Haqani

وصلنا الحلقة الخامسة والأخيرة لموسمنا الرابع من بودكاست حقاني، كان موسم مليان قصص وتجارب، حكينا فيه مع نساء ملهمات قويات، حكولنا على قصصهم وتجاربهم المختلفة باختلاف أعمارهم، خلفياتهم وأعمالهم، وبالرغم من الاختلاف هذا كل وحدة فيهن واجهت نوع من أنواع العنف والتحديات والهمتنا بشجاعتها. اليوم حنركزو على سبل التغيير، وكيف ممكن نخلو واقع النساء في ليبيا أحسن، لنا وللجيل الي بعدنا. ضيفتنا في حلقة اليوم ه...

في حلقتنا الرابعة من بودكاست حقاني في موسمه الرابع، حنهدرزوا مع نورا وضيفتنا تزيري العمراني. تزيري ناشطة نسوية وحقوقية، صحفية، وأول مراسلة تلفزونية في مدينة مصراتة. تزيري لها دور كبير في مساعدة النشطاء الي يتم اتهامهم بتهم كاذبة ويواجهوا في قضايا تلفيق. حتحكيلنا على المشاكل الي واجهتهن شخصيا وممكن تواجههن اي بنت ليبية تختار النشاط السياسي، الصحفي أو الحقوقي. تزيري واجهت اشكال هلبا من العنف، من الط...

حلقة اليوم مختلفة شوية وفيها تفاصيل ماحدش تناولهم من قبل. حنحكو فيها مع ناشطتين ملهمات: شهد وأمل. بنتين ليبيات، حقوقيات وناشطات في المجتمع المدني الليبي.. حيحكولنا على كواليس العمل المدني للمرأة في ليبيا والتحديات الي مالهنش نهاية.. الحلقة حتتناول مواضيع وزوايا عديدة، منها العمل المدني بصفة عامة، نظرة المجتمع السلبية للحقوقيات والناشطات، الضغط الي يسير على العائلات الداعمة من البيئة المحيطة من أهل...

 حلقتنا اليوم مختلفة... ضيفتنا "أسماء محمد" اختارت تحكيلنا قصتها تحت اسم مستعار عشان تحمي نفسها.. أسماء محامية من الشرق الليبي وحقوقية تطمح ان تخلي ليبيا مكان أحسن وأأمن. اختارت المحاماة عشان تنصر المظلومين وتساعد كل الناس يأخذوا حقوقهم..  أسماء حتحكيلنا على العنف الأسري وضعف القوانين المفروضة عليه في ليبيا وهذا الشي الي يخلي فيه يتكرر بشكل مستمر.. وكله بسبب عدم المحاسبة!  أسماء تعرضت لل...

في حلقتنا الأولي من الموسم الرابع من بودكاست حقاني، حنتناقشو موضوع العنف الالكتروني ضد النساء في ليبيا مع راوية ونورا – نساء ليبيات وناشطات في مجال حقوق الأنسان وحقوق المرأة، تعرضن ولازالن يتعرضن للنوع هذا من العنف بأشكاله المختلفة، وحيحكولنا على تجربتهن الشخصية وكيف أثر الشي هذا عليهن، وعلى حياتهن، عائلاتهن وعملهن وحتى صحتهم النفسية. حتحكي الحلقة على العنف الالكتروني في ليبيا والمنطقة العربية بصف...

موسم جديد وحلقات جديدة، وقصص جديدة.. بودكاست 'حقاني' رجعلكم بموسمه الرابع مع نورا وراوية. في الموسم هذا، حنركزو بشكل خاص على قصص نساء ليبيات مميزات، و حيتم تسليط الضوء على تجاربهن والتحديات التي تواجههن في مجالات عملهن المتنوعة. انضمولنا عشان نسمعو قصصهن الملهمة وتجاربهن المختلفة. ترقبوا الحلقة وكونوا على الموعد. 

وصلنا للحلقة الخامسة والأخيرة بعنوان " اللي نكسر فعلاً يتصلح" من بود كاست حقاني، الحلقات اللي فاتوا تكلمنا على شن هو مفهوم العدالة بالنسبة لليبيين خلال العشر سنوات اللي فاتوا، وتكلمنا بالتفصيل عن العدالة الجنائية وناقشنا ملابسات العفو والقوانين الي صدرت وحكينا على المصالحة الوطنية و علاش مساعيها فشلت في كل مرة وهلبا تفاصيل.    في حلقتنا اليوم راح نتكلموا عن جبر الضرر اللي تكرر ذكره هلبا...

لطالما كانت المصالحة الوطنية هي الحل الأول لفض النزاعات المسلحة، ومرحلة اولى في حال تحققت ،تحقق معها التعايش السلمي بين ابناء الوطن الواحد، وهنا ربما ينطلق التساؤل اللي اصبح مؤخراً تساؤل جدلي في ليبيا، شنو هو الشي الي مخلينا مش قادرين نحققوا المصالحة الوطنية برغم كل المحاولات الي فاتت خلال العشر السنوات الي فاتو ومن خلال كل الحكومات المتتالية او الحكومات المتقاتلة على سبيل تجسيد الواقع الليبي .  ...

في عام 2012 أصدر المجلس الانتقالي القانون رقم 38، القانون اللي يمنح العفو لكل شخص ارتكب أي جرائم في فترة ثورة 17 فبراير وبعد 4 سنوات اي عام 2015 أصدر مجلس النواب قانون رقم 6 لمنح العفو العام واللي شمل حسب رأيهم سيف الاسلام القذافي .   في حلقتنا "مافيش عفو بالنياب" حناقشوا بعض الاسباب اللي ادت لفشل هادي القوانين ومساهمتها في اطالة النزاع المسلح والأزمة في ليبيا، وكيف انها مكانتش بأسس صحيح...

عشرة سنين فاتوا ولتوا مازالت العدالة الجنائية في حالة تعثر مستمر في ليبيا هذا من غير ذكر العقود السابقة! فلا وجود لمحاكم عادلة، القضايا متوقفة، ملفات وأدلة اختفت، جُناة خارج قضبان السجون، وأسماء متهمين بُرئت !   في حلقتنا " مافيش حد فوق القانون" حتتعرفوا فيها على تصورات الليبيات و الليبيين عن العدالة الجنائية، وشن ممكن يصير لو ما تحققتش حسب رأيهم، ومن هم المسؤولين عن عدم تحقيقها، زي مثلا...

من عشرة سنوات قامت الثورة من أجل تحقيق العدالة لكل الليبيين، من وقتها والليبيين مروا بعدة مراحل صارت فيها هلبا انتهاكات اثناء النزاعات المسلحة ، خلال العشرة سنوات هادو تغير منطق وتفكير الليبيين لمعنى العدالة.   ومن خلال الحلقة الاولى من الموسم الثالث من بودكاست حقاني "العدالة مليهاش تاريخ صلاحية"، نعكسوا تصورات وأفكار وآراء الليبيين حول مفهوم العدالة، شن تعنيلهم وشن هي طموحاتهم وآمالهم و...

 في الحلقة الخامسة والأخيرة من الموسم الثاني حقاني "التعذيب: كيف تقدر تحمي نفسك" وصلنا في رحلتنا لمحطتنا الأخيرة، في المحطات السابقة، تكلمنا على أساليب التعذيب و أغراضه و الضمانات ضده ومن هم المسؤولين، في حلقتنا اليوم حنتكلموا على كيفية الوصول للعدالة لجوهر ولكل الأشخاص الي تعرضوا لهذا الانتهاك الصارخ "التعذيب" كل هذا يصاحبه نقاشات وتساؤلات تطرحها إلهام السعودي و يطرحها محمد ال...

 في الحلقة الرابعة من الموسم الثاني حقاني " التعذيب: " من المسؤول؟! " نواصلوا رحلة العدالة الي خديناها خطوة خطوة مع قصة جوهر علي، وفي الحلقة هادي راح اناقشو من هو الشخص او من هو المسؤول الي سبب في هذا التعذيب. كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها و شرحها للمستمعين في اطار قانوني بسيط ، وحنركزوا فيها على ما من تق...

في الحلقة الثالثة من الموسم الثاني حقاني " التعذيب: " كيف تحمي نفسك" حتأخد الحلقة منحى جداً مهم من قصة جوهر وهو يحكيلنا في ظروف اختطافه وكيف حاول أن يحمي نفسه وشن هو الي صارله؟!  كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها و شرحها للمستمعين في اطار قانوني بسيط ، وحيركزوا في شن المفروض يديره القانون باش يتوقف التعذيب ،...

 في الحلقة الثانية من الموسم الثاني "التعذيب: هذا سببه" نتعمقوا أكثرفي قصة جوهر علي ، شن كانت اسباب اختطافه ، و شن هي اللحظات الي عاشها قبل وبعد ،  وحنبحروا أكثر في أغراض التعذيب .   كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها و شرحها للمستمعين في اطار قانوني بسيط  زي ً اغراض التعذيب ، وكيف تم تضمين هذه الاغراض في داخل التع...

في الحلقة الأولى من الموسم الثاني "حقاني" نستكملوا رحلة العدالة الي بديناها، المرة هادي راح نعيشوا مع "جوهر" الي يحكيلنا في قصته المؤثرة وكيف تعرض للاختطاف في لحظة تسليم نفسه! كمية من المشاعر والاحساسيس المتناقضة الي عاشها، وتفاصيل دقيقة لكل ما عناه من تعذيب جسدي ونفسي.  كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها...

 في الموسم الثاني، "حقاني" نستكلموا رحلة العدالة مع شخصية مؤثرة و هي “جوهر علي" ،صحفي ومؤسس مشارك لمنصة "حصة." جوهر ا يحكيلنا قصته في مقاومة القمع  لتحقيق العدالة ومن خلال هذا الحوار  هنستعرضوا موضوعات مهمة منها تعريف  معنى التعذيب وأثره على الشخص سواء كان نفسي او بدني او الاثنين وكيف يقدر يجتاز هادي ا التجربة،  و هنستعرضوااا مسؤولية القيادات والرؤساء في حالات التعذيب (الش...

الحلقة الخامسة والاخيرة من الموسم الاول بود كاست حقاني حلقة مميزة: فيها صوتكم واسئلتكم واستفساراتكم ، فيها اجوبة وطرح افكار وفيها حلول. كل هذا في رحلتنا رحلة العدالة مع الهام وامل و محمد . مشاركتك وتفاعلك معانا يهمنا: لأي سؤال او اقتراح، ابعتلنا برسالة صوتية على صفحتنا في الفيس بوك أو الانستاجرام Facebook Instagram تقديم : الهام السعودي / أمل نصار انتاج : طارق الميري "اعداد مقابلات : "جم...

في الحلقة الرابعة من بود كاست حقاني ، حناقشوا فيه موضوع النازحين ، موضوع فيه نقاشات هلبا بين دور الدولة و تكرار النزوح  ،  تفتحلنا قلبها "عائشة" وهي تحكيلنا قصة معاناتها مع النزوح المتواصل لمدة 7 شهور ، كل هذا يصاحبه نقاشات وتساؤلات تطرحها الهام وامل في رحلة العدالة من بود كاست حقاني . نشكروا كل من ساهم في اعداد هذا البرنامج وشكر خاص لضيوفنا الي شاركونا قصصهم . مشاركتك وتفاعلك معانا يهمن...

في الحلقة الثالثة يفتح بود كاست حقاني ملف الاختفاء القسري ، في هادي الحلقة "ايمان" تحكيلنا قصة غياب زوجها المفاجئ في ظروف مش مفهومة ، وحنسمعوا لألم "سوسن" وهي تحكيلنا على والدها المختفي كل هذا يصاحبه نقاشات وتساؤلات تطرحها الهام وامل في رحلة العدالة من بود كاست حقاني . نشكروا كل من ساهم في اعداد هذا البرنامج وشكر خاص لضيوفنا الي شاركونا قصصهم . مشاركتك وتفاعلك معانا يهمنا ، لأي...

في الحلقة الثانية من بود كاست حقاني ، حنتكلموا على الحرمان من التعليم العالي ، بسماعنا لقصة "آية" وهي تحكي على ضياع حلمها ، وخوفها على جامعتها من القصف العشوائي ،  ويشاركنا فيها "محمد" بقصته عن معاناته من التمييز في التعليم  ، كل هذا يصاحبه نقاشات وتساؤلات تطرحها الهام وامل في رحلة العدالة من بود كاست حقاني . نشكروا كل من ساهم في اعداد هذا البرنامج وشكر خاص لضيوفنا الي شاركونا...

في الحلقة الاولى من بود كاست حقاني، حنسمعوا قصص حقيقية، قصة "زينب" وخوها وكيف تم حرمانهم من بيتهم وممتلكاتهم  وقصة "سالم" ورحلته مع العدالة لاسترجاع ما فقد، كل هذا يصاحبه نقاشات وتساؤلات تطرحها الهام وامل نشكروا كل من ساهم في اعداد هذا البرنامج وشكر خاص لضيوفنا الي شاركونا قصصهم. مشاركتك وتفاعلك معانا يهمنا ، لأي سؤال او اقتراح ابعتلنا برسالة صوتية على صفحتنا في الفيس بوك او عل...

بود كاست حقاني يفتح ملفات انتهاكات حقوق الانسان الي صايرة في ليبيا وقاعدة تصير. هو عبارة عن رحلة للعدالة فيها نقاشات وحوار صريح. قصص حقيقية نسمعوها باصوات اصحابها الحقيقيين . ننوه عناية مستمعينا ان تم تغيير اسماء اصحاب القصص حفاظاً على سلامتهم. مشاركتك وتفاعلك معانا يهمنا ، لو عندك اي سؤال او اقتراح ، ابعتلنا برسالة صوتية على صفحتنا في الفيس بوك او على الانستقرام Facebook Instagram Twitter