ILS DUS DA NUS

Las chommas èn anc deblas, il triceps fa mal ed il sentiment è sco suenter sortida. Ma mentalmain splendura il sulegl: il maraton da skis è dumagnà. Anc in'ultima giada datti da discutar davart quest sport antipatic avant che nus sfundrain puspè pelvair en il «pod». F*** passlung e heja, heja!

Il titel na descriva betg il cuntegn da l'episoda ma in giavisch per il futur da Marcus ed Elias. Cler, ch'i dat puspè da discutar davart il sport il pli pauc cool sin il mund. Dentant datti era quitads da vegliadetgna, patratgs davart conflicts mundials e las observaziuns classicas dal mintgadi.

Forsa èsi las vacanzas, forsa èsi il frust dal passlung. Po er esser che la primavaira dat energia infantila. Ils motivs n'èn betg clers, fatg è dentant che l'episoda è daventada picanta – ma er scharmanta. Atgnamain in bun mix. Ma nus laschain decider Vus. Il pievel ha adina raschun.

Che umens èn buns cun suflar si tscherts numers è enconuschent ed in bun exempel per «Boy Math». Ma tge pomai è quai? La resposta han voss experts d'internet EFZ Marcus ed Elias. E respostas datti speranza era davart la coolness da biadias da Tony Hawk e Kurt Cobain e davart la etiquette en biro.

Marcus ed Elias han dumagnà e purtà il podcast era en il 2024. Gratulesch! Grazia! Co vinavant? Sco enfin uss! 30 giadas datti qua era quest onn ina maschaida da barats reals e fictivs trafilads cun anecdotas, savidas e fantasia. Ils chanuns da viz èn chargiads, giai davos noda!

Bun di, bun onn e chars, chars salids. M+E

Per l'episoda finala da quest onn han ILS DUS DA NUS anc ina giada dà tut e bandunà la zona da confort. Empè da registrar l'episoda sco adina hai dà in'ura live al radio RTR ensemen cun Vus!

Suenter in'emprova cun disturbi funcziuna il podcast almain tar la segunda registraziun. Sche quai è gartegià stuais vus dir, temas avessi dentant era anc dà per anc ina terza emprova. Ed era rubricas: sper duas classicas la premiera uffiziala d'ina nova. Finalmain datti d'udir istorgias da Vus!

Quest'emna datti in'episoda a distanza: Marcus sesa per l'emprima giada sulet en il studio radio 2 ed è l'um als regulaturs, ed Elias è collià via lingia da la redacziun regiunala a Scuol. I dat impressiuns da Scuol, invistas en la preparaziun dal maraton da skis ed il tschantscherlim usità.

Magari ston ins forza far in pass enavos e cumbatter la digitalisaziun per esser pli cuntents. Davent cul smartphone. Sche quai è massa stentus gida forza era da far dapli sport? Co fissi cun in maraton da skis engiadinais? Quella sfida è per I2DN pli realistica sco dar giu il natel.

Sunar la flauta è magari sco online dating. Ins ha savens be success sch'ins è gia interessant senza la flauta u il profil da Tinder. Questa observaziun avain nus fatg displaschaivlamain suenter il podcast, ella mussa dentant che l'artg tematic è era quest'emna fitg tendì.

La vita sco DJ n'è betg simpla, declera Elias. La vita fiss pli simpla sch'ins pudess discurrer cun animals, declera Marcus, e pli agreabla fiss la vita senza musica en il bus, di Jacqueline Badran. Mintgina e mintgin ha pia ses cumbats dal mintgadi e da quels dattan da discutar era ad I2DN.

Tgi avess pensà, ch'i dat dals Beatles nova musica dal 2023? E tgi avess pensà ch'i dat puspè ina visita tar il medi? Nus garantì betg, dentant vuleva il destin che questemna discutain nus musica nova, medis vegls, visitas en il spa e trifla senza gust. Bainvegni en il podcast da bainstar!

Las barrieras sa tiran tras l'episoda sco in fil cotschen. Saja quai barrieras biologicas, che Elias ha experienzà, barrieras linguisticas co che la SBB para da crear u barrieras en il vair senn dal pled che tangheschan Marcus. Naginas barrieras datti dentant per Vus, i vala be da smatgar «play»!

Ina bella surpraisa lantscha lepisoda questemna: in salid da noss probabel pli giuven auditur. Chars, chars salids! Las tractandas che suondan èn pannas tar la BBC, concerts dad auts e publics da bass, las elecziuns federalas, la schelta e dultscharias aschas. In quel segn «Uei Pimpel!».

En in mund plain conflicts ed ina dschungla d'infurmaziuns emprovan Marcus ed Elias da chattar lur moda da navigar. Sin quella via passan ILS DUS DA NUS era tar DJs surpajads, differenzas tranter generaziuns e las ulteriuras piculezzas usualas. Damain sgnoccas e speranza dapli charn a l'oss.

Ils cucuns siglian per 50 episodas baterliez. Sper bunas novas e l'experientscha auditiva datti er in viadi en il mund da savurs (cac per exempel). Cumplettada vegn l'episoda cun il segund meglier ami da l'uman, musica da boxar e concerts elitars. Gizzai e tirai si il nas!

Artitgels en la gasetta, in nov chanal per cuntanscher ILS DUS DA NUS, prenums e nums d'artistas rumantschs; Marcus ed Elias portan bleras novas. E laschan plinavant ora la gritta davart intginas manieras. Tadlai attentamain, i va in culp suenter l'auter! «Barclamieu, betg far tema als uffants!»

Cun in tscharvè in zic turblà suenter ina grippa discutan Elias e Marcus malencletgas a la bar e naivitad cun il diever da datas persunalas en la rait. E per tut ils dealers da l'erva dal diavel fan ILS DUS DA NUS propostas per nums da cannabis regiunal.

Suenter ina fin d'emna in sin l'auter a Hamburg ston Marcus ed Elias salvar l'industria da döner Svizra e l'industria da concerts avant la ruina. Plinavant discutan els gist duas dumondas essenzialas: En tge fasa da vita sa chattavan els il pli cool, e cura han els scuvrì lur sexualitad?

Igl è stà ina stad intensiva. Pauca recreaziun dentant bleras istorgias da raquintar. Elias ha bunamain survegnì schlops cun nudar blut e Marcus ha cret ch'insatgi da sia famiglia saja mort. Ultra da quai testeschan ILS DUS DA NUS il pendant vallader da ChatGPT. Bainvegni enavos en la realitad!

Las stgaffas èn rumidas, las valischs èn pachetadas e las ultimas istorgias èn prontas per il «pövel» avant che Marcus ed Elias van en la pausa da stad. Ils chavazzins impurtants èn questa giada: crescher, nozzas, scheltas ed adias; ma tadlai sezs.

«ILS DUS DA NUS» èn spartids questemna. Elias rapporta giu da sia tur divur sin il Pass dal Son Gottardo e Marcus crappa da la chalur sin il palantschin. Gist a temp per lentschatta da las vacanzas da stad scuvrin nus ils secrets dals bogns libers, brancladas eroticas ed ina massa musica.

Igl èn arsas en – las reclamas da televisiun dals onns 2000. Sajas da la partida cura ch'igl ha num, che maschinas vivan pli ditg cun «Calgon» u che bira bricla «so schön in mein Bauchnabel». Era in tema: la rolla da Marcus sco retg da porno.

L'aria è sco electrisada suenter ina notg cun sien miserabel. Allergias e cafein èn ils motivs che l'episoda cumenza cun vusch pli deblas. Sajas dentant betg alarmads – i dovra be duas tratgas ed ILS DUS DA NUS èn puspè plain energia.