Middagvervolgverhaal

Emelda word gekonfronteer met onaangename herinneringe uit haar verlede. Sy het baie om te verduidelik, maar is sy bereid om die waarheid te vertel.

Hoekom is die nuwe inwoner so geheimsinnig? Dit is waaroor Mathilda en haar broer Johannes bespiegel.

Mathilda se lewe word skielik en onherroepbaar verander deur die sjarmante, maar volgens haar arrogante, Albert Havenga. Sy hou net mooi niks daarvan nie.

Wanneer goeie vriende toevallig langs mekaar bly, is dit 'n bonus. Hulle kom goed oor die weg, en hulle kan deel in mekaar se lief en leed. Dit is hoe Mathilda en Dita oor mekaar voel.

Mathilda Schoeman beskou haarself as 'n goeie buurvrou. Dis net jammer sy kan nie dieselfde sê van van haar ander bure nie, veral van Emelda te Water, die gewese operasangeres.

Die “ondersteuners”, Nigel, Pauline, Japie en Karolus neem deel aan 'n plesiervaart en feesmaal as dankbetuiging vir hulle aandeel aan die arrestasie. Karolus bekla sy lot omdat Tania hom telkens ontduik. Nigel demonstreer hoe 'n mens die ja-woord vra in 'n rolspel met Pauline. Die rolspel verloop anders as wat hy verwag het...

Tania noem aan Anton, Rina en Connie dat sy 'n geleidelike opgradering van die Huis op die Hawe beoog. Anton vra “ouertoestemming” by Tania dat hy en Rina mag trou, en sy willig in.

'n Groot botsing vind plaas tussen twee skibote op die diepsee. Eers ná terugkeer na die hawe en 'n nabetragting met behulp van 'n video van die botsing, besef die betrokkenes wat werklik gebeur het.

Boelie neem die twee dames op die Night Rider na die motorjag vir die oorhandiging, maar almal se planne loop skeef wanneer Boelie agterkom dat die polisie en die vloot 'n vangnet om die sindikaat gespan het. Boelie reageer baie vreemd.

Rina wil verloof raak, maar Anton se aandag is by die arrestasie van Boelie en die sindikaat. Tania wil nie hê dat Rina as 'n lokvink gebruik word om Boelie en sy sindikaat te arresteer nie, maar Anton stel haar gerus.

Boelie skets sy plan vir die groot oorhandiging en partytjie aan Connie, maar dit verskil aansienlik van Anton en Tania se planne vir dieselfde geleentheid.

Anton bevestig by Connie aan wie se kant sy in die konflik is, en maak seker dat sy en Rina gereed sal wees om die oorhandiging van dokumente aan die sindikaat te doen.

Die broers red een van Boelie se spanlede uit die stormsee, maar kry weinig dank daarvoor. Boelie skiet Japie se hommeltuig af, maar hulle herwin die tuig.

Op see gesels Anton en Nigel reguit oor die huwelik, lojaliteit en liefde. Japie laat weet van 'n vreemde missie wat Boelie vir môre beplan, ten spyte van die gure weer wat voorspel word.

Iemand gooi in die nag 'n baksteen deur die skuifdeur van die Huis se balkonstoep. Die polisie word ontbied, en vroegmôre is daar brandstigting in die Huis se boothuis. Nigel vind bewyse van wie die oortreders is.

Tania betrap Mister Chang op heterdaad by die inbraak, en die Sjinees vertrek summier uit die Huis. Boelie stem in dat Anton die dames van die motorjag af kan terugbring met die Blou Blits, maar waarsku Anton om nie sy partytjie te bederf nie.

Nigel ruil soortgelyke selfone om, sodat Japie Mister Chang se selfoon kan ontleed. Japie lei af dat Mister Chang 'n inbraak in Tania se kantoor beplan. Tania vra vir Japie om 'n lokval vir Mister Chang te stel.

Karolus bied aan dat Mister Chang in sy nuwe huis intrek, en Japie en Nigel gryp die kans aan om te help met die trek sodat hulle meer kan uitvind van Mister Chang se kommunikasie-toerusting.

Rina dring by Anton daarop aan om vir Connie te sê dat Connie nie Anton se nommer een meisie is nie. Anton probeer die konfrontasie uitstel.

Connie praat met Rina oor die sketsplan van die perlemoen teelplaas, en sy is ontsteld omdat sy niks van Rina se pogings weet nie. Anton oortuig Connie om te bly totdat sy gehelp het om Boelie vas te trek, maar Tania vertrou nie vir Connie nie.

Anton en Nigel kry bewyse dat Boelie se mense die vrot vis en aas in Tania se boothuis gestort het, maar Anton dink dit is kinderspeletjies teenoor die groot misdade wat eersdaags aan die lig sal kom. Waarom het Rina na Oos-Londen gegaan? Connie vind uit dit het dalk te doen met die feit dat Boelie nou haastig raak.

Connie dreig om te onttrek van haar werk vir Anton as hy nie meer toenadering tot haar wys nie. Tania maak 'n onbehoorlike voorstel aan Anton, en sy ervaar 'n onwelriekende aanval op die Huis.

Nigel verrig wondere met sy spioenasie en waagstukke, maar Connie klink asof sy wil tou opgooi omdat sy voel sy misbruik word deur twee hanteerders.

Karolus nooi Tania vir 'n daknatmaakpartytjie. Sy aanvaar die uitnodiging, maar demp Karolus se geesdrif vir romantiek. Anton, Japie en Nigel agtervolg die sindikaatleier om sy bande met Boelie te bevestig.

Connie bars helder oordag by Anton se woonstel in, en Anton slaag daarin om haar versteek en terug in haar woonstel te kry. Tania kry 'n nuwe aanbod vir die Huis, wat sy amper nie kan weier nie.