LADINIA LIVE - Podcast

N ocajion del Dì internazionèl del lengaz mère ai 21 de firé a Roma vegn sport l pest leterèr internazionèl "Tacita Muta" per la mendranzes de lengaz. Tel 2022 l pest aessa cognù esser sorandat a la dotora Rut Bernardi ma per via de la restrizions de la pandemìa la festa é vegnuda sburlèda a chest an olache vegn adum l pest del 2023 sorandat a Antonello Colledanchise per l’alghereisc -catalan. Del...

Ai prumes de firé l grop de robotica "Gome neve" de la Scola Ladina de Fascia con l projet scientifich CESLA l'à vent a Mestre la fasa de calificazion per l nord-est de la Tèlia te la competizion internazionèla "First Lego Leage '23". L'auter grop de robotica de la Scola Ladina de Fascia "Gome veie" l'à vent enveze l pest per la inovazions de enjegneria che i à cernù de meter en doura ti robot. Re...

“Ski – pray – celebrate” ie l evënt che l SKJ de Sëlva y S.Cristina mët a ji a Oies tla Val Badia. Ma ciuna ie pa l’atività dla grupa via per l ann y ciuni i fins che chisc jëuni se tol dant? Ntervista cun Linda Perathoner, sëurastanta dla grupa SKJ de Sëlva. Conduzion Leo Senoner

Le toch teatral “FANES” scrit da Anna Gschnitzer y acompagné dales musighes de Musikbanda Franui, nes vëgn presenté te chësc program, dal joblere conesciü y aprijé a livel internazional, Lukas Spisser. Program de Sara Frenner

Per i 60 egn de atività del boletin "Nosha jent" del Grop Ladin da Moena en domenia ai 12 de firè vegn prejentà n nef portal olache se podarà aer azes debant a l'archivie digital del boletin a scomenzèr col prum numer vegnù fora da Nadèl 1963. En rejonon con Fabio Chiocchetti del Grop Ladin da Moena, conduzion Anna Mazzel

Te chesta puntata de Ladinia Live, con Paolo Verra, jon a curiosèr vindedò la coltrines de la mascherèdes del Grop de la mèscres de Dèlba e Penia. conduzion Cinzia Pistoia

Sce an ascuta pro bun, aldun datrai i lëgns che baia. Chësta cuntia nes condüj ti pra sot Pütia, olache al vir n lersc y n peció. Sce spizorëis les orëdles, gnëise sura te chësc program, ci che ai se cunta. N program de Sara Frenner

Le miscionar combonian padre Giuseppe Detomaso è mort a Adis Abeba tl Etiopia ai 13 de jenà 2023. Nasciü a La Plì de Fodom le 31/01/1942, consagrè pro y do la formaziun da miscionar pro l' ordin di miscionars combonians dal 1972 inant, por plö de 50 agn, al operè tl' Etiopia olach i miscionars combonians laora nia ma tl ciamp religius mo ince sanitar y de svilup sozio-economich. Cun estrac audio t...

Ai 29 de jené Fiem e Fascia darà lèrga a la 50° Marcialonga con na bela lingia de evenc de cornisc olache apede ai atlec tol pèrt ativa ence jacotenc volontadives. En rejonon con Andrea Winterle responsabol servijie portoes che da egn con gaissa endreza ence pèrt di volontadives. Conduzion Anna Mazzel

Cun dezëmber dl 2022 à Hubert Moroder, do 10 ani, dat ju la ncëria da presidënt di Judacrëp de Gherdëina. Si stiera ie unida sëurantëuta da Aaron Moroder, mëinacrëp jëun de Urtijëi, che adum cun n nuef cunsëi menerà l’atività de chësta grupa de sucors alpin ti proscimi ani. Conduzion Leo Senoner

Ester sön i schi döt le dé y porleplü döt invern é le som de tröc. I maestri de schi alda pro chi che po se gode la nei, mo al ne é nia döt or ci che lomina.

Tl 1993 ovel scumencià si aventura prufesciunela tl Istitut culturel Micurà de Rù. Y do 3 dejeneis de lëur mpurtant per la rujeneda y cultura ladina val n pension. L diretëur Leander Moroder cëla de reviers a n tëmp produtif y nteressant. Conduzion Leo Senoner

La sociazion hotelieres de la Val de sot col diretif nef à scomenzà a lurer per l projet "Fascia 2040". Per entener miec de cheche se trata en rejonon con Guglielmo Lasagna president de l'ASAT Val de sot, conduzion Anna Mazzel

Che al sides n brac rot o na borjada, co te astileste pa tö por dé le pröm aiüt che va debojëgn? Deboriada cun le caposeziun dla Crusc Blancia dl’Alta Badia, Marco Ienna, orunse dé informaziuns de ütl por respogne indortöra tl momënt de desgrazia, alzan fora dantadöt caji de inzidënc che vëgn dant gonot tla sajun da d’invern. Program de Sara Frenner

Prejentaziun dla cd dla familia Obwegs: "Le ladin te stöa - ciances ladines da zacan".Cun Anita Obwegs. Conduziun Esther Videsott

“Parole in cammino fra ladino, italiano e tedesco” ie l titul dla nueva publicazion de Marco Forni, dat ora dal Istitut culturel Micurà de Rù, y che analisea la mpurtanza dla parola tla comunicazion danter la persones. Conduzion Leo Senoner

Con la presentazion del projet de stradon te tunnel per tor fora l trafich da Ciampedel e Cianacei la Provinzia de Trent somèa se mever per n nef endrez de mobilità scomenzà col projet del BRT ( corsia preferenzièla per bus). Purampò i ponz critics resta tropes per chel che verda la infrastrutures, dal pent de Sèn Jan a la pista de la rodes e no ultim l'ospedel de Ciavaleis. En rejonon con Beppe D...

Cal é pa le significat dl’Advënt y ci ó pa dí Advënt por te? A chësta y tröpes d’atres domandes porvunse da ti dé na resposta, porvan insciö da ti rové plü pormez al Bambin. Program de Sara Frenner

Chëst’ann festejea Gherdëina si 100ejima garejeda de copa dl mond de schi. N plu saràl n chësc fin dl’ena nchinamei trëi garejedes sun la Saslong, doi liberes y n Super-G. Dut chësc n preparazion ala candidatura ai campiunac dl mond de schi alpin dl 2029. Ntervista cun l presidënt dl cumitè de urganisazion Rainer Senoner y cun Moritz Demetz, respunsabl events y catering. Conduzion Leo Senoner

Nadia Rungger y Nadia Moling, dös jones che cun gran motivaziun y iniziativa lascia piè ia proiec culturai nüs, se daurion a n publich plü ampl. "LADIN POP" è un de chisc: n podcast te de plü lingac, che se dà jö cun tematiches ladines de atualitè, olache jones y jogn de disciplines desfarëntes è invià a baiè para - "usc jones rejona". Conduziun Esther Videsott

L numer nef de gana é dedicà a la eles che à tout pèrt a la storia del schi alpin, del paslènch, del saut, del biathlon, de la brea, del freestyle e via via duta la disciplines che apascionea la eles canche les à la neif sot i piesc. N grum de stories, mizàcoles de vita personèla rencurèdes tel privat e vites publiches cognosciudes a dut l mond. En rejonaron con la redadores Olimpia Rasom e Ingrid...

Cianta cun Nos, festival di cors de mituns dla Ladinia è na manifestaziun organisada dala Uniun Generela di Ladins y Uniun di Ladins de Fodom ruvada sëgn ala 18.a ediziun a Reba la domënia 16 de otober2022. Le moderadù Giampaolo Soratroi presënta le grup ghest gnü dal Friul, le cor Curisins de Vilegnove da San Denel, che porta dant dües cianties popolares furlanes. 1.a. pert. N program de Alessand...

La vita de pater Ujöp Freinademetz. Le teater musical è na produziun dla Müjiga de Badia y Sorvisc ai Jogn dla Val Badia. Le test original è de Carlo Suani, musighes de Antonio Rossi, direziun musicala Friedl Pescoller, regia teatrala Valentina Kastlunger y Bernardetta Nagler. Masterisaziun audio de Benedict Valentin, regia radio Alessandro Dapunt. A Oies èl la ciasa nadè dl sant Ujöp Freinademetz...

Na figura prufesciunela for plu mpurtanta tl turism de nosc raion ie l mëinajita. Nia me l acumpaniadëur per jites samont, ma nce la persona de referimënt per comunichè l savëi y la cunescënza ntëur ala cuntreda amireda dai turisc. Ntervista cun Patrick Stuflesser, raprejentant dla categoria di mëinajita tla camera di mëinacrëp de Sudtirol. Conduzion Leo Senoner

Ence chest an à metù man la scomenzadiva J4J joegn per la jent che se met dant de endrezèr scomenzadives per la comunanza. Do l spetacol di jocolieres de Circensema che à avet la scomenzadives ai 12 de november en jebia ai 24 vegnarà sport n spetacol per sporjer na riflescion dintornvìa la violenza contra la eles e ai 2 de dezember vegnarà portà dant la esperienzes fates col projet "sCoop" n perco...