IN TEAM INTIM

Oha! Quai èsi pia stà! Suenter 50 episodas fan Nina e Gian-Marco «schluss». Also ussa propi. Quai èsi stà cun il podcast IN TEAM INTIM.

Tagliar tras il chanal dal sem, per che l'um n'è betg pli fritgaivel. Ina gronda decisiun. Ed in tema, nua che bleras faussas infurmaziuns fan la runda. Perquai uras da guardar, tge che questa decisiun vul propi dir.

En questa episoda respundan Gian-Marco e Nina puspè a tut vossas dumondas. Bun divertiment! Intginas da quellas dumondas èn: Co ir enturn cun il squitsch da carriera e famiglia? Tge far sch'ins n'ha mai gust sin sex? E tge avais da dir dal tema masturbaziun?

Tge èn ils diesch megliers spots per sex? Tge è impurtant a Gian-Marco tar il sex? E co ir enturn cun il squitsch da famiglia e carriera cura ch'ins va cunter ils 30 onns? En questa episoda respundan Gian-Marco e Nina tut vossas dumondas.

Gian-Marco ha anc contact cun l'ex. What!? Per blers è quai in no-go. Dentant era la terapeuta da pèrins Corinne Defuns chatta, ch'avair contact cun l'ex è sut tschertas cundiziuns ina buna rauba.

Avais vus savens dispitas, grittas e larmins en vossa relaziun? Forsa faschess ina terapia da pèrins bain! En questa episoda sesan Gian-Marco e Nina tar la terapeuta da pèrins Corinne. Ella raquinta, pertge ch'ina sesida tar ella fa era senn per pèrins giuvens.

Brazilian, blut u tuttina in «busch»? En questa episoda prendain nus sut la marella differentas frisuras intimas e faschain in excurs en lur istorgia ed ils trends. E lura vai er anc per las differentas metodas da far davent ils chavels, en cas che quels disturban. Bun divertiment!

Tgi ha pli gugent els curt e tgi lascha crescher els spess e natiral: ils chavels sin il corp ed en las zonas intimas. En questa episoda raquinta Gian-Marco, pertge ch'el n'ha gugent ses chavels dal corp e Nina raquinta, pertge che laschar crescher chavels sut bratsch po esser in statement feministic. Ed ultra da quai udin nus las opiniuns d'udituras e d'auditurs tar quel tema.

Tampuns, bindas u il cup? En questa episoda prendain nus sut la marella intgins products da menstruaziun e discutain davart lur avantatgs e dischavantatgs.

En ils pornos vegn fatg sex anal senza preparativas. Simplamain zack e dai. Autsch! Perquai discutain nus questa giada sin tge ch'igl è da guardar per che sex anal satisfa er en realitad.

Da chattar la grondezza adattada n'è betg simpel.

Questa giada n'han Gian-Marco e Nina betg grond'idea. E quai è forsa gist l'interessant. San persunas cun in impediment far lamur? E sche gea, co?

Autsch! Laschar tagliar davent la pelletta dal penis fa segir mega mal, tratga Gian-Marco. E Nina fiss stada cuntenta, schella vess savì dapli sur da penis senza pelletta, avant l'emprima giada sex cun in um senza pelletta.

Ils ovs da l'um èn sensibels, manegia Nina. Ils ovs dal um pon dentant era crear bler gust, manegia Gian-Marco. Ed has ti savì ch'il cancer dals ovs è il pli derasà tumor tar umens giuvens.

La qualitad da sperms dal umens svizzers sha en ils ultims 100 onns sa reducida per 50%! Ils motivs èn difficil da chattar ora. Ins fa quint chil consum da tubac, alcohol, ormons (per exempel en laua) u il stress pudessan esser la culpa. Era la radiaziun da noss telefonins pudess far donn a la qualitad da sperms.

L'urologia s'occupa cun il gnirunchel, vaschia, ureter ed il chanal da l'aua. Pia tut ils organs ch'han insatge da far cun il pisch. Quai tar umens e dunnas. Supplementar fa l'urolog u l'urologa er la lavur da l'andrologia. Quai è la scienza dals organs sexuals da l'um. Pia il pendant tar la ginecologa tar las dunnas.

Tge reglas datti en ina relaziun averta? Quant gronda è tia tema che tes partenari sinamurescha en ina autra persuna? Gian-Marco ha milli dumondas e quellas tschenta el a Nina ed a nos osp Simona en la segunda part da lepisoda sur da relaziuns avertas.

Vivas ti monogam, poligam u forsa en ina relaziun averta? La monogamia è be ina da bleras furmas da relaziun. En questa episoda raquintan Nina e noss osp Simona, pertge ch'ellas na vivan betg en ina relaziun monogama.

Trenà, musculus, bel, satigl – il corp gioga ina gronda rolla en il sport da prestaziun. Cura che Viola era en la squadra naziunala dad ir cun velo, ha ses trenader ditg ch'ella stoppia forsa mangiar in pau pli pauc e guardar sin sia postura. Quai ha donnegià sia relaziun cun ses corp per plirs onns. Nus avain discurrì cun ella sur da questa pressiun sin il corp en il sport da prestaziun.

Vuls ti maridar? E sche gea: Co? En questa episoda discurrin nus da differents models da la lètg, da nozzas en baselgia u eba betg en baselgia e da motivs da betg maridar.

Juhu! A chaschun da la 30avla episoda datti in'episoda speziala. Perquai dain nus in sguard enavos sin ils pli bels muments da las ultimas 30 episodas dad in team intim. Nus respundain era vossas dumondas sco: co far sex durant esser en speranza? Co vegnir tar in gangbang en il Grischun? Nua emprender d'enconuscher nova glieud? Bun divertiment!

Grischun en 100 onns. Quai è latun tematic tar RTR. Ed uschia han era Nina e Gian-Marco sa fatg in viadi el futur per guardar, sco che noss sex e nossas relaziuns pudessan guardar ora en 20-30 onns.

Anita è bisexuala e maridada. Va quai? Na manca ad ina persuna bisexuala betg in um u ina dunna en la relaziun? U en tut las maridaglias bisexualas avertas? Gian-Marco e Nina han ina massa dumondas. Per cletg è lAnita pronta da raquintar da sia situaziun e da mussar il mund or da sia vista.

Gian-Marco legia cudeschs cun tips da flirtar e Nina chatta ch'ella saja da natira ina persuna che flirtescha gugent e bler. E vus? Vus avais tramess a nus vossas pli legras istorgias da flirtar – e quellas datti en questa episoda. Natiralmain sper blers tips per buns flirts!

Agid! Co sa preparar sin la visita tar la media da dunnas? Cura ir l'emprema giada? E tge capita insuma là? Gea – pertutgant la visita tar il medi da dunnas datti milli dumondas. En questa episoda respundin nus intginas dad ellas e discurrin cun ina media da dunnas.