Ligwalagwala FM Current Affairs

Mabhalane we-ANC kulesifundza se-Mpumalanga Muzi Chirwa wenta lubito kumalunga emphakatsi  lanelwati ngalesigameko sekubulawa kwebantfu eMkhuhlu kutsi abambisane nemaphoyisa kuze kuboshwe labatsintsekako.

 Licala la Vusimuzi "Cat" Matlala selihlehliselwe ku September kulomnyaka kulandzela kutsi ahocise sivumelwano bekasente nelihhovisi letekushushisa iNPA. Kutfola kutsi lokuhoca kwakhe kulesivumelwano kusho kutsini, sikhulumisana nemmeli longumsunguli weMatsane Attorneys, Bongani Matsane.

Tibonakala tandza tehlakalo tekudutjulwa kubulawe bantfu eCalcutta, eMkhuhlu kulesifundza seMpumalanga. Loku kulandzela sehlakalo sakamuva lapho kudutjulwe kwabulawa bantfu labane kuleLisontfo lesisuka kulo. Simeme umphatsiwa wetekuphepha kwemphakatsi, kuvikeleka nekuchumana e Mpumalanga,Jackie Macie.

Indvuna yhetebudlelwano nemave angaphandle Ronald Lamola utsi kunyenti lokuvunyelwene ngako lekutawutfutfukisa lelive kuloluhambo lwemengameli Cyril Ramaphosa lekuvakashela eFrance ngekwesikhundla sakhe. 

I University of Mpumalanga, eMbombela, itawusingatsa ingcungcutsela yenhlangano yabothishela betibalo iAssociation for Mathematics Education of South Africa (AMESA). Lengcungcutsela itawutsatsa emalanga lasihlanu. Kuva kabanti ngalengcungcutsela sichumana nasihlalo weAMESA Kkulesifundza, Nkosinathi Nkambule.

Mengameli Cyril Ramaphosa uvakashe ngekwesikhundla sakhe eveni laseFrance  tinsuku letintsatfu. Kubuka kubaluleka kwaloluhambo, sikhulumisana nemhlatiyi wetemave emhlaba, Prof. Mbekezeli Mkhize.

Mengameli wenhlangano yebaholi bendzabuko, iContralesa, Kgosi Mathupa Mokoena, utsi ngetulu kwekutsi abahambisani nemagama lakhiswe Silo Misizulu kaZwelithini kuletitfombe letinyakatako, kepha kubalulekile kungakhipheli ngaphandle tibi tasendlini. 

Kulesimo semnotfo lesitfwese matima bantfu labanyenti bakulelive, beluleki ngetetimali bayachubeka  nekugcugcutela bantfu kutsi batetayete konga imali. Banatfu labanyenti bakhala ngekutsi imisebenti iyikho, imiholo ayikhuphuki emsebentini futsi nematfuba ekuvula emabhizinisi alufifi. Yini lokumele yentiwe bantfu kwetama kuphila nekonga lokutsite kuloku lokuncane labatsi banako? Kwetama kucush...

Licembu lebantfu labasha e-Pienaar ngaphandle kancane kwe-Mbombela kulesifundza se-Mpumalanga libambe umhlangano lobitwa nge Youth Economic Empowerment Indaba. Labantfu labasha batsi bafuna kulungisa tinsayeya letibukene nelusha letifaka ekhatsi kuswelakala kwemsebentii, bugebengu netidzakamiva. Kuyiva kahle lendzaba sicocisene nalomunye webahleli bale- Youth Indaba, Innocent Msibi.

Mengameli we CAF Dr Patrice Motsepe wendlulisele emavi ekudvudvuta umndeni, badlali, bangani kanye nebalandzeli beMamelodi Sundowns kulandzela kwendlula emhlabeni ngekutuma lokukhula kwemdlali weBafana Bafana nayo iSundowns Jayden Adams. Imibiko ngekushona kwaAdams ifike esiveni itolo. Kukhuluma ngalokwendlula emhlabeni kwalomdlali, asemukele intsatseli yetemidlalo David Samkethe.

 Tibalo letikhishwe kamuva tivete kutsi bangetulu kwema-20 bantfu labatibulalako malanga onke kuleli kantsi linyenti labo bantfu labadvuna labasemkhatsini kweminyaka leli-15 kuya ema-29. Yini lengentiwa ekulweni nalesihlava sekutibulala ikakhulukati kubesilisa? Kusibuka lesimo sememekele Dr Sanele Gamede loyi Life Coach 

Sikhungo setekuvakasha nekongiwa kwemvelo kulesifundza, iMpumalanga Tourism and Parks Agency (MTPA), sitsi isakhulumisana nalamave lesakhelene nawo iMozambiki neSwatini mayelana nekucinisekisa kuvikeleka nekuphepha kwetivakashi letihambela lamave lamatsatfu lafaka ekhatsi nayo iNingizimu Africa. Loku kulandzela kuvela kwetitfombe letinyakatako letikhombisa tivakashi taseNingizimu Africa kwangatsi...

Namuhla esigabeni setfu semabhuku sicubungula libhuku lelibhalwe ngu Khensani Sayiya loneminyaka lengemashumi lamabili nesihlanu wase Gobhoza e Pienaar kulesifundza se Mpumalanga lelitsi " I saw it with my naked eye".

Masipala  we City of Mbombela, ubita bantfu labeswele nalabaluphele labanebumatima ngekubhadaka tinsita kutsi bete ngaphambili batobhalisela luhlelo lwe-indigent programme. Kepha kuva kabanti ngaloluhlelo asamukele umphatsi weligumbi lelibuke kubhadalwa kwetinsita kuCity of Mbombela,  Phumula Mathebula  

Sikhungo lesibitwa nge-Public Intrest South Africa, sifake simangalo ephikweni lemaphoyisa leliphenya ngenkohlakalo ema Hawks, lapho sikhala ngelibamba laNkomishana wemaphoyisa kulelive, Lt- General Puleng Dimpane. Sikhulumisana nasolwati ngetebugebengu, Dr Mxolisi Mathebula.  

Likomishana letebatsengi kulelive lecwayisa batsengi babuyisele timoti tabo taka-BMW njengoba kutfolakele kutsi kunenkinga letsite ledzinga kulungiswa. Lelikomishana litsi timoti letitsintsekako i-BMW 3 series, 4 series, kanye naleminye imhlobo yakhona ka-BMW. Litsi letimoti nguletatsengwa kusukela nga-2016 kuta phammbili. Kuyiva kahle lendzaba sichumana nalokhulumela lelikhomishana Phetho Ntaba.

Emaphoyisa esifundza seMpumalanga aphenya emacala lamabili ekushona kwendvodza nemshana wayo loneminyaka lemine budzala eMalahleni. Sicele lokhulumela emapghoyisa esifundza seMpumalanga Col. Mavela Masondo kutosichazela.

Inhlangano leyengamela kusebenta kwetiphaza eThekwini iFood4Nation itsi ayisilo liciniso lemibiko letsi tintfo letitsengiswa etiphaza setiyabita kusukela kucoshwe bekufika lebanganamaphepha ekuba kuleli ngalokusemtsetfweni. Umsunguli weFOOD4NATION Sakhile Mokoena banyenti lebafuna kucekela phansi sitfunti sabosomabhizinisi labancane.

Inhloko lebukene netindzaba temtsefto kumasipala wase Ekurhuleni eGauteng,  Keme Buhari nelisekela  lemphatsi wemaphoyisa emgwaco Ekurhuleni lelisamisiwe emsebentini, Julius Mkhwanazi, baniketwe ibheyili ya 50 thousand we ma Randi yinkantolo yamantji e Germiston. Laba labanye lababili labasolwa nabo, Linda Gxasheka na-Imogen Mashazi nabo lebatikhulu letimisiwe kuwo lomasipala, batawuchub...

Umkhandlu lobuke kusebenta kwebameli kuleli i-Legal Practice Council of South Africa, sewetfule emaphepha enkantolo lephakeme e Jozi ngenhloso yekufuna kwekutsi loyo bekangumvikeli wesive Busisiwe Mkhwebane, akhishwe eluhlwini lwebameli. Kutfola kabanti kutsi simayelana nani lesicelo ecingweni sikhulumisana naye Advocate Busisiwe Mkhwebane.  

Tinyonyana tetisebenti tivakalise kukhatsateka ngesincumo semgcinimafa sekugodla imali yesibonelelo sabomasipala. Kulesifundza se Mpumalanga, batsatfu bomasipala labatsintsekako kuloludzaba, yi Nkomazi, Emakhazeni kanye ne Victor Khanye. Kepha kuva kutsi lelitiko lelibukele kusebenta kwabomasipala litsini ngaloludzaba asamukele umphatsiswa welitiko lekubusa ngekubambisana, kuhlaliswa kwebanftu net...

Sikhungo lesibukele kusebenta kwemincele i-Border Management Authority (BMA) sitsi senyukile sibalo sebantfu labengce egedeni lase-Beitbridge eMusina, esifundzeni seLimpopo. Ngekusho kweBMA kusukela kucale loluhlelo lekubuyiselwa emuva kwebantfu labangenamvumo yekuba kuleli, sekuhambe bantfu labangetulu kwa-45 thousand. Kukhuluma kabanti ngalendzaba sicocisana nelisekela laNkomishana weBMA, Umnumz...

Inhlangano yetimboni tetimoti i-Motor Industry Association incenga bantfu labanetimoto kutsi babosukumela etulu nakuphume satiso sekujikiswa kwetimoti teluhlobotsite natinetinkinga.  Loku kulandzela lesimemetelo sakamuva lesatisa ngekujikiswa kwetimoto teluhlobo lwe-Jaguar Land Rover, letifakwe i AJ-20-D6 three-Litre V6 Turbo-diesel Engine. Kantsi likhomishana letebatsengi i National Consumer...

Mengameli welive lase Melika Donald Trump utsi lesivumelwano sekubeka tikhali phasi kulemphi yase Iran sebasilahle ngelifastelo. Lokuhlaselana kabusha kwalamave lamabili kuta nje tiyachubeka tinhlelo tekufihla loyo bekangumholi losetulu ngekwenkholo ye-Islam,  lowashaywa ngemabhomu Ayatollah Ali Khamenei. Kutfola kabanti ngemshiyandvuku wa Khamenei sikhulumisana nasolwati wetindzaba tangaphan...

Masipala waseNkomazi utsi utawukhulumisana nelihhovisi lemgcinimafa ngenhloso yekutsi likhulule lesibonelelo salomasipala lelisigodlile. Simeme umphatsi wamasipala Oscar Nkosi