Johnny singer 81

الكوكب الكوكب كِترت أوحالُه والأوحال محتاجة لولعة والإنسان مش واخد بالُه أصلُه يا عيني مجرَّد سلعة والسلعة محتاجة تسويق والتسويق عايز إعلان والإعلان محتاج تزويق والتزويق عايز فنان والفنان دايماً مذعور بينفذ أمر السجَّان والسجَّان عبد المأمور والمأمور دايماً شبعان المأمور من غير إحراج لامؤاخذة فـ إيدُه الكُرباج على ضَهر الكوكب بيدور بيلسوَع ويطُق شرار والحاشية تألف أشعار على صوت كرباجُه المسعور ___...

معنى الحكاية رَماني الدّهرُ بالأرزاءِ حتى فُؤادي في غِشاءٍ مِنْ نِبالِ فَصِرْتُ إذا أصابَتْني سِهامٌ تكَسّرَتِ النّصالُ على النّصالِ وهانَ فَما أُبالي بالرّزايا لأنّي ما انْتَفَعتُ بأنْ أُبالي ....... سألتْ جروحي عنّ معنى الحكاية مافيش غير الصَدى جاوب سؤالي مانيش عايز أكون ضحكة فـ مراية ولا مراية لملامح مرسومالي أنا رافض يكون الخوف دوايا وما اقبلش الحيطان تُسكن خيالي ....... رَماني الدّهرُ بالأرزا...

"شغل جنان" ليه تفضل على طول متشرد ف شوارع دبلت اساميها ارفض حاول غير حرض هد الدنيا عشان تبنيها فك قيود الليل من روحك واخلق شمس بتتمناها واتصاحب على طعم جروحك واتعلم تضحك وياها ليه بتسيب الخوف يتأمر على قلبك ف الضلمة يوماتي بحلق برق زعق زمر قوله مالكش مكان فى حياتي قوله مالكش مكان ف حياتي قوله مالكش مكان هاشطب ليلك من حكاياتي قبل ما فجري يبان اكره اصرخ كسر دمر ماتغمضش ف لحظة عيونك حلمك مهما يعيش و...

رماد حلمَك | مرثية لـ نجيب سرور وكان جَلدك وكان شنقك على إيديهم وبعد الشنق كان حرقك ونا واقف ف وسطيهم كأني حشرجة ف حَلْقك بأراقب صمتي ف عينيهم بأراقب عضمك المجنون ف كف النار بيتكسّر كأن الكون مالوهش عيون يشوف بيهم ويتأثّر أكيد صعب إني أكون بينهم وأشوف حلمك قصاد عيني رماد بارد على جبينهم بُقع سودا على جبيني غبار داكن بينداس ف الدروب لكن بيدبحني ونا قلبي يا ابويا نجيب هزيل عايش على الأكاذيب تقيل الح...

تعويذة قال للساحر ياللا عالجني فُك قيودي وحطّم سجني قول للحزن بلاش يزعجني خلّي الدُنيا ف عيني لذيذة رحّب بيه الساحر قال له خطوة عزيزة قال للساحر قلبي تاعبني صوت نبضات جرحُه بترعبني قول للعالم يستوعبني خلّي الدنيا ف عيني لذيذة رحّب بيه الساحر قال له خطوة عزيزة قال للساحر مهما بأجرّب إني أشرّق ولّا أغرّب بألقى الخوف أسوار بتقرّب وألقى عيون الموت بصّالي ردّ الساحر قال له كفاية روحي ف روحك شايفة مراية...

أنا عصفور بيقولوا مجنون أنا بنوتة صغنططة أوضتي فيها حاجات كتير كورة حلوة منقّطة شوطتها علشان تطير طارت فوق للسما شافها عصفور شدته باسها بوسة ف خدها جَت تقولّي غنوته: أنا عصفور بيقولوا مجنون مجنون أيوه ومش مكسوف بأحلم إني الاقي الكون مافهوش حزن ومافهوش خوف مافهوش أي دموع بتسيل مافهوش غير أطفال عساسيل السما ف عينيهم مبسوطة وبترقص لما يلاعبوني فيها نجوم حلوة صغنطوطة على طول بتمطّر بمبوني أنا عصفور بي...

نخلق وطن لازم ندوّر ع الطوفان يمكن لو الكون اتمحى نخلق وطن مافهوش حيطان مافهوش قلوب متجرحة نخلق وطن مافهوش خريف مافهوش عبيد ولا ليل مخيف ولا شيء بعيد مافهوش بشر تقدر تخون فيه كل إيد بتضم إيد فيه الحنان جوّه العيون وردة أمل متفتحة ----------------------------------- كلمات والحان : انطونيوس نبيل توزيع : وليد ميمني كليب https://www.youtube.com/watch?v=nXHuZNpQ_cc

ماليش اوطان يا طعنة ف قلبي بتغني مسافر من سنين ياما يا شط بيتسرق مني ف روحي البحر دوامة على حدود الوصول ليكي مافيش غيرِك بيهزمني بالاقي الضحكة ف عينيكي و الاقي القبر مستني و باتعجّب بتبتسمي باقول البسمة دي شروقِك على الشاهد باشوف اسمي بيعلن إني ف عروقِك ماليش اوطان بيعلن إني م الآخر ف عُرف سباقِك الساخر بطل خسران بطل خسران كره لحمه وساب أحلامه يتزاحموا ورا القضبان ------------------------------ كل...

علبة كبريت علبة كبريت بتقوللي ياريت ماتخلّصنيش عود واحد هوّ اللي فاضلي وانا نفسي اعيش علبة كبريت ف عينيها الخوف بقى مش معقول وعشان تتطمن كان لازم أحكيلها وأقول ف جيوبي حاجات تانية كتيرة أشكال وألوان مفاتيح بتجزّ على سِنانها ومش عارفة تنام إعلان مطبوع وزرار مقطوع من غير عنوان وسجاير فرط باخاف م البرد يجيلها زكام مناديل عطشانة وموعودة بعطشها تبات وصور دبلانة بتتكعبل فيها الحكايات وحاجات بتأكد إني بأ...

حرب شاملة ماتقوليش إن الورود طلعت بلاستك و إني أهبل لما بأقبل أبقى نحلة لمّي كل الورد جايز لو لمستِك يصحى تاني و فجأة تبقى الدنيا أحلى ماتقوليش على شوقي ليكي سوء معاملة ماتقوليش عايشين عشان نكره وجودنا قولي إن الكون بحاله ف حرب شاملة قولي إن لقانا وسط الحرب هُدنة ماتقوليش إن المطر سارح ف جسمي ناوي يكسي بالصدا رعشة مفاصلي ماتقوليش غير كلمة واحدة قولي اسمي ردديه و استطعميه علشان تواصلي ماتقوليش على...

بوسة بلون الشمس صمتِك بوسة بلون الشمس اللي بترويني صوتِك حضن بيمحي البرد اللي ف شراييني بألقى الناس ف عينيكي ملايكة قلبي يصالح فيكي جراحه حتى الكون اللي مطوقني بأسلاك شايكة فجأة بأحس بطعم براحه لما ف وسط الزحمة بأقابلك و تضميني كل ما تبقى النظرات حادة بألقى الحضن بيطول أكتر بألقى الشوق ف عينيكي اتحدى رفض الخَلق اللي بتتوتر من حضننا و كأنه جريمة فجأة بأحس بعربياتهم ممتلكاتهم مالهاش قيمة فجأة بأحس ب...

أنا الصعلوك أنا الصعلوك...أنا المملوك ايديكي كسّرت عرشي ومهما البرد كان قاسي ومهما القلب كان منهوك ومهما قطّعت راسي ضوافر من تيجان الشوك باحاول اترمي فى حضنِك ما بقدرشي واقول اخسر فى يوم غيرِك ما بخسرشي أنا الصعلوك... أنا المملوك ايديكي كسّرت عرشي مافيش ف عينيكي غير قبضة بتجلدني بورود مالحة وتسلخ قلبي م النبضة عشان تصرخ من الفرحة ونا سكوتي عيون تاهت ما بين ضيك وبين حيرتِك مانيش فرصة لفرح باهت ولا...

الجوع كسرنا جيبنا الطبيب أول ما زارنا قال دا النصيب قولناله ليه طب نعمل ايه ماحناش جبال قولناله ليه غمّض عينيه وبسرعة قال: "الجوع علاج والذل تاج والاحتياج أفضل كتير من الغِنى" قولناله روح ماتيلا روح ياحبيبي روح صدّعتنا قاعد تهاتي توعظ يوماتي تمدح ف جوعنا تسرق دموعنا وتسقي بيها بساتين خافيها في جيبك انتا لحد امتى تفضل بالفنا تلطش رغيفنا وتقوم حادفنا ف بحر الهلاك تكتب روشتة واتنين وستة وعاملنا كوبري...

وابتسمتي كنت مرعوب من طريقي والدروب متلخبطة بين زفيري وبين شهيقي بانزف الاحلام خُطى وابتسمتي ف ابتسامتِك كنت باهرب فيكي مني واترسمتي شباكين على كل حيطة بتقابلني جرحي قالك اني خايف صمتي قالك مش هاعارضِك كفك اتحوّل شفايف كفي حس بطعم نبضِك وابتسمتي ف ابتسامتِك كنت باهرب فيكي مني واترسمتي شباكين على كل حيطة بتقابلني فجأة أول ما اتلامسنا كل شئ جوايا طاوعِك والحروف غايبة ف حديثنا رعشتي اتهجّت صوابعِك وا...

مترو ف يوم من الايام غلطت ركبت مترو واقف قصاد الباب الناس حواليا كتروا أصوات كتيرة خبطت ف روحي عملتلي ربكة مليون حكاية ملهاش نهاية ولا ليها حبكة مخنوق وجلدي مابقاش مقاسي يوم القيامة تفضى الكراسي والخلق شابكة ف خلاف سياسي عن أي حاجة مابتتحسمشي والباب يزمر ساعتين تلاتة يصرخ يدمر و يزيد غتاتة والمترو تاتا صفيح تباتة لا منه واقف ولا راضي يمشي عشان الاقي مكان لرجلي لازم مناورة وعشان أحافظ على المكان ده...

اضرب صحوبية اضرب صحوبية مع الأحزان واتمشّى معاها على الكورنيش ضُمّها بإيدين مليانة حنان قولها عن سرك ماتخبّيش قولها دانا حاسس إني وحيد وقلوب الناس شايلالي جراح لو لسه ف عيني الفجر بعيد ف عينيكي طريق الحلم براح اضرب صحوبية مع الأحزان و اتمشّى معاها على الكورنيش ضُمّها بإيدين مليانة حنان قولها عن سرك ماتخبّيش قولها مخنوق مش لاقي كلام وانتي اللي رسمتي دموعي حروف حلّفها بكرهك للأيام ماتسيبش ف قلبك نقط...

لمستِك فـ الضلمة نور لسة بيني و بين عيونك ألف سور المسيني لمستك في الضلمة نور افتحي عيونك أوام وقتها يمكن اشوف و ابتدي انتي الكلام تتولد فيا الحروف مهما تبقى الريح قوية لو معايا متخافيش حطي حلمك بين ايديا للنهاية راح يعيش ----------------------- كلمات : انطونيوس نبيل اللحن : تراث مصري قديم عازف الكمان : اسلام خليفة عازف العود : عمار سيد

انا الثاير لا بيفاوض ولا يساير انا الثاير وخرطوش الجبان داير بيرصد خطوتي العاشقة ومهما اتعب ومهما اشقى مابرجعشي مابركعشي باقابل بالغنا نعشي وباغزل بالجروح هالتِك انا مشروع شهيد ليكي ولو ممنوع اعيش بيكي انا الثاير هاموت فيكي وهاروي بدمي اسفلتِك ولو صوت الهتاف ماكسرشي اغلالك على دراعي بقلمي الجاف حروف اسمي سايبهالك مع نمرة صديق ليا هيهتف تاني "حرية" لحد ما صوته يحييكي انا مشروع شهيد ليكى -----------...

فراشة ودبابة اختلط الحابل بالنابل فـ معارك مش واصلة لمعنى وبارود العالم مش قابل أنا وانتي الأحلام تجمعنا دبحوا الأشجار زرعوا خنادق بدل الورد بيهدوا بنادق حاشينها بطلقات كوابيسهم قدام بنادقهم مش فاضل غير غنوة فـ قلبنا بتناضل مهما يحاصروها بمتاريسهم على كفِّك أنا كفّي متبِّت بنحطَّم قوانين الغابة جوَّانا الفراشات بتنبِّت قادرة تشيل أجدع دبابة وتطير بيها لأعلى سحابة علشان فـ الآخر تفلتها وتطير بيها ل...

تانجو بترقصي تانجو و بترقصي صالصا دايما لطعم الفرح مشتاقة و انا رقصتي رعشة الم خارسا قوليلي ازاي يا حبيبتي نتلاقى بتحبي صوت الناس و حكاويهم بتحسي ف وجودهم بحرية و انا مابشوفش غير صمت الشتا فيهم و حيطان بتعلى تملي حواليا ساعة ماقابل حزني ف عنيهم ضحكة عينيكي بتبقى مش ليا لو كنتي عايزة الفرح شاركيهم لو كنتي عايزة تسكني فيا لازم تكوني بجرحي قابلاني و تقابلي زنزانتي و سجاني و ايديكي ف ايديا لازم تعيشي...

كمين مين اللي اول ما امتلك شافِك غرض مين اللي بالقوة اتفرض على عرش قلبِك من سنين مين اللي زاغ فينا و نجي مين اللي سابك ف الطريق تتشنجي من لسعة البرد اللعين ماتقولي مين يا حبيبتي مين مين اللي راشق بين عيوني و بين نجومِك مية كمين مين اللي فتّش فيكي على طعم الدفا و مخدش باله قد ايه قلبك حزين مين اللي من دمِك ماقالش انه اكتفى مين اللي خدتي ف قصته دور السجين ماتقولي مين يا حبيبتي مين مين اللي راشق بين...

نخلق وطن لازم ندور ع الطوفان يمكن لو الكون اتمحى نخلق وطن مافهوش حيطان مافهوش قلوب متجرحة نخلق وطن مافهوش خريف مافهوش عبيد ولا ليل مخيف ولا شيء بعيد مافهوش بشر تقدر تخون فيه كل ايد بتضم ايد فيه الحنان جوه العيون وردة امل متفتحة ------------------------------ كلمات والحان : انطونيوس نبيل توزيع : فادي كامل

آخر نقطة شمس كنت ميت غصب عني من تابوتي طلعتلك قلبى كان رافض يغني من وراه جيت قولتلك شمس غير الشمس ديه بين عيونك متداريه كل ما ألقى الليل قصادي الحيطان بتدوس عليا نفسى مرة لما أنادى تلمسي بنورك عينيا تسرقيني من كياني تخلقيني حد تانى حد مش مخلوق لجرحه حد بيعاند ظروفه بس لو صارحك بخوفه ضحكتك تقدر تسامحه حد لما بتندهيله خطوته بتسبق شفايفك رغم حزنه و رغم ليله لسه جوه الحلم شايفك -----------------------...

مطر عطشان احساس و كأنه مطر عطشان مراياته حيطان حابسانا و حابسه النور ف عينيه لا طاوعنا و قال للحلم مافيش ولا سابه يعيش ولا سابنا نموت يمكن نلاقيه طب نعمل ايه ولقانا وداع بنأجـــــــل فيه طب نعمل ايه قضينا سنين بندور حواليه بنخاف أول مانبص بعيد من جرح جديد يخدع ليالينا بألف شروق وحيرتنا سؤال وجوابه أكيد مش لمسة ايد ممدودة بلهفة شوق مخنوق طب نعمل ايه ولقانا وداع بنأجـــــــل فيه طب نعمل ايه قضينا سن...

من حق كل واحد من حق كل واحــــــد يقول للدنيا بخ أو يعلن انه رافـــض يساوم أو ينخ أو يتمادى ف جنـانه ويخلص كـيلو لـــــب يقزقز لب سوبـــــــر أو أبيض لو يـــــحب يقعد ف الضلمة حبة من ضـــله بيستخبى ويدب بايـــــده دبــة ف عينيه الخوف يدب من غير مالناس تقوله يقزقز من سكـــــــــات ويــرمي القشر كــــــله ف وش الذكـــــــريات يستسلم باختيـــــــــاره ويهرب من نهــــــــاره الليل ياخد بتــــــــــاره...