علشان محدش مهتم

لمحبين السينما قررت إن آخر حلقة تكون الجزء التاني من أول حلقة اتعملت في البودكاست رجعنا نتكلم تاني عن السينما، ليه بنحبها، وإزاي عالمها بيأثر فينا أكتر ما نتخيل. في الحلقة دي بنغوص أعمق في تفاصيل حبنا للأفلام، كواليس الصناعة، وتأثيرها على مشاعرنا وطريقة تفكيرنا. وضيفي للمرة التانية ب.م بيرجع يشاركنا رؤيته وتجربته بشكل أعمق

قررت انا و ج.أ نطلع اللي في قلبنا ونقول ما يخص العنوسة المبكرة والاحتياج اللي الستات بتتكسف بتتكلم عنه بس انا و ج.أ قررنا نفصح عنه

عمرك حد قالك: "مش نصيبك"؟ طب لو مش من نصيبك… إيه اللي فعلًا من نصيبك؟ في حلقة النهارده بنتكلم عن فكرة النصيب، القدر، والتعامل مع الرفض والخسارة .

فتحتلكم قلبي وحكتلكم عن اكتر حاجة وعدتكم بيها وقررت يشاركني ضيفي المخرج المستقبلي الحوار عشان يحكي الموضوع من زاويته

حلقة مليئة بالاتهامات الموجهة لكل الذكور والرجال مع المتحدث الرسمي بأسمهم للرد والدفاع عنهم باستخدام كل الوسائل الممكنة اسمعوا للاخر عشان تعرفوا مين كسب واكتبوا في الكومنتات

بأسم متحدث الرسمي لل people pleasers قررت اجمعلكم قايمة الناس اللي مفروض نقولهم كفاية بقى في 2026 لحياة افضل واهدى متنسوش تزودوا ناس للقايمة ديه في الكومنتات

قررت اكشفلكوا كل الحقايق اللي محدش مهتم يسمعها في 2025 وازاي ناخد بالنا في 2026 والاخيرة ستدهشك

دليلك للفشل في علاقاتك العاطفية بمنتهي السهولة والسلاسة مع حلقة جديدة من سلسلة حياتي العاطفية خط احمر الجزء التالت

جبت اكتر محنك اعرفه وحرمه عشان نأسس هيئة المحنكين للفن المصري وتقييمات فنية عديدة وغير فنية احيانا

حلقة مليانة تلعثم وتعبير عن المشاعر الغير معترف بيها ومنهم الخذلان و عن ايه اسباب اختفاء البودكاست والاهم ازاي نتعامل مع الخذلان لو عرفنا نتعامل طبعا

لا ادري كيف ترعرع في وادينا الطيب هذا القدر من العفن الفني و الكسل عشان تبقى ديه النتيجة الحالية للدراما والسينما المصرية نقاش فني يعبر عن رأيي الشخصي الذي لا يمت للنقد الاكاديمي بصلة

العودة بعد الغياب مليئة باعترافات لم تذاع من قبل والكشف عن كل المعتقدات المغلوطة حول الحساسية العاطفية حقلة مفضلة لكل القلوب الضعيفة والغير ضعيفة عادي

في لقاء سريع مع مقدمة الذ بودكاست حكايات التلات اتكلمنا عن اشكال التلاعب وأكدنا حقيقة ان محدش كبير علي التلاعب وحقيقي برافو

في جلسة بسيطة بيني وبين صديقة الجامعة قررنا نطلع كل للي في قلبنا عن فترة الجامعة وكيفية التكيف في المكان ده لغاية التخرج

في وسط صراع الرأس مالية قررت انا وصحبتي نحكي عن تجربة سوق العمل وبتجميع بعض النصايح تحت مسمى متغلطش غلطتنا لكل اللي داخلين سوق العمل

مكالمة دولية من الخارج مع صديقي المغترب لكشف مميزات واضرار (اي كلام) الغربة وبعض النقاشات عن وصفات الاكل الفاشلة ومعرفة كل ما فاتنا

(تنويه اي معلومة اتقالت ملهاش اي مصدر يؤكد علي صحتها عشان ده اجتهاد شخصي مني انا واختي ) في قاعدة صفا انا واختي قررنا نتكلم عن التردد حلقة غير مناسبة لاي شخص مقرر هو عايز ايه حلقة مناسبة جدا لكل احبائي المترددين واتمنى مزودش التردد اكتر بعد الحلقة ديه

مش فاهمة هل هتفهموا الحلقة ديه ولا لا بس المهم تعرفوا انها عن كل حاجات اللي احنا فاكرين انها مش مفهومة وان ديه الحلقة الزيادة من الموسم التاني عشان تصبروا بيها نفسكوا لغاية الموسم اللي جاي

اعترافات نسائية هي الحلقة الأخيرة من الموسم التاني و الأجرأ علي الإطلاق و النساء لنساء وكدة ❤️ تنويه : حلقة غير مناسبة للقلوب الذكورية

صراعي مع بعد التخرج والبحث عن الطريق الصحيح الغير معلوم حتى الان وتقريبا كدة مش ده اللي اختارته فيلم الحلقة : أوقات فراغ

نقاش سريع عن الاحتراق النفسي اللي بيحصل لو انت متابع الاحداث الاخيرة ومدى تأثيرها علي محتوى هذا البودكاست وكدة كدة من النهر للبحر الكتب المرشحة : الطنطورية - حب في المنفى

نقاش سينمائي ممزوج ببواقي برد سئ عن مدى عدم واقعية الاعمال المصرية ولا يوجد اي شخصنة مع اي ممثل ولله انا مش لجنة و مع كل حبي لكل الفنانين الذي تم ذكرهم بالخير فيلم سعاد للمخرجة ايتن امين

نقاش عبثي انا وامي وكوباية الشاي الاخضر لانتاج حلول توعوية لاجل انجاب افضل او عدم انجاب الله اعلم وتشكيل لجنة تحكيم متخصصةمقدمة المحتوي المفضل ليا انا وامي (اللي للاسف نسيت اسمها ) :Summer Elabbasey

حضرات السادة ، يرجى الإنتباه ، هذا هو النداء الأخير ، تعلن بيسوتوك للطيران عن قيام رحلتها رقمS25 والمتجهة إلى جحيم الوعي، على السادة المسافرين التوجه إلى الحلقة الخامسة من بودكاست علشان محدش مهتم

في الحلقة ديه هنفهم ليه بنحب نتفرج علي مسلسلات محمد سامي غير انها نوع من انواع جلد الذات