Hea-Reporter

世界上邊度最接近天堂？可能有啲人嘅答案係我哋今集嘅主題—西藏。 今次Zoe同神秘嘉賓琪琪就會分享西藏最真實嘅一面，除咗高山反應，仲有西藏神秘嘅「天葬」文化、五千幾米海拔追逐靈羊嘅刺激體驗，同埋喺酒店房驚見「小強」同黑色不明蟲類嘅崩潰瞬間。 到底西藏係一生人必去一次嘅天堂，定係用痛苦換取美景嘅試煉場？ 今晚一齊聽下呢三位女仔點樣喺高海拔地方，完成呢場人生嘅震撼旅程。

EP.22 加國生活 個個做記者，唔通個個都想做記者咩，做到好Lost去到加國，又係做咩記者，一年過去，Hea-Reporter新老世 shan帶住金句回歸，包括但不限於：去加拿大觀廟求咗枝下下籤、香港無乜嘢值得掛念、你永遠都唔知自己想做乜、可能我唔係好了解我自己、搵唔到食都可能做返記者、可能我仲後生未到三字頭…… 但最重要嗰句係呢句： 回流呢樣嘢好多人爭議，有啲人覺得回流就係接受香港𠵱家呢一套，我就係想講每個人都有選擇適合自己...

EP.21 有嘢快講：又有奇聞 奇聞如下： 1/港女三告 取消傳票 2/隔壁鄰居不是人 3/聽我講 咪打卡 4/我的IG不是我的

踏入第20集，又到了講動漫系列。相信有睇過排球少年嘅人，都無咩人會唔鐘意。冇錯，今晚係就係傾排少，但實際上係導你進入腐眼看人GAY的新世界………

EP19 三月深宵新聞回顧 link見story 又到月尾，又深夜回顧： 宏福苑有工人盜竊、政府將公布居民回家執拾安排 伊朗戰事 雅虎香港下月結束媒體與內容業務 葵涌塌天秤意外 銅鑼灣利舞台廣場女廁發現初生男嬰 乘車兩蚊兩折 強積金供款上下限 北都附屬條例 政府修訂國安法實施細則 《蘋果日報》相關三間公司從公司登記冊中剔除 國安拘一拳書店店長龐一鳴等4人指售煽動刊物 註：3月27日下午政府宣布宏福苑7座樓宇居民回家執拾安排

錄一播一，沒有存貨的日子，我哋繼續有嘢快講，無嘢照講，今集出賣自己，講下入行指南。

EP17 有嘢快講系列：4則奇聞 錄一播一，沒有存貨的日子，我哋有嘢快講，無嘢照講，今集同你分享4則奇聞。 1、港女三告 閻王斷案 2、姐姐冒起 粉絲見面 3、進擊求婚 關我鬼事 4、萬丈水管從地起

踏入三月，又到Hea-Reporter 私心動畫推介喇！今次要介紹嘅呢套動畫，佢嘅畫風未必最吸睛，開頭五分鐘可能想棄番，但只要捱過咗，你會發現原來有人肯為咗一句「其實地球係自轉緊」而去送死，係幾咁震撼。 對真理嘅追求，一代傳一代，面對極刑都要守護嗰份感動。今晚同你傾下《地—關於地球的運動》，在充滿謊言同酷刑嘅世界，追求真理係咪真係值得獻出生命？ 播出日期：2026年3月6日 20:00

又到月尾，是時候深夜回顧二月發生嘅焦點新聞了。 Timecode方便食用: 00:56 農曆新年記者係咪真係咁忙？ 22:14 1989年西貢龍蝦灣命案，主謀潛逃泰國37年終於落網 25:35 強制佩戴安全帶條文被刪除，係咪會捲土重來？ 32:25 47人案，12名被告上訴被駁回 34:17 長和巴拿馬港爭議 38:53 新一份《財政預算案》出爐，對市民而言係咪無糖餐？罕有地動用外匯基金，投資北部都會區 48:58 政府公布宏福苑長遠安置方案，未並納入的宏志閣居民...

當機械人寫稿快過打字，AI主播又唔會食螺絲，記者最值錢嘅「人味」仲守唔守得住？定係好似網上笑話咁，人類最後都要留返去洗碗？今集請嚟AI Trainer Sam同我哋一齊Hea、認真傾呢場人類飯碗保衛戰。 播出日期：2026年2月13日 20:00

EP.13 私心動畫推介系列（暫名）1：終末的女武神 【重要】會劇透，未睇請稍移玉步到Netflix睇咗先！Recap! 會劇透，未睇請稍移玉步到Netflix睇咗先！會劇透，未睇請稍移玉步到Netflix睇咗先！ 為咗人類唔使滅絕，女武神發起諸神的黃昏，13人類對決13神明，先贏7場先叫贏。 有人深受感動、有人覺得好cult，深宵同你講下感動乜、cult啲乜。 備註：叫得系列，應該唔止一集，頭炮就講女武神，完美彰顯私心。

EP.12 一月深宵新聞回顧 運作兩個月後發現有些詞窮，穿越秦朝又周遊列國之後，就不如回歸新聞。今個月起推出月底固定（maybe）欄目：深宵新聞回顧，同大家分享一下當月焦點新聞。 Timecode: 01:35 政府人事變動曾國衞離任；飲用水陳嘉信被撤勳 11:59 強制佩戴安全帶是保障安全還是擾民？陳家珮應搭巴士返工？ 31:29 南丫海難死因庭宣判 36:21 屯門市廣場持刀男被警方槍斃 39:19 跟進大埔宏福苑災後工作 47:55 特別推介新聞：字花封...

港人最愛去旅行！今集搵嚟幾位旅遊達人，分享佢哋嘅奇情經歷。 由南美亞馬遜河同食人魚暢泳，講到去誤入澳洲民宿嘅「德國式Party」。所謂「旅遊」，就係用有限嘅金錢，去換取無限嘅體驗同笑料！今晚不如一齊聽下呢班特種兵嘅血淚史。 播出日期：2026年1月23日 20:00

EP10 尋秦記：一套殘酷過一夜情的電影 一別19年，細路變大人，少年變阿叔，唯一不變係師徒繼續愛恨交纏，真係殘酷過一夜情，仲有亂局亦一樣「入定」！今晚同你傾，差少少變都市傳說嘅電影——尋秦記。

錄完之後，發現數漏好多大事，明日大嶼擱置，2蚊搭車、瀝青水、連鎖店執笠、政黨解散、申訴專員公署報告落架、「軟對抗」⋯⋯一年發生嘅事實在太多，新一年我哋繼續盡力紀錄，勇敢面對。

EP8.聖誕交換廢物 聖誕節啱啱過去咗，新聞界某神秘機構嘅一班員工，今年第6年交換垃圾禮物。大家又收過咩垃圾禮物？邊個份禮物每年都令你牙癢癢想打X佢？又會唔會因為交換禮物，而令友情破裂？不妨一齊傾傾。 播出時間：2026年1月2日 20:00

行走江湖難免有時遇到怪事，每間機構又總流傳一兩個神秘故事。明明有人，轉眼無咗影；明明無窗，到底道門做乜自己閂；夜半收工，又無情白事畀嘢撞。趁住Boxing day，一於嚟轉「報皆陰」，一齊unbox今後唔想再講、以後唔想再有嘅不尋常經歷。 最後、最後，年關唔易過，但我哋都即將捱過，聽日一定會好天㗎，明年見。

EP.6 來一場碎片式旅遊 有冇嘗試過利用零碎時間，進行多次且短暫嘅微旅行？相較一年一次嘅長旅遊係咪更能「充電」？我哋兩名成員不約同在同一時間到台北，分享各自嘅「碎片式旅遊」經驗。 究竟記者假期同其他人有咩唔同？台北有咩正？又點解講講下討論到香港鐵路史？你又最想去邊度呢？歡迎大家分享各自的旅遊行程。

EP5. 全亞洲第一肉餅飯是如何煉成的？ 近日社交媒體Threads上無論係咩類型嘅post，留言區都總會見到一段關於「元朗大寶冰室」嘅詭異洗版文：「不過你一定要知嘅係...」，號稱擁有「全亞洲最優秀嘅肉餅飯」。呢段Copy & Paste式嘅宣傳攻勢在網上引起熱議，吸引唔少人一試究竟。 到底這種病毒式「煩膠」行銷手法係咪有效？人類又係如何成功打低運算法？今集我哋輕鬆吹水，探討面對這種洗腦式宣傳，大家係會反感抵制，定係成功贏...

EP.4 大埔宏福苑大火跟進 大埔宏福苑火災發生至今已踏入第10日，死亡人數增至159人，多人仍然失聯。今集我哋整合過去一周資訊，嘗試梳理大火成因、調查進度。 由起火位置疑雲、棚架網防火證書懷疑造假，到火警鐘系統為何未有發揮作用，種種懷疑人為疏忽令災情一發不可收拾。對於政府擬成立調查委員會，到底具法定權力嘅「獨立調查委員會」同一般「檢討委員會」有何分別？當年沙中線及大埔公路車禍又有咩先例可循？面對資訊洪流，如...

火災現場回家之後 大埔宏福苑五級火已奪去至少128條生命，本想暫停今個星期podcast，我哋有成員當日係現場返屋企，亦都一齊睇咗凌晨威院外李家超standup，分享一下見到嘅嘢。事態發展到今日，內容已經有所update，我哋成員們收工後都自發到現場紀錄一下人和事，有機會的話可能都會keep住有啲短報道。 願死者安息，惡人伏誅。

電視劇《新聞女王2》，佘詩曼飾演嘅「一流記者」Man姐斥巨資自租直升機，一人獨力採訪元朗冧樓事件，喺threads上引起行業內外朋友熱烈討論。 到底直升機採訪現唔現實？香港傳媒以前有無用過？《新聞女王2》劇情又真係會係記者日常採訪中發生？（好認真睇咗幾集）

阿聯酋航空一架貨機上月底降落香港國際機場北跑道時意外衝出跑道，事發後翌日，機管局見記者交代意外，記者問一句「究竟咩係07L」在threads上引起熱議。 今集探討關於記者嘅Beat修課，記者係咪一定要全部都知？記者其實都學術有專攻？