Ligwalagwala FM Current Affairs

Lilunga lelikomidi yasodolobha wamasipala weNkomazi, Thandeka Makamo utsi bangumasipala bahlamngene nebaholi bemphakatsi bewubhikishela emanti KaMaqhakeza. Bahlali bangenele siteleka ngasekucaleni kwaleliviki, bavala imigwaco bakhala ngekuswelakala kwemanti.

Lihhovisi laMhlabuhlangene lelilwa nesifo sengculazi iUNAIDS, litsi lokuvalwa  kwetimali tekusekela tinhlelo tekulwa nekusabalala kwalesifo kubeka imphilo yebantfu labanyenti engcupheni. Loku kuvele kulengcungcutsela yelihlandla lemashumi lamabili nesiftupha lekhuluma ngayo iHIV/AIDS lebanjelwe eRio De Janeiro, eBrazil. Umphatsiswa wetemphilo kulesifundza seMpumalanga Sasekani Manzini ungulom...

Lelive  le-Ningizimu Africa kanye nelase-Nigeria, avumelene  ngekucinisa tinhlelo tekusebentisana letitsintsa  imitsetfo  lelawula  kungena nekuphuma kwebantfu,  bugebengu  kanye netekuphepha. Loku kulandzela    umhlangano  bewusemkhatsini kwebaholi balamave  lamabili  lobanjelwe edolobheni  i-Abuja nalapho  Indvuna  yeliti...

Masipala weCity of Mbombela usungule luphiko lolusha lolubukene nekucinisekisa kuhlonishwa  kwemitsetfo yamasipala etindzaweni letingephansi kwalomasipala. Loluphiko lolwatiwa ngekutsi yi-Intervention Unit kutsiwa luyabopha nangabe bantfu bephula imitsetfo yamasipala kuletindzawo letifaka ekhatsi i-Mbombela, i-Hazyview, i-White River kanye naKanyamazane. Kuva kabanti nge-Intervention Unit, si...

Lisekela lemengamelii we EFF Godrich Gardee uphakanyiswe njengalotawumelela lenhlangano embangweni wesikhundla sekuba ngusodolobha wamasipala weCity of Mbombela. Sikhulumisana naye lowa-Gardee.

Ummeli  lotimele lophuma enkapanini i-Ramoromisi, Malope and Nene Attorneys, Dan Malope, utsi sisebenti lesingashiya emsebentini sibalekela luhlelo  lwe-lifestyle audit akusivikeli ekutseni silandvwe sitobukana naloluhlelo nangabe kunetinsolo tenkhohlakalo ekhatsi.

Sibonakala sandza sibalo setisebenti tahulumende letesula emsebentini. Loku kulandzela tinsolo letsi tisebenti letinyenti tahulumende eNorthen Cape tesule emsebentini ngemuva kwekutsi hulumende walesasifundza asukumise luhlelo lwe-lifestyle audit. Sikhulumisana nalomelele inyonyana yetisebenti Charles Ngubane ngalokwesula emsebentini kwetisebenti tahulumende.

Mbekezeli Benjamini lophuma kuJudges Matter, uphawula ngesicelo seJSC lesetfulwe kumengameli welive emise emsebentini inhloko yemajaji eMpumalanga Kapa, Selby Mbenenge.

Bahlali bakaMaqhekeza kumasipala wase-Nkomazi kulesifundza saseMpumalanga bangenele umbhikisho wekukhala ngekuswelakala kwemanti. Labahlali batsi bavale imigwaco njengendlela yekuvakalisa intfukutselo yabo. Kukhuluma ngalendzaba, sichumana na-Delphina Mlotshwa longulomunye webahleli balesiteleka, kantsi siphindze sacela nalokhulumela masipala wase-Nkomazi Mbuso Malale   

Mengameli Cyril Ramaphosa usamukele lesicelo senhloko yeIDAC Advocate Andrea Johnson sewesula kulesikhundla.  Ingabe kusho kutsini lokwesula kwakhe. Simeme umhlatiyi wetemtsetfo Abigail Ngubeni 

Litiko letempilo kulesifundza se Mpumalanga, likhiphe tikhangiso temsebenti lapho litsi labalungele kufaka ticelo kumele kube banftu labakhubatekile. Kutosichazela ngaletikhangiso simeme lomunye webaphatsi ehhovisi lelibukene nekutindzaba tekucasha etikweni letemphilo, Zondwa Ntuli.

Emave emhlaba ahlangene eBrazil engcungcutseleni yelihlandla lema-25 kutewubonisana ngetindlela tekulwa neligciwane lesandvulelangculazi kanye nayo ingculazi imbala. Lokhulumela iSANAC kulesifundza seMpumalanga, Elphus Nkosi, ngulomunye walabo lebahambele lengcungcutsela kantsi sichumana naye ngelucingo.

Inyonyana yetisebenti tasendlini i-Izwi Domestic Workers Alliance ibambisene naletinye tinhlangano isukumise umkhakhaso lewubita nge-Dignity in Every Home njengendlela yekufundzisa bacashi mayelana nekuphatfwa kwetisebenti tasetindlini. Simeme lomelele lenyonyana, Mpfareleni Mabidi lkutova kabanti ngalomkhankaso.

Uyacala namuhla umchudzelwano welibhola letinyawo labomake kulengabadzi ye-Afrika i-Women's Africa Cup of Nations (WAFCON). Lomchudzelwano utawubanjelwa e-Morocco.  Kukhuluma kabanti ngalomchudzelwano, asemukele umhlatiyi welibhola Hloni Mathonsi. 

Inhlangano i-Operation Smile South Africa ibambisene nelitiko letemphilo lakulesifundza seMpumalanga babita batali bebantfwana lebatelwe banemlomo lochekeke ngetulu (cleft pelet) kutsi bete batotfola lusito lekuhlindvwa mahhala. Kuva kabanti ngaloluhlelo sicocisene nemhlelembisi kuOperations Smile SA, Phelisa Manyisane-Somciza.

Umholii wemkhankaso lobitwa ngekutsi Ungazibulali Ndoda Awareness Campaign, Nkululeko Khanyi utsi babite ingcungcutsela yekubonisana ngekutibulala ngenca yekubona kwenyuka kakhulu kwelizinga lekutibulala kwebantfu besilisa kulelive. 

Namuhla ehlelweni sibuka libhuku lelinesihloko lesitsi "I know what it means to fail"  lelibhalwe nguMonwabisi Luthuli. 

Umtimba lolawula imikhicuto yetemphilo kuleli i- South African Health Products Regulatory Authority (SAHPRA), uvakalise kukhatsateka mayelana nekwandza kwemitsi lengekho emtsetfweni naletfolakala malula kulelive. I-SAHPRA itsi lamishwanguto ifaka ekhatsi imijovo yekwehlisa umtimba , ema-antibiotics, imitsi yekucedza buhlungu kanjalo nemafutsa ekuyuza. Kukhuluma kabanti ngalendzaba asemukele Coceka...

Njengobe umtsefto-sisekelo wakulelive uhlanganisa minyaka  lengemashumi lamatsaftu kulomnyaka, namuhla esigabeni setfu sekubungata loluhambo, sibuka ludzaba lwetebulungiswa kanye nekuvikeleka ngaphasi kwemstetfo-sisekelo. Kantsi bantfu labanyenti basakholelwa ekutseni kuze uftole bulungiswa kulelive kumele ube nemali. Simeme Deputy Chief Justice Dunstan Mlambo kutococisana naye ngaloludzaba....

Kulindzeleke kutsi ubanjwe nga-September umncintiswano wabonobuhle labasebancane i-Face of Mpumalanga Teenager. Sikhulumisana naCeliwe Nyirenda longulomunye walabonobuhle labancane labayochudzelana kulomcintiswano.

Ummeli lotimele Bongane Matsane utsi besifanele  lesincumo  senkantolo lenkhulu yaseKapa lesivumelana nesicelo semengameli sekufuna kumisa luhlelo lwasephalamende lekufuna kukhipha umengameli esihlalweni. Mengameli Cyril Ramaphosa bekafuna lenkantolo imise kwesikhashana loluhlelo  lwasephalamende njengoba afuna kubuyeketwe kucala umbiko we-section 89.

Kutsi imfundvo ayikhulelwa, kubonakele ngalesikhatsi inyunivesi iUNISA itfwesa ticu tebudokotela Gogo Fatima Mkhomazi losaneminyaka lengemashumi lasikhombisa nakutsatfu (73 years). Dkt Mkhomazi, uftweswe  tincu ngemuva kwekucwaninga ngesihloko lesitsi Kuvetwa Kwelulwimi Lwebunkondlo Kumibhalo Yebuciko: Kubukwa Kabanti Tinkondlo Letikhetsiwe Tesiswati.  Kepha kuva kutsi lubuyaphi lolugcoz...

Sekusuke lomkhulu umsindvo nekuhlukana ekhatsi etinhlanganweni tepolitiki kulaseZimbabwe ngemuva kwekutsi liphalamende lakulelalive liphasise tichibiyelo temtsetfos-sekelo letelula sikhatsi semengameli Emmerson Mnangagwa. Sikhulumisana nemhlatiyi wetepolitiki Njingalwati Bheki Mngomezulu 

Sikhungo setekuvakasha nemapaki iMpumalanga Tourism and Parks Agency (MTPA) besihlangane nebalingani baso baseSwatini neMozambiki ngenhloso yekucinisekisa kuphepha nekunakekeleka kwetivakashi letihambela  lamave lamatsatfu. Lokhulumela iMTPA Simphiwe Shungube uyasichazela. 

Njengaloku inyanga yaKholwane itsatfwa njengeyekugcugcutela konga imali, inhlangano leyeluleka bantfu ngetikweleti, i-National Debt Counseling Association icwayisa bantfu kutsi batame ngako konkhe lokusemandleni kucedza lomkhuba wekuboleka imali, bese batifundzisa konga. Simeme umsunguli wenkapani lebitwa nge-National Business Leaders (NBL) lecushisa bantfu ngetindlela tekonga kanye nekubekela lik...