LADINIA LIVE - Podcast

Per festejer i 90 egn de la Musega da Poza chest an vegn metù a jir desvaliva scomenzadives, una l é l conzert de sabeda 27 de mè olache i sonarà adum co la Musega da Vich da olache se aea destacà l grop da Poza acà 90 egn. En rejonon col maester Giancarlo Dorich e l president Matthias Pezzei, conduzion Anna Mazzel

I Chemuns y la lies dl turism de Gherdëina adum cun la union di mplanc portamont promuef y sustën la scumenciadiva per miurè l trasport y la mubiltà tla valeda. Per chësc fin iel unì metù su l “Zënter de mubiltà de Gherdëina” che vën cuordinà dal Cunsorz Val Gardena Dolomites. Ntervista cun Martin Resch, cuordinadëur respunsabl. Conduzion Leo Senoner

Dal 2 de mei ie a disposizion l model 730 2023 „precompilato“ online te si nona edizion. Passa 20 milions de contribuenc possa se nuzé dl model 730 per si detlarazion di davanies. Dantaldut per chiche à da giaté de reviers cheutes ie l model 730 na bona soluzion. Cun l model 730 possn dé ju detlarazions di davanies plu scemples, ajache l ie nia n model complet. Program de Helmut Vinatzer

Pro le conzert d'aisciüda dla müjiga de Badia en sabda 20 de mà saral "mudaziun de tact. Friedl Pescoller lascia do 45 agn dirighënt dla müjiga de Badia la bachëta a Matthias Thaler. Friedl Pescoller, musizist dër cunesciü, cunta de süa lungia y bela esperiënza cun la müjiga de Badia che al à condüt a n livel dër alt y flessibl, coche mustrè dala produziun dër garatada dl teater musical "Ujöp da O...

Le grup musical metü adöm da Jan Moling y Katia Moling, nes presënta so album nü. Atmosferes strinades liades al chît y ala natöra, caraterisëia n stil musical dal döt particolar. N program de Sara Frenner

La pascion per la mujiga à l jëun de Urtijëi for abù, sunan la chitara y ciantan te grupes locales. Tl 2019 iel jit a Berlin per studië musical y show tla “Universität der Künste”. Y da ntlëuta se à mudà truep tla vita de Adam. Ël à bel fat pea te nvalgun musicals y iust te chisc dis nce tl musical „The Rocky Horror Show“ tl teater comunel a Bulsan. Conduzion Leo Senoner

Prejentazion del Festival de poesia alpina d'aldidancö, doi dis de letratöra, con 15 autors y autories dla Ladinia,di Grijuns y dl Friul che liarà dant sü tesc, presentà y comentà da trëi critics y critiches leterars. Ai 12 e 13 de mé sarà na bela ocajiun de confrunt y dialogh por conësce damì la realté leterara de chestes trëi isoles linguistiches dles Alpes olache sarà da aldì ence musiga dal vi...

L' integraziun dl patrimone lessicografich cun la gramatica y la sintassa è n conzet modern tla elaboraziun y tl' adoranza di vocabolars moderns. Sintesa dl referat de Marco Forni, autur prinzipal di vocabolars dl gherdëina dl Istitut Cultural Micurà de Rü, pro le cunvëgn linguistich organisè ala finn de merz 2023 tl'Academia Europeica a Balsan. N program de Alessandro DapuntCo

Gabriella Frontull presënta so cuarto liber che fej pert dla lignora de publicaziuns “Stories di Fredesc Grimm”.

"Identitèdes adum" l é l nef projet portà dant da l'Istitut Cultural Ladin Majon di Fascegn con l'obietif de fèr a na vida che l Museo sie la cèsa de duta la identitèdes che stèsc te Fascia. Na ocajion per se cognoscer, per baratèr valores, lengac e tradizions e per saer de più su la jent e sui desvalives popui che vif chiò. N rejonon con la diretora de l'Istitut Sabrina Rasom. Conduzion Cinzia Pi...

L volontariat l é na ocajion per didèr e per stèr apede ai etres e, sessaben, l tol ite na gran lingia de ativitèdes e servijes dassen emportanc per l sostegn de noscia comunanza. Rejonon de chest con Luciana Detomas, Coordenadora del grop di volontadives de la Crousc Checena de Vich. Conduzion Cinzia Pistoia

Te chësc program nen vara de turism sostenibl, ciaran zoruch ala sajun da d'invern y ponsan inant ala sajun da d'isté. Intervista cun le diretur dla Cooperativa turistica Alta Badia N program de Sara Frenner...

La mostra di corni de tieres salveresc (Hegeschau) ie n apuntamënt tradiziunel per i iagri y amanc dla ciacia. Chëst’ann sëurantòl i reviers de Gherdëina l’urganisazion dl’evënt per l raion de Persenon/Val d’Isarch. Ntervista cun Rino Insam de S.Cristina, sëurastant dl raion da ciacia de Persenon/Val d’Isarch. Conduzion Leo Senoner

La cooperativa Inout, anter oril e mé, la darà l via a la pruma pèrt del projet "Ma jia!", na scomenzadiva endrezèda en colaborazion col Museo Ladin Majon di Fascegn per dèr lèrga al piajer del jech e na ocajion per descorir e meter dant endodanef i jeghes de noscia tradizion. En rejonon con Ilaria Brigadoi e Nicolò Dorich,conduzion Anna Mazzel

Istitut Ladin Micurà de Rü, Eurac Research y Accademia della Crusca à organisè a Balsan ai 30/31 de merz n convëgn de lessicografia. Marco Forni, lessicograf y cordinadù scientifich dl convëgn, dij ci vari inant che la lessicografia dl ladin à fat y ciudi che le convëgn è n gran reconoscimënt dl status y dl laur fat. Claudio Marazzini, presidënt dla Accademia della Crusca dij ciudi che l' Accademi...

Oril l'é l meis de la prevenzion alcologica e ence l Comun General de Fascia dessema col Servije Dependenzes – Servije de Alcologia, Zenter contra l fum e etres dejèjes de l'Azienda sanitèra e la coprativa Le Raisc à endrezà dotrei scontredes de informazion avertes a duta la jent. En rejonon con l’asessora al sozièl del CGF Mirella Florian e l'assistente sozièla Margherita Mazzel, conduzion Anna M...

“Lessicografia tradiziunela y digitela tl viver da uni di cun de plu rujenedes” ie l titul dl cunvëni internaziunel, metù a ji a Bulsan n juebia ai 30 y vënderdi ai 31 de merz 2023 dal Istitut Ladin Micurá de Rü cun l’Accademia della Crusca y l'Eurac Research. Ntervista cun Marco Forni, lessicograf dl Istitut Micurà de Rù. Conduzion Leo Senoner

I stödafüch da San Martin nes presënta süa ativité te chësc invern, alzan fora l’intervënt de mé de füch te bosch sön Jú y i prighi dla gran sëcia. Program de Sara Frenner

L moment de la marena te scola l é n moment educatif che à l'oboietif de fèr educaizon alimentèra e, avisa per ensegnèr ai scolees la valuta de na alimentazion sèna, l Comun General de Fascia l'à portà dant na lingia de scontrèdes coi bec de pruma e seconda populèra su chest tem. N rejonon col referent del C.G.F. per l servije de la menses Devi Brunel. Conduzion Cinzia Pistoia

La liedëza de dezider sun si vita, nchina ala fin. Chësc à l legislatëur preudù cun l istitut giuridich dl testamënt biologich. Ma cie iel pa perdrët, co vëniel pa manejà y cie cumportl pa per uni un de nëus? A chëstes y autra dumandes respuend la dut.ra Laura Cuccarollo de Sëlva. Conduzion Leo Senoner

L'Union di ladins de Fascia se à dat n Statut nef e la metarà a jir corsc desvalives averc a duta la jent ence per l 2023 olache vegnarà sport ence l projet artistich "Fac" endrezà en colaborazion con Ismaele Soraperra. Se trata de n projet che TRAS L'ÈRT vel soscedèr discuscion, debatit, reflescion. En rejonon con Nicoletta Riz vize presidenta e Ismaele Soraperra joegn artist da Cianacei. Conduzi...

“Mudazion” ie l titul dla mostra da udëi tla furtëza de Franzensfeste dai 18 de merz nchina ai 4 de juni. 26 artisc dl’UNIKA, danter scultëures, depenjadëures y fotografs, te na mostra coletiva tl sëni dl’ert de Gherdëina. Ntervista cun Matthias Kostner, presidënt dl’UNIKA y Emanuel Valentin, diretëur dla furtëza de Franzensfeste. Conduzion Leo Senoner

Te chino de Cianacei ai 8 de mèrz vegn portà dant "Eles", n conzert de joena ciantarines fascènes endrezà per zelebrèr la fegura de la ela. Per saer zeche de più sul conzert e per averjer vèlch reflescion su la dì internazionèla de la ela aron con nos la ciantarina Samantha Pederiva e la prejentadora de l'event Loreta Florian. Conduzion Cinzia Pistoia

Le gender pay gap, la desfarënzia de paiamënt danter ëi y ëres a paritè de laur è te Südtirol incër al 17%, tl' Uniun Europea al 15%, tla Talia al 10%. Insciö sarà ince la ponsiun trö' mëindra. La gauja prinzipala è che la maternitè comporta por massa tröpes ëres imposcibilitè de laorè inant coche denant, part-time y rinunzies tla cariera. Na mentalitè y cultura ciamò in pert patriarcala sforza le...

Gerda Videsott, coordinëia le Master de Design por mituns y mitans tl’Université de Grafica y Ert da Balsan. De ci che ara nen va tl modü podëise descorí te chësc program. Program de Sara Frenner