བསྐྱར་ཞིབ། - ཨ་རིའི་རླུང་འཕྲིན་ཁང་།

ལོ་གཅིག་ལྷག་ཙམ་རིང་ཕྱི་རྒྱལ་དུ་གཡོལ་ནས་བསྡད་པའི་རྗེས་སུ་རྒྱ་ནག་གི་འབྱོར་ལྡན་པ་མ་ཡུན་རང་ཡུལ་དུ་ཕྱིར་ལོག་བྱས་པའི་གནས་ཚུལ་ཐོན་ཡོད་ཅིང་། ཞིས་ཅིན་ཕིང་གི་དབང་བསྒྱུར་འོག་དུ་མ་ཡུན་གྱི་ལས་དབང་དང་རྒྱ་ནག་གི་སྒེར་གྱི་ཚོང་ལས་ཁག་གི་མདུན་ལམ་དེ་ངེས་གཏན་མེད་པ་ཞིག་ཏུ་གྱུར་འདུག

ཨ་རིའི་གྲོས་ཚོགས་ཀྱིས་TikTok་ཟེར་བའི་རྒྱ་ནག་གི་བཟོ་ཚོང་ལས་ཁང་གི་འགོ་ཁྲིད་ལ་འདྲི་རྩད་བྱས་ཏེ་བེད་སྤྱོད་བྱེད་མཁན་མང་པོ་ཡོད་པའི་བརྙན་འཐུང་བལྟ་ཡས་ཀྱི་མཉེན་ཆས་འདི་ཨ་རིའི་ནང་དུ་བེད་སྤྱོད་གཏང་མི་ཆོག་པ་བཟོ་སྲིད་ཅིང་། TikTok གི་ཉེན་ཁ་དང་དེ་མེད་པར་གཏོང་དགོས་པའི་རྒྱུ་རྐྱེན་སོགས་ལ་གླེང་སློང་ཞུ་རྒྱུ་ཡིན།།

ཨ་རིའི་ནང་གི་དངུལ་ཁང་འགའ་ཞིག་ལ་དཀའ་ངལ་ཕྲད་པར་མ་ཟད། དཀའ་ངལ་དེས་ཨ་རིའི་དངུལ་རྩའི་ཁྲོམ་ར་དང་ཐ་ན་དཔལ་འབྱོར་ཡོངས་ལ་ཤུགས་རྐྱེན་ཐེབས་སྲིད་པའི་བློ་འཚབ་བྱེད་ཀྱི་ཡོད་ཅིང་། དངུལ་ཁང་དེ་ཚོར་ཅིའི་ཕྱིར་དཀའ་ངལ་འཕྲད་ཀྱི་ཡོད་པ་རེད་དམ། མི་ཚོས་དངུལ་ཁང་དུ་བཅོལ་བའི་དངུལ་སྒོར་ལ་སེམས་ཁྲལ་བྱ་དགོས་སམ།

ཉེ་དུས་མཇུག་བསྒྲིལ་བའི་རྒྱ་ནག་གི་ཆབ་སྲིད་གྲོས་ཚོགས་ཚོགས་ཆེན་ཐོག་ཝང་ཧུ་ཉིང་སྲིད་གྲོས་ཀྱི་ཚོགས་གཙོར་བསྐོ་བཞག་བྱས་ཡོད་ཅིང་། ལོ་མང་རིང་ལས་གནས་དེར་གནས་པ་མི་འདི་རྒྱ་ནག་དམར་ཤོག་སྲིད་གཞུང་ནང་བོད་དང་འབྲེལ་བའི་ལས་དོན་གྱི་འགོ་ཁྲིད་གཙོ་བོ་འདི་ཆགས་ཀྱི་་པས། ལས་རིམ་ནང་ཝང་ཧུ་ཉིང་གི་སྐོར་ལ་གླེང་སློང་ཞུ་གི་ཡིན།

ཁ་སང་མཇུག་བསྒྲིལ་བའི་རྒྱ་ནག་རྒྱལ་ཡོངས་མི་དམངས་འཐུས་མི་ཚོགས་ཆེན་ཐོག་ལི་ཆང་སྲིད་བློན་ལ་བསྐོ་བཞག་བྱས་ཡོད་ཅིང་། དེང་སྐབས་རྒྱ་ནག་གི་དཔལ་འབྱོར་ལ་དཀའ་ངལ་དུ་མ་འཕྲད་བཞིན་ཡོད་པས་སྲིད་བློན་གསར་པས་གདོང་ལེན་བྱེད་དགོས་པའི་དཀའ་ངལ་ནི་དེ་སྔའི་སྲིད་བློན་ཚོ་ལས་ཇི་ཆེ་བ་ཡོད་པ་རེད།

༄༅།། བཅོས་རིག་སྟེ ChatGPT བེད་སྤྱོད་གཏང་འགོ་ཚུགས་པ་དེས་ང་ཚོར་སྐད་ཡིག་གི་འཇིག་རྟེན་གསར་པ་ཞིག་སྒོ་ཕྱེ་པ་ལྟར་དུ་གྱུར། བཅོས་རིག་གི་དུས་རབས་འདིར་བོད་ཀྱི་སྐད་ཡིག་ལ་གདོང་ལེན་བྱེད་དགོས་པའི་དཀའ་ངལ་གསར་པ་འཕྲད་བཞིན་ཡོད།

རྒྱ་ནག་གི་ལོ་རེའི་ཚོགས་ཆེན་གཉིས་ཏེ། ཆབ་སྲིད་གྲོས་ཚོགས་དང་མི་དམངས་འཐུས་མིའི་ཚོགས་ཆེན་གཉིས་པེ་ཅིང་དུ་འཚོགས་བཞིན་ཡོད་ཅིང་། ད་རེས་ཀྱི་ཚོགས་ཆེན་ཐོག་ཏུ་རྒྱ་ནག་གཞུང་གི་ལས་ཁུངས་ཁག་གི་སྒྲིག་གཞིར་བསྒྱུར་བཅོས་གཏང་རྒྱུའི་གྲོས་འཆར་ཁག་ཅིག་བཏོན་ཡོད་པ་དང་བཅོས་འགྱུར་དེ་དག་ནི་གོམ་པ་ཕྱི་བཤོལ་བྱས་པ་ཞིག་ཡིན་འདུག

ཡུཀ་རིན་དམག་འཁྲུག་མ་ལངས་གོང་ཞིས་ཅིན་ཕིང་གིས་ཨུ་རུ་སུ་དང་མུ་མཐའ་མེད་པའི་མཛའ་གྲོགས་ཀྱི་འབྲེལ་བ་ཞིག་ཏུ་འགྱུར་ཆོག་ཅེས་གསལ་བསྒྲགས་སྤེལ། ཞིས་ཅིན་ཕིང་གིས་དེང་སྐབས་ཉིན་ལྟར་དམག་འཁྲུག་གི་ཕམ་ཉེས་འབྱུང་བཞིན་པའི་ཨུ་རུ་སུའི་སྲིད་འཛིན་ཕུ་ཊིན་ལ་མུ་མཐུད་དུ་རྒྱབ་སྐྱོར་མ་བྱས་ཐབས་མེད་ཀྱི་རྒྱ་རྙི་ཞིག་ཏུ་ཚུད་ཡོད་།

བཅོས་རིག་ChatGPT ཟེར་བ་འདིའི་ནང་བོད་ཀྱི་ལོ་རྒྱུས་དང་ཆབ་སྲིད་སྐོར་འཚོལ་ཞིབ་བྱས་པའི་སྐབས་སུ་བཅོས་རིག་འདིས་ཆབ་སྲིད་ཀྱི་ལྟ་བ་དང་ལངས་ཕྱོགས་འདྲ་མིན་ཐོག་ཏུ་ལན་འདེབས་བྱེད་ཀྱི་འདུག་ཅིང་། དེང་སྐབས་ ChatGPT ལ་ཆབ་སྲིད་ཀྱི་ལྟ་བ་ཅི་འདྲ་ཞིག་དགོས་མིན་ཐད་བགྲོ་གླེང་མང་པོ་ཡོང་གི་ཡོད་།

ཨ་མི་རི་ཀར་བཅོས་རིག་སྟེ། ChatGPT བཀོལ་སྤྱོད་གཏོང་འགོ་ཚུགས་པའི་རྗེས་སུ་ཟླ་བ་རྗེས་མར་རྒྱ་ནག་གིས་ཀྱང་དེ་དང་འདྲ་བའི་བཅོས་རིག་གསར་པ་ཞིག་ཡོངས་ཁྱབ་ཏུ་བེད་སྤྱོད་ གཏང་ཡས་ཡོད་པ་ཞིག་བཟོ་རྒྱུ་ཡིན་ཞེས་གསལ་བསྒྲགས་བྱས་ཡོད་པས་ཨ་རྒྱའི་བཅོས་རིག་གི་འགྲན་རྩོད་དེ་སྔར་ལས་རྣོ་ངར་ཆེ་རུ་ཕྱིན་འདུག

ChatGPTཟེར་བའི་མི་བཟོས་རིག་ནུས་སམ། ཡང་ན་བཅོས་རིག་ཏུ་འབོད་པ་འདི་ཡོངས་ཁྱབ་ཏུ་བཀོལ་སྤྱོད་གཏོང་འགོ་ཚུགས་ཡོད་ཅིང་། འདི་ནི་འཕྲུལ་རིག་ལག་རྩལ་གྱི་གསར་བརྗེ་ཆེན་པོ་ཞིག་ལ་ངོས་འཛིན་བྱས་ནས་མི་ཚོས་བགྲོ་གླེང་ཤུགས་ཆེན་བྱེད་ཀྱི་ཡོད་པ་རེད། བསྐྱར་ཞིབ་ལེ་ཚན་ནང་དུ་ལག་རྩལ་གསར་པ་དེའི་སྐོར་ངོ་སྤྲོད་ཁག་ཅིག་ཞུ་རྒྱུ་ཡིན

འདས་པའི་གཟའ་མཇུག་དེར་ཨ་རིའི་གནམ་དམག་གིས་བྱང་ཨ་རིའི་མཁའ་དབྱིངས་སུ་འཕུར་ལྡིང་བྱེད་བཞིན་པའི་སྒང་ཕུག་གམ། འཕུར་གྲུ་གསུམ་ལ་འཕུར་མདེལ་བརྒྱབ་ནས་གཏོར་ཡོད་ཅིང་། དེ་བཞིན་རྒྱ་ནག་གཞུང་གིས་ཀྱང་ཡུལ་འདིའི་མཚོ་རྒྱུད་དུ་འཕུར་ལྡིང་བྱེད་བཞིན་པའི་སྒང་ཕུག་གཅིག་གཏོར་རྒྱུ་ཡིན་ཞེས་བསྒྲགས།

རྒྱ་ནག་གི་གསང་ཉུལ་སྒང་ཕུག་ཅིག་ཨ་རིའི་མཁའ་དབྱིངས་སུ་བསླེབས་ནས་ཉིན་ཤས་ཕྱིན་པའི་རྗེས་སུ་ཨ་རིའི་གནམ་དམག་གིས་འཕུར་མདེལ་བརྒྱབ་ནས་གཏོར་ཡོད་ཅིང་། འདི་ནི་རྒྱ་ནག་གི་གསང་ཉུལ་སྒང་ཕུག་ཅིག་ཨ་རིའི་མཁའ་དབྱིངས་སུ་བཏང་བའི་རྩོད་གཞི་ཁོ་ན་མིན་པར་ཕྱོགས་གཉིས་ཀྱི་འབྲེལ་བར་འགལ་ཟླ་སྣ་མང་ཞིག་ཡོད་པ་མཚོན་ཐུབ་ཀྱི་ཡོད་པ་རེད།

ན་ནིང་ཕྱི་ཟླ་༡༡་པའི་ནང་དུ་རྒྱ་ནག་གི་གྲོང་ཁྱེར་ཆེ་ཁག་ཏུ་གཞུང་ལ་ངོ་རྒོལ་གྱི་ཤོག་དཀར་ལས་འགུལ་ཞིག་ལངས་ཏེ་ཟླ་བ་༢་ལྷག་ཕྱིན་ཡོད་ཅིང་། དེང་སྐབས་རྒྱ་ནག་གཞུང་གིས་ཤོག་དཀར་ལས་འགུལ་ལ་ཞུགས་པའི་ངོ་རྒོལ་བ་རྣམས་རེ་རེ་བཞིན་འཛིན་བཟུང་བྱེད་བཞིན་ཡོད་འདུག

རྒྱ་ནག་གི་ས་གནས་སྲིད་གཞུང་ཁག་ལ་བྱུང་སོང་ཁ་མ་མཚུངས་པའི་དཀའ་ངལ་ཕྲད་ནས་ལོ་འགའ་ཞིག་ཕྱིན་ཡོད་ཅིང་། ད་དུང་དེའི་ཁར་འདས་པའི་ལོ་གསུམ་གྱི་རིང་ཏོག་དབྱིབས་ནད་དུག་སྔོན་འགོག་ཆེད་དུ་དམིགས་བསལ་གྱི་འགྲོ་སོང་ཆེན་པོ་བཏང་དགོས་བྱུང་སྟེ་རྒྱ་ནག་གི་ས་གནས་ཁག་ལ་ནོར་སྲིད་ཀྱི་དཀའ་ངལ་ཇེ་ཆེར་འགྲོ་བཞིན་ཡོད་པ་རེད།

རྒྱ་ནག་གི་མི་འབོར་ཉུང་དུ་འགྲོ་གི་ཡོད་པ་འདིས་རྒྱ་ནག་དང་འཛམ་གླིང་ཡོངས་ཀྱི་དཔལ་འབྱོར་སོགས་ལ་ཤུགས་རྐྱེན་ཐེབ་རྒྱུའི་སྐོར་ལ་མི་ཚོས་དོ་སྣང་ཆེན་པོ་བྱེད་བཞིན་པ་རེད་ དེ་རིང་ང་ཚོའི་བསྐྱར་ཞིབ་ལས་རིམ་ནང་རྒྱ་མིའི་མི་འབོར་ཉུང་དུ་འགྲོ་བཞིན་པ་འདིས་བོད་ལ་ཤུགས་རྐྱེན་གང་ཐེབས་སྲིད་པའི་སྐོར་ལ་གླེང་སློང་ཞུ་གི་ཡིན་

འདས་པའི་ལོ་གཉིས་ཡས་མས་ཤིག་གི་རིང་བྲོས་ཟེར་བའི་ཚིག་འདི་རྒྱ་ནག་གི་ཁེ་ལས་པ་ཚོས་བཀོལ་སྤྱོད་བཏང་བའི་མིང་ཚིག་གལ་འགངས་ཆེ་ཤོས་ཤིག་ཏུ་གྱུར་ཡོད་པར་མ་ཟད། ཐ་ན་དེང་སྐབས་རྒྱ་ནག་གི་སྤྱི་ཚོགས་དྲྭ་ལམ་ཁག་ཏུ་མིང་ཚིག་འདི་བཀོལ་སྤྱོད་བྱེད་མི་ཆོག་པ་ཞིག་ཏུ་གྱུར་འདུག

ཉེ་དུས་ཉི་ཧོང་གི་སྲིད་བློན་ཀི་ཤི་དྷ་ཨ་རི་གཙོས་མཐུན་གྲོགས་རྒྱལ་ཁབ་ཁག་ལ་འཚམས་འདྲིར་ཕེབས་ཏེ་རྒྱལ་ཁབ་དེ་དག་ལ་དམག་དོན་གྱི་འབྲེལ་བ་སྔར་ལས་དམ་ཟབ་གཏང་རྒྱུའི་གྲོས་མཐུན་ཁག་ཅིག་བཞག་ཡོད་པ་མ་ཟད། རྒྱལ་ནང་དུ་ཉི་ཧོང་གི་རྒྱལ་སྲུང་འགྲོ་གྲོན་ཧ་ལམ་ལྡབ་གཅིག་ཙམ་སྤར་ཡོད་།

རྒྱ་ནག་གིས་ཐེ་ཝན་ལ་བཙན་འཛུལ་བྱེད་སྲིད་པ་ནི་དེང་སྐབས་རྒྱལ་སྤྱིར་འཕྲད་བཞིན་པའི་ཉེན་ཁ་ཆེ་ཤོས་དེ་ཡིན་ཞིང་། གལ་ཏེ་རྒྱ་ནག་གིས་ཐེ་ཝན་ལ་བཙན་འཛུལ་བྱས་ན་དམག་འཁྲུག་དེ་གང་འདྲ་ཞིག་ཏུ་འགྱུར་སྲིད་མིན་ཐད། ཉེ་དུས་ཉམས་ཞིབ་པ་ཁག་ཅིག་གིས་ཚོད་ལྟའི་དམག་ཐབ་ཞིག་བྱས་འདུག

ལོ་གསར་པ་ཤར་བའི་དུས་སུ་འཛམ་གླིང་གི་དཔྱད་ཞིབ་པ་ཚོས་ལོ་གསར་པ་འདིའི་ནང་འཛམ་གླིང་གི་ཆབ་སྲིད་དང་དཔལ་འབྱོར། དེ་བཞིན་ཞི་བདེ་སོགས་ལ་ཉེན་ཁ་བཟོ་སྲིད་པའི་གནད་དོན་གཙོ་བོ་ཅི་ཡིན་སྔོན་དཔག་བྱེད་སྲོལ་ཡོད།

དེང་སྐབས་རྒྱ་ནག་ནང་བྱུང་བཞིན་པའི་ངོ་རྒོལ་གྱི་ལས་འགུལ་འདིའི་ནང་སྣེ་ཁྲིད་བྱེད་མཁན་མང་ཆེ་བ་ནི་རྒྱ་ནག་གི་མི་རབས་གསར་པའི་གཞོན་སྐྱེས་ཚོ་ཡིན་ཅིང་ དེའི་སྔོན་ལ་མི་རབས་གསར་པ་དེ་ཚོ་ནི་ཡང་ནང་རྒྱ་མིའི་མི་རིགས་རིང་ལུགས་ཀྱི་ངར་རྒྱས་ཅན་དང་ཡང་ན་རང་གི་ཁེ་ཕན་ཆུང་ཆུང་མཁོ་ན་མ་ཏོག་བསམ་རྒྱུ་མེད་པར་ངོས་འཛིན་བྱས་ཡོད་པ་རེད་

འདས་པའི་ཉིན་གཉིས་རིང་རྒྱ་ནག་གི་ས་ཁུལ་བཅུ་ཕྲག་འགའ་ཞིག་ཏུ་སྲིད་གཞུང་ལ་ངོ་རྒོལ་གྱི་རྔམ་སྟོན་ཁྲོམ་སྐོར་བྱས་པའི་གནས་ཚུལ་རིམ་པ་ཞིག་བྱུང་ཡོད་པ་མ་ཟད། ད་དུང་ཡང་ངོ་རྒོལ་ལས་འགུལ་དེ་ཚོ་ཞི་འཇམ་འགྲོ་རྒྱུའི་རྟགས་མཚན་མེད་ཅིང་། དེ་རིང་གི་ང་ཚོའི་པོ་ཌི་ཁ་སི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཞུ་རྒྱུ་ཡིན།།

རྒྱ་ནག་ལ་ཡུན་རིང་ཆབ་སྲིད་ཀྱི་དགོས་འདུན་བཏོན་ཏེ་ངོ་རྒོལ་ལས་འགུལ་བྱུང་བ་ཧ་ཅང་མཐོང་ཐོས་དཀོན་མོད། མདང་དགོང་ཧྲང་ཧེ་དང་པེ་ཅིང་གཙོས་རྒྱ་ནག་གི་གྲོང་ཁྱེར་མང་པོའི་ནང་དུ་ངོ་རྒོལ་ལས་འགུལ་གཞི་རྒྱ་ཆེ་བ་བྱུང་འདུག དེ་རིང་གི་ང་ཚོའི་པོ་ཌི་ཁ་སི་ལེ་ཚན་ལ་དེའི་སྐོར་གླེང་སློང་ཞུ་རྒྱུ་ཡིན།།

ཁ་སང་འཛམ་གླིང་རྐང་རྩེད་སྤོ་ལོའི་རྩེད་འགྲན་འཛམ་གླིང་གསེར་བུམ་ཁ་ཊར་རྒྱལ་ཁབ་ཏུ་འགོ་ཚུགས་ཡོད་ཅིང་། དཀྱིལ་ཤར་ས་ཁུལ་གྱི་རྒྱལ་ཁབ་ཆུང་ཆུང་དེར་འཛམ་གླིང་གི་རྩེད་འགྲན་ཆེ་ཤོས་ འདིའི་མགྲོན་བདག་ཇི་ལྟར་ཐོབ་མིན་ཐད་དེང་སྐབས་མི་མང་པོས་དོ་སྣང་བྱ་དགོས་པ་ཞིག་ཏུ་གྱུར་ཡོད་པ་རེད།

གཟའ་ཟླ་བའི་ཉིན་ཨ་རིའི་སྲིད་འཛིན་བྷ་ཌན་དང་རྒྱ་ནག་གི་འགོ་ཁྲིད་ཞིས་ཅིན་ཕིང་གཉིས་ངོ་ཐུག་སྟེ་མཇལ་འཕྲད་ཐེངས་དང་པོ་དེ་བྱུང་ཡོད་ཅིང་། དེ་རིང་གི་ང་ཚོའི་པོ་ཌ་ཁེ་སི་བསྐྱར་ཞིབ་ལེ་ཚན་ལ་ཆེས་མཐོའི་ལྷན་འཛོམ་དེའི་སྐོར་གླེང་སློང་ཞུ་རྒྱུ་ཡིན།།