LADINIA LIVE - Podcast

La Union di Ladins de Gherdëina à renuvà si cunsëi diretif tla senteda generela stata nstadì. Al prim pont sun l’agenda per la proscima legislatura resta inant l proiet per la nueva Cësa di Ladins. Cunsciderazions cun la presidënta Sofia Stuflesser. Conduzion Leo Senoner

La Cèsa de Paussa de Sèn Jan à podù endò averjer i ujes ai familiars che à cognù ster de fora per beleche doi egn de pandemia e se endreza a festejer si 20 egn de atività. En rejonon con Barbara Bravi, presidenta de la Cèsa de Paussa, conduzion Anna Mazzel

"Co jì inant con l' unitè ladina" cun chësc tema se darà jö na mësa torona cun i jogn dles valades ladines moderada da Denni Dorigo pro le dè dl unitè ladina a Reba de Fodom en sabeda 07/05/2022. Denni Dorigo è diretur dl Istitut cultural "Cesa de Jann" y un di organisadus dl cunvëgn. Conduziun Alessandro Dapunt

La Union Generela di Ladins dla Dolomites (UGLD) adum cun l Istitut culturel Ciasa de Jan y la Union di Ladins de Fodom, nvieia al Dì dla Unité Ladina n sada ai 7 de mei a Reba te Fodom. Prejentazion dl program cun Milva Mussner, presidënta dla UGLD. Conduzion Leo Senoner

La setemena passèda l é vegnù portà dant ofizialmenter la neva parbuda de grop MAJON DI FASCEGN che tol ite Istitut Cultural, Museo Ladin e Bibiloteca Père Frumenzio Ghetta. N percors de rebranding partezipà che vel renover i valores de l'identità ladina. En rejonon con Sabrina Rasom diretora de l'Istitut e Museo Ladin de Fascia e Alberta Rossi responsabola de la biblioteca. Conduzion Anna Mazzel

La sajon turistica dl'inviern 2021/22, piëda via cun gran melsegurëza a gauja dla pandemia dl coronavirus, ie unida a purteda inant nchina ala fin, per la sodisfazion mpue de duc. Ma co iela pa jita veramënter? Bilanz y cunsciderazions cun Ambros Hofer, presidënt dl cunsorz Val Gardena Dolomites. Conduzion Leo Senoner

“Curaensema” l é n percors formatif out a recognoscer, didèr e valoriser la persones che se cruzia de rencurer n familièr de età e che no pel per sé. Per endrez di Servijies Sozièi del Comun General de Fascia adum con l’Azienda Sanitèra e autra sociazion dai 19 de oril inant vegn metù a jir n cors de bona pratiches per rencurer la persona che à de besegn. En rejonon con Paola Rasom responsabola di...

Aldò de la condizion politica internazionèla de chisc ultimes meisc jon a veder coluna che l'é la conseguenzes a livel economich e sozièl col professor de l'università de Trent Matteo Ploner. Conduzion Cinzia Pistoia

Te si ultima publicazion mët l mprenditëur turistich de Corvara, Michil Costa a lum si vijion n cont dl turism de nosc raion. Danter passà y tradizion y l prejënt cunsolidà tl bënstè iel debujën de na udleda inant, tl futur, per capì te cie direzion che nosc turism dëssa ji per ti vester ala ndesfideda di tëmps che vën. Conduzion Leo Senoner

L Consei General del Comun General de Fascia à metù sù la Consulta per i deric de la persones deboles, na realtà inovativa tel panoram istituzionèl che se met dant de lurer per la promozion de la politiches de valivanza a duc i livie. En rejonon con Francesco Gabrielli a cef de la Comiscion Afares Istituzionai del Comun General de Fascia. Conduzion Anna Mazzel

L’ega, unfat te cie forma che l’adurvon, ie n bën publich fundamentel per duc, zënza distinzion de persones, categories o tlases sozieles. N bën primer de chël che uni un muessa pudëi se nuzé. Cunsciderazions cun Rudi Kostner, assessëur al servij dl’eghes dl Chemun de Urtijëi. Conduzion Leo Senoner

Dal november del 2016, Cristina Donei l'é la presidenta de la Sociazion Fitacartieres de Fascia; fajon na coacolèda con ela per veder coluna che l'é la situazion del turism te chest moment e vardon ence inant a colugn che sarà i neves projec per n davegnir più sostenibol. Conduzion Anna Mazzel

Aldò de l'envit de Papa Francesch se à avert ence te nosc raion l percors sinodal de confront anter la jent te Gejia per jir tel vers de na maora partecipazion e condivijion. En rejonon con Cesare Bernard raprejentant del raion pastoral de Fascia e Fiem, conduzion Anna Mazzel

La situazion dl mumënt cun la crisa dl’energia, l’inflazion che crësc y la Viera tl’Ucraina determinea n cheder de gran melsegurëza a livel economich y finanziel. Ie pa nosc sistem economich n pericul? Y ciunes ie pa la cunseguenzes per l tëmp che à da unì? Cunsciderazions cun Flavio Senoner, diretëur dla Cassa Raiffeisen Gherdëina. Conduzion Leo Senoner

Dal 5 al 13 de mèrz, uties da mont, ostaries, gejie e teatres de Fascia e de Fiem averjerà si ujes al “Dolomiti Ski Jazz”; n festival de musega pien de energia, soreie e divertiment con artisć internazionèi. Per jir ìte tel spirit gustegol de duta la lingia de apuntaments fajon na ciacolèda con l diretor artistich del festival Enrico Tommasini. Conduzion Cinzia Pistoia

Te la dì internazionèla de la eles rejonaron de valivanza, respet, deric e neva normatives per la valivanza con Ilaria Chiocchetti de la sociazion "La Ousc de la eles", conduzion Anna Mazzel

Capiun, prüm dè de carsëma, mercui dl cënder. D' atres usanzes y tradiziuns de carsëma è panostrè, jì a sanc y suradüt le jinè. Cun Lois Trebo cunta y spliga le significat de usanzes y tradiziuns di 40 dis de carsëma che porta a pasca. N program de Alessandro Dapunt

Na setemena de scomenzadives per la sensibilisazion dintornvìa la malaties rères te Fascia. En rejonon con Mirella Florian conseiera de procura tel Comun General de Fascia e Rosanna Verra che contarà si esperienza, conduzion Anna Mazzel

Na reflescion averta su la doura de l'èga per l sport su la neif te nosc raion. En rejonon con Daniele Dezulian president de la sozietà portamont SITC Cianacei, conduzion Cinzia Pistoia

Cun le proiet multimedial de musiga, ert y retrac dal titul Midsummer Blooming 2021 (le flurì a mez le istè) à la pianista y sopranista Susy Rottonara davagnè n pest por süa produziun de musiga y ert ntratan la pandemia che ëla mët a disposiziun te na forma digitala. Susy Rottonara è na artista musicala y ambasciadëssa dl cultura ladina a livel nazional y internazional. N program de Alessandro Dap...

L'é da pech vegnù fora l liber de Sara Agostini titolà "Ballando Bella Bimba” che, descheche disc l sotetitol, l conta na storia de vera, amor, emigrazion e rescat. Per saer zeche de più su chesta storia, fajon na ciacolèda dal vif con l'autora del test, avisa Sara Agostini, e con Luciana Palla, curadora de la serie de volumes "Ladins da Souramont" dac fora da l'Istitut Ladin "Cesa de Jan". Conduz...

Cunsciderazions y riflescions cun Alexander Stuffer, redadëur de Rai Ladinia, sul post te chësta doi enes per nes cuntè chël che suzed sui purtois y tla lueges de garejeda a y ntëur a Beijing, capitela dla Cina, ulache vën urganiseda la 24ejima edizion di Juesc Olimpichs da d’inviern. Conduzion Leo Senoner.

La sociazion Rencureme adum a la Crousc Checena, Comun General, Scola Ladina, la cooperatives sozièles Le Raisc e Inout met a jir n projet nef per envièr i joegn a se der jù ti desvalives ciampes del volontariat. En rejonon con Annalisa Zorzi una de la promotores del projet, conduzion Anna Mazzel

La ripartiziun scora y cultura ladina dla Provinzia Autonoma de Balsan gestësc les prozedüres aministratives cun sü dui ofizi por la scora ladina y por la cultura ladina y jogn. Dal jügn 2020 è Mathias Stuflesser diretur dla ripartiziun. Ciun che è so compit por desfirè chësc impëgn y ciche al prevëiga le program de finanziamënc y sustëgn ales lies por l' ativitè culturala y artistica portel dant...

Alex Vinatzer, campion dl schi alpin de Sëlva, ie l unich ladin tla scuadra naziunela taliana di ëi che partezipea ai 24. Juesc Olimpichs de Beijing. Puec dis dan pië via tla Cina nes contl de si ambizions y aspirazions olimpiches. Conduzion Leo Senoner