Johnny singer 81

كرسي القهوة كرسي القهوة قعــــدت عليه والبرد الحافي بيكويه وكراسي كتير من حـــــواليه مقدرش زحامها يغطيه الكرسي اللي بقاله زمــــــان مستحمل طعم الأيام مش خايف لا الجرح يبــــان ويزوق بالحزن عينيه هايخاف ايه هايخاف من مين ماهو ع الحال ده بقاله سنين بيطنش رغـي القاعــــــــدين مع انه بيتونس بيه شاى فينو و سحلب و لمون وكمـــان كوبـــــاية الينسون بيقولوا الكرسي دا مجنــون بيعض الأرض برجليه ---------...

لازم صوتك عشان ماسمعتهوش بالاقيني قادر اوصفه بيقول كلام مابيفهـــــموش غير اللي جرحه مكتفه بيني وبينك يا حبيبتي بـــلاد فيها الهوا زي الحنين جــلاد فيها الأمل قصة عشان تتعاد لازم حروفها تتكتب بالدم بيني وبينك يا حبيبتي بحــور الليل بيعشق حضنها المسعور لمت هدوم الغرقانين ف طابور بس الأهات ازاي ف يوم تتلم ------------------------------ كلمات والحان : انطونيوس نبيل توزيع : امير ذكري

رصيف روحى I said to myself I will be loved someday But in the night of hope I lost my way Because the wounds are searching for an aim I should pretend that death is just a game ياما شيلت ف قلبى كتير حواديت وياريتني اقولك عنها ياريت كملت سكوتي عشان حسيت انها بتقسيني عليكي كان جوه الغنوة كلامي حزين وحروفها من الايام خايفين وانا صوتى يغني ازاي ولمين لو جرح بدموعه عينيكي وعشت ميت بابيت فوق رصيف روحي ح...

رهاف صوتي فكر قال رهاف رعشة القلب اللي خاف اللي عيط لما غنى وابتسم أول ما شاف شاف جروح الدنيا هالة فوق شفايفه العطشانين العطش ف عيونه خلى كل شىء باهت حزين قام ناداها بعلو خوفه سمعت الأمواج نداه غمضت علشان تشوفه فتحت ماتت معاه خبى موته ف حضن بابه دقت الأحزان عليه كل ما يفلسف عذابه ايدها تهرب من ايديه -------------------------------- كلمات والحان : انطونيوس نبيل توزيع : هاني شنودة

شغل جنان ليه تفضل على طول متشرد ف شوارع دبلت اساميها ارفض حاول غير حرض هد الدنيا عشان تبنيها فك قيود الليل من روحك واخلق شمس بتتمناها واتصاحب على طعم جروحك واتعلم تضحك وياها ليه بتسيب الخوف يتأمر على قلبك ف الضلمة يوماتي بحلق برق زعق زمر قوله مالكش مكان فى حياتي قوله مالكش مكان ف حياتي قوله مالكش مكان هاشطب ليلك من حكاياتي قبل ما فجري يبان اكره اصرخ كسر دمر ماتغمضش ف لحظة عيونك حلمك مهما يعيش و يع...

اشتقتلك اشتقتلك ووهمت روحي وقلت بعدي بيقتــلك اشتقتلك خبيت جروحي ف عز خوفى ندهتلك وسبقت جوايا الحنـين مع اني تايه من سنين ورجعتلك اشـتقتلك فاكرة اللى كان بينا زمان لو مانسيتيش يبقى مافيــش ولا حاجة تاني تهمني دا انا لسه بحلم كل ليلة بالحنان اللي ف عينيكي خدني ليــــــكي وضمني اشتقتلك ووهمت روحي وقلت بعدي بيقتــلك اشتقتلك خبيت جروحي ف عز خوفى ندهتلك قلبــــك سألني انتا مين مديت ايديا المجروحين وضحك...

ذكريات حلم كل كلمة بتنطقيها بينسى فيها القلب كبته كل نجمة بتحضنيها حلم ف عينيكي ارتكبته حلم ف عينيكي البريئة من جيوب الليل سرقنا نفسه يبقى ف يوم حقيقة بس خايف من فراقنا جوة حضنك كنت شايفه كل ما يبرر آلامه تلمسي بايدك شفــــايفه غنوتك تسبق كلامه غنوة العمر اللي فاته بكرة لازم يفتكرها داللي فاضل من حياته ذكريات خانت مصيرها ----------------------------------- كلمات والحان : انطونيوس نبيل توزيع : امير...

اتعلمت اتعلمت أهرب من قلـبى ومن احســـــــاسه اتعلمت قصاد أحزانك ماتألمــــش مهما سهرت و مهما عيوني ف ليلك قاسوا اتعلمت اداري دموعي و ماتكلمش ------------------------------------ كلمات والحان : انطونيوس نبيل

مليون فراشة فى القهوه كان فيه قطة بالاعبها و انا قاعد وحيد على قد ما شفت الحنان ف عينيها شفتك من بعيد شفت ف عينيكى الدنيا لسه ملونه و شفتنى و انا لسه قادر ابتسم و طيور بتعلن بالغنا عن حبنا ايدى فى ايديكى و حلم بينا بيترسم البحر كان ف عينيكى بيضم النجوم و الشمس كانت بتواعدنى ف كل يوم مليون فراشه فوق شفايفك شفتها معرفش ايه خلاني اقولك انى خايف وقتها ---------------------------------- كلمات والحان :...

كوباية شاي ابص قدامي ازاي والريح تملي بتبعدني ف ايدي كوباية شاي ريحتها لسة بتجلدني سكرها بيداري جروحي نعناعها ياما استناكي يتدلدق الحزن ف روحي ويقولي لازم انساكي سهران لوحدي باكلمها عن كل ضحكة ضحكناها ولما صوتي بيألمها بلاقي صورتك جواها ناقص على غيابك شفطة خايف اقايس و اشربها ولما ف الليل اتغطى احلامي تعلن اضرابها ------------------------------ كلمات والحان : انطونيوس نبيل توزيع : اشرف كامل

ماتقربيش ماتسلميش روحك لأحضاني قلبى انجرح والجرح نساني ازاى احب و ازاى اعيش ماتفكريش ان الغنا سابني انا اللى سيبته لما علمني ان الجروح مابتنتهيش لما تجيني تقولي عايزانى مضطر اكون المرة دى جاني مضطر اقول ماتقربيش وماتحلميش ان الامل بكره هيكون نجوم تهزم ليالينا دايماً مابين الحيرة و الذكرى لحظة ندم تقدر تبكينا مابقتش اصدق ضحكة تصفالي ولا قلب جاي عشان يطمني حاسس كأن الدنيا شايلالي ف عينيكى حلم هيتسرق...

عدت سنين عدت سنين مقدرتش انساكي باغرق في بحر العتمة و القاكي في كل ضحكة واخدها غصب من الحياه و ف كل شارع كنت بامشي معاكي فيه و ف كل فنجان قهوة باتكلم معاه عن قلب كان بيدق علشان تسمعيه قلبي اللي ضمك حتى وانتي بتكسريني ماقدرش يفهم ليه ببعدك تكسريه لترﹼجعي لحظة فراقنا و تقتليني لترجعي و بلمسة واحدة تطمنيه --------------------------------- كلمات والحان : انطونيوس نبيل توزيع : امير ذكري

عكاز رحيلي غريب و عايز حضنك الدافي والشمس نورها كان تملي حزين والحلم كان احمال على كتافي جايلك و ماشي من سنين و سنين باب الحياة قدامي كان مقفول وف قلبي شايل حلم نفسه يعيش بانده عليكي مهما جرحي يطول بانده عليكي ليه مابتجاوبيش عكاز رحيلي ف غربتي.. انتي ضحكة دموعي و سكتي ..انتي بحري و سفينتي و صرختي ..انتي دمي اللي سايل ع الحجر ..انتي ريحة النجوم نبض الشجر.. انتي حتى الهروب وقت الخطر ..انتي صوتي و سك...

السر ايه؟ لا عمره خاف و لا عمره طاطى و كل شىء واخده ببساطه و الناس بتسأل السر ايه لحد امتى وازاى و ليه فيه ناس تقول ده واد شجاع و ناس تقول ده واد عنيد وناس تقول بلاش صداع مافيش كلام مجنون اكيد وناس تقول ده قلبه داق احلام كتيره اتكعبلت عاش الحياة حيرة و فراق لحد روحه ما نملت داخل بصدره على الحياه ولا حد قادر يكسره طب ليه يخاف و مافيش معاه شىء غالى ممكن يخسره رغم اختلاف الناس عليه الكل رافض يسمعه سر...

امتى وحالف اني ماضحكشي ولا تضحك عيوني ف يوم مادام فيه طفل ف الدنيا على صوت الرصاص بيقوم امتى الطيور تنزل و وياها الغنا فوق الضفاير و الوشوش مطمنة امتى الرصاص ف ايدينا يتحول زهور نهديها بالشوق و المحبة لبعضنا عايشين بيخنقنا الشتا خايفين في نفس الوقت حد يضمنا نضحك و لما الضحكة تطلع ميته بنحس اكتر بانكسارنا و جرحنا واكيد مفيش و اكيد مفيش في الدنيا نور مابينطفيش غير حب ساكن في القلوب وياه هيبدأ فجرنا...

الحِمل الحِمل على كتفك تقل رجليك تغوص ف الارض لكن ممنوع تقول انك بتتمنى التعب عن كل حاجة بتتسئل و الخوف فى قلبك لسه ساكن مفضلش فيك غير حلم من ضله اترعب يطعن ف روحك حلم كنت مصدقه خايف تفوق خايف كمان لتحققه خايف تكون وقت اللقا من غير ايدين الناس يشوفوا الجرح فى عينيك يهربوا تنده و تصرخ مستحيل هيقربوا الكون بحاله ملخصينه ف ضحكتين ----------------------------------- كلمات والحان : انطونيوس نبيل توزيع...