Todos os podcast | En xogo motor

Este martes desenvólvese en Santiago a terceira xornada do  Encontro de Mulleres Artistas, na Casa das Crechas. Entre as paricipantes estarán Alba Domínguez, Helena Egea, Isa Beltrán, Oliva Ben Prantada,Lúa Pagán, Sony Soprano, Taty Zisca,Tinta Ceive e Noela Babuxa.

Tras competir a temporada pasada cunha montura do Grupo 2, un R5 co que chegou a gañar de maneira absoluta algunha proba do Supercampionato, o alaricán Javier Pardo pasou polo Galicia en Xogo Motor para explicar os pormenores do seu 2024 pilotando un Renault Alpine do equipo Recalvi. Na primeira proba, desputada en Sierra Morena, acumulou sensacións positivas e incluso un scratch no último treito...

A Asociación Labra organiza en Compostela o Encontro que reúne aos profesionais da luthería galega. Falamos con Ana Fariña e Pablo Sánchez

Con Afonso Becerra abordamos as dificultades dos artistas emerxentes para facerse un oco en modalidades marxinadas como a danza contemporánea. Facémolo a través da obra 'Nova Dança', coproducida e estreada polo Teatro Diogo Bernardes.

Max García Conover é un músico estadounidense con raíces pontevedresas que visita por primeira vez Galicia. Conversamos con el no pazo da Viña, na localidade silledense da Bandeira. Alí está a gravar o seu próximo disco co selo barcelonés Son Canciones, impulsado pola galega Mabel Alonso e o belga Lieven Scheerlinck. 

Falamos con Felisa Segade e Xaneco Tubío do obradoiro intensivo de percusión tradicional de man desta fin de semana en Lugo, organizado por Tradescola

O Legado Berta Cáccamo doa ao Museo de Pontevedra o arquivo documental da artista. Cadernos, diarios, obxectos, correspondencia que se presentan na exposición que se inaugura no edificio Castelao. Falamos con Juan de Nieves e Xosé M Alvarez Cáccamo

Lembramos a figura do director Jaime de Armiñán, falecido esta semana. Por outra banda, afondamos na última película de Benito Zambrano: 'O Salto'.

As rúas, o auditorio, o Teatro Principal, o campus, e diversos locais de Ourense reciben á MITEU con música, danza, circo, maxia, cine e teatro.

“Tod@s abandonamos persoas e principios no camiño marcado para o éxito, para chegar”. O CDG estrea a obra central do seu 40 aniversario, Os actos e as profecías. Falamos con directora, Tamara Canosa e cunha das intérpretes, Mónica Camaño.

Luz Castro explícanos en que consisten as novelas visuais, un xénero de videoxogos de aventura conversacional. "Ti Primeiro" foi a primeira novela visual en galego, creada por Roberto Alvite e producida e publicada por Melgo Cinema.

Un encontro deseñado para que a cultura, a comunicación e a empresa dialoguen nas voces de profesionais da cultura, a comunicación, a empresa e o compromiso. Referentes da cultura como Nerea Barros, Teo Cardalda, Sabela Maneiro, Mercedes Peón, Tonhito de Poi ou Sabela Ramil comparten as súas experiencias con comunicadores como Déborah Ciencia, Esther Estévez ou Tamara García

“Queremos poñer en valor grandes títulos que non están no canon cinematográfico”. Victor Paz fala do ciclo Cinema, rexistro vivo da nosa memoria

Con Emilio Españadero repasamos o cartel do VII Festival Son Cervexeiro de Ortigueira, con nomes destacados como os Ailá ou Os Carecos.

O Campionato Galego de Ralis desembarcou en Lalín para desputar a súa segunda cita, co mítico Rali do Cocido que, nesta 28ª edición, regresaba ao calendario autonómico. Cunha metereoloxía variable e treitos deslizantes, a proba viviu un novo trunfo de Vítor Senra, que co seu Citroëm C3 WRC sumaba a segunda vitoria da temporada. Coa mesma montura rematou segundo Alberto Otero. Pechaba o podio o de...

Xose Antonio Touriñán continua xira por Galicia co seu monólogo 'Aquí tou!', no que realiza un percorrido polos momentos clave da súa vida, nunha mestura de realidade e ficción en clave cómica. Con el conversamos sobre o espectáculo, a súa traxectoria... e dános unha primicia sobre 'Somos criminais'!

Afonso Becerra tráenos un chisco de solidariedade co 'NOSO' d'Os Náufragos Teatro. Con texto e dirección de Gustavo del Río, trátase dunha obra que conxuga o posesivo do pobo, da comunidade e do territorio.

En colaboración coa Cinemateca Portuguesa, entre o 24 de abril e o 3 de mayo proxéctanse unha serie de documentais filmados nos días da revolución portuguesa. Tamén se proxectan ficcións que retratan á xente nas rúas e as manifestacións, así como o proceso de reforma agraria. Falamos con Jaime Pena, responsable de programación.

O escultor presenta dous conxuntos grupais integrados por 38 elementos que suxiren a densidade como idea vertebral da mostra.

María Villamarín e Óscar Senra fálannos do ciclo "A aldea desmedida", organizado Numax en Santiago e comisariado por Maos Innovación Social. O que pretende é precisamente botar unha pensada a esta cidade dende distintos puntos de vista e entender o lugar que habitamos.

Anton Bruckner centra os concertos desta semana da Orquestra Sinfónica de Galicia. Afondamos na vida do compositor austriaco con Luís Miguel Crespo.

“Os custos que supón o coidado están recaendo nas mulleres. Hai que ir a un coidado social”. Cristina García Sainz fala de “Os tempos sociais do traballo cunha perspectiva de xénero” na Semana Galega de Filosofía en Pontevedra.

A nosa experta Dolores Vilavedra fainos unha pequeña reseña de 'Ubasute', unha obra de Paula Carballeira editada por Galaxia.

“Hai que repensar unha relación co pasado”. A filósofa Fina Birulés fala de Hanna Arendt na Semana Galega de Filosofía en Pontevedra e na Universidade de Santiago.

Co gallo do “Día das Artes Galegas 2024” deu comezo na Coruña un ciclo composto por catro conferencias dedicado ao escultor Francisco Asorey, un dos renovadores da arte galega, cunha obra espallada por toda Galicia.