IN TEAM INTIM

Wow, in whatsapp chat nua che las giuvnas infurmeschan davart lur dis! Silmain en la classa da Jasmin, Sarina e Nuna vegn discurri magari avert davart la menstruaziun.

Laurin, Fabrizio, Sandro e Martin han vulì savair da Nina e Gian-Marco co ch'els han flirtà sco teenagers. La conclusiun: Auter e tuttina magari sumegliant.

Natalia, Lea ed Eliana han vulì discurrer sur da leducaziun sexuala. Finì ha la discussiun cun sex da dinos ed octopus. Hä!? Taidla lemprima da trais parts cun ils scolars da la terza superiura da Scuol.

Has mal avant u durant la menstruaziun? Dovras forsa in pèr tips tge far cunter quel mal. Lura è quai inepisoda per tai. E sper tips audas ti da Tamara e sia greva relaziun cun la mens – 18 onns ha ella patì mintga mais grondas dolurs pervia da sia endometriosa.

Uss sincer: Co è tia relaziun cun tes corp? Sas propi acceptar tai uschia sco ti es? Per Tamara Carigiet è precis quai stà in lung viadi. Ella raquinta da temps, nua ch'ils conscolars la numnavan «tetta gronda» empè da dir ses vair num. Ed ella raquinta era, co ella ha emprendì d'acceptar ses corp.

Oh-oh! Puncts alvs sin il penis u ina vulvina che brischa? Gea, las infecziuns sexualas nèn betg gist la bella vart dal sex. E tuttina èsi impurtant da discurrer surlonder. U almain da tadlar tiers.

Tge ha feminissem da far cun sex? «Bler!», manegia Amanda Deplazes, nossa experta da questa episoda. Amanda raquinta era a nus, daco chella ha meglier sex dapi chella è ina feminista. E dal rest, tgi sa tge tenuta che Gian-Marco ha envers il feminissem?

Quest tema stat a Gian-Marco ferm a cor. El è dal maini che cun quai che blers pensan che lum vegn uschè u uschia, vegn ponderà memia pauc, tge chins pudess far per in meglier orgassem da l'um. Pia dapli che mo si, giu e finì.

En quest podcast declera Gian-Marco ils diesch pass, co la dunna vegn tar ses orgassem. U èn quai tut forsa be narradads!? Ina giada tadlar tge che Nina manegia.

Il scrinari Tino Andri ha cumenzà a far dildos da lain. L'idea ha gì success e far dildos tutga uss tar il mintgadi da Tino. Dapi ch'el fa dildos, ha el blers discurs sur da sex, cunzunt era cun dunnas. Tge che quellas han gugent, raquinta Tino a nus en il podcast.

Tar tantra han bleras persunas kino en il chau: Glieud blutta che sesa en in rudi e fa exercizis da sex, forsa schizunt sex en gruppa. Ma uss udin nus da Michael ch'è stà en ina scola da tantra, sche quai è propi uschia.

Es gia ina giada stada ad ina Dildo-Party? Betg? Quai datti propi! La Simona declera tge che marscha là. Nina è plitost sceptica tar sextoys. Gian-Marco vesa era avantatgs.

Nina crai che rutina fa meglier il sex. Per Gian-Marco è la rutina la mort per il sex en relaziuns lungas. La terapeuta da pèrs a Cuira/Turitg Nathalie Brady sustegna ils dus tar lur discussiun.

Quant lung è lung avunda? E tge pomai è ina pimpel da sang?!

Bleras dunnas han difficultads da sa identifitgar cun sia vulvina. Pia la vulva e la vagina. Ensemen cun la terapeuta sexuala Corinne Defuns discussunain sco chins pudess midar quai.

Sabrina Bundi ha fatg in film davart il sex e sias purtgarias. En questepisoda nus discurrin en trais, davart il sex ed ils rumantschs.

Ha Gian-Marco grazia al sexpodcast ussa dapli success tar las dunnas? Tge pensa Nina dal fetisch da pais? Quai è la segunda part dal Q&A intim.

Tge è stà il pli mal sex da tia vita? Quant savens masturbescha Gian-Marco? Ha Nina gia ina giada stuì prender la pirla per suenter? Quai è il Q&A part 1.

Il pli simpel èsi cun la pirla? Amain per l'um. Dentant proteger cunter malsognas sexualas protegia be il condom, manegia Gian-Marco. Nina vul savair nagut pli da la pirla e va ussa ina via pli natirala. Las metodas da protecziun èn numerusas e tuttina para nagina propi da cuntentar...

Suenter che pliras persunas han dumonda Gian-Marco sch'el sia schvul, è el daventà malsegir. Ed era Nina ha gia fatg la dumonda sco che quai fiss, dad avair insatge cun ina dunna. Tirs datti dad udir l'istoriga dad Marco Fabrizio Giger, che fa part a la community da LGBTQ+.

Dates pon esser fitg bels, dentant era in stress total. En questa episoda raquintan Nina e Gian-Marco da lur experientschas. E cler, vegn uschia era a la glisch ina ni l'autra istorgia da letg.

Linternet è plain cun pornos e quels tutgan per blers era tar il mintgadi sexual. Nina ha dentant tema che pornos pon far donn a lur relaziun. Tant pli cur che Gian-Marco raquinta da sias experientschas fatgas en quel connex. In pèr vias da soluziun datti lura era anc da la sexologa Dania Schiftan.

La menstruaziun è insatge dal pli normal. Igl è gea era insatge natiral. E tuttina na vegn strusch discurrì surlonder. Perquai fan Nina e Gian-Marco quai en questa episoda ensemen cun Luna Weggler da VIVA LA MENSTRUAZIUN.

La Nina ha zambregià avant sia emprima giada e Gian-Marco na sa regorda betg pli dals detagls. E tuttina è l'emprima giada insatge che dat bler da discurrer e discutar. Tips datti lura era anc da Corinne Rietmann, experta per sanadad sexuala.