Ligwalagwala FM Current Affairs

Inhloko lebukene netindzaba temtsefto kumasipala wase Ekurhuleni eGauteng,  Keme Buhari nelisekela  lemphatsi wemaphoyisa emgwaco Ekurhuleni lelisamisiwe emsebentini, Julius Mkhwanazi, baniketwe ibheyili ya 50 thousand we ma Randi yinkantolo yamantji e Germiston. Laba labanye lababili labasolwa nabo, Linda Gxasheka na-Imogen Mashazi nabo lebatikhulu letimisiwe kuwo lomasipala, batawuchub...

Umkhandlu lobuke kusebenta kwebameli kuleli i-Legal Practice Council of South Africa, sewetfule emaphepha enkantolo lephakeme e Jozi ngenhloso yekufuna kwekutsi loyo bekangumvikeli wesive Busisiwe Mkhwebane, akhishwe eluhlwini lwebameli. Kutfola kabanti kutsi simayelana nani lesicelo ecingweni sikhulumisana naye Advocate Busisiwe Mkhwebane.  

Tinyonyana tetisebenti tivakalise kukhatsateka ngesincumo semgcinimafa sekugodla imali yesibonelelo sabomasipala. Kulesifundza se Mpumalanga, batsatfu bomasipala labatsintsekako kuloludzaba, yi Nkomazi, Emakhazeni kanye ne Victor Khanye. Kepha kuva kutsi lelitiko lelibukele kusebenta kwabomasipala litsini ngaloludzaba asamukele umphatsiswa welitiko lekubusa ngekubambisana, kuhlaliswa kwebanftu net...

Sikhungo lesibukele kusebenta kwemincele i-Border Management Authority (BMA) sitsi senyukile sibalo sebantfu labengce egedeni lase-Beitbridge eMusina, esifundzeni seLimpopo. Ngekusho kweBMA kusukela kucale loluhlelo lekubuyiselwa emuva kwebantfu labangenamvumo yekuba kuleli, sekuhambe bantfu labangetulu kwa-45 thousand. Kukhuluma kabanti ngalendzaba sicocisana nelisekela laNkomishana weBMA, Umnumz...

Inhlangano yetimboni tetimoti i-Motor Industry Association incenga bantfu labanetimoto kutsi babosukumela etulu nakuphume satiso sekujikiswa kwetimoti teluhlobotsite natinetinkinga.  Loku kulandzela lesimemetelo sakamuva lesatisa ngekujikiswa kwetimoto teluhlobo lwe-Jaguar Land Rover, letifakwe i AJ-20-D6 three-Litre V6 Turbo-diesel Engine. Kantsi likhomishana letebatsengi i National Consumer...

Mengameli welive lase Melika Donald Trump utsi lesivumelwano sekubeka tikhali phasi kulemphi yase Iran sebasilahle ngelifastelo. Lokuhlaselana kabusha kwalamave lamabili kuta nje tiyachubeka tinhlelo tekufihla loyo bekangumholi losetulu ngekwenkholo ye-Islam,  lowashaywa ngemabhomu Ayatollah Ali Khamenei. Kutfola kabanti ngemshiyandvuku wa Khamenei sikhulumisana nasolwati wetindzaba tangaphan...

Masipala waseNkomazi utsi utawukhulumisana nelihhovisi lemgcinimafa ngenhloso yekutsi likhulule lesibonelelo salomasipala lelisigodlile. Simeme umphatsi wamasipala Oscar Nkosi

Lihhovisi lemgcinimafa litsi liyigodle kwesikhashana imali yesibonelelo yabomasipala labangema-69 ngobe bangakalandzeli umtsefto lolawula kuphatfwa kwetimali tabomasipla. Kulesifundza se Mpumalanga batsaftu bomasipala labatsintseka kuloludzaba lekuyi Nkomazi, Emakhazeni kanye ne-Victor Khanye. Kukhuluma kabanti ngalendzaba asamukele  Zamo Gwala, lobukene netindzaba tekuphatfwa kwetimali nekul...

Litiko lemaphoyisa kulelive selicele lusito ku-Special Investigating Unit mayelana nekuphenya kushengetisa bukhatikhati kwetikhulu temaphoyisa. Indvuna yemaphoyisa itsi kuleminyaka lesihlanu leyengcile, kubenebaphatsi labangu-4 608 labavete simo sabo ngasetimalini. Kuva kutsi kusho kutsini loku, sichumana nasolwati ngetebugebengu, Dr Mxolisi Matsebula 

Inhlangano lebuke tindzaba tebantfu labachamuka kulamanye emave labakhosele kulelive iAfrican Diaspora Forume seyibe nelivi ngalabantfu labachamuka ngaphandle lekubikwa kutsi balala ngaphandle kwemahhovisi el;tiko letasekhaya e-Durban. Sikhulumisene nasihlalo wayo Dr Vusi Sibanda.

Kubikwa kutsi seyivaliwe lendzawo yesikhashane leseDurban, lebeyikhoselise labantfu bangaaphandle lebekumele batfutselwe emnceleni e-Beitbridge bridge, e-Musina kuze bawele umncele babuyele emakubo. Nanoma kunjalo, solo bayachubeka nekuta kulesikhungo ngelitsemba lekutfola lusito lekubatfutsa babuyele emakubo. Kutfola kabanti ngalesimo sikhulumisana nentsatseli ye-SABC  Zanele Buthelezi

Namuhla eluhlelweni kletindzaba telukhetfo ngaLwesitsatfu sibuka kabanti ngemgomo wekutiphatsa ngesikhatsi selukhetfo (Electoral Code of Conduct). Lokhulumela iIEC eMpumalanga Thanduxolo Chembenin ukhona kutosichazela.

Umcwaningi ngetemnotfo lapha kaSABC Velemseni Mthiyane utsi lemibhikisho ye-March and March ayiwatsikameti emabhizinisi lamakhulu kepha kunaloko kushayeka kakhulu emabhizinisi lasakhasa. 

Ligama lemholi weEFF Julius Malema beligcmile kukhomishana laMadlanga namuhla ngalesikhatsi umholi webufakazi, Advocate Matthew Chaskalson etfula imilayeto yamakhalekhikhini beyiphambana emkhatsini kwakhe Malema kanye nasomabhizinisi Mohammed "Mo" Sayed. Lelikhomishana licale ngekuhlehlisela kumhla ka-15 kulalela bufakazi baVusimuzi "Cat" Matlala. Sikhulumisana nentsatseli yeSABC Sibahle Motha.

Kushone bantfu labane engotini letsintsa iloli netimoti letisiphohlonga emgwacweni iR555 emkhatsini kweMiddelburg neMalahleni kulesifundza seMpumalanga. Lortosichazela kabanti ngalengoti ngulokhulumela litiko letekuphepha kwemphakatsi, kuvikeleka nekuchumana,  Moeti Mmusi.

Live laseMorocco selendlulele kuma-quater finals emchudzelwano wendzebe yemave emhlaba ebholeni letinyawo kulemidlalo leseMelika, Mexico naseCanada. Kubuka takamuva ikakhukukati kudlala kwemave ase Africa kule World Cup, asamukele umetfuli wetemidlalo ku Ligwalagwala FM, Sibusiso "SD" Mashabane.  

Namuhla kuhlangana umnyaka Nkomishana wemaphoyisa esifundza saKwaZulu Natala, Gen Nhlanhla Mkhwanazi abhibita tinsolo tenkhohlakalo nekugcambukela kwepolitiki emsebentini wemaphoyisa. Loku kwaholela ekusungulweni kwelikhomishana laMadlanga kuze liphenye ngaletinsolo, Kubuka umsebenti walelikhomishana, sikhulumisana nesati ngetebugebengu, Umnumzane Andy Mashaile 

Lelikomishana la-Madlanga lasungulwa ngemuva kwetinsolo letentiwa ngu Nkomishana wemaphoyisa esifundzasa Kwazulu Natal, Gen. Nhlanhla Mkhwanazi, lowabibita tinsolo tenkhohlakalo nekugcambukela kwepolitiki emsebentini wemaphoyis. Kubuka kutsi betindzaba babike njani ngaloludzaba sicocisana Hopewell Radabe lophuma emkhandlwini webahleli betindzaba kuleli i-SANEF.

Umsolwa Vusimuzi "Cat" Matlala kulindzeleke avele kusasa phambi kwelikomishana laMadlanga. Siyibuka nasolwati ngetebugebengu, Dr Mxolisi Mathebula

Namuhla kuhlangana iminyaka lemibili kwasungulwa hulumende welubanjiswano, iGovernment of National Unity (GNU) kulelive.  Simeme umhlatiyi wetepolitiki, Prof Bheki Mngomezulu kutobuka naye leminyaka lemibili ye GNU.

Sikhwama lesincesitelisa bantfu labalimele etingotini temgwaco kulelive iRoad Accident Fund (RAF), siyachubeka neluhlelo lwaso lelihlose kuhlomisa ngemakhono bantfu labasha ngekubakhokhela tindleko tekubafundzisa kushayela ngendlela letophephisa timphilo emigwacweni. Loku kulandzela lucwaningo loluvete kutsi bantfu labasha ngibo lebashona kakhulu etingotini temgwaco. Kukhuluma kabanti ngaloluhlelo...

Litiko letemphilo likhutsata bafana nemadvodza kutsi bahambe bayosoka etikhungweni tetemphilo ngaphansi kwaloluhlelo i-Voluntary Medical Male Circumcision (VMMC). Kukhuluma ngaloluhlelo, simeme lomelele litiko letemphilo eMpumalanga ngalo loludzaba, Heskin Maluka

 Iyacala namuhla ebusuku imidlalo yemkhumlajezi yesigaba se last 16 ye-2026 FIFA World Cup kantsi i-Afrika ibeke litsemba layo ku-Morocco neEgypt lekungiwo emave lasele lamele lelivekati leAfrika.  Kukhuluma kabanti ngalendzaba asemukele Hloni Mathonsi longumhlatiyi welibhola letinyawo

Lemikhankaso yekucoshwa kwebantfu bangaphandle lebacoshwa kulelive ngoba bngenauo imvumo yekuhlala kulelive idala kukhungatseka engcondvweni ebantfwini labanyenti ngekusho kwabosolwati ngetengcondvo. iKucaciseleka kahle ngalesimo, sicocisana nadokotela loweluleka ngengcondvo lophuma etikweni letemphilo eMpumalanga, Dr Girly Twala.

Umholi  webufakazi ekhomishaneni laMadlanga,  Advocate Adila Hassim, utjelele lelikhomishana kutsi mlayeto ye Whats Up emkhatsini kwa-Major General Feroz Khan. Hassim ufundze sitatimnde nanobe Khan bekangakho njengobe kutsiwa usesibhedela ngemuva kokudutjulwa. Kepha kuyibuka lendzaba, simeme sati ngetebugebengu- Andy Mashayile...