GET UP & GO BREAKFAST - RUDI NAGEL

Harlekyne is nie die enigste narre wat hul ware emosies soms verskuil tydens sosiale interaksies nie. 'n Glasie wat geskink en geklink word, mag soms wel tydelik troos bring. Die klank van 'n hart wat uitgestort word voor die Lewende God, is egter die begin van ware troos.

Wattel, Wattel, o watter kant toe nou? Die Jaar van inperking was ook 'n jaar van Indringers. Virusse, wattels en ongenooide emosies het ons land en lewe ingeval. Vader is nooit onsydig wanneer ons vra "Watter kant toe nou?"

Die Jaar van inperking was ook 'n jaar van Indringers. Virusse, wattels en ongenooide emosies het ons land en lewe ingeval. Vader is nooit onsydig wanneer ons vra "Watter kant toe nou?"

Wanneer jy tambotie-hout gebruik om meubels te maak, kan dit bewondering ontsluit. Wanneer jy egter tambotie-hout vir 'n braaivleisvuur gebruik, kan jy krampe, en selfs lewesngevaar ontsluit. So het sommige tammeletjies in my binneste, ook al heel onvoorsiene reaksies ontsluit.

Hoekstene en vuuryle se interaksies met swaartekrag verskil. Net so kan jou belewnis verskil: Jy voel dalk asof jy vassit, of dat jy vasgehou word. Hoe dit ook al sy, Hy bly aan jou sy!

In vergange jare was daaglikse probleme, en ook Kastaiing bome baie algemeen. In moderne tye is daardie daaglikse probleme steeds algemeen. Die kastaiing verspreiding het egter heeltemal uitgerafel. In hierdie gesprek begin ons 'n paar los drade bymekaar trek, om so die knoop te probeer deurhak.

Vuur, vleis en Vriendskap belowe 'n bakgat braai. Maar eers help my raai: Watter van ons land se diverse stambome het 'n enkele reguit penwortel? Die meeste van ons is stewig geanker in die vermening van veelvoudige kultuurooorspronge. Koning Jesus kroon elke kultuur met waardigheid, wanneer ons Hom as stamhoof erken.

Jesus is Vredevors, maar ook die Bevelvoerder van die lêer van die Here. Terwyl ons altyd vredemakers bly , moet ons nie toelat dat boelies, skurke en terroriste die vryheid kry om te intimideer nie. Saam met koning Dawid, klim ons van die dak van ledigheid af. Kom neem aktief en paraat stelling in!

Kom ons vat ons goeie bedoelinge, rol ons moue op en begin! Ons kry ons hande vuil om 'n werklike verskil te maak in die mense rondom ons. Bome, steggies en kindergesiggies kan almal baat darby as ons oor gaan tot aksie.

Vir Boomplantdag, word in hierdie lewendige ateljee gesprek babers, akkers en 400 gestorwe steggies genoem. Maar die eintlike diepte van Boomplantdag lê in die hoop op 'n beter, groener toekoms. Hierdie hoopvolle toekoms spruit nie voort uit bome nie, maar kan wel daardeur geïllustreer word.

Die sekel in dood se hand, is ons almal se grootste indringer. Tog is dood se angel oorwin. Wanneer trane, miskrame en ander tragedies voel of hul gaan indring, is daar 'n geborge Gasheer wat jou Veilg kan laat tuiskom.

Hierdie held in die bos, is swaar om te bewerk. Volwassenheid, Gedelegeerde gesag en Interafhanklikheid, is nie net moeilik om te spel nie. Dis ook moeilik in spel te bring in ons lewens. Veral wanneer die skroewe van my lewe loskom. Sommige moeilik verwerkbare lesse is duursaam en waardevol... selfs meer as goud.

Kwepers word ryp, en dan ook smakliker. Peperkorrels raak geurig, en daardeur bruikbaar. Kinders raak vlowassenes, en o so kosbaar. Laat my hart ook grootword, om U te ken.

Vaaljapies en kleursensasies, te kies en te keur. Wat bedoel jy as jy sê, " Ons mense?" Net diesulkes wat dieselfde hoeveelheid kleurpigmente met jou deel, of die aangename geur van gesamentlikheid ?

'n Meester kan mooi meubels uit Hardekool hout maak. 'n Ander meester kan "Vuur, Vleis en Vriendskap" uit hardekool maak. 'n Vurige liefde vir leer kort ook stook.. Kom vertrou ons grootste leermeester, Rabbi Jesus, om daardie branding te bring.!

Wat tref mens as jy Spekskiet? Spekuleer saam, waarom is bromponies, kitskoffie en ses nulle deel van hierdie Slimjantjie se 111de Boom Gesprek? Mag hierdie gesprek, sooos wafferse spekboomblare, ook jou lewe ophelder, verfris en voed!

Tablette, vuvuzelas, aanneming en ander verwonderinge vul ons 110de gesprek oor bome. Fluister of Bulder....Uitbundige Uitbarstings en ook innerlike kalmte, gee uitdrukking aan ons Vader se vele fassette.

"Cream tart and Kebab" klink soos 'n eksotiese item op 'n spyskaart. Tert is dalk jou ding. Vleisliefhebbers soos ek, verkies sosaties. Bidders, ware bidders, wat lewe met hul "wortels na bowe', sal jou wil aantrek na 'n lewe "In Gebed''.

As ek 'n skaapboer sou vra wat is die mees waardevolle plant, sal die kokerboom nie op daardie lys wees nie.... Maar die boesmans van ouds sou, bewend van opwinding, 'n ander opinie hieroor gee. Geestelike herders soek ook die beste vir die voortbestaan van hul kudde, en verstaan dat die jongspan spesifieke behoeftes het. Geen kind, en ook geen gebed, is ooit waardeloos nie!

Uitbundige pers bloeisels.... Opgewonde pers verklarings.... en die Onvervangbare vreugde van behoort, vul ons 107de Boom gesprek. Familie spreek meestal van biologiese behoort. Maar onthou (soos 'n Olifant) dat jy 'n stukkie lewensruimte kan skep vir eensame inkomers in jou lewe.

Kinders se veiligheid...Lande se Onafhanklikheid...klimaat se bestendigheid... Waar om te begin? Een stil inset in eie bodem, eerder as dosyne digitale diskoerse. Bome se bas kan gegroef wees. Mense se gemoed kan gegrief wees. Wat 'n goeie, gawe tuiskoms as jy 'n gemeente-kudde vind waar jy geseënd voel!

Ons praat van gif, maar meer nog van vergifnis. Geboortes en groei, restourasie en vrede. Ons bespreek selfs hoe gevaarlik ogies maak kan wees, maar ook die wonder van kleine ogies wat vir die eerste keer oop maak. Alhoewel Belladonna nie 'n boom is nie, is dit alles in ons 105de gesprek oor bome te vinde

Te veel water, en daar is vloede. Tsunamis is 'n strotvloed van selfs nog groter gevaar. Het jou omgewing minder as 'n vloed, maar tog meer as genoeg water? Dan kan jy gerus oorweeg om ons land se vinnig groeiendste boom aan te plant. Luister wat die Rooi-els jou kan leer van "Reik na die Sterre".

Wanneer 'n reuk by jou neus inkruip, is daar meestal 'n sterk onthou wat saam inklim. In die geval van die Frangipani-boom se blomme, is daardie geurige herinneringe vir amper almal pragtig pastelkleurig... Wat het aroma's met Genesing, Versoening en dalk selfs met soene te doen? Hierdie gesprek Kan-nie-kla-nie, maar kan dalk wel daardie vrae begin aanspreek....

Koejawel-en-vla is jou gunsteling? En tog kan jy "guava and custard" glad nie "face" nie.... Ek gaan nie met jou redekawel oor jou smaak voorkeure nie. Ons land is grootliks in puin, en daarom wil ek stop om my ""bek te rek" teenoor jou. Guava Indaba? Ja, maar nie net oopmond nie, ook met 'n oop hart...