Gehre Jazbaat

Duniye main aise bahut se log hain jo zindagi ke saare mausam dekhta aur mehsoos karte hain. Phir ek samay aata hai jab kuch naya dekhne ya mehsoos karne ke liya rehta hee nahi. Mehtwkanshayein, lakhsh, rishte aur unse mile sukh aur dukh - sab dekh liye – ab kya reh gaya hai dekhne ke liye?

Aaj ke es social media ke zamaane mein har doosra insaan apne astitv ko ‘followers’, ‘views’ aur ‘likes’ se bhaanp raha hai. Social media par doosron ki tareefein, taaliyaan, yahan tak ki unki ersha aur unke vichaaron mein lagataar bane rehne ke liye log kisi bhi had tak jaa rahe hain.

Maa baap hamesha achi salah aur seekh dete hain. Par bache yahi sochte hain ki unhe sab pata hai aur maa baap to puraane khayalaat ke hain ya phir unhe koi samajh nahi hai. Zindagi mein maa baap ki kahi hui baatein do baar yaad aati hain – pehla, jab maa baap guzar jaatein hain aur doosra, jab unki di hui salah na maanne ka anjaam bhugatna padta hai.

Poori umar nikal jaati hai yeh samajhne mein ki humaare karam aur marzi se upar hoti hai upar waale ki marzi. Aur hum chahe kitna bhi zor laga dein – agar kuch humaari kismat mein nahi hai to woh humme nahi milega – woh humse chuutega – phir chahe woh safalta ho, lakhshya ho, rishte hon ya pyaar ho.

Aaj ke samaaj mein zyadatar log isi tanaav mein rehte hain ki duniya unke baare mein kya soch rahi hai. Haqeekat yeh hai ki aajkal kisi ko kisi se farak nahi padta. Sab apni zindagi ki daud mein vyast hain. Aise mein humme kyun logon ki tipni, raay ya taanon se kuch farak padna chahiye?

Duniya mein shayad hee aisa koi hoga jo agar raat ke sanaate mein akele beht kar aasmaan ko dekhe aur usse roz-marra ki zindagi ke upar khayal na aayein. Kahan se aaye hum es dharti par? Kyun aaye? Kya maksad hai es zindagi ka? Aur sabe bada sawaal – kya hum es vishv mein akele hai ya phir kisi aur grah par bhi koi jeev apne aasmaan ko dekh kar aisi hee soch mein pada hai?

Duniya ke aur apno se rishte nibhaate hue aksar hum apna sabse ahem rishta bhool jaate hain – khudse. Sabko itna de dete hain ki khud ke liya kuch bachta hee nahi.

Es tanaav puurn aur bhaag daud waali duniya mein der-saver har insaan ka aisa samay aata hai jab ghar aur office ki zimmedaariyon ke beech mein zindagi simat ke reh jaati hai. Rishte, dostiyaan, shauk, sehat aur mann kaa sukoon - sab dheere dheere saath chod dete hain. 

Zyadatar log janam se lekar apni aakhari saans tak khudko apne shareer ke zariye mili pehchaan se hee jaante hain – naam, pesha, dharam, jaat aur mulk. Par asliyat mein woh aur hum sab to sirf roohein hai jo shareer kaa libas pehen kar dharti par baar baar aati hain jab tak jo kuch seekhna hai woh seekh nahi lete.

Kya farq hai un logon mein jo zindagi ke ehsaason ke baare mein likhte hain aur unme jo unhe sirf mehsoos karte hain par kabhi likh ke zaahir nahi karte? Kyun kuch log kaagazon par haale-dil ki siyahi se lambe lambe afsaane likhte hain ? Kya paata hai koi kuch likh kar ?

Jaise jaise dharti par aabadi badi, ekta kum aur batwaare zyada hote chale gaye. Batwaaron ki wajah thi insaan ka niyantran ke liye lalach Par kya hum sab ek doosre se alag hain? Kya logon ka insaan hona desh aur dharam se upar nahi hai?

Bahut se log apne aap ko kaam mein duba ke apne dard ko bhulaane ki koshish karte hain. Duniya ko lagta hai ki woh bahut mehnati aur kendrit hain par asliyat mein to woh bechaare kaam ka sahaara le rahe hain apne mann ko dard ke ehsaas se duur rakhne ke liye.

Aaj ke yug mein paisa hee dharam aur imaan ban gaya hai. Kisse baat karni hai, kisko izzat deni hai, yahan tak ki kisse rishta rakhna hai – yeh sab uski haisiyat dekh kar tay kiya jaata hai.

Aksar ladke apna dukh, apne dil ki baat, apne gehre jazbaat, apne doston se bhi chupate hain. Andar chahe kitna bhi dard ho, dost ke saamne hanste rehte hain. Kyun karte hain woh aisa?

Aaj ki duniya mein insaaniyat to jaise khatam hee hoi gayee hai. Ek insaan doosre insaan ko itna dard, itna dukh kaise de sakta hai?

Paida hote hee humme ek naam, ek dharam aur ek nagarikta de di jaati hai. Aur phir saari zindagi ye humaari pehchaan banne rehte hain. Par kya yeh cheezein hee humaara vajuud hain?

Atam-samaan aur ahankaar ke beech mein rehta hai ahem. Kuch log isse apni takat samajhte hain aur kuch duniya ke kathor shabdon se bachaane waala kavach. Par kya ahem rakhna zaroori hai? Kya ahem sirf fayeda deta hai?

Zyadatar papa apna pyaar shadon mein zaahir nahi karte. Par iska matlab yeh to nahi ki woh humse pyaar nahi karte. Kyun hum bache apne papa ko utna galle nahi lagaate jitna maa ko lagaate hain?

Humaare samaajh ke aaj yeh haalaat hain ki zyadatar log ladkon ko insaan kam aur paisa kamaane ka, ghar chalaane ka, auraton aur bachon ko surakshit rakhne ka zariya zyada samajhte hain. Duniya mein unka mol utna hee hai jitni unki kamaayi – yeh baat unke dil aur dimaag mein kuut kuut kar bhar di jaati hai.

Kitna acha hota agar zindagi ke es lambe safar mein koi aisa mil jaaye jo humaare sapnon ko samjhe, humaari mehatwakanshaon ki izzat karre aur unhe poora karne main humaara saath de.

Insaan ki fitrat mein hee eersha aur jalan hoti hai. Par har insaan ki raah aur kismat alag hoti hai aur doosron ki zindagi mein kya chal raha hai – yeh humme aksar pata bhi nahi hota.

Aksar ghar aur parivaar ki zimmedaariyan nibhaate hue, auratein apne aap ko, apni khud ke astitv ko bhool jaati hain. Shauk, dost, mahatwkanshayein sab peeche choot jaate hain aur aaine mein ek ajnabee ensaan dikhne lagta hai.

Humme bachpan se hee kaamyaabi ki bhi bahut sakri paribhaasha sikhaayi jaati hai – paisa, samaajh mein rutba, peshe se di hui pehchaan. Par kya yeh sahi hai? Aap andar se khush hain ki nahi, aapki sehat aur aapke rishte durust hain ki nahi aur sabse bada – aap ache insaan hain ki nahi - kya en sab cheezon ki aapki pehchaan se koi lena dena nahi ?

Jeevan ki bhaag daud mein, riskhton ke tanaav mein aur kaam ke dabaav mein hum sabse zyada apne bachpan ke befikr dino ko hee yaad karte hain.