Kjaftæði

Laufey Ebba: Tik Tok Stjarna, Vinnur við endurskoðun og er hundaeigandi. Átti hún hund, svaf hún hjá frænda eða átti ástarlot með púlara? Komist að sannleikanum í átjánda þættinum af Kjaftæði!

Tónskáld, Techno Tarfur og Konungur Mánavirkis! Eða hvað? Máni Svavarsson kom til okkar á dögunum og sagði okkur frá virkjum, norðmönnum og tónlistarþjófum. Ekki er allt með felldu og kapparnir í Délítunni komast að sannleikanum í sautjánda þættinum af Kjaftæði!

Podcast stjórnandi, Tik-Tokkari, Tignarleg Tæfa. Hún Agnes Halla kom til okkar og sagði okkur frá þrísommi með grimmum afleiðingum, einvígi Högna og Sigfinns og hvernig allt rann saman á Vogi. Komist að því hvar lygin liggur í sextánda þættinum af Kjaftæði!

Grínisti, myndasöguteiknari, rithöfundurinn. Hugleikur Dagsson kom til okkar með látum og sagði okkur fræknar sögur af absinthubar í Austur-Evrópu, endurfæðingu í Þjóðleikhúsinu og strangkristna bandinu Scooter. Ekki er allt sem sýnist og munu drengirnir komast að sannleikanum í fimmtánda þættinum af Kjaftæði! 

Pörupiltarnir í Délítunni hefja nýja árið með ennþá sturlaðri, vitlausari og ótrúverðugari sögum en nokkru sinni fyrr. Hvort sem þær tengjast bankaráni, geislavörnum eða stórhættulegum fiskum þá er aldrei að vita hvað er satt eða lygi í fjórtánda þættinum af Kjaftæði! 

Kvikmyndagerðakona, klippari, verðlaunahafi. Unnur Jónsdóttir kom til okkar á dögunum og sagði okkur að hún hefði fengið ýmislegt í höfuðið, sem og læknavask, nemendafót og leikaralim. En skyldi hún vera að segja satt? Að því ætla drengirnir að komast að í þrettánda þættinum af Kjaftæði!

Leikkona, teiknari og nýbökuð mamma. Hún Berglind Halla kom til okkar á dögunum og sagði okkur frá svaðilförum í djúpinu, hvítunni í Frakklandi og týndum tíma í Disneylandi. Þá fór nú að syrta í álinn því ólikt öðrum þáttum höfðu dáðadrengirnir í Délítunni ekki hugmynd um hvort ein eða tvær sögur voru kjaftæði. Komist að því í tólfta þættinum af Kjaftæði!

Disneyhetjan, Júróvísjónleiðtoginn og Greifi. Hinn eini sanni Felix Bergson kom og reyndi að sannfæra okkur um að hann hafi næstum verið drepinn á sviði, drepinn af Gunna Helga og drepinn "af" sviði. Einhver þessara saga er haugalygi og það er einmitt það sem drengirnir í Délítunni ætla að komast að í ellefta þættinum af Kjaftæði!

Kominn til að verma tíunda þáttinn er enginn annar en Gunnar Helgason! Leikari, leikstjóri, rithöfundur (og hundur ef út í þá sálma er farið). Hann sagði okkur fræknar sögur af Ungfrú Alheimi, íslenskum túristum og skriðdrekagufubaði en mær eru ekki allar sannar. Komist að því hver þessara frásagna er haugalygi í tíunda þættinum af Kjaftæði!

Adrenalínfíkill, stökkbrettakall, ritsjóri. Hann Konni Gotta kom til okkar og sagði okkur fræknar sögur af ælu, reisnum og hraðakstri allt með því yfirskini að blekkja okkur. En hvar liggur blekkingin? Komist að því í níunda þættinum af Kjaftæði!

Jón Sigurður (Nonni) er fimleikakappi, sirkússtjarna og alltaf í hringjum! Hann kom um daginn og sagði okkur frá ævintýralegri tilviljun, tvöföldu hlandi og Ronaldo (já, þeim Ronaldo). Eitthvað var þó hrein lygi. Komist að sannleikanum í áttunda þætti af Kjaftæði!

"Hlaðvarpsstjörnurnar", glensararnir, "rappararnir". Þið þekkið kappana, það eru Palli, Dagur og Viktor sem stíga hér sjálfir á stokk og ljúga hver að öðrum. Forðast Dagur fólk? Hræðir Palli Börn? Gerast allar sögurnar hans Viktors í Noregi? Hlustið á og komist að sannleikanum í sjöunda þættinum af Kjaftæði! 

Leikkona, Hafnfirðingur og grjótharður Öfgi. Svo mætti lengi telja því Hulda Hrund segist einnig hafa verið Kryddþruma, barþjónn í níunda bekk og kaupandi atvinnudúnks af kynlífsdeyfikremi. Hvert af þessu er haugalygi getið þið komist að í sjötta þættinum af Kjaftæði! 

Uppistandari, söngkona, textahöfundur. Svona mætti lengi telja því hjá okkur situr Vigdís Hafliðadóttir og reynir að telja okkur trú um að hún hafi tvíhandleggsbrotnað, verið spurð um peninga og setið fyrir á skinnklæðunum. Piltarnir grafa djúpt og reyna að komast að sannleikanum í fimmta þættinum af Kjaftæði.

Þið þekkið hann úr Já OK og Draugavarpinu! Leikarinn og hlaðvarpskappinn Fjölnir Gíslason leit til okkar og sagði okkur að honum hefði verið bjargað af hundi,  þurft að afhenda fullt a fjár til skuggalegra Dana og misst fingur í fermingarfræðslu. Ein af þessum sögum er haugalygi, en hver? Komist að því í fjórða þættinum af Kjaftæði!

Bjartmar er leikari, leikstjóri, söngvari og raddþjálfi, og svo kennir hann fallhlífastökk! ...Hann kennir ekki fallhlífastökk. En skyldi hann hafa verið hústökumaður, komist í kast við sérsveit Nýju Jórvíkur eða verið stöðvaður af enn annarri mafíunni? Leggið við hlustir og komist að sannleikanum í þriðja þættinum af Kjaftæði!

Kári Þór Birgisson; samstarfsmaður, mölletmaður, stemningsmaður! Hann er kappinn sem daðraði við lögregluna, mætti óvæntri mótspyrnu á salerni og komst í kast við austur evrópska herramenn. Eða hvað? Það eina sem við vitum er að ein þessara staðreynda er kjaftæði!

Lenti hún í útistöðum við ítölsku mafíuna? Brá hún sér í dulargervi sem fór algjörlega úr böndunum? Játaði vinur hennar morð á djamminu? Það er margt sem leikkonan, söngkonan og pönkarinn Urður Bergsdóttir hefur sér til lista lagt, en kann hún að ljúga? Því ætla drengirnir í Délítunni að komast að í fyrsta þættinum af Kjaftæði!