بكرة خيط

خيط وطُعم وخطوتين لاودام وخطوة لورا. حلقة جديدة من بودكاست بكرة خيط 🧶🎙️ تجمعنا ندردش فيها عن خطوات وتشابك خطواتنا في التعافي. دردشة وفيض من الحكي في حلقة النهاردة (صياد)🎙️🧶✨🌻

هو في الحقيقة يبان أنه الموضوع شكله حلو.. بس هو يعني ما بين كدة وكدة. حلقة جديدة من بودكاست بكرة خيط 🧶🎙️ تجمعنا ندردش فيها عن الحب. - تعريف الحب - طريقة التعبير الحب اللي (أنا) بقدمها ليا.. وأنه ليا؟ - تناول الحب مع كافة العلاقات والاختلاف في التنوع دردشة وفيض من الحكي مع بعض في حلقة كفاية نورك عليَّ 🎙️🧶✨🌻

سلامات 🌻 الليلة الكبيرة 🎙️🧶✨ حلقة جديدة من بودكاست بكرة خيط 🧶🎙️ - مع انتشار أم ضد التطبيقات والتحديثات الجديدة. - أثر دا علينا ايه؟ حالياً. - حديث ومشاهدة كإنسان. - بتقدم الحب والرعاية والاهتمام والدعم ازاي؟

من غير كلام كتير، شوية دردشة ووصال 💚🌻، حلقة جديدة من بودكاست بكرة خيط، تقدر تقول جزء تاني من حلقة (كُبر الفيل) واهي فرصة لكوباية قهوة ☕ بكرة خيط 🎧 وواقفة في البلكونة ساعة عصاري 🌅 وبالهداووووووووووه ✨✨✨

رحلة عمري وقدري. زي ما غنى عبد الوهاب حلقة جديدة ومن غير ليه. حلقة خاصة وحساسة جداً. حلقة (ما بعد التشخيص) - من غير ليه؟ المحطة اللي بنقف عندها بعد لما نعرف احنا أو أحبابنا عندهم شوية حاجات محتاج شوية رحمة ولطف.

لا توحِش النَّفسَ بخوفِ الظنون ***واغنم من الحاضرِ أمنَ اليقين من قصيدة رباعيات الخيام وبصوت أم كلثوم وألحان السنباطي تبدأ أولى حلقات بودكاست بكرة خيط 🧶🎧 -الموسم الخامس في حلقة النهاردة هناخدكم كدة في دردشة سريعة عن أثر الجمال في عدم الجمال أو بتعبير آخر: "اغنم من الحاضرِ أمنَ اليقين"

حلقة جديدة من بودكاست بكرة خيط 🎧 كبيرة كبر الفيل. الكاتبة والشاعرة الإنجليزية سيلفيا بلاث بتقول: خطر أوي أنك تتحمل على عاتق مسؤولية نفسك. مسؤولية التعرف على الذات طول الرحلة. سهل تكون شخصية أي حد أو سهل تكون ولا حد. ولكن أنك تشهد على فنائك وبنائك مش هين ولا هيكون ومش كتير بيوصل. لما تحس أنه الدنيا، اليوم، المشوار، أو الطريق طويل وتقيل ومليان حاجات ومحتاجات دا هيكون موعدنا اليوم في حلقة (كُبر الفي...

حلقة جديدة من بودكاست بكرة خيط 🎧 الرحلة مع الذات، القرب منها والمعرفة. الطبطبة عليها ومعرفة مصادر سعادتها حقيقي مش سهلة أبدا وفي عيد الحب كان من المهم في حلقة #تقوم_و_تقع ندردش عن ازاي شوية نحب نفسنا. نقف على مساحة ما بينا وبين النفس شوية ونهدي ونشوف كدة ع رواق. حلقة قريبة من قلبي أتمنى توصل لقلبكم 💚

عقلك كسول. أقرب نتيجة، أقرب سبب وأقرب منطق هيقولك أيوة هو دا يا معلم وقفل على كدة بقى. تيجي نتكلم عن نمط التفكير اللي مش لطيف يكون موجود طول الوقت (نتائج دون مقدمات). Jumping into conclusions

دردشة عن الدوبامين وأثره على فكرنا ومشاعرنا.

الطريق عمره ما هيوضح، إلا لما تبدأ تمشي فيه. حلقة جديدة من بودكاست بكرة خيط 🎧🌻بشارك معاكم مهارة اتعلمتها بتسهل علينا حسبة أهدافنا SMART

حلقتنا بتتكلم عن خطوة مهمة جداً أنه من المهم أن نتعلم أن نزور الألم. نستقبل كافة الذكريات بمشاعرها. افتكر، أحن، أغضب، اثور، أتألم واعيط.

في حلقة النهاردة من بودكاست بكرة خيط هنتكلم عن توقعاتنا احنا من نفسنا ودردشة حوالين التعلق بالنتائج وازاي نعرف نتابع خطوة بخطوة في الرحلة وزي ما قال سعيد صالح كل ما تتزنق أقلع.

في حلقة النهاردة من بودكاست بكرة خيط هنتكلم عن فرانسيس بيكون ودردشة حوالين فلسفة ومنطق كل من النملة، النحلة والعنكبوت من وجهة نظره ونظري.

في حلقة النهاردة هنتكلم عن ازاي لما عقلك يمسك في فكرة واحدة بس ويفضل يزن ويلف ويدور حوالين منها تعمل ايه؟

بتشكي لاخوك من مديرك؟ بتشكي لصاحبك من زوج/ة. هل هناك فرق بين الشكوى وإعادة التفكير؟ حلقة جديدة من بكرة خيط 🎙️ نعرف اكتر فيها هل أنا من اللي عاملين بيشكوا لبعض ولا ممكن اكسر الدائرة دي. هندردش اكتر عن بعض الأمور الصغيرة اللي لما نغيرها نحصل على نتيجة مضمنة وليها أثر. وهل ممارسة الشكوى بتعود عليا أنا شخصياً بفائدة ولااااا. كل دا في حلقة النهاردة "اشكي لمين"

جسمك مرهق بس عقلك صاحي؟ طيب عقلك صاحي بس جسمك مرهق؟ عندك افكار منتصف الليل؟ يلا بينا في حلقة جديدة تجمعنا من بكرة خيط 🎧 ندردش عن النوم وايه النشاط والحلول اللي ممكن تساعدني أنام بشكل أهدأ.

يا ترى انت الحرامي ولا اللي اتسرق؟ هل انت اللي طول الوقت حاسس انك مش متشاف محتاج اكتر من الطرف الثاني: عاوز حب ووقت وعطاء وانسجام ولا انت الطرف الثاني اللي قاعد جوا الكهف وحاسس إن ايه كل الضغط والزهق اللي حاصل دا وعندك نوع من أنواع الشفقة على الطرف الآخر وغضبان وزعلان وحاسس إنه مش محترم لا. وقتك ولا خصوصياتك فخليك بعيد وخليني في حالي دلوقتي. حلقة جديدة تجمعنا من بكرة خيط 🎙️نعرف اكتر عن ايه هي علاق...

إحنا متفقين بشكل ضمني على وجود إشارة مرور بينا، بس هي فين؟ أنا محتاج اعرف امتى: اقف/ اتقدم/ أنتظر. هل إعلان دا بين المتحدث والمستمع له دور؟ وليه من المهم معرفة (ما اللون الآن). حلقة جديدة من بكرة خيط 🎧 تجمعنا عن أهمية وإعلان إشارة المرور النفسية ودورها في النفس والألم

ساعات تلاقي نفسك لطيف جداً ومُحب جداً مع صديقك أو غريب. ساعات تلاقي حالك قادر تطبطب برحمة وحنية واحتواء وفيض غامر من المودة والحب الغير مشروط. السؤال هل انت كمان شاطر كدة ورحيم كدة وقادر تحتوي كدة مع حالك؟ استكمال الموسم الثالث تجمعنا حلقة جديدة من بكرة خيط 🌷✨🤗 (التعاطف الذاتي - self compassion).

"لن نستطيع أن نحب العالم دون ان نكون رحماء بانفسنا- بوذا" في فرق بين الحب المادي المزيف والحب الروحي! في حلقة جديدة تجمعنا هنعرف ايه هو الحب الروحي الحقيقي؟ ازاي اقدر امارس الحب الروحي الذي يحتوي كل مشاعري وأفكاري؟ كمان يكون عادة يومية بسيطة ثابتة تفتح لك بوابات النور والسلام والود مع الذات 🌷

تمرين بسيط لتحقيق أهداف أسرع وأسهل. عند طريق تكسير الهدف الكبير لعدة اهداف وتكسير الاهداف دي لأهداف صغيرة خالص.

هو لو أنت قولت (أنا معرفش) بيني وبينك كدة هتحس جوا منك أنك جاهل مش كدة؟ طيب عارف إن ايكيهارت تول بيقول: تأثير كلمة أنا جاهل عامل زي الانتحار؟ في حلقة الأسبوع دا هناقش قوة وحكمة (عدم المعرفة)، كمان هنعرف مع بعض بعض المهارات الحياتية اللي ممكن مع استخدامها وتطبيقها تساعد إن يكون عندي يقين وقوة وعلم إن أقول (أنا معرفش) مش بس كدة ازاي بدل ما يقلب الموضوع لمع أو ضد. لنقاش وطرح يستاهل التفكير الإبداعي و...

أنا لو مجبتش ١٠ من ١٠ أبقى فشلت. أنا لو ملحتقش اسافر قبل ٣٠ خالص أنا كدة اتحبست وفرصي قلت. لو موصلتش للوزن دا خلال الشهر دا أنا ....... يا أبيض يا أسود. يا حلو يا وحش. يا حلو يا مُر. التفكير بشكل أن دا حلو أوي يا دا وحش أوي. دا احلى شخص قابلته في حياتي. دا اسوء شخص. دردشة حلقة النهاردة عن التفكير بطريقة (يا كله يا لأ)

ازاي الجسم بيتعامل مع الصدمات والمعايشة والتشافي وحديث طويل عن fight / flight and freeze