Middagvervolgverhaal

Max en Pietie begin vermoed dat Mollie en Ben op hulle spoor is. Hulle dink daaraan om die twee dalk ‘stil te maak,’ maar besef dat dit die aandag van die polisie sal trek. Die boewe besluit om Vincent na ʼn plaas in die Vrystaat te vervoer.

Mollie en Ben is weer by Vincent se ma vir aandete. Ma vertel hulle stories van hoe Vincent in sy kinderdae gereeld van die huis af weggeloop het. Sy het altyd geglo hy sal gevind word, maar hierdie keer is sy nie daarvan oortuig nie.

Matilda oorreed Mollie om saam met haar na ʼn jogaklas te gaan, waar hulle begin wonder of alles wat hulle doen om Vincent op te spoor, die moeite werd is. Mollie weet dat sy nie moed mag verloor nie, maar soos die dae verbyvlieg raak dit vir haar moeiliker om positief te bly.

Mollie en Ben klop by ʼn universiteit aan vir hulp en inligting oor die Van Gogh-skilderye. Hulle probeer die waarde en outentiekheid van die skilderye bevestig. Ben ontmoet vir Stefaan, en dis duidelik dat die twee van mekaar hou.

Tante Susan besoek Mollie onverwags op kantoor. Sy vertel die storie oor hoe die skilderye in die van De Venter-familie se besit gekom het. Susan probeer haar bes om Mollie op ʼn dwaalspoor te plaas.

Max en Pietie is woedend dat kaptein Cilliers by die saak ingetrek word. Hulle blameer Vincent daarvoor, en straf hom. Vincent weier om hulle te help, en Max laat hom verstaan dat sy lewe afhang van hoe behulpsaam hy is.

Terwyl Mollie en Ben op kantoor besig is om planne te beraam, kom kaptein Cilliers onverwags daar aan. Hy is bekommerd oor wat met sy ou diensmaat gebeur het. Wanneer hy sy ry kry, bel Mollie vir Matilda. Hulle besef dat hierdie storie baie groter is as wat hulle geglo het. Nuwe planne sal beraam moet word.

Kaptein Cilliers waarsku vir Pietie om nie in sy kar buite Matilda se huis te sit en wag nie. Mollie ontmoet Matilda se tante Susan. Alhoewel hulle goed oor die weg kom, vertrou Mollie haar nie.

Mollie laat kaptein Cilliers weet van die verdagte motor buite Matilda se huis. Matilda wys vir Mollie die kluiskamer in haar huis. Sy kan nie verstaan hoe die vier skilderye so maklik daaruit verdwyn het nie.

Mollie en Ben kuier by Vincent se ma om haar op hoogte te hou van gebeure. Matilda bel om vir Mollie te vertel van die vuil groen kar wat sy gedurig buite haar huis opmerk.

Ben deel Vincent se ma se teorie oor Max met Mollie. Hulle probeer aan ʼn plan dink om Max op te spoor. Vincent onderhandel met Max en Pietie oor sy vryheid. Die boewe het nie lus vir sy parmantigheid nie, en dinge raak rof.

Matilda en Mollie ontmoet vir middagete, waar Mollie meer uitvind oor die Vincent van Gogh-skilderye. Terwyl Ben by Vincent se ma tee drink, onthou sy die boef wat Vincent so geteister het toe hy ʼn polisieman was. Ma glo dat Max nie alleen die ontvoerder is nie, maar ook die een is wat Vincent geskiet het.

Mollie en Ben besluit om met kaptein Cilliers, ʼn vriend van Vincent, te praat. Kaptein Cilliers sê hy sal probeer om te help. Om te keer dat die situasie erger word, wil Mollie nie nou vir Vincent as vermis aangee, of ʼn saak oopmaak nie.

Max en Pietie stel hulleself voor as vennote van Vincent, en begin vir Matilda uitvra oor die skilderye. Matilda vertrou hulle nie, en gee niks weg nie.

Mollie kuier by Vincent se ma om haar te laat weet dat haar seun spoorloos verdwyn het. Matilda bel vir Mollie en begin ʼn bietjie meer openlik praat oor Vincent se optrede die nag van sy verdwyning. Matilda se voordeurklok lui – daar is twee onbekende mans op haar drumpel.

Mollie en Ben gaan na Matilda se huis, en wil by haar weet waar Vincent is. Wat sou van Vincent geword het, en waar moet hulle begin om te soek? Max kom kuier vir Vincent waar hy gevange gehou word. Max sal Vincent vrylaat op voorwaarde dat hy nie vir Matilda die waarheid oor die Van Gogh-skilderye vertel nie.

Die volgende oggend besef Mollie en Ben dat Vincent spoorloos verdwyn het. Sy selfoon skakel direk oor na ʼn boodskaptoep toe. Daar is fout, maar hulle is hulpeloos om iets te doen. Moet Mollie vir Vincent se ma laat weet? En wat dan nou van die troue?

Twee goeie vriende, Ben en Mollie, beplan Mollie en Vincent se troue. Vincent laat weet dat hy laat tuis sal wees. Max probeer om Vincent te oorreed om nie na die vermiste skilderye te soek nie. Kort nadat hy ʼn whiskey gedrink het, verloor Vincent sy bewussyn.

Vincent vind meer uit oor die skilderye. Hy besef dat om dit terug te kry, ʼn moeilike saak sal wees. Max, ʼn misterieuse kennis uit Vincent se verlede, nooi hom vir ʼn drankie.

Die privaatspeurder, Vincent Daniels, word na Matilda van De Venter se huis ontbied om ʼn saak van diefstal te ondersoek. Twee skurke, Max en Pietie, stel belang in wat Vincent reeds weet oor die vier vermiste skilderye.

Die Lingerfelders is dit eens dat familie en vriende die belangrikste ding op aarde is.

Aletta laat Bets groot skrik.

Jos dreig Chris opnuut.

Roelf probeer vrede bewerkstellig tussen Bets en Aletta.

Pearl het 'n blink plan.