Ligwalagwala FM Current Affairs

Esigabeni setfu sekucubungula emabhuku namuhla sikhuluma  ngelibhuku lelibhalwe nguBrenda Nomusa Molefe lelitsi "Relationships with Strings Attached."    

Hulumende wesifundza seMpumalanga utsi uyachubek nekutfolela umsebenti losemtsetfweni labo lababita ngema-crime prevention wardens. Kutosichazela kabanti ngaloluhlelo, simeme umphatsiswa wetekuphepha kwemphakatsi, kuvikeleka kanye nekuchumana Jackie Macia.

Inyuvesi yaseMpumalanga itsi seyisisongile lesigaba sekuphendvula bonke bafundzi labatawube benta umnyaka wekucala kulonyaka. Igcizelele kutsi akukavunyelwa kutsi kube nalabatitela matfupha kutofaka ticelo (walk-ins). Sikhulumisene nalibambela lalobuke kubhaliswa kwebafundzi kulenyuvesi yaseMpumalanga Nokukhanya Shongwe.

Inhlangano yemaJuda lakulelive leNingizimu Africa seyivakalise kudvumala nekushaceka ngalesincumo sahulumeni wakulelive le-Ningizimu Africa, sekucosha lincusa lelive laka-Israel. Lelincusa Ariel Seidman uniketwe emahora langema-72 kutsi abe aphume waphela kulelive leNingizimu Africa, njengobe asolwa ngekudzelela mengameli welive Cyril Ramaphosa etinkundleni tekuchumana. Kuyibuka ngeliso lemhlatiyi...

Mengameli wenhlangano iCONTRALESA, Kgosi Mathupa Mokoena, wenta lubito kubantfu labasha balelive lesebakulungele kuhola kutsi batsatse ematomu kulabaholi balenhlangano lesebakhulile. Motsebe Monareng...

Loyo lobekangumholi wenhlangano lephikisako e-Zimbambwe Nelson Chamisa umemetele kutsi uyabuya  kupolitiki. Chamisa wetfule ngalokusemtsetfweni inhlangano yetakhamuti layibita ngekutsi yi-Agenda 2026 latsi ihlose kulwa nenkhohlakalo kanye nekubanjwa kwembuso ngabhongwane Simeme umhlatiyi wetase-Africa, Advocate Sipho Mantula. 

Imibiko levele ngasekupheleni kwemnyaka wa 2025 itsi iNingizimu Africa isekhatsi kwemave langema-25, langakavunyelwa yinkapani i Gilead Sciences kutsi akhicite i-LANACAPAVIR, lokungu-mjovo wekuvikela umuntfu kutsi angangenwa ligciwane lesandvulela ngculaza. Lenkapani yenta loku nanoma lamave bekayincenye yetinhlelo tekuhlola kusebenta kwalomjovo (Clinical trials). Sicocisene na- Nqobile Ngoma loyi...

Sebatfolakele labantfwana lababili lebaminte emfuleni wase Manyeveni ngase Whitervier kulesifundza se Mpumalanga kuleliviki. Kutfola kabanti ngalesehlakalo, sikhulumisana na Sayitjeni Thulisile Magagula wemaphoyisa akulesifundza se Mpumalanga. 

 Tati ngetemvelo titsi kugucuka kwesimo selitulu lokubangwa kukhicitwa kwemoya longcolile (carbon emmission) ngiko lokubangela lesimo selitulu lesesibonakala siyindida eveni. Kubuka loludzaba ngeliso letati letibuke kunakekelwa kwemvelo sikhulumisana neMnumzane Jack Magongo lovphuma ku-Africa Green Earth Projects.

Ikomiti lebukele umgomo wetetimali kusilulu semabhaange lincume kungayiguculi intalo yemalimboleko i-repo rate. Kukhuluma kabanti ngalesincumo sesilulu semabhange, simeme somnotfi lotimele Umnumzane Mandla Malope.  

Mengameli Cyril Ramaphosa sewuyalele libambela lendvuna yemaphoyisa Firoz Cachalia kutsi asukumise litsimba lelikhetsekile lelitawunonopha liphenye labanye balabo lebatsintseka embikweni wesikhashana welikhomishana laMadlanga. Kuyibuka lendzaba sikhulumisana nesati setindzaba tebugebenfgu ngu Dr Mxolisi Mathebula 

Ugwetjwe dzilikajele Sibusiso Mahlalela, loneminyaka lengema-45 ngelicala lekubulala singani sakhe Fikile Mokoena eBarberton, kuso lesifundza seMpumalanga. Motsebi Monareng uyabika

Senyukile sibalo sebantfu labashonele etingotini temgwaco kulesifundza seMpumalanga kulamaholide lasandza kwendlula ekuphela kwemnyaka. Palesa Sotomela uyasibikela.

Letinye tinhlangano temphakatsi ticele hulumende kutsi abuyekete umtsetfo wakuleli , titsi awavuni takhamuti kunaloko ubonakala ubeka embili bangaphandla . Sikhuluma nje lelitiko letasekhaya liphishekile lilalela luvo lwebantfu mayelana neluhlaka lolubuyeketiwe lwemgomo wetebuve, kungena kwebantfu kulelive kanye nekuvikeleka kwebakhoseli, i- Draft Revised White Paper on Citizenship, Immigration, a...

Likomiti lasephalamende lesikhashane leliphenya ngetehlakalo tenkohlakalo emaphoyiseni selibite somabhizinisi wase North West Brown Mokgotsi kutsi atovela ngembi kwalo . Ngaphambilini, Mokgotsi bekadze angafuni kuvela kulo lelikomishana lapho akhale ngekuphepha kwakhe njengaletinye tetizatfu. Kantsi nenhloko yema-Hawks, eKZN, Major General Lesotja Senono uhlangene netimbila titfutsa kuKhomishana l...

Lisekela lendvuna yelitiko letemfundvo lephakeme nekucecesha, Nomsa Dube-Ncube utsi tikhungo temfundvo lephakeme kufanele tetfule tinhlelo tekufundzisa ngetebuchwepheshe, pheceleti e-lerning, kuze titowemukela bantfwana labanyenti. Dube-Ncube ucela batali kutsi bagcugcutele bantfwana kutsi bayofundza kuma-TVET.

Kuyandza kukhatsateka kubafundzi labaphumelele matikuletjeni kulomnyaka lophelile  mayelana nekuswelakala kwetikhala tekufundza etikhungweni temfundvo lephakeme.  Sikhulumisana namengameli wenhlangano yebafundzi South African Union of Students (SAUS), Moses Nkambako.

Sikhungo lesitimele lesilawula tekuchumana, i- Independent Communications Authority of South Africa (ICASA) igcine ilugoba luphondvo lwekucindzetelwa bosopolitiki mayelana nekuphunta kwema-data langakasebenti. Sikhulumisana nemetfuli wetifundvo tgebuchwepheshe eDUT, Siphumelele Zondi.

Emalunga emphakatsi nebalimi baseMashishing, kulesifundza seMpumalanga, bakhala ngesimo lesibi semgwaco lebawusebentisa onkhe malanga. Palesa Sotomela uyasibikela.  

Inyuvesi yeMpumalanga itsi ungemanga lombiko lotsi iyatemukela ticelo tekufundza letifakwa ngemuva kwesikhatsi. Sikhulumisana nelibambela laloyo lobuke kubhaliswa kwebafundzi eUniversity of Mpumalanga, Nokukhanya Shongwe.

Tinyenti kakhulu kulomnyaka ticelo tekufundza letitfolwe yiNyunivesiyeMpumalanga Mthobisi Mkhaliphi uyabika

Thishela Lerato Ramabodu lofundzisa esikoleni i Makwane eQwaQwa eFree State,ucophe umlandvo ngekutsi bafundzi bakhe labenta matikuletjeni batfole 100% esifundvweni sakhe se-Physical Science iminyaka leyimfica ilandzelana. Ramabodu utsi ufundzisa kusukela ngeMsombuluko kudzimate kube Lisontfo. Kukhuluma ngekutilungiselela kwethishela nemfundzi, simeme lowake waba nguthishelanhloko wase-Jacob Mdluli...

Inhlangano yematekisi i-SANTACO itsi bulimele budlelwano emkhatsini wabomalume lebatfwala bantfwana kanye nebatali eGauteng. Lokhulumela iSANTACO kuvelonkhe Rebbeca Phala utsi bahlela umhlangano nabomalume lebatfwala bantfwana kanye nahulumende kutewubonisana ngetindlela tekusebentisana kancono.

Sicocisena nemphatsi lomusha wenyuvesi yase Mpumalanga, Njingalwati Thenjiwe Meyiwa  kutotfola tinhlelo lanato ngalenyuvesi. 

Inhlangano yetitjudeni iSASCO ivakalise kukhatsateka ngekutsi banyenti bantfwana labangeke betitfole tikhala tekufundza etikhungweni temfundvo lephakeme. Sikhulumisana nalophuma kulenhlangano yeSASCO eMpumalanga, Siyabonga Shabalala.