Ligwalagwala FM Current Affairs

Bosomabhizinisi labancane labasebentela Kabokweni ngaseWhite River kulesifundza seMpumalanga bavakalise kukhatsateka lokukhulu ngesimemetelo se-Eskom lesitsi gezi utawenyuka mhla lulunye ngenyanga ya-Mabasa kulomnyaka losetulu. Palesa Sotomela uyasibikela.

Emaphoyisa esifundza seMpumalanga aphenya sehlakalo sekushiswa kwesikhungo lesitsatsisa emalayisensi ekushayela eBushbuckridge. Nonkululeko Shongwe uyasibikela.

Mabhalane weSANTACO kulesifundza seMpumalanga udzalula tinhlelo lebatati;landzela kuze bacinisekise kuphepha kwebagibeli ngalamaholide  eliphasika.

Indvuna yemaphoyisa lesaniketwe likhefu Senzo Mchunu utsi uyabuyela emsebentini wakhe njengelilunga le-NEC ye-ANC. Watincumela yena kuma kancane ekwenteni imisebenti yalenhlangfano kulandzela tinsolo letavetwa nguNkomishana wemaphoyisa esifundza Kwa Zulu Natal, Nhlanhla Mkhwanazi. Kute sive kabanti kutsi kubuya kwakhe Mchunu ngeke kube nesici ecenjini le ANC njengoba kuyiwa elukhetfweni lwabohulum...

Inkantolo yaseLos Angeles itfole tinkapani techumana i-Facebook neYoutube tinelicala kulandzela kutsi kube nemuntfu lokhale ngekutsi utitfole acindzeteleke engcondvweni nasemoyenin ngaloko lakubuke kuletinkundla letimbili. Letinkapani letimbili tihlawuliswe emabhiliyoni yemarandi ngulenkantolo. Sikhulumisana nasolwati lofundzisa tifundvio tebuchwepheshe eDurban University of Technology, Siphumelel...

I ANC kulesifundza seMpumalanga iphotfula inkomfsa yayo yesifundza namuhla. Simeme mabhalane weANC kulesifundza lophindsze wakhetfwa kulesikhundla, Muzi Chirwa.

Kunembono lohlukahlukene mayelana nekuguculwa kwemagama emadolobha lafaka ekhatsi i-Graaff - Reinet labitwa ngekutsi i-Robert Sobukwe. Kuyikhuluma lendzaba simeme Prof Pearl Sithole lovela eUniversity of Kwazulu Natal.

Esigabeni setfu semabhuku namuhla sikhuluma  ngelibhuku lelibhalwe ngu-Sicelo Mncube, lelinesihlokoso lesitsi "Heal Indlovukazi."

Hulumende kanye nalabatsintseka emkhakheni wemafutsa etimoti baphakamisa bafake ingcova phansi bafuna tindlela tekubukana nesimo sekwenyuka kwentsengo yawoyela. Sikhulumisana nasomnotfo, Bukani Mngoma 

Buholi lobusetulu bemalunga lasihlanu be- ANC kulesifundza se Mpumalanga sebuphindze babuyiselwa etikhundleni ngaphandle kwemgcinimafa Mandla Msibi. Sodolobha wase Mbombela Sibongile Makhushe-Mazibuko ukhetfwe njengemgcinimafa lomusha we-ANC kulesifundza. Sihlalo Mandla Ndlovu, liphini lakhe Speedy Mashilo, mabhalane Muzi Chirwa, liphini lakhe Mpumi Hlophe bakhetfwe ngaphandle kwekuphikiswa. Kuyib...

Mengameli wenhlangano yebaholi bendzabuko, iCONTRALESAm Kgosi Mathupa Mokoena utsi akubuyiswe tikolo betifundzisa bantfwana bemakhosi ngekutiphatsa kanye nekuhola kahle sive.

Litiko letemnotfo lombiwa phasi kanye nenhlangano yetimboni temafutsa etimoto kulelive i Fuel Industries of South Africa, bacela bantfu kutsi bangakhatsateki ngekutsi kungahle kuphele emafutsa etimoto kulelive. Simeme solwati wetemandla, Princess Mthombeni kutobuka naye lendzaba  

Umlingisi wakuleli lohlonishwa magumbi lamane emhlaba, Sello Maake Ka Ncube wetfule inhlangano lengasebenteli inzuzo lehlose kufundzisa nekucijisa emakhono etebuciko. Sicocisana naye Sello Maake ka Ncube.  

Imibutfo yetinyonyana tetisebenti letingephansi kweNEDLAC betibambe umhlangano wekubonisana ngemachinga ekulwa nalesimo semnotfo lesidvonsisa matima tisebenti takulelive. Simeme lokhulumela lenye yaletinyonyana iCOSATU, Gugu Sabela.

Litiko letemisebenti yesive, temigwaco netekutfutsa eMpumalanga selikucinisekisile kutsi likolisho letemfundvo laphambilini i-Elijah Mango College of Education seyitawusebenta njengelikolishi lekuceceshela imisebenti yetandla i-TVET College. Lokhulumela lelitiko, Bongani Dlamini.

Make Mary Machokoane lolilunga lesigungu besilwela kutsi lelikolishi l-Elijah Mango lisetjentiswa kabusha, utsi bafisa kutsi nawuphela umnyaka wa-2027 lelikolishi libe selisebenta ngalokugcwele njenge TVET..

Litiko letemphilo eMpumalanga selibite imiphakatsi kutsi ahlanganyele emitamweni yekucedza sifo sesifuba iTB. Tinhlelo tekuhlola sifo sesifuba tiyatfolakala emitfolamphilo yakulesifundza njengencenye yekubungata lilanga leTB emhlabeni.  Nonkululeko Shongwe uyasibikela.

Namuhla sishayamtsetfo sakulesifundza se-Mpumalanga siyobe siyogocota loluhlelo lwekutsatfwa kwesishayamtsetfo siyiswe ebantfwini i-"Taking the Legislature to the People (TLP). Loluhlelo lucale ngemvulo kantsi lubanjelwa eMayflower kumasipala we-Chief Albert Luthuli. Kuva kutsi luhambe njani loluhlelo sikhulumisana nelisekela lasomlomowesishaya, Sam Masango.

Sihlalo welikomishana lelibuke kusebentisana kwesive, iPublic Service Commission, Njingalwati Somadoda Fikeni utsi sebawavakashele onkhe eMakhosi akulelive ngenhloso yekucela kusebentisana kuze kusitakale imimango lengaphasi kwebukhosi. Kukhuluma kabanti ngaloludzaba simeme yena sihlalo walelikomishana le-Public Service Commission (PSC) Njingalwati Somadoda Fikeni.

Inkantolo yamantji e Mbombela kulesifundza se Mpumalanga imnikete ibheyili yetinkulungwane letingema-20 temarandi umsolwa loneminyaka lengma- 47 budzala, lekusolwa kutsi wabulala bantfu lababili labahlomula imali ye RAF. Nonkululeko Shongwe uyasibikela.

Kulindzeleke icale ngoLesinee inkomfa yekukhetsa buholi behlangano yeANC kulesifundza seMpumalanga enkundleni yetemidlalo iMbombela. Motsebi Monareng uyasibikela.

Sekunekukhatsateka emiphakatsini ngekutsi kubonakala kutipha emandla kusetjentiswa kwemantfombatana lafundza sikolo ekushushumbiseni tidzakamiva etikolweni. Inkapani yabonogadza  yase-Thekwini itsi  sekumahlandla ifonelwa batali labakhala ngekutsi bantfwababo bemantfombatana   basetjeniswa bantfu tsite kutsengisa tidzakamiva. Sicocisane  nesati setebugebengu, Dr Mxolisi Mathebu...

 Liviki lamhlaka 22 kuya ku 28 March lonyaka liviki lekufundzisa ngekubaluleka kwendzima ledlalwa bodokotela bemehlo emhlabeni wonkhe kantsi latiwa ngekutsi yi-World Optometry Week. Kukhuluma ngalendzaba nadokotela wemehlo etikweni letemphilo eMpumalanga, Felicia Mabila.

 Umtimba lolawula kusebenta kwemitsi yekwelapha kulelive i-SA Health Products Regulatory Authority (SAHPRA) sewuyale kutsi kujikiswe umutsi lobitwa nge-Citro Soda lekusolwa kutsi inetitsako letingabeka engcupheni imphilo yebatsengi bakulelive. Kusichazela kabanti ngalendzaba sichumana nemphatsi weligumbi lelilawulako kuSAHPRA, Mokgadi Fafudi.

Sihlalo wenhlangano yemphakatsi wasemakhazeni, i-South African Society Development Agency, Lindokuhle Madonsela, utsi bafuna masipala acinisekise kucasheka kwebantfu bakulomasipala etimayini talendzawo.