Ligwalagwala FM Current Affairs

Njengobe umhlaba ucushisa ngesimo se-Autism, bochwepheshe batsi kubalulekile kukhuluma nekufundzisana ngalesimo njengoba batali labanyenti bahlamngabetana nebumatima bekukhulisa umntfwana lone-autism. Kukhuluma ngetinsayeya letibukene nebatali bebantfwana labe ne Autism, sikhulumisana Sister Miriaam Zahoor  longumhlengikati aphindze abe nemntfwana lone-autism .

Basikhombisa bantfu lebashonele etingotini temigwaco kulesifundza seMpumalanga, kusukela ngaLwesine. Labatsatfu babo, lekungumake nebantfwana lababili lebebahamba ngetinyawo, bashayiswe yimoti emgwaceni i N4 ngase Belfast itolo. Lokhulumela litiko lekuphepha kwemphakatsi, kuvikeleka nekuchumana kulesifundza Moeti Mmusi uyasichazela.

Ngenyanga yeNyoni 2024, bantfu bakulelive baniketwa lilungelo lekubhasha incenye letsite yemali yabo yempesheni ngekusebentisa luhleo lolubitwa nge- 2 pot retirement system. Kunalabo lebasukumela etulu bavele bafaka ticelo talivula loluhlelo batsatsa lebatsi ngekwabo kantsi labanye basachubeke njalo nekuyitsatsa njalo ngemnyaka. Kubuka umtselela waloku, sicocisana nasolwati wetindzaba temnotfo, Ma...

Njengoba balandzeli benkholo yebu Krestu emhlabeni wonke jikelele baungata imphelasontfo yeliphasika, labanye basebentisa lesikhasti kuhlangana kwemindeni. Labanye lesi sikhatsi lesibavusela emanceba njengoba bayacala kugubha emaholide banganabo bantfu labasondzelene nabo. Simeme solwati wetindzaba tenhlalo, Amos Mdluli kutobuka kubaluleka kwekuba nemndeni kunasi sikhatsi. 

Namuhla sibuka libhuku lelikhuluma ngekukhutsata lapho litsemba lingekho lelinesihloko lesitsi "Courage, Ignore the Facts, Just Believe lelibhalwe ngu Apostle MVG Lephoko. 

Sibuka simo setimoti emgwacweni yakulesifundza seMpumalanga nalokhulumela litiko letekuphepha kwemphakatsi, kuvikeleka nekuchumana, Moeti Mmusi.

Nkomishana wemtimba lolawula imincele, iBorder Management Authority (BMA), Dr Michael Masiapato, utsi hulumende kufanele abuke ngekuphutfuma tindlela tekwakhiwa kabusha  kwafenisi leyehlukanisa iNingizimu Africa kanye ne-Mozambique ngasemnceleni we-Lebombo.  Sikhulumisana nelisekela laNkomishana aweBMA, General David Chilembe.

Mengameli wakuleli Cyril Ramaphosa ukhetse umphatsi lomusha welihhovisi lemtselisi, Dr Ngobani  Makhubu. Sicocisene nesati setemnotfo  Lunga Mahlaba lovela ku-Nkunzi Wealth Investment

Labo lababuke kusebenta kwemincele i-Border Management Authority bacwayise bantfu kutsi emagede lasebenta busuku nemini atawungetelwa tikhatsi tekusebenti kantsi lamanye lamancane atawungetwa ema-awa ekusebenta. Sicocisane nelisekela lankomsiahan ngu-David Chilembe

Sikhulumisanae nemphatsiswa welitko letekuphepha kwemphakatsi, kuvikeleka kanye nekuchumana eMpumalanga, Jackie Masiyemayelana nekutilungiselela kwabo kucinisenisa kuphepha kwebasebentisi bemgwaco.

Hulumende wase-Swatini umeme onkhe emabandla kutsi ayohlangana emkhulekweni lohlelwe enkundleni yetemidlalo kaSomhlolo. Ngekusho kwaMlandvo Dlamini lokhulumela lihhovisi letindzaba tasekhaya utsi Inkosi ikhiphe lombiko kute kutsi bonke baholi bemabandla bete kutohlanganyela nayo emthazweni kulamaholide ephasika. Simeme Zweli Dlamini longumhleli weSwaziland News kute sicocisane naye ngaloludzaba. &...

Likomishana lelukhetfo kuleli iIEC, letfule i-logo letosetjentiswa elukhetfweni lwabohulumende basekhaya lekulindzeleke lubanjwe kuleli. Simeme lokhulumela iIEC kulesifundza seMpumalanga Thanduxolo Chembeni kutosichazela

Sikhungo lesilawula kutsenga ngesikweleti kuvelonkhe i-National Credit Regulator (NCR) sigcugcutele bantfu kutsi bantjintje indlela labaphatsa ngayo imali kuze bakhone kumelana nekwenyuka kwentsengo yemafutsa etimoti. Lesikhungo sitsi bantfu kumele baphindze bacaphele netikhangiso mbumbulu letingaholela ekutseni bagcine bangene egibeni lekugebengwa imali.  Kuyikhuluma lendzaba sinalomele iNCR...

Kusuke umsindvo ngalesikhatsi kulalelwa luvo lwemphakatsi mayelana nekuchibiyelwa kwemtsetfo-sisekelo enhlokodolobha yaseZimbabwe iHarare. Kuyibuka ngeliso lemhlatiyi lendzaba, simeme  Umnumzane Khanya Vilakazi. 

Seticalile tivimbagwaco emgwaceni lomkhulu i-N4 kulesifundza seMpumalanga njengoba kucala emaholide eliphasika. Palesa Sotomela uyasibikela...

Nkomishana wenhlangano lebuke kusebenta kwemincele yakulelive iBorder Management Authority, Dr. Michael Masiapato, utsi lesikhungo siphumelele kwente loko lesitfunywe kona. Mthobisi Mkhaliphi ruyasibikela

Inhlangno lelelwa emalungelo abomake nabasemalangeni i-Team Free Pads itawube yenta tetfule ephalamende namuhla mayelana nekucinisekisa kuhlonishwa kwelilungelo labomake nabasemalangeni. Umsunguli weTeam Free Pads, Nokuzola Ndwandwe uyasichazela.

Umholi wenhlangano i-March to March, Jacinta Ngobese-Zuma utsi kuyakhatsata kuvuleka kwemincele yakulelive lekubanga kungena ngalokungekho emtsetfweni kwebantfu bakulamanye emave. 

Bosomnotfo batsi kutawudvonsisa  umoya kancane lokwehliswa ngaR3  kwentsela yamafutsa etimoti (fuel levy). Simeme umsunguli wenkapani iMakwe Fund Managers, Umnumzane Makwe Masilela kutococisana naye ngaloludzaba.

Emaphoyisa akulesifundza se Mpumalanga asukumise luphenyo kulandzela kutfolakala kwesidvumbu salofundza ngekusebenta kucedzela ticu tebudokotela (internship) esibhedlela i Rob Ferreira e Mbombela. Lokhulumela emaphoyisa ase-Mpumalanga, Khenela Jabu Ndubane.

Inhlangano yematekisi lapha eMbombela eMpumalanga, iTOPSTAR itsi simatima  lesimo lebabukene naso sekwenyuka kwemafutsa etimoti. Sikhulumisana nasihlalo wayo iTOPSTAR, Umnumzane John Mavundla.

Inhlangano yebalimi esifundzeni saKwaZulu Natal i iAfrican Farmers Association of South Africa (AFASA) iyakhala ngekufakwa kwentsela yemafutsa etimoti. Sikhulumisana namabhalane weAFASA uMNumzane Donatus Dlamini.

Njengaloku intsengo yawoyela emhlabeni seyenyuke ngetulu kwa 100-dollar umphongolo, bosomabhizinisi labanyenti nebatsengi bakhala ngemtsela lobangwa ngulemphi yemelika neIsraeli lebhekiswe eIran. Tinhlangano letahlukahlukene seticele hulumende kutsi angenelele. Mengameli weSA Youth Chamber of Commerce, Thapelo Maleke, ukhala ngekutsi kwenyusa tindleko kwe-Eskom kutawulimata kakhulu bosomabhizinisi...

 Umphatsiswa welitiko letekuphepha kwemphakatsi, kuvikeleka nekuchumana eMpumalanga, Jackie Macie, sewumemetele ngetinhlelo lebatawusebentela kuto kuze kucinisekiswe kuphepha emigwacweni ngalamaholide eliphasika. Simeme umcondzisi lomkhulu kulelitiko, Umnumzane John Nkuna kutewuva ngaletinhlelo talelitiko.

Emaphoyisa akulesifundza seMpumalanga atsi sekacalile ngemkhankaso iOperation Phasika ngenhloso yekucinisekisa kuphepha kwebantfu ngalamaholide ephasika. Lokhulumela emaphoyisa Col. Jabu Ndubane uyachaza.