Ligwalagwala FM Current Affairs

Lilunga leenhlangano i-Rise Mazansi, ephalamende,  Makashule  Gana, ucokwe njengasihlalo wakomiti letawuphenya ngematfuba ekukhipha esikhundleni mengameli. Lekomiti kulindzeleke icubungule umbiko lowakhishwa mayelana netinsolo tekutsintseka kwemengameli emalini leyantjontjwa epulazini lakhe iPhala Phala. Simeme lomunye lomele iANC kulekomiti lesukunyisiwe,Doris Mpapane.

Mengameli wase-Kenya William Ruto kulindzeleke avakashele live leNingizimu Africa ngekwesikhundla sakhe kusukela kusasa kudzimate kube nguLesihlanu. Mengameli wakuleli Cyril Ramaphosa kanye nalomlingani wakhe waseveni laseKenya batawukhuluma kabanti ngekucinisa budlelwane kutepolitiki kanye nakutemabhizinisi. Simeme Njingalwati Zamo Mbandlwa kutokhuluma ngaloluvakasho.  

Lucale itolo kusebenta loluhlelo lwekubhalisa timoti letingena kulelive ekubeni benikati bato batibhalise emaveni angaphandle. Kutfola kabanti ngaloluhlelo, sinalokhulumela iSARS Siphithi Sibeko.

Tisebenti letimbili tamaspala we Mbombela kulesifundza se Mpumalanga tivele enkantolo yamantji ngemacala ekukhwabanisa kanye nekuhweba ngemali lengekho emtsetfweni. Simeme lokhulumela luphiko lwema-HAWKS kulesifundza, Magonseni Nkosi kutosichazela kutsi kwentekeni.

Kubuka kutsi njengoba kucala inyanga yebantfu labasha kulelive, ingabe ita nawaphi ematfuba ekufukula lusha. Simeme Umnuzane Thapelo Maleke lophuma ku-Youth Chamber of Commerce.

Lilunga leRise mzansi ephalamende, Makashule Gana ukhetfwe njengasihlalo wekomiti lesukunyuselwe kuphenya tinsolo tekungatiphatsi kahle kwamengameli Cyril Ramaphosa. Letinsolo tisukela embikweni lowaveta kutsi kunetinsolo lekumele atiphendvule mengameli Ramaphosa mayelana naloludzaba lwase-Phala Phala. Kuyihlatiya kabanti lendzaba, sichumana senasi setembangave lesiphuma eUnivbersity of Mpumalanga...

Umbiko losaseluhlaka walelikomit lesikhashana ephalamende lebephenya ngekugcambukela kwepolitiki emsebentini wemaphoyisa usola  indvuna lesekhefini yemaphoyisa Senzo Mchunu ngekuphambuka ngalesikhatsi ahlakata iPKTT.  Simeme umhlatiyi wetebugebengu, Dkt Mxolisi Mathebula.

Umholi wemphakatsi wamaPakistani e-Estcourt esifundzeni saKwaZulu Natal ucela kusekelwa kulandzela kutsi bantfu batitapele etitolo letili-10 letiphetfwe bantfu bekuchamuka ngaLwesihlanu. Sikhulumisana nasihlalo we- Pakistan Association Southern African, Waqar Ahmad.

I-Democratic Alliance (DA) seyivakalise kukhatsateka ngekwandza kwetehlakalo tekugagadlelwa kwebantfwana letibikwe kumasipala wase-Gert Sibande kulesifundza seMpumalanga. Kukhuluma ngalendzaba sichumana nalokhulumela i-DA ehlangotsini labomake, bantfwana nebantfu labakhubatekile, Angel Khanyile

Esigabeni setfu semabhuku, namuhla sibuka libhuku lelinesihloko lesitsi  UTHONGATHI : IZWE LIKASHUKELA lelibhalwe ngu Lungi Mtetwa .

Tinhlangano temphakatsi letibeka imali yato eposini titsi nyalo tindvonsa matima nakumele tikhiphe letimali tato letilondvolotwa eposini. Kuva kabanti ngalendzaba sikhulumisana naMaureen Mokone lovela kulenye yaletihlangano temphakatsi e-Mahushu kulesifundza seMpumalanga kanye neMnumzane Thami Cele lophuma kuPost Bank.

Umtimba lobuke kusebenta kwetinkapani i-Companies Tribunal itsi kusukela kwetfulwa luhlelo lolusha lekusebenta le-Case Management Sytem, sekulula kakhulu kutsi labo labafaka tikhalo bakhone kulandzelela umsebenti wabo. Lomtimba utsi kubalulekile kutsi tinkapani tisebentise tinhlelo tabo ngobe atikhokhelwa kunekugijimela etinkantolo uma banetinkinga etinkapanini tabo. Simeme Dr Simukele Khoza, loph...

Siciwi setinyamatane i-Kruger National Park ihlanganisa iminyaka lelikhulu kulemphelasontfo. Simeme  lokhulumela lesiciwi Umnumzane Ray Thakuli..

Inhlangano yemakomanisi i SACP ihlele kuhola inkomfa yetinhlangano letihambisana nenchubo yebukomanisi. Lenkomfa kulindzeleke ibhunge kabanti ngetingcinamba letibukene nebantfu labadla imbuya ngelutsi kanye netisebenti. Kodvwa kutfola kabanti ngalenkomfa sichumana nalokhulumela i SACP  Mbulelo Mandlana..  

Indvuna lebukele tindzaba tabomake, lusha kanye nalabakhubatekile ehhovisi lemengameli, Sindisiwe Chikunga wetfule ngalokusemtsetfweni umgubho weminyaka lengema-70 yekukhumbusa imashi yabomake yanga-1956. Simcelile Ndvuna Chikunga kutsi atosichazela ngalokwetfulwa ngalokusemtsetfweni kwalomgubho wekukhumbula lemashi..  

Bahleli besifundza benhlangano i-March and March batsi lenhlangano itawube ibambe umbhikisho edolobheni iMbombela wekucosha bantfu lebasola ngekutsi bete emaphepha labagunyata kuba kulelive. ikhulumisana nemhlelembisi wayo kulesifundza Umnumzane Beacon Maluka.

Inhlangano letimele legcugcutela bantfu kutsi bagembule ngekucikelela i South African Responsible Gambling Foundation (SARGF) beyibambe umhlangano neMethodist Church of South Africa kutewukhulumisana ngetintfo letifaka ekhatsi, umtselela lobangwa kugembula kuloyo logembulako, emndenini wakhe kanye nasemphakatsini, nekutsi nguyiphi indzima lengadlalwa ngumkhakha wetenkolo ekulweni nalenkinga. Sikhu...

Umkhandlu wetifundza ephalamende iNational Council of Provincec (NCOP) wetfule luphakelo timali lwawo lwemnyaka-timali wa 2026/27. Kuva kutsi leliphalamende lihlele kuyisebentisa njani lemali lelabelwe yona, sicele sihlalo weNCOP, Refilwe Mtshweni-Tsipane..

Likomiti lemgomo wetetimali ngephansi kwesilulu semabhange lincume kukhuphula intalo yemalimboleko nga-25-basis point.  Lelibhange litsi loku kubangwe bungoti bekwenyuka kwemandla emnotfo lekungenca yalemphi lechubeka eMiddle East leholele ekukhuphukeni kwentsengo yawoyela, nalekwente kwabita kakhulu emafutsa etimoti kulelive. Kutfola kabanti ngalendzaba,  sichumana nesati ngetemnotfo, B...

Lucwaningo lolwentiwe be Human Science Research Council (HSRC) luveta kutsi bangu 17% bantfu balelive labatimisele kuyovota kulolukhetfo lolutako lwabohulumende basekhaya. Likhomishana lelengamele lukhetfo iIEC letfule ngalokusemtsetfweni umkhankaso walolukhetfo lwabohulumende basekhaya itolo. Ingabe itawuphumelela kugcugcutela bantfu kutsi bayovota lomkhankaso weIEC? Kutophendvula lombuto nalemin...

Telamani letimbili bo Faith na Phelelile Ndzimande bacale luhambo lolungemakhilomitha langema-400 ngenhloso yekucushisa ngebubheva lobukhona emisebentini. Letelamani taka Ndzimande ticale loluhambo e Springs e Gauteng lamaviki lamabili lengcile. Kulindzeleke kutsi bafike labaya khona e Jeppes Reef e Nkomazi ngeMgcibelo. Kuva kahle ngaloluhambo sikhulumisana na Faith Ndzimande 

Likhomishana lelukhetfo kuleli iIEC litsi litawucinisekisa kutsi bantfu labasha bayavota elukhetfweni lwabohulumende  basekhaya mhla titine ku November. Lelikhomishana letfule umkhankaso welukhetfo lwabohulumende basekhaya.  Kukhuluma kabanti ngalomkhankaso simeme lokhulumela i IEC kulesifundza se Mpumalanga Umnumzane Thanduxolo Chembeni.

I ANC itfumele emalunga lasihlanu lasetulu ekomitini lecondzisa emagwegwe. Lamalunga afaka ekhatsi labo bebatindvuna bo Bheki Cele na Sisisi Tolashe. Kodvwa kutfola kabanti kutsi ingabe sishoni lesinyatselo se ANC sikhulumisana nemhlatiyi wetepolitiki Njingalwati Ntsikelelo Breakfast ...

Sekucokwe litsimba letindvuna tahulumende lelitawubukana nalemibhikisho yekucosha bantfu labate emaphepha lasemtsetfweni ekuba kulelive.  Sikhulumisana nemhlatiyi wetembangave Solly Masilela kutobuka umtselela walemibhikisho kanye nemsebenti walelitsimba.

I-South African Funeral Practitioners Association (SAFPA) itsi bangetulu kwa 20-thousand bangcwabi labangakabhaliswa ngalokusemtsetfweni kulelive.  Lenhlangano itsi lenkinga yandze kakhulu emalokishini, futsi iletsa kukhatsateka ngekuhlonisha kwemigomo yetempilo, kuvikelwa kwemakhasimende kanye nekwentela bantfu imingcwabo lenesitfunti. Simeme Lebo Mnisi lokhulumela i SAFPA.