崇基人傾吓偈 Chung Chi Chats

眨吓眼就嚟到2023年年尾喇😚 今次我哋一齊回顧呢年唔同集數，以及回應你哋嘅留言及意見💬 好多謝咁多位聽眾呢年支持我哋收聽節目😆 我哋2024再見！

今集我哋再次邀請到校友鄔天賜（生物/ 1967）同我哋傾吓偈💬憶述讀書時期透過香港大專社會服務隊參與各種社會服務嘅經歷💭 呢個學生組織喺1963年由一班熱心嘅大學生幫助被政府趕走嘅西貢居民搬遷開始成立，後來義務喺香港各地修橋起路👷🏻👷🏻‍♀️仲得到牧師教授指導同政府支持🙌🏼 當中試過留守鄉郊學校生活🏫進行調查撰寫報告幫助居民等等。鄔師兄作為當中一份子，今集同我哋分享當年嘅故事、最難忘嘅時刻、遇到嘅困難挑戰，以及...

當我哋同宜家嘅中大人傾偈時，都不時聽到以一兩個「潮語」，你知唔知呢啲特別用詞係咩意思呢？💬🤔每個年代都有當代嘅流行用詞⏳我哋今集就整合咗部份近年中大學生用嘅潮語，同大家節目分享🤩想知道當代最流行嘅潮語用詞，就記得收聽呢集嘅「崇基人傾吓偈」啦📻！

今集我哋好高興再次邀請到校友陳賜得（化學/ 1974）同我哋暢談往事💬 你對於香港五十年前嘅學制了解幾多呢？🏫 陳校友今集分享咗當年報讀崇基課程嘅制度及過程，並憶述當年早出晚歸穿梭馬料水、油麻地、尖沙咀、中環上堂，仲要日日搭火車坐船返學嘅經歷🚉🚢！點解崇基學生要行勻港九新界上堂？😲 點解咁艱辛嘅四年大學生活，都會被陳校友形容為「烏托邦」💭✨？想聽聽七十年代崇基讀書故事，就記得唔好錯過最新一集嘅「崇基人傾吓...

今集我哋邀請校友溫浩賢 Alvin（2009/ 經濟）上嚟傾吓偈💬 落腳加拿大三年幾，Alvin好似將人生中一系列重要關口濃縮—— 讀書📚、轉行👝、搵工👨🏻‍💻，同時需要喺嶄新英語環境兼顧家庭責任🏠 面對疫情，再多嘅準備同計劃都跟唔上變化。Alvin又如何調節心態，點樣克服並安頓新生活呢？🛣️佢有冇咩貼士同心得分享比有興趣移居嘅人呢？ 想聽聽佢嘅故事就記得收聽最新一集嘅「崇基人傾吓偈」喇😚

今集我哋邀請潘凱豐Vincent Poon（崇計金五）上嚟傾吓偈分享佢嘅故事😆 Vincent 係我哋第一位現場聽眾👂🏼同時係第一個主動自薦參與嘅嘉賓🎙️明明只係之前喺加拿大exchange咗三個幾月⌛點解今次會用「返嚟」？點解佢會將加拿大列為佢首選嘅海外生活地方？📍🍁佢Exchange嘅點滴經歷又令佢有咩啟發同感受呢？💭想呢位崇基人嘅故事，就唔好錯過最新一集嘅「崇基人傾吓偈」啦😚！

今集我哋好高興邀請到校友鄔天賜（生物/ 1967）傾吓偈。六十年代崇基讀書嘅佢，見證中大成立。當年校園舉行盛大慶祝活動，佢同大家分享當年崇基生活🏫💬 未有宿舍時走讀嘅佢，點解可以大牌遲到十五分鐘？🕣 後嚟師兄更獲安排居住崇基嘅「大學新邨」，同其他宿生嘅宿費差幾多呢💰？生活質素又係點㗎？🧐 原來宿生較少返屋企同香港制水有關？🚰 畢業後師兄更飄洋過海繼續進修🛳️ 當時中大崇基國際學術地位又如何？想聽聽六十年代嘅崇...

今集我哋邀請到校友陳賜得（化學/ 1974）上嚟，同我哋一齊分享七十年代崇基級社嘅運作，並介紹自己級社「暉社」送俾學院嘅畢業紀念禮物—— 現時仍然屹立众志堂後面草地嘅「暉社台」，及介紹同年興建嘅喺隔離嘅「勞動光榮碑」！ 陳校友憶述咗當同學參與動工「暉社台」嘅過程，並分享級社嘅各種活動，以及同學參與級社活動嘅情況，因而對級社嘅歸屬感，同近年同學大多用宿舍為單位參與書院活動嘅情況都幾大分別㗎！想拆解「暉社台」同...

今集我哋邀請到現屆《崇基人》編輯委員會主編余昭信 Philip Yu（崇中文三）上嚟傾吓偈！《崇基人》係一本崇基學生會轄下出版以悠閒娛樂為主嘅學生刊物，係崇基現時唯一嘅學生刊物🧾 斷咗莊幾年，點解Philip願意擔任《崇基人》主編一職？🤔 Philip對於《崇基人》有咩抱負、願景呢？💭做學生會、編輯委員嘅前後，Philip對於崇基嘅歸屬感又有咩轉變呢？🧠 想聽吓幾位唔同年代嘅崇基人傾《崇基人》、崇基情、崇基精神✨ 就記得收聽最新...

呢一集我哋邀請到校友夏潔陵 Kitty（經管/1967）同我哋傾吓偈💬 到底六十年代嘅崇基校園氛圍、宿舍生活係點樣嘅？🏫🎒 你又知唔知崇基以前嘅「女生宿舍」係現時嘅邊座宿舍？🏠 作為當年女生宿舍宿生會主席，Kitty喺節目分享寄宿崇基嘅生活點滴。從都市女生到鄉郊崇基宿生，呢段時光對佢有咩影響同感受呢？⏳⌛雖然佢訴說當中嘅艱辛，但從佢嘅字裡行間，都聽得到佢對當年簡樸又充實嘅校園生活嘅懷念，並反映咗時代的變遷同進步。想...

呢一集我哋邀請到校友吳瑞卿（歷史/ 1975）同我哋傾吓偈，分享佢難以忘懷嘅崇基故事📖👥💖 從崇基畢業後，佢在讀碩士期間亦同時在崇基輔導處工作👩🏻‍🎓👩🏻‍💻橫跨接近十年嘅崇基校園生活，學生面貌、師生關係、校園氣氛、人民精神等又有咩變遷呢？被邀請撰寫校刊文章嘅經驗又點解令佢有「唔記得自己唔係基督徒」嘅覺悟💡？崇基基督教教育下的自由開放和開明如何塑造其成員嘅價值觀同精神？🧠想聽聽七八十年代嘅崇基故事，記得收...

今集我哋繼續邀請李世賢Patrick Lee（市場/ 1983）上嚟分享九十年代移居加拿大建立新生活、新事業嘅故事🍁佢成功將興趣與技能融合工作中，並分享咗喺新環境中面對嘅種種挑戰以及應對方法，包括克服語言障礙、調節工作心態及自我提升等方面嘅心得，真係充滿智慧同趣味㗎💡🌟相信Patrick嘅故事同貼士都會對大家有所啟發🧠！

今集我哋邀請到校友李世賢Patrick Lee（市場/ 1983）同我哋傾偈💬崇基校園時光匆匆⌛但對Patrick嚟講，呢幾年嘅大學生活係佢他人生入面其中最美好嘅回憶/最重要嘅啟蒙時期💡✨從同三位同系室友嘅相處、大學課堂外內嘅啟發，到課餘寫報紙專欄等經驗📰✍🏼都訓練到佢嘅專業知識，並塑造佢嘅價值觀同人生態度🧠 因為一個奇蹟，陸續有奇蹟繼續發生🔮呢一切又點解從〈現代人的痛苦〉開始呢？想知道Patrick各種大學趣事同啟發，記得收聽呢...

今集我們邀請到校友Baz（2015/政政）上嚟同我哋傾吓偈💬 Baz遠赴加拿大重拾書包嘅經歷，唔單止係學術或事業嘅追求，更加係不同文化間嘅交流與成長之旅🌱 大家又有冇諗過去外地擴闊眼界或者重回校園？不妨聽聽佢同我哋嘅分享同感悟，相信可以帶比我哋一些思考同啟發💡🤔

🌧️🌪上星期嘅十號風球無阻我哋同現屆崇基學生會會長Anson To（崇會計三）連線傾偈👨🏻‍💻🛜，聽聽佢分享從崇基嘅學生到成為學生會嘅成長經歷🌱，以及當中各種嘅挑戰及成就，亦知道更多學生會即將舉行嘅活動嘅宗旨同目標。想知道風球來襲時嘅校園近況🏫、想知道現屆崇基學生會嘅近況及去向🔮，就記得唔好錯過呢集同會長嘅交流喇💬！

當我們同1974年工管系李鎮國師兄傾偈，發現原來佢喺因崇基嘅「晚間義學」小學時期已經就去過崇基校園讀書，細細年紀已經認識崇基學生 👩🏻‍🏫 👨🏻‍🏫 呢段經歷對佢產生咗咩嘅影響？點解會令到佢「非崇基不入」？崇基校園喺佢心目中係一個點嘅地方？喺崇基讀書生活嘅經歷又對佢產生咩影響呢？想知多啲崇基呢段歷史同師兄嘅經歷，敬請收聽新一集師兄嘅分享💬

呢集我哋搵到校友羅淑雯Monnie（2004/ 專業會計）上嚟一齊「夜話」傾吓偈🌃💬～我哋從學生活動講到讀書📚從assembly講到通識🧐從宿舍生活講到崇基地理🌄一齊探究到底崇基人傳承咩特質✨ 點解四個唔同年代嘅人圍埋傾偈都認到彼此係崇基人？呢個星期「崇基人傾吓偈」有得聽喇～

講到校園生活，當然第一樣係讀書啦！宜家中大生就用CUSIS 選科啫，以前未有網絡嘅中大人到底要點揀科呢？到底要跑遍成個山城，定寫信去俾professor？點解宜家讀書要搵天文台？想知道宜家以前點reg科，新一集「崇基人傾下偈」有得聽喇～

今集我哋邀請到校友葉佩華（1971/ 中文）上嚟傾吓偈。雖然畢業多年，而且長居海外，但佢仍然都關心、服務母校，在海外積極推動校友活動，更編輯《記取風華正茂》，紀錄崇基學生風貌。究竟這份對母校嘅情，從何而來呢？請留意新一集「崇基人傾吓偈」💖

母校崇基學院出版《金禧叢書》𥚃面，其中有一套書叫做「記取芳華正茂」📚 內容係搜集咗五十年嚟崇基校園各種學生刊物， 編輯成書，展現崇基長達半世紀學生生活嘅面貌。今集我哋請呢套書嘅主編 —— 1971年中文系葉佩華師姐同我哋傾吓偈，分享當年編寫呢套書嘅經歷同感受☺️ - 我們非常感謝母校對我哋嘅支持😙 如果聽眾對呢輯書有興趣，請同我哋聯絡；我哋將會收集大家嘅資料，同崇基學院聯絡及安排，郵寄呢套書送俾大家💝！

今集我哋邀請到校友陳立奇 Desmond（1990/ 心理）上嚟傾吓偈💬 Desmond唔單止喺崇基度過四年求學時光📚畢業後亦因家人工作的關係再次返到校園居住🏡令佢有機會親身體驗中大校園衣食住行及文化呢二十多年嚟嘅變化⏳想知道呢校園中各種變化中嘅味道，就記得留意新一集啦～

今集我哋請嚟傾吓偈嘅係2004年專業會計系嘅羅淑雯校友Monnie😚 我哋每個人都會因為佢嘅背景、閱歷同埋佢嘅職業知識，而對每一件事嘅睇法同處理方法都會唔一樣🧐 而Monnie嘅專業知識及背景又點樣影響佢預備移居加拿大呢？佢嚟到嘅適應同埋面對嘅挑戰係乜嘢呢？相信大家都會因佢嘅分享，有所啟發同得着！

當我哋諗起商科人，好容易就有一個印象都係專注做生意👨🏻‍💼 今集我哋邀請上嚟傾吓偈嘅校友 魏文富（1981/ 市場）反而一破我哋刻板印象，工餘投身社福界幫助弱勢族群，喺唔同崗位回饋社會、服務母校🙏🏼 到底係甚麼原因啟發佢這樣做？商科人從事社會企業有咩難處🤔 而佢又點樣面對同發揮呢？ 新一集「崇基人傾吓偈」有得聽師兄嘅故事喇🤓😎💬

德智體群美中嘅「美」的教育，往往係最容易被忽略嘅一環。然而，本集嘉賓白耀燦（1975/ 歷史）從崇基歷史、文化、校園環境等探索到崇基各方面嘅美育，並同我哋分享佢對呢個美育環境嘅得著。美育氛圍下又如何孕育不同年代崇基人嘅獨特精神面貌？請收聽新一集「崇基人傾吓偈」，睇吓有無同感☺️💬

好高興邀請到二千年代初畢業嘅廖建華 Kinson（經濟/ 2004）校友，現時崇基校友會會長，一齊傾吓計，分享佢三年大學生活嘅故事💬⏳從籌備學生會活動、經歷2003沙士同校方商議對策，到畢業後從事校友會事務、Kinson又觀察到崇基人有咩特質呢？究竟是甚麼原因，將一代又一代嘅崇基人拉近？想聽聽2000年代嘅崇基故事，請收聽新一集「崇基人傾吓偈」～