Ar Boo 同 Momo  係點樣接觸到車仔麵呢？佢哋通常叫咩餸同麵底呢？ 怪獸冰室第六十一集 10月12日上架！http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #車仔麵 #cartnoodle

今集到 Momo 分享下佢個人至愛十首歌曲。 Momo 啲口味真係好獨特，呢十首歌當中有好多首都可能唔多人識。不過有兩首係香港流行曲中嘅大熱。今次大家會認識多啲比較 indie 嘅音樂。咁你哋又鍾意啲咩歌呢？記得 instagram 留言分享下啦～大家可以喺下面嘅 YouTube 連結睇到 Momo 嗰十大金曲，同埋佢嘅三十大～ Momo 十大金曲 YouTube Playlist https://youtube.com/playlist?list=PLo5GYB1oMQV-d5hIhsy3zS67QVvmuqiPH&si=YBZYzNR...

其實睇一個人聽咩歌除咗可以知道佢口味外，仲可以知道佢同你啱唔啱傾。今集 Ar Boo 分享佢最愛嘅十首最愛歌曲，同時企圖或意圖喺Podcast中加入每首歌嘅選段，試下水溫，睇下會唔會被串流平台下架！哈哈哈。大家可以喺下面嘅 YouTube 連結睇到呢十首歌嘅 MV，慢慢欣賞呢十首歌。IG Link in Bio https://youtube.com/playlist?list=PLo5GYB1oMQV_nuTVe0V22ozcLcO5xDJo9&si=Kmhs8-t7Py5DlepX 怪獸冰室第五十九集9月28日上架！！！...

漢堡包，一般人第一樣諗起嘅會係麥當勞嘅包，但其實麥當勞只係漢堡包宇宙入面嘅一部份，仲有好多不同嘅 Burger 款式同質素。今日超愛 burger 嘅 Momo 會同大家分享下漢堡包嘅歷史由來、burger 嘅種類同款式等等。好食嘅 classic burger 到底係點㗎呢？咁點先為之 gourmet burger 呢？唔可以唔提港式快餐店 burger。Momo 最鍾意食邊間 Burger 呢？美國十大 burger... 香港 burger 巡禮～ 第五十八集九月二十一日上架！！！http://li...

今次呢個單字系「氣」，完全考驗到 Ar Boo 同 Momo 嘅默契同測試到佢地個思維。到底佢地一聽到個「氣」字會諗起啲咩呢？又由佢地諗到同個「氣」字有關嘅嘢可以知道佢哋滿腦子到底裝啲乜㗎呢？點解今集 Momo 咁多怨氣呢？ 九月十四號上架！！！http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #氣 #chi

香港人工時長，好大壓力，所以好需要減下壓，工餘活動可以幫助減壓、增強社交同強身健體。今集 Ar Boo 同 Momo 會分享下佢地嘅個人興趣，由扭計骰到天文攝影，由跳舞到聽歌，點解會有呢啲興趣呢？有咩咁吸引呢？你又有咩個人興趣呢？ 九月七號上架！！！http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #扭計骰 #天文攝影 #跳舞 #行山 #聽歌

上海小食三寶之一嘅小籠包，原來原裝版本係厚皮同無湯，而我地喺香港食開皮薄多湯嘅其實叫小籠湯包。今日 Ar Boo 同 Momo 會分享下小籠包嘅種類，做法等等。到底好多湯嘅小籠包係點樣做到咁多湯呢？鼎泰豐被人告之後又點建議大家點食小籠包呢？大家鍾意點食小籠包呢？ 八月三十一號上架！！！http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #小籠包 #xiaolungbao #狗不理包 #湯包

香港年年夏天都熱到發癲！今集 Ar Boo 同 Momo 會分享下佢地對夏天嘅感覺！原來死亡谷45度嘅體感都唔夠香港35度咁熱。Momo 原來鍾意曬太陽，佢要肥肥黑黑物流系形象！外國炎夏嘅旅遊地方賣水仲貴過賣酒。不過點都好，為己為人，夏天記得飲多啲水！ 八月二十四號上架！！！http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #夏天 #summer #死亡谷 #拉斯維加斯 #deathvalley #lasvegas

香港人其中一個美德就係好慳家，習慣唔浪費。今集 Ar Boo 同 Momo 會分享下佢地一啲唔浪費嘅習慣，由慳電到買二手衫褲，回收電器自己維修再用到領養竉物，其實有好多嘢都可以唔浪費咁不斷用。外國嘅 Flea Market 係俾人自己拎啲想賣嘅二手嘢去賣，好多時都會搵到又平又正嘅嘢，如果香港都有就好啦！ 八月十七號上架！！！http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #二手 #重用...

怪獸冰室咁就一周年啦！今次借啲椅，借埋張枱去食正宗拿坡里 pizza 慶祝下，順便一路食一路錄埋音！不過今次聲音質素差啲，因為原來間 pizza 餐廳好嘈！今次會分享下 pizza 嘅歷史、口味、種類、港式 pizza、fun facts、同埋介紹下呢間 pizza 餐廳嘅正宗 Margherita pizza 同好特別嘅 La Stella pizza。 八月十日上架！！！http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #pizza #ma...

如果有機會返去二十歲，Ar Boo 會有咩想做返呢？而Momo 會有咩同二十歲嘅自己講呢？點解會想做返或講返呢啲事情呢？當中原因包括圓返錯過咗嘅夢想，一啲20歲時未識得嘅事情而可以改善生活嘅做法，為當年做錯嘅事而彌補過錯，等等。今集都真係比較感性少少，令 Ar Boo 同 Momo 都認真思考下人生。 八月三號上架！！！ http://linktr.ee/monstercafef #怪獸冰室 #monstercafe #廣東話podcast #podcast #廣東話 #香港 #改變過去

其實唔係每樣嘢都關中國事嘅，意大利粉並非馬可勃羅由中國引入到意大利，咁其實意大利粉發源地喺邊㗎呢？到底意大利粉有分幾多種呢？港式意粉做法同正宗意粉有咩唔同呢？港式茶餐廳通常意粉同飯係可以互相替換，但如果想煮到比較有質素嘅意粉又應該點煮呢？Momo 今日會分享下去超市點樣揀意粉。 七月二十七號上架！！！ http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #意大利粉 #意...

今集 Ar Boo 同 Momo 會分享下佢地睇過嘅電影。到底新嘅真人版「小魚仙」同街知巷聞嘅原裝動畫版有咩唔同？點解音樂劇電影「星光夢裡人」會被封印呢？原因可能比想像中更 personal～ 一個對電影製作公司嘅忠告，動畫電影最好唔好拍真人版～ 七月二十號上架！！！ http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #電影 #電影分享 #movie #小魚仙 #littlemermaid #星光夢裡人 #lalalan...

6月18號，泰坦潛艇於加拿大的聖約翰斯以東 375 海里位置下潛，一行五人向鐵達尼號殘骸進發。但下潛約一小時四十五分鐘後發生內爆，幾日後於鐵達尼號附近發現殘骸。今集會係以綜合返新聞及非官方資料，去睇下成件事號時間線，同埋討論下到底發生過甚麼事。佢地到底知唔知自己身處困境？泰坦號點解會內爆？內爆嗰陣佢地有咩感覺呢？點解咁高危仲要去呢？ 七月十三號上架！！！ http://linktr.ee/monstercafe #怪獸冰室 #monstercafe...

夏天熱到暈，要食啲消暑食品，雪糕必定 on the list！今集 Ar Boo 同 Momo 會分享下雪糕嘅種類、來由、款式等。仲會講下點解好似咩都關中國事？Haagen-Dazs 個名咩意思？香港本地有咩雪糕品牌？ 七月六日上架！！！ http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #雪糕 #icecream

今集完全係發夢系列... 如果我有三千萬喎，點會無啦啦有呀？不過每個人都應該要有夢想先得嘅～～～ 今集Ar Boo 同 Momo 會分享下如果無啦啦有三千萬，佢地會點樣用呢？Momo 仲會分享下美國彩票同香港有咩唔同玩法呢？美國中獎有幾搵笨呢？Momo 全程戴頭盔。。。(^^; 六月二十九號上架！！！ http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #三千萬 #pepe #六合彩

今日端午節，祝大家端午節快樂～ 諗起端午節大家一定會諗起糭啦，講起糭大家鍾唔鍾意食碟頭飯呢？到底碟頭飯點來㗎呢？碟頭飯嘅精髓係咩呢？汁有分兩大類？滑蛋其實點定義呢？究竟 Ar Boo 同 Momo 嘅 Top 3 碟頭飯係咩呢？碟頭飯嘅進化版：雙餸飯。 六月二十一嘅上架！！！ http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #碟頭飯 #雙餸飯

Ar Boo 終於返到柏林啦！今次要睇返上次無去到嘅地方觀光，竟然喺德國有景德鎮陶瓷？柏林人到底友唔友善呢？酸菜、鹹豬手同洋腸係咪真係周街都係呢？德國嘅啤酒竟然源自一啲宗教地方？有咩甜品食呢？柏林人環保意識有幾強呢？日常生活又係點呢？當然會有回程趣事啦～ 六月十五號上架！！！ http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #德國 #柏林 #旅行 #啤酒 #美食

Ar Boo 終於落機啦！到咗 Berlin 過關時仲慘過審犯。到咗柏林市，問題少年 Mo 又開始審犯咁問有關柏林嘅嘢～ 除咗柏林，Ar Boo 仲去咗漢堡玩～漢堡呢個海邊城市到底有冇 Hamburger呢？同埋有冇海鮮食呢？ 六月八號上架！！！ http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #土耳其 #德國 #柏林 #旅行 #西遊記 #漢堡

三年無去過旅行嘅 Ar Boo 終於有得去旅行啦！今集 Ar Boo 分享下佢再次去旅行嘅經歷同心情。好想去旅行嘅 Momo 可能太想去旅行，所以化身問題少年，瘋狂發問！因為太多問題，所以要分三集講。今集會講下由香港到德國柏林之前嘅心路歷程，簡直就好似成世人未去過旅行咁興奮！ 六月一號上架！！！ http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #土耳其 #德國 #柏林 #旅行 #西遊記

每個人都有夢，每晚仲會發好幾次，記唔記得就另一件事啦！今日 Ar Boo 同 Momo 會同大家分享下發夢到底係咩事？點解會有時記得有時唔記得？夢有分邊幾種？同埋發夢其實有咩實質作用呢？有冇試過發夢解決現實生活中嘅問題？ http://linktr.ee/monstercafe 五月十八日上架！ #怪獸冰室 #monstercafe #廣東話podcast #podcast #廣東話 #香港 #發夢 #dream

掃街美食中，甜嘅美食唔算多，雞蛋仔算係最受歡迎。雞蛋仔其實點嚟㗎呢？佢同窩夫有冇關係呢？炭燒雞蛋仔點解咁珍貴？雞蛋仔點先算好食呢？雞蛋仔製作得好唔好完全取決於時間同火喉，真係非常考功夫。除咗原味之外，現時有啲咩改良進化版出現咗呢？ http://linktr.ee/monstercafe 第四十集五月十一號上架！ #怪獸冰室 #monstercafe #廣東話podcast #podcast #廣東話 #香港 #雞蛋仔 #eggwaffle #eggpuff #eggo

大部份人都有儲啲自己鍾意嘅嘢嘅習慣，由人地送嘅手信、定情信物、相機玩具、到別人覺得係垃圾嘅嘢，點都會有啲。咁自己去旅行嘅記念品同明信片呢？今集 Ar Boo 同 Momo 會分享下佢地有儲啲乜嘢珍藏同點解。咁出坑同斷捨離又點呢？咁你地又有無儲嘢呢？ 怪獸冰室第三十九集5月4日上架 http://linktr.ee/monstercafe #怪獸冰室 #monstercafe #廣東話podcast #podcast #廣東話 #香港 #私人珍藏 #收藏品 #儲嘢 #拍紙簿 #ironman #郵票...