崇基人傾吓偈 Chung Chi Chats

今集邀請去過多倫多exchange嘅校友陳樂謙（英文/ 2011）上嚟，同同樣去過多倫多exchange嘅Karen一齊傾偈想當年又Chur又Chill嘅加拿大遊學生活～相隔十餘年嘅交換生從報名👩🏻‍💻、生活🍽️、讀書📚、旅遊🌌、甚至工作截然不同，但同樣遇到校友Bobo同Bosco，流連忘返回味無窮☺️佢哋有乜嘢經歷？誠意邀請大家聽聽佢哋嘅交換生故事💬😚

相信現時崇基學生都唔會對呢集嘅嘉賓 陳浩然 Edwin（生物化學/ 1995）感到陌生😙 冇錯，佢就係現任崇基輔導長，相信你都周不時眾志堂見過佢，甚至同佢食過「輔導長靚早餐」😋 不過你知唔知Edwin喺崇基嘅學生故事？你又知唔知點解輔導長當年入職中大要寫信加入崇基📬 ？後來有咩驅使Edwin喺崇基參與學生事務呢？今集好榮幸邀請到Edwin上嚟同大家分享喺學生時期同擔任學生輔導長嘅點滴與故事💬 請收聽新一集「崇基人傾吓偈」揭曉輔導...

今集，曾憲權校友（社會/ 1972）繼續帶大家時光倒流返去七十年代初嘅馬料水，同大家探索山城生活🏞️ 當時嘅學生點解會對崇基學生身份咁大歸屬感？佢哋又點睇即將「侵佔」校園嘅其他書院😳？ 崇基校園被稱嘅「A形建築真正盞」、「私家花園」又埋藏崇基邊個角落？最重要嘅係，崇基嘅寶貴四年點樣啟示曾師兄嘅人生態度？你又有冇同曾師兄嘅崇基故事有冇共鳴呢？新一集「崇基人傾吓偈」有得聽喇～

滄海桑田，歲月如歌，四年崇基生活眨眼就過，你最難忘嘅片段又係咩呢？𣎴同年代嘅同學，喺呢幾年光景留吓咩回憶呢？⏳⌛️🎶 今集邀請曾憲權師兄（社會/1972）上嚟同我哋傾吓偈，分享六七十年代中大讀書嘅日子。當年崇基獨霸山城，上下左右都未有鄰居，到底當年崇基校園同大學生生活係點？ 崇基一宿難求追溯返七十年代已經係咁！師兄分享自己當年返學真係要攀山涉水⛰️⛴️ 當年書院課程又係咩嚟？點解上堂又要從馬料水出返中環大會堂...

今集邀請到年輕校友阿柴（英文/ 2020）上嚟同我哋傾吓偈😚💬佢中大畢業後嚟到法語省份嘅Montreal呢個語言不通嘅地方讀書，點知遇上疫情嚴峻封城😱 疫情中佢從研究院畢業，佢收拾細軟，孤身坐火車搬到Toronto落地搵工，開始獨居生活至今大概一年🍁👧🏽 阿柴今集同我哋分享佢封城到搬屋、過渡學業到工作、落地到適應全職工作嘅故事，分享異地獨處及面對生活種種困難的個人經驗。想聽吓阿柴口中做個「有趣」嘅人係咩意思，同移居生活...

講到崇基地標，當然要提到YIA、五條鰻魚、七小龍、何草啦！ 雖然依家學生都已經唔會對於七小龍開唔齊感到驚訝， 咁你哋又知唔知YIA前身係咩黎？你又有冇留意到YIA出面有竹樹？點解嘅？ 校友們知唔知崇基宜家仲有開7日24小時嘅讀書地方，仲有Cafe同書店？ 想聽吓崇基建築物以前宜家嘅變化，咁就唔好錯過新一集「崇基人傾下偈」！

「崇基人傾吓偈」加設【依家移加】系列，邀請唔同背景近年到埗加拿大嘅校友分享生活點滴。今集我哋好高興邀請到畢業十餘年嘅陳樂謙校友（英文/ 2011）上黎同我哋傾吓偈，分享由香港移居到加拿大重新出發嘅心得同感受，由生活模式同期望講到崇基對自己最大嘅啟發。我哋之後都會邀請唔同「依家移加」嘅朋友上嚟分享心得，想聽唔同崇基人嘅故事，記得密切留意「崇基人傾吓偈」喇！

月夜泛舟，吐露港渡海泳，蕩寇灘...... 你聽過未？ 宜家嘅崇基同學又玩啲乜？ 有得玩真的很興奮，想知就去Spotify聽下Bosco、Bobo同Karen吹下水喇！

《900米，120,000本書，7小時，一個少於1000學生的校園》 估計一個人可以應付2米距離，相信要至少900人組成兩條人鏈，那每條人鏈一小時就要運送 8,500本書了！ 崇基人出席率最高的校園活動，大家的集體回憶，要追溯1971年「搬書人鍊」活動。今集我們邀請該活動的籌委會學生代表曾憲權校友（社會/ 1972），分享當年策劃起源、過程、心情，同大家「曾」情剖白♥️✨

眾志堂最近換手，仲開始返賣宵夜添！ 唔知呢幾十年黎，眾志堂嘢食質素同價錢有無變呢？ 講開食就好興奮，想知就聽下Bosco、Bobo同Karen吹下水喇！

众志堂？唔係「眾」志堂咩？ 建築物外面個正字又真係「众」字喎，呢個字同建築、崇基有咩關係呢？ 以前众志堂有信格、大字報、康樂棋、書展，係大家嘅聚集地點，唔知宜家仲有無嘅呢？ 你又有無聽過宜家有「庇護」嘅众志堂好似電影《千與千尋》入面間油屋咁？ 想知道咩叫「庇護」；想知道众志堂第二層叫一樓定二樓； 想知道众志堂有咩變遷，記得收聽新一集「崇基人傾下偈」！

一講院慶就講到停唔到，呢個禮拜繼續講吓院慶故事！ 原來依家有負責宣傳嘅同學，仲要去週會跳舞？ 原來仲有Dem beat，成班同學上落山？ 你又知唔知首「崇崇崇崇崇崇崇崇崇～」係幾時邊個寫嘅呢？ 新一集「崇基人傾吓偈」記住留步聽埋最後彩蛋呀！

院慶定崇慶？唔同年代唔同交法，都係講緊十月最後禮拜嘅活動～ 以前得一日已經排到一個禮拜，成個崇基玩足成五日🤪 到底崇基邊度可以放得落幾千人？嘉年華、鬼屋、舞會又係咩嚟？ 之前有個傳統係千人宴後一齊行火車軌大埔，不過唔係食宵夜，而係睇靚女？ 新一集「崇基人傾吓偈」有得聽喇，快啲聽吓以前依家唔同崇基人點樣慶祝院慶啦！

「♪ 填滿一生 全是數字 誰會真正知是何用意 ♪ 」 望住學生編號呢十個數字，你知唔知有何用意呢？ 同校友傾傾吓，先知道當年睇個編號，就可以知道邊年入學、邊個書院！ 所以當年就真係「憑號碼來認識」，睇個編號就了解到學生基本資料 以前未有宜家嘅中大通，唔知佢哋又有無學生證㗎呢？ 想知道學生編號嘅變遷、重溫中大通嘅便利，記得收聽呢一集嘅「崇基人傾下偈」！

有冇諗過以前冇WhatsApp冇Signal冇Instagram 唔同莊要點樣宣傳活動、約聚會？ 原來以前宿舍每層有電話？邊個負責接電話？ 仲要唔同宿舍唔同擺法？有啲宿舍每間房仲有響鬧裝置？咁邊個做接線生？ 宿舍門外嘅網購包裹就見得多，你又知唔知寄掛號去宿舍崇基會點樣處理？ 想知道以前宜家校內消息傳播嘅分別，就記得留意新一集「崇基人傾下偈」喇～

宜家大學入學程序就簡單方便得多，開個JUPAS一check就得 咁之前到底係點知自己入大學？點解隔離鄰居、大廈看更都知你入大學？ 原來當年去Ocamp學校係包成架火車比新生咁入中大？ 而且完Ocamp仲有專線火車出返九龍？仲要有組爸媽列隊say byebye？ 想聽聽昔日新生入學嘅趣聞，記得click入ig bio收聽新一集「崇基人傾下偈」！

崇基人傾吓偈？到底崇基人行埋一齊有咩好傾呢？ 橫跨幾個年代、不同地域，Bobo、Bosco同Karen同大家傾吓偈； 一連好多好多集嘅podcast，聽佢哋講吓宜家以前搞乜鬼。 想知道佢哋點樣結緣、點樣開始運作呢個節目，就埋黎聽啦！