Middagvervolgverhaal

Ansie vra Jolene om in die vervolg net as sjef in die gastehuis se kombuis te werk, en dat sy van plan is om die restaurant vir die publiek oop te maak. Francois kry 'n oproep van Dirk dat daar 'n voorval by Jakob Maritz se huis was, en dat hy moet oorkom.

Dirk deel die nuus met Basjan dat die Duitsers se juwele op die duine buite die dorp gevind is. Jakob vra Christa om verskoning vir sy gedrag, vertel haar dat hy nog lief vir haar is. Christa pleit by Basjan om haar saam Frankfurt toe te neem.

Francois keer terug van Bloemfontein, en verras 'n terneergedrukte Ansie. Jakob Maritz pleit sy onskuld by kaptein Jafta oor die Duitsers se juweeldiefstal. Francois en sy ma sit vas oor Ansie.

Dirk deel Basjan mee dat hy vir Jakob Maritz ook op die oggend van die juwelediefstal by die gastehuis sien ronddwaal het. Jakob konfronteer vir Christa omdat hulle hom van die diefstal verdink. Dirk krap rond in die kantoor by die gastehuis, en vind 'n verrassing in Belinda se laai.

Basjan wil by Christa weet of sy 'n vermoede het wie die Duitser se juwele gesteel het. Ansie suggereer aan Jolene dat sy Christa verdink. Dalene wil weet hoekom Francois so skielik terug is Bloemfontein toe.

Juweliersware van een van die Duitse gaste word gesteel, en kaptein Jafta moet die saak ondersoek. Basjan vra vir Dirk Dippenaar om uit te vind wie die juweliersware gesteel het. Jolene is ontsteld as haar ma haar vertel hulle vermoed dat dit Ansie was wat die juweliere gesteel het.

Francois probeer uitvind of daar wel 'n verhouding tussen sy ma en Basjan Leroux is. Jakob Maritz vra Christa om verskoning ná hulle onderonsie op die gastehuis se stoep. Dalene is nie beïndruk met die nuwe geskenk wat Jakob vir haar aandra nie.

Ansie vra Jolene se hulp om Francois te verras met 'n romantiese Griekse ete by die gastehuis. Dirk onderneem om Francois te konfronteer oor sy toekomsplanne met Ansie.

Jakob is bekommerd oor Ansie, en gaan vra vir kaptein Jafta om met Christa te praat. Ansie dien haar bedanking by die gastehuis in, en lig Christa in dat sy besluit het om verder te gaan studeer. Jolene reël 'n piekniekverrassing vir Ansie, wat haar heeltemal oorweldig.

Basjan lig Christa in dat Jakob op die punt is om te teken, en dat hulle hulle verhouding tydelik op ys moet plaas. Christa vra vir Dirk Dippenaar om veiligehidskameras by haar huis op te rig. Ansie is steeds ontevrede met Christa wat tydelik vir haar ma instaan by die gastehuis.

Ansie is ongelukkig dat Basjan vir Christa gevra het om die gastehuis te bestuur in haar ma se afwesigheid. Fanie vertrek terug Bloemfontein toe, en beloof dat hy binnekort terug sal wees. Jolene probeer haar bes om Ansie te ondersteun, en bel vir Francois om te kom kuier.

Jolene en Ansie bespiegel oor hoekom Fanie altyd swart dra. Basjan probeer Belinda tot haar sinne bring ná haar uitbarsting en dreigement om van hom te skei. Die inkopie-uitstappie ontaard in 'n nagmerrie toe Belinda vir die oempa-orkes elf-uitrustings soek.

Fanie kla by Belinda oor die interdik wat Christa dreig om teen hom te kry, wat hom sou verbied om binne 'n sekere afstand van haar te kom. Belinda is in 'n toestand nadat sy verneem van Christa se planne om die Duitse gaste met rieldansers in plaas van haar oempa-orkes te vermaak, en word dronk.

Fanie en Jakob bespiegel oor hoe hulle permanent van Basjan ontslae kan raak. Christa vra vir Jolene om haar te help om 'n rieldansgroep te vind vir die Kersete. Jakob is verras wanneer Christa hom uit die bloute nooi vir 'n stap in die parkie. Fanie wil weet of sy tafel vir Kersfees bespreek is.

Belinda wil by Basjan weet of hy besig is met mynbou-planne op die grond langs die reservaat. Christa wil die Duitse gaste verras met 'n rieldansgroep tydens die Kersete, maar Belinda het ander planne. Basjan vra vir Christa om weer met Jakob te flirt in 'n poging dat hy die oordragvorm sal teken.

Christa kla by kaptein Dalene Jafta oor Fanie en Jakob wat so lastig is. Sy dink Fanie Louw volg haar rond op straat. Ansie stel voor dat Jolene daaraan begin dink om ook 'n kêrel te kry. Christa wil by Jolene weet hoekom die duine by Witsand so brul as mens daarop stap.

Christa vertel vir Basjan dat Belinda die uitstappie na die duine met die Duitsers heeltemal oorgevat en moontlik verongeluk het. Dalene verneem by Belinda of sy weet hoekom Basjan op die grond langs die reservaat boor. Fanie vertel vir Christa van sy aftreeplanne, en maak haar 'n aanbod.

Fanie Louw, stem helaas in om in die glorified Wendy-huis te woon terwyl die Duitsers sy kamer beset. Kaptein Dalene Jafta van die satelliet-polisiekantoor verwittig Jakob Maritz dat sy die skerpioen moet konfiskeer omdat hy nie 'n wettige permit het om insekte binne 'n reservaat te versamel nie.

Basjan gee vir Christa aanwysings oor hoe sy die Duitsers moet hanteer, en vra dat sy niks sê van die oordragvorms wat Jakob nog nie geteken het nie. Fanie Louw, die verkoopsman, daag midde die Duitsers se aankoms op en is woedend dat sy gereelde kamer nie beskikbaar is by die gastehuis nie.

Basjan ontmoet Jakob op die duine buite die dorp, en word deur 'n skerpioen gesteek. Belinda is opgewonde oor die Duitsers wat by die gastehuis kom oorbly. Ansie en Jolene moet bontstaan om alles gereed te kry vir die belangrike gaste. Basjan dreig om Jakob iets aan te doen as hy nie die oordragvorms teken nie.

In die slotepisode van F.A. Venter se klassieke topverkoperroman, voel Simon oplaas dat hy sy lewe ten volle gewy het aan sy lewenstaak. In die laaste oomblikke van sy lewe, terwyl hy ongekende pyn en foltering verduur, beleef hy egter een van die mees verblydende oomblikke van sy lewe.

Simon word begroet deur 'n volgepakte sinagoge waar daar letterlik nie plek vir 'n muis is nie. Pas nadat hy met sy rede begin het, herken iemand uit die gehoor hom. Gabriël en Groot Miga se pleidooie om Simon Niger van 'n brutale verhoor deur die goewerneur van Cirene te vrywaar, val op dowe ore.

Oplaas kom Alexander en Simon in Cirene aan. Alexander probeer vir oulaas desperaat om Simon te oortuig om af te sien van sy plan, en liewer saam terug te keer na Ostia. Alhoewel Simon vriendelik in Cirene ontvang word deur sekere individue, is die boodskap duidelik dat Rome beslis nie vergeet het nie...

Alexander se reaksie om sy vader na soveel jaar weer te sien, oortref Simon se stoutste verwagtinge. Simon se oudste seun is egter geskok om van sy bejaarde ou vader se voornemens te hoor.

Met nog net Alexander wat lewe, is al Simon se geliefdes van hom af weggeneem. Daar is net een keuse vir hom, en dit is om te werk om genoeg geld bymekaar te maak om terug te keer na sy geliefde Cirene.