LADINIA LIVE - Podcast

L valor del volontariat no l é stimabol e, semper de più, se rendon cont de la valuta e de l'amor che l é vindedò la azions de persones che dèsc sie temp per didèr i etres. I ujes del volontariat te noscia valèdes é semper averc e fora per l'an vegn enjigné corsc per tor su neva jent. N rejonon con Linda Debertol, presidenta de la Crousc Biencia de Cianacei. Conduzion Cinzia Pistoia

Plu suvenz dàl tl uedl sperses plu o manco grandes de lëns ghiëi y rosc te nosc bosc. L se trata de lëns amalei o urmëi morc, vitimes dl chëifer dla scorza. N gran problem per l balanz dl bosch, che n muessa resolver dan che l sibe massa tert. Ntervista cun l cumandant dla stazion furestela de Gherdëina, Marco Planker. Conduzion Leo Senoner

“Cie vuelel pa dì ester Ladins encuei?” a chesta domanda ge va dà l concurs fotografich “Ladinia” metù a jir da l’Union Generela di Ladins dla Dolomites, termin per der jù i retrac fotografics è ai 31.08.2022. En rejonon con Milva Mussner, vize presidenta de l’UGLD, conduzion Anna Mazzel

Cun le musical 'Ujöp da Oies' che è gnu raprejentè a Oies ala fin de messe, èl chersciü l' interesc por le santuar de Oies, olache Sant Ujöp Freinademetz è nasciü tl ann 1852. Le santuar de Oies cun la ciasa nadè dl sant y la dlijia te stil cineje è daverta ai pelegrins y tignì vì dala prejënza di patri verbic/miscionars de Styl. Na intervista cun Pater Franco Pavesi, superiur provinzial dl ordinn...

En piena sajon da d’istà rua te noscia valèdes ghesc de duta la sorts e i operatores del setor se dèsc ju per sporjer servijes che va envers i besegnes de la persona con n eie ascort ence a jent che à pedimenc. N rejonon con Mirella Florian, Conseiera de Procura tel Comun General de Fascia e con Elisa Cincelli, titolèra de na boteiga de rodes da mont. Conduzion Cinzia Pistoia

Dò doi egn de limitazions e desfortuna l l nef comitat de endrez met a jir la Festa Ta Mont ai 6 e 7 de aost che arà al zenter la comunanza per troèr endò chel spirit fersucol del ster adum che à scialdi caraterisà la Festa te Val Sén Nicolò. En rejonon con Melissa Locatin, presidenta de la Festa Ta Mont, conduzion Anna Mazzel

L cheder sozio-economich particuler dl mumënt à si ripercuscions nce sul mond dl artejanat. Co ie pa la situazion te Gherdëina y ciunes la prospetives per l daunì ? Ntervista cun l nuef presidënt dla lia di artejans de Gherdëina, Hannes Senoner. Conduzion Leo Senoner

Le teater musical Ujöp da Oies, organisè dala müjiga de Badia y dal Servisc ai Jogn dla Val Badia è na raprejentaziun che restarà tla storia. Por le tema - la vita dl sant, por le carater popolar - cun 70 musicontri y 50 joblers, por l' originalitè - cun i tesc' de Carlo Suani y musighes de Antonio Rossi y por la desfida organisativa - fa la raprejentaziun ala lergia da sëra tert dailò dal santuar...

Te chesta puntata de Ladinia Live rejonon col diretor de l’Ensemble Canticum Novum, Ilario Defrancesco, de la neva lingia de conzerc che i à enjignà per chest’istà. Conduzion Cinzia Pistoia

Proiet de cunfrontazion sun l tema dl umor y dla matades, daviert a dut y a duc. Leteratura, mujiga, teater, cabaret, sketch, ma nce ert figurativa, fotografia o caricatura. Dut cieche ie da rì y fej rì te na ancunteda sul luech da Pilat, metù a ji da Gregor y Lidia adum cun la lia mostra d’ert de Urtijëi. Ntervista cun Gregor Prugger. Conduzion Leo Senoner

La tragedia de la Marmolèda met al luster coche ence i giacees padesc di mudamenc climatics. En rejonon con Thomas Zanoner capostazion del socors da Moena geologh espert de giacees. Conduzion Anna Mazzel

Conduzion Cinzia Pistoia

L dlacier dla Marmolada à gaujà na gran desgrazia cun morc y feric, ma la ie nce n senial mpurtant de coche se muda la natura te nosta montes. Cunsciderazions cun Adam Holzknecht, mëinacrëp y presidënt dl Aiut Alpin Dolomtes. Conduzion Leo Senoner

La piaes tel bosch dò l tormen Vaia é amò da veder trop te noscia valèdes e col ciaut de chest'istà l becherle se sleria fora amò de più destrigan gregn toc de bosch. En rejonon con Davide Riz spion dal bosch de la sociazion forestèla Auta Fascia. Conduzion Anna Mazzel

Tel comun de Sèn Jan, aldò de na scontrèda fata i dis passé, se à rejonà de coche se pel miorèr l servije de mobilità vardan de desfrutèr tel concret i servijes ja en pé col didament ence di sistemes digitèi. N rejonon con l'ombolt Giulio Florian, conduzion Cinzia Pistoia

La Ciarinzia (AUT) mët a ji chëst’ann la 4. edizion dla Europeada, l turnoi de codlapè dla mendranzes linguistiches europees che fej pert dla FUEN (Federazion dla Unions europeiches naziuneles). Una dla 20 scuadres che tòl pert ala manifestazion sportiva ie la selezion di Ladins dla Dolomites. Ntervista cun l trainadëur dla scuadra ladina Patrick Perathoner. Conduzion Leo Senoner

L’Union Generèla di Ladins dla Dolomites à lità so president nef te la persona de Tone Pollam, n militant ladin da 50 egn, l é stat per 20 egn president de l’Union di Ladins de Fascia, de chela che l é restà president de onor e per 10 egn president del Istitut Cultural Ladin. Tone jirà mingol do la pedìes de Milva Mussner che à ret l'Union ti 7 egn passè e ge starà apede te chesta endesfida neva....

Aldò de n projet fat per n ejam universitèr de informatica umanistica, la studenta Luana Tomasi l'à metù en pe na piata web con l'obietif de regoer duc i tesc de la cianzons ladines. Rejonon con ela de la valuta che à l lengaz de la mère per i joegn. Conduzion Cinzia Pistoia

Con la coordenadora de la scolines provinzièles de la Scola Ladina de Fascia, Tatiana Soraperra, rejonon de l'ejit de na enrescida che é stata fata sul bilinguism. Na intervista per meter l’azent su l'educazion te più lengac te noscia scolines.

Ai 31.05 l'Anffas de Fascia à podù inauder la neva comunità-alloggio "N bel soreie" che se jonta al laboratorie e l zenter per persones con dejejes a Sèn Jan. De storia, valor e endrez de chesta strutures en rejonaron con Alessandra Rizzi, conduzion Anna Mazzel

La garejeda internaziunela de roda da mont MTB Hero Sùdtirol Dolomites ie chëst'ann tl sëni dla sustenibeltà y dla defendura dl ambient. Ntervista cun l presidënt dl cumitè de urganisazion Gerhard Vanzi. Conduzion Leo Senoner

De gra a la cordanza anter CAI-Sat Fascia, APT, comuns e Comun General de Fascia à scomenzà a lurer "Chi dai troes", 12 persones anter menacrepes, boschieres e lurieranc per rencurer passa 350 km de troes da mont te Fascia. En rejonon con Licia Favé presidenta del CAI Auta Fascia e Dino Riz co-member del CAI Auta Fascia,conduzion Anna Mazzel

Da prësc n ann ie Stefan Planker l nuef diretëur dl Museum di Sudec Tudësc de Minca, do avëi menà l Museum Ladin per bën 19 ani. Storia de n’esperienza prufesciunela nueva dalonc da cësa. Conduzion Leo Senoner

Simposium sun la traduzion dla letradura rumancia di Grijons y ladina dla Dolomites. En rejonon cun Rut Bernardi, conduzion Anna Mazzel

Al è un di artisc' ladins plö cunesciüs. Lois Anvidalfarëi, de Ciaminades de Badia, por sü 60 agn mët fora tl Lanserhaus a Eppan dal 13/05 al 26/06 na mostra de operes, desëgns, statues de gips y de brom, realisades ti ultims 30 agn. L' idea, la forma, l'ejistënza, se instësc: l' artist baia cun les operes, mo Anvidalfarëi è ince un di artisc che al è dër bel da aldì canche al baia de so percurs a...