عالسّلم

سبحانك اللهم وبحمدك أشهد أن لا إله إلا أنت أستغفرك وأتوب اليك. في ختام الموسم الثاني لبودكاست عالسلم بنفتكر سوا أهدافنا وبنسترجع بعض الحلقات وأفكارنا وبندعوكم انكم تشاركونا في المواسم القادمة إن شاء الله، نلقاكم على خير

هنكمل معاكوا اليوم ونشوف مع بعض الناس في غزة يومهم عامل ازاي وكم الحاجات اللي كنا فاكرينها عادية اللي هم بيصارعوا عشان يقدروا يوصلولها ربنا يصبرهم ويفرجها عليهم يارب. وناخد بالنا احنا ازاي اعتدنا النعم دي وافتكرناها بسيطة وسهلة ونستحضر أن ذلك فضل الله يؤتيه من يشاء، فلله الحمد والفضل والمنّة.

هنبدأ معاكوا اليوم من أوله ونشوف مع بعض الناس في غزة يومهم عامل ازاي وكم الحاجات اللي كنا فاكرينها عادية اللي هم بيصارعوا عشان يقدروا يوصلولها ربنا يصبرهم ويفرجها عليهم يارب. وناخد بالنا احنا ازاي اعتدنا النعم دي وافتكرناها بسيطة وسهلة ونستحضر أن ذلك فضل الله يؤتيه من يشاء، فلله الحمد والفضل والمنّة.

احنا على طول بننسى ان الدعاء هو عبادة في حد ذاتها بغض النظر عن اقترانه في بعض الاوقات بعبادات اخرى زي الصلاة، وأوقات بنسأل نفسنا هو أنا ليه ربنا مش بيسجيب لدعائي وأوقات بنضيع على نفسنا أوقات فيها كنوز، هنتناقش في فضل الدعاء وآدابه وفي طرق الإستجابة وازاي ممكن نتعامل مع الدعاء في حياتنا.

إزاي منعيش حياتنا سبهللة وازاي نقدر نرتب أولوياتنا ونخلي عبادتنا لربنا هي الأولوية اللي بنرتب وسطها أعمالنا الدنيوية ابتغاء وجه الله مش العكس وان أساس حياتنا هو أعمالنا الدنيا المباح منها والغير مفيد. مع إنه مفيش مشكلة نرفه عن نفسنا بالحاجات المباحة، ولكن بنتمنى منكونش بنضيع وقتنا سبهللة فيما لا ينفع ديننا ولا دنيانا.

كلنا بنعدي بمرحلة بنحس إحساس بالفتور في علاقتنا بربنا وبنحس اننا معندناش طاقة نعمل حاجة، هنتكلم شوية عن ازاي نتعامل مع فترات الفتور دي وازاي نقدر نعديها على هدي الرسول صلى الله عليه وسلم، لانها بتصيبنا كلنا ويارب متسيطرش علينا ونحيد عن الطريق.

الغيبة كبيرة من أخطر الكبائر اللي بنعملها من غير ما ناخد بالنا، حتى اللي بياخد باله انه يتقي الحلال والحرام في أفعاله، بنتكلم عليها بالخصوص في نطاق الشغل وسهولة انك تغتاب مديرينك أو زملائك من غير ما تاخد بالك، وبنتكلم عن الحاجات اللي نقدر نعملها عشان نتجنبها. كمان، بنشرح إزاي نتوب لو وقعنا في الغيبة.

مجتمعنا المسلم المفروض بطبيعته يكون مجتمع ناصح بينصح وبيقبل النصح هنتكلم عن ازاي ممكن تكون طريقتنا واحنا بننصح فيها حكمة وموعظة حسنة وازاي نقدر نستقبل النصيحة بصدر رحب.

أهلنا في غزة في كرب عظيم واحنا حاسين بالعجز تجاهم، هنتكلم عن ايه الطرق اللي في إيدينا نعملها عشان نقدر نعمل أي شئ لمساعدتهم من أول المقاطعة والمتابعة والنشر والتوعية والدعاء.

في الحلقة دي هنتكلم عن التنمر وبذاءة اللسان ووهنتكلم عن أمثلة حياتية وازاي ممكن نتعامل مع ده ونبدله بالكلام الطيب.

في الحلقة دي هنتكلم عن موضوع السفر للفسحة وننبه على ذنوب شائعة في السفر مش بناخد بالنا منها، وإزاي ممكن نقدر نجمع حسنات في الطريق. هنقول نصايح عملية بناءًا على تجاربنا المحدودة تساعدنا وتساعدكم نستمتع بالسفر وفي نفس الوقت نرضي ربنا.

مع بداية الموسم الثاني، نستفتح معكم الموسم ببعض المعاني من سورة الفاتحة، راجين من الله أن يفتحها علينا وعليكم ببركاتها ونعمها. ومعنا في هذا الموسم الجديد الوافد الجديد الفقير إلى الله، علي طارق.

الحمد لله انتهينا من الموسم الأول، 12 حلقة زي ما كنا مخططين، وده فضل ومنّة من ربنا سبحانه وتعالى. في الحلقة دي بنتكلم عن وجهة نظرنا لما بدأنا التسجيل والتغيير اللي اضطرينا نعمله وتغيير الهدف اللي عشانه بدأنا وبنجاوب على الرؤية اللي بنسعى لها. دردشنا في الحلقة دي بردو وأرسلنا نداء للمتطوعين لو حد حابب ينضم هيبقى شيء جميل إننا نبني مجتمع بيحاول يصلح من نفسه ويفكر نفسه بالآخرة في كل خطوة ويسعى للفلاح...

الحلقة دي عن الهجرة، وش كده 🎧 ووسع خُلقك معايا ووسع أُفقك .. ربنا يوسعها عليك، بنتكلم عن الموضوع بشكل مجرد، الهجرة والسفر من بلدك الأساسية أيًا كان أنت ساكن فين لأي بلد تاني. 🌎 إحنا شايفين أن في جوانب مهمة أوي الناس بتغفل عنها في السفر، وفيه واجب كبير الناس المفروض تعمله قبل ما تاخد قرار الهجرة ده. بندردش مع بعض في الجوانب دي لعل وعسى نفتّح لكم حاجات كانت منسية. قبل ما تاخد قرار السفر أو الهجرة...

سؤال شايف نفسك فين كمان 5 سنين ده بشكل عام بيواجه استنكار رهيب من جميع الناس. والناس مجموعات، اللي محضر إجابة محفوظة، واللي مش بيحبه عشان مش بيعرف يجاوب عليه، واللي بيجاوب عليه بصدق كل مرة. خلينا إحنا في الفئة التالتة دي. السؤال لو بصينا له بشكل مجرد ووجهة نظر محايدة هو حقيقي سؤال جيد جدًا وبسيط، يمكن بساطته هي سر الصعوبة على إجابته وده رأينا.  حابين ناخد السؤال برة سياقه المعتاد  في مقابلات العمل...

اللبس من أساسيات الحياة ومكوّن أساسي في يومنا ومجرد التغيير البسيط فيه هيبقى له أثر قوي جدًا على المزاج، هرمونات الجسم، ورد فعل الناس في التعامل معك. 👕 يمكن ده بنلاحظه حوالينا ويمكن كمان كنا بنشوفها في الشغل والمدرسة أن مدرسين العربي بيتكلموا زي بعض، مدرسين اللغات الأخرى لبسهم وطريقة كلامهم مختلفة، ده الموضوع كبير بقى! 🌎 بنتكلم في الحلقة دي عن وجهات نظر مختلفة للبس ووظيفته الأساسية تبقى عاملة از...

هيصة ودوشة وخناقات كتير، الموهبة ضد المجهود، الشغل بذكاء ضد الشغل بالجهد، ميسي ضد كريستيانو. ونسينا الأصل، إننا عاوزين نشتغل حلال يا خوانا، هدي اللعب يا عم الحاج أنت وهو وبلاش تاخدونا في دوكة. في الحلقة دي بنتاقش في مواضيع بشكل كبير محدش عارف فيها الصح من الغلط زي جهاز الشركة وشبكة الأنترنت هل تستخدمهم بشكل شخصي؟ فالشغل الحلال محتاجين نركز فيه مش مجرد أن مجال العمل نفسه حلال بعيد عن الخمور مثلا، ل...

تحسس إننا في دوامة غريبة، صوت دوشة في الخلفية وناس بتتخانق مع أصوات كلاكسات عربيات، واحد بينادي عليك، موبيلك بيرن وأنت اصلا واقف بتتكلم مع حد وكل ده في نفس الوقت، هو فيه إيه؟؟؟؟؟؟؟ مولد يا صاحبي ... احنا في مولد وصاحبه غايب. كم المشتتات الموجودة حوالينا ضخم جدًا وصعب حصره أو السيطرة عليه طول ما احنا عايشين في الحضر (المدينة) ولكن ….. ممكن نهدي اللعب شوية عشان نحاول نفتكر احنا هنا ليه ؟؟ ورايحين في...

- عرب بيتواصلوا مع عرب، في شركة عربية وبلد عربية بس بيتكلموا بالإنجليزي. اديني عقلك 🧠 - يا جماعة إحنا لو في الكاميرا الخفية حد يقول لنا عشان الوضع بقى صعب واللي إحنا فيه ده ميتسكتش عليه 😧  - هو احنا لو فاكرين أن اللغة هي وسيلة تواصل بس؟ يبقى احنا غلطانين ....  ❌ اللغة بتأثر على طريقة نظرتك للدنيا👀  وتفكيرك 🤔 ولبسك 👕 وتعاملك مع اللي حواليك 🌍 بنتكلم في الحلقة دي عن أهمية استخدامك للغة العربية...

إحساس أن الواحد ضايع ومتأخر عن زمايله ومهما حقق من إنجازات بيفضل مهموم هو شعور بيزورنا كل فترة. في الحلقة دي هنتكلم عن: - إيه هو الإنجاز؟🚀 وليه الشعور ده بيجي لنا كل شوية في عالم الوهم اللي احنا فيه؟ - نحط معايير واضحة للإنجاز وهدف قدامنا نسعى له والمهم >> استمرار السعي. قوم شد حيلك وارفع راسك وعينك متترفعش عن الهدف اللي أنت بتسعى له وافتكر دايمًا انك تجاوب على سؤال .... لماذا نحن هنا؟؟؟؟؟

حلقة خفيفة لطيفة عن الفسح والخروج والانبساط،  بنخرج عشان نتصور ولا بنتصور عشان خارجين؟  بنروح مكان عشان نجرب؟ ولا عشان نثبت اننا شبهه؟ نخرج ليه لو ممكن نطلب الأكل في البيت؟؟ هو الخروج أكل بس ؟ طيب جربت تخرج وتروح أماكن جديدة بنقولها في الحلقة .....  اسمع الحلقة للأخر واكتبلنا المكان ال نفسك تزوره سواء روحته قبل كدة أو لسة

- اتجوزت ؟؟؟ 💍 - خلفت ؟؟ 🍼 * مبروك النونو وعقبال ما تخاووه 👨‍👩‍👧‍👦 وسط موجات كتير تنادي باللا إنجابية، ومنجيبش أطفال نظلمهم وليه تجيبهم وسط ظروف المجتمع دي ممكن الرؤية متبقاش واضحة إيه اللي المفروض نعمله.فبنحاول نبسط الأمور الحلقة دي ونشوف الموضوع ده ممكن يتبص له إزاي ولو حصل وربنا كرم وخلّفت، تتوقف عند طفل واحد؟ طب تلاتة؟ ليه مش أكتر؟نتمنى الحلقة دي تبقى خفيفة عليكم وتفك بعض التشبيك اللي حا...

الوقت هي أغلى حاجة نمتلكها ... وطول الوقت حاسين أنه مش موجود ومستعجلين .... مفيش وقت وناس بتجري ورا بعضها والوقت بيضيع - هل الوقت قلّت البركة فيه ولا احنا اللي بنضيعه؟ - مش يمكن احنا شاغلين يومنا بحاجات أقل أولوية؟ - أو يمكن زاحمين يومنا بحاجات أكثر مما يتحملها؟

كل واحد بقى منغلق على ذاته في فرحه وحزنه وحياته بشكل عام. هل إحنا قاصدين نبقى كده؟ يعني الوحدة دي إحنا اخترناها عن رضى ورغبة مننا فيها ولا البيئة اللي حوالينا اتصممت لده؟ شاركونا رأيكم ونتمنى الحلول اللي هنطرحها في الحلقة تبقى سهلة التنفيذ وتجيب نتيجة وتخلي حياتكم اسعد،

في الحلقة دي بنتكلم عن الوظيفة وريادة الأعمال، كنا حاسين بانزعاج شديد لإن الناس بتمجد في ريادة الأعمال وتقلل من شأن الوظيفة وكأنها عيبة، نسينا خالص أن الطريقين ما هما إلا وسيلة لأكل العيش ونعرف نعيش سعداء ونتقي الله قدر الإمكان. مفيش وسيلة أفضل من التانية والمعادلة أكبر بكتير من إننا نقول لكم إيه الأحسن، القرار قرارك، اعرف أنت واقف فين؟ هتقدر تتحمل إيه؟ وبلاش العبارات اللي بتلمع تخدعك وتوكل على ال...