Middagvervolgverhaal

Ampie verdrink sy sorge in Gert se kafee, en erken ’n paar dinge wat selfs Gert se oë laat rek. Nadat die ondenkbaarste terugslag hulle getref het, kondig Ampie-hulle aan dat hulle teruggaan plaas toe. Terug op Aangenaam vra Ampie vir Kasper ’n laaste guns...

Elias sê vir Grieta hy het ’n slegte droom gehad, en Kasper skryf dit toe aan bygeloof. Bart kom paniekerig vir Ampie sê dat hy moet vlug want Frits Steyn is gearresteer. Bart vra Ampie om Hester te gaan troos toe hy op die vragmotor klim na ’n onbekende bestemming. Hester is ten gronde oor Frits se inhegtenisneming, maar praat Ampie moed in met klein Jakob se siekte.

Bart gee sy kamer met al die inhoud aan Ampie en Annekie, en benoem klein Jakob as sy enigste erfgenaam. Annekie sê die baba is nie gesond nie, en Ampie is bekommerd dat Annekie enige vorm van medikasie verbied en volstaan dat gebed al is wat sy sal toelaat. Bart maak Ampie touwys oor die verkoop van diamante, en Ampie gaan doen sy eerste transaksie met die geslepe diamanthandelaar, Bob.

Ampie en Amos lê Bart in sy kamer voor. Bart verduidelik hoe die polisie op sy spoor is, en dat hy en Frits Steyn beplan om binnekort na Duitswes te vlug waar hulle ’n plaas wil koop. Ampie sê hý sal die volgende dag die sorteertafel beman en Bart die voerbak.

Tys bekla sy lot by Ampie, en sê hy twyfel of hy weer sal teruggaan na die tabernakel. Dawid sê vir Ampie hy glo nou bo alle twyfel dat Bart ’n skelm is. Ampie en Amos maak ’n ontstellende ontdekking.

Ampie maak ’n voorstel aan Dawid wat hom baie opgewonde maak. Kasper is binnekort op pad terug plaas toe om die winteroes te gaan plant, maar Ampie sê hy wil om ’n paar redes nie nou reeds saam teruggaan nie. Kasper waarsku Ampie weer ernstig teen Bart. Tys keer ontsteld terug van die tabernakel en praat van verraad.

Daar is groot afwagting en opgewondenheid onder die delwers in Ampie-hulle se kleim, want Bart voorsien dat die groot diamante met die laaste hoop se was te voorskyn sal kom. Ampie deel ’n droom met Kasper, en Dawid sê hy hou sy oë op Bart, want hý is die man wat in die grootste versoeking is elke dag.

Ampie kry besoek van ’n onverwagte gas, en erken dat Annekie se sterk betrokkenheid by die tabernakel hulle gesinslewe negatief beïnvloed. ’n Gesprek met Kasper maak Ampie al hoe meer agterdogtig en bekommerd oor die welsyn van die familie op Donkerpos.

mpie verstaan nie die reaksie van sy familie, Annekie en Tys inkluis, oor sy gedrag in die tabernakel die vorige aand nie. Hy vrees bo alles dat Kasper hom in daardie toestand gesien het. Kasper kom soek Ampie op by die kleim en waarsku hom ernstig teen Bart. Ampie droom van die dag wat hulle weer kan teruggaan na Aangenaam.

Kasper Booysen en Tys Lombaard verskil van mening oor hoe Ampie hanteer moet word. Bart stel nie daarin belang om Annekie te help om Ampie op die regte pad te help hou nie, en Kasper rig ’n subtiele waarskuwing aan Bart.

Nadat Ampie veels te veel by Gert se kroeg gedrink het, verdwaal hy in die donker op pad terug na sy skuiling. ’n Onwaarskynlike gids lei hom terug huis toe. Die aand eindig in totale chaos vir Ampie en sy hele familie.

’n Ernstige woordewisseling tussen Annekie en Ampie laat hom woedend die huis uit storm om met Kat by die kafee te gaan kuier, maar hy word ontnugter. Ampie leer dat die vere die voël op die delwerye maak.

Bart en Ampie raak byna handgemeen toe Bart hom spot oor Annekie en Tys se reaksie op sy gedrag die vorige aand. Ampie kuier vir middagete saam met Bart by Frits en Hester aan huis, en drink te veel wyn. Hy wil Annekie en Tys daardeur laat verstaan dat hulle nie in beheer is van sy gedrag nie, en hom nie na willekeur kan hiet en gebied nie.

Ampie en Annekie het woorde, en Tys frustreer Ampie met sy ewige teologiese redenasies. Amos rig ’n ernstige waarskuwing aan Ampie, wat erken dat sy vriend reg is, maar hy is terselfdertyd ook vasbeslote dat hy nie sal toelaat dat Annekie en Tys van hom ’n soet, gehoorsame seuntjie maak nie.

Frits begelei ’n ietwat besope Ampie na sy skuiling. Ampie is bekommerd oor wat Annekie weet van die vorige aand se eskapades, en Tys sê vir Ampie dat hy sy plig as man teenoor Annekie versuim het.

Frits vertel Ampie hoe om medisyne te meng wat alle delwerskwale genees, en oortuig hom in die proses sommer ook om ’n bottel brandewyn te aanvaar in plaas van die pond wat hy Ampie skuld. Bart besoek Gert in die kroeg, en ’n bose plan word onthul.

Kat doen haar bes om Ampie te verlei, en neem hom na die dansvloer. Amos hoor Ampie se belydenis aan en gee hom goeie raad. Ampie besef dat Bart se opsomming van Frits heeltemal korrek was.

Ampie hoor twee jongmense baie vleiend van hom praat. Hulle nooi hom om saam met hulle te gaan koffie drink, en dalk iets sterker. Ampie verstom hom aan die gedans in die danslokaal van die “kafee.” Boet neem Ampie na ’n kroeg agter die danslokaal om vir hom ’n regmaker te koop. Ampie voel geweldig gevlei terwyl Kat vir ’n tiental jong meisies vertel wat hy alles in ’n baie kort tydjie op Donkerpo...

Ampie oortuig Bart om Amos toe te laat om vir hulle te werk. ’n Ernstige woordewisseling ry Ampie se vooruitsigte op ’n aand se vrolike kuier in die wiele.

Haas en Elf is só dankbaar dat Bart hulle kleim vir hulle “gered” het, dat hulle Ampie en selfs Bart verras deur hulle optrede. Bart deel ’n geheim met Ampie wat hom baie ongemaklik laat voel. Amos sê vir Ampie dat Bart nog nie bevestig het of daar vir hom werk is nie, en Ampie belowe om met Bart oor die aangeleentheid te praat.

Haas en Elf boesem vrees en ontsag in onder die delwers, en Ampie is self baie lugtig ná hulle hom en Bart gedreig het. Frits kom stilletjies met Ampie praat, en vra hom om vier ekstra penne saam te vat om vir hom ook ’n kleim te gaan afsteek teen ’n pond se betaling. Kort ná die afsteek van die kleim, beleef Ampie egter die volle impak van Haas en Elf se dreigement. Bart maak ’n slim plan om die...

Met die stormloop wat binnekort gaan plaasvind, wil Bart seker maak Ampie weet wat om te doen en waar om die kleim af te steek. Hy het selfs ’n paar tekkies vir Ampie gebring sodat hy nog beter en vinniger kan hardloop. Ampie vergaap hom aan twee baie groot delwers in groot jasse geklee, en lag toe hy hoor wat hulle name is.

In Hester-hulle se delwershuisie loop Ampie hom vas teen ’n vrou met ’n baba op die arm. Hy is stom verbaas toe hy besef wie sy is. Frits bring ’n bottel wyn uit die kamer waarin hy en Bart oomblikke tevore verdwyn het, en sê hy wil ’n glasie klink op ou vriendskap en voorspoed op Donkerpos. Frits bied ’n tweede glas aan, wat Ampie drink, maar dit gaan na sy kop! Annekie lag vir hom, maar Tys is v...

In ’n hamerspel slaan Ampie die kop van hout só hard, dat Josh Eisen hom ’n sjieling betaal om te gaan. ’n Vrouestem por Ampie op sy naam aan telkens as hy die kop teen die klok geslaan kry. Hy is stom verbaas om uit te vind aan wie dié stem behoort.

Bart neem Ampie en Annekie op ’n bekendstellingstoer deur Donkerpos, maar dit blyk gou dat hy donker motiewe het. Tys neem Annie ernstig kwalik vir haar gevoelens oor hulle koms na die delwerye. Vergeet sy dan van sy Goddelike roeping om die verdwaaldes van Donkerpos te bekeer?