فرط حركة

كان بيتقالك دايما انت حساس اوي كدة ليه؟ او في مواقف كتير و ردود فعل من ناس في حياتك بتخليك عايز تعيط من الكسوف؟ او تلوم نفسك علي رد فعلك التلقائي عشان حسيت انك كنت اوڤر اوي؟ دي حاجة اسمها الحساسية تجاه الرفض الRSD 😭 هنتكلم عنها و نعرف ازاي نقلل الشعور دة.

كأن المجتمع راسم خطة موحدة لينا كلنا اننا لازم نكون حققنا حاجات كتير زي الجواز و الخلفة و الشغل قبل سن معين، بس دي مش دايما الخطة الأنسب لينا و لمخ حد عنده ADHD. في الحلقة دي هتكلم معاكوا عن اسباب احساسنا باننا متأخرين في الحياة و هل دي حقيقة؟ و ازاي نتعامل مع الاحساس دة ☕️

مهم جداً انك تتشخص عشان ساعتها هيكون عندك الاختيار انك تاخد الدوا او تتعلم انك تعيش منغيره. في الحلقة دي اتكلمت عن تجربتي مع الدوا و مزايا التشخيص في المدارس و الجامعات و في العلاقات اللي في حياتك.

مخك بيشتغل بشكل مختلف و مميز، مش كله وحش، في عندنا قدرات خارقة زي فرط التركيز علي الحاجات اللي بنحبها و الشخصية الفرفوشة اللي بتطلع مع الناس الصح. في حلقة النهارده هخمن حاجات عن شخصيتك و متأكدة انها صح😎

هو ليه صعب علينا نحافظ علي الصداقات اللي في حياتنا؟ بنعرف نعمل صحاب بس مش سهل يفضلوا موجودين .. و دة له اسباب كتير هتكلم عنها .. احنا مش اصحاب وحشين بس محتاجين ناس low maintenance و مش قفوشين 🥸

عندي اكتئاب ما قبل الصيف! هو انا ليه بكره الساحل و الحر اوي كدة! و ليه اللي عندهم ADHD بيعانوا في المصيف مع انهم لذاذ و بيحبوا لمة الصحاب؟ حلقة لذيذة اوي عن "مشاكل عالم اول" بتواجهنا 🤡 شغلوا التكيف و انتوا بتسمعوا

اصل الadhd مش بس فرط حركة و تشتت في الانتباه.. في اعراض تانية كتير مش دايماً الناس بتتكلم عنها و ليها تأثير كبير علي حياتنا! تعالوا أحكيلكم عن عمي الوقت و الماسكينج 🎭 و شوية حاجات تانية..

و اخيراً اتشخصت! في حلقة النهاردة هحكي عن أصعب فترة مريت بيها بعد الولادة و ازاي الأمومة كانت نقطة البداية في تشخيصي بال ADHD. مشاعر كتير و لخبطة و خوف و كلام عميق

هاي، انا رولا و عندي فرط حركة. أول حلقة هتكلم فيها عن شكل حياتي قبل التشخيص من و انا صغيرة لحد ما بقيت ٣٠ سنة. تشكيلة من مواقف مضحكة و افكار كتيرة و تصرفات عشوائية و اخيراً فهمت ليه!