བསྐྱར་ཞིབ། - ཨ་རིའི་རླུང་འཕྲིན་ཁང་།

ཨུ་རུ་སུས་ཁྱིམ་མཚེས་རྒྱལ་ཁབ་ཡུཀ་རེན་ལ་བཙན་འཛུལ་བྱས་པ་དང་རྒྱ་ནག་གིས་ཐེ་ཝན་ལ་དམག་གིས་འཇིགས་སྐུལ་བྱེད་ཀྱི་ཡོད་པ་སོགས་ཀྱིས་དེང་སྐབས་ནུབ་ཆིངས་ཀྱི་ལས་འགན་ཇེ་ཆེར་འགྲོ་བཞིན་ཡོད་ཅིང་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་རྒྱུ་ཡིན།།

འདས་པའི་ཉིན་ཤས་རིང་ཨ་རིའི་ནོར་སྲིད་དྲུང་ཆེ་ལྕམ་ཡེ་ལཱེན་རྒྱ་ནག་ལ་འཚམས་འདྲིར་ཕེབས་ཏེ་སྲིད་བློན་ལི་ཆང་སོགས་ལ་ཆུ་ཚོད་མང་པོར་གྲོས་མོལ་གནང་ཡོད་ཅིང་། ད་རེས་ཀྱི་འཚམས་འདྲི་འདིས་ཨ་རྒྱའི་འབྲེལ་བར་ཤུགས་རྐྱེན་གང་འདྲ་ཞིག་ཐེབས་སྲིད་མིན་ཐད་ལྟ་ཚུལ་འདྲ་མིན་ཞིག་ཐོན་འདུག

ལོ་ཤས་གོང་ནས་ཞིས་ཅིན་ཕིང་གིས་ཨུ་རུ་སུར་མཐུན་གྲོགས་བསྒྲིགས་ཏེ་ཨ་རིར་ཁ་གཏད་གཅག་རྒྱུའི་ཐབས་ཇུས་ཤིག་བཟུང་མོད། འོན་ཀྱང་ཡུན་རིང་གི་ཐབས་ཇུས་ཀྱི་དམིགས་ཡུལ་འདི་འགྲུབ་པར་ཕུ་ཊིན་གྱི་སྲིད་དབང་བརྟན་དགོས་ཤིང་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་ཞིས་ཅིན་ཕིང་རྩིས་ནོར་ཐེབས་ཡོད་མེད་ཐད་གླེང་སློང་ཞུ་རྒྱུ་ཡིན།

ཉེ་དུས་ཨུ་རུ་སུའི་སྲིད་འཛིན་ཕུ་ཊིན་ལ་འབྲེལ་བ་ཧ་ཅང་ཉེ་པོ་ཡོད་པའི་གླས་དམག་གི་འགོ་ཁྲིད་པ་རི་གྷོ་ཞིན་གྱིས་གྱེན་ལོག་བྱས་ཡོད་ཅིང་། དེང་སྐབས་ཕུ་ཊིན་དང་འབྲེལ་བ་ཧ་ཅང་ཉེ་པོ་ཡོད་པའི་ནང་ཁུལ་གྱི་མཐོ་རིམ་འགོ་ཁྲིད་ཚོར་བློ་འཚབ་བྱེད་ཡས་ཀྱི་གདན་དོན་ཇེ་མང་དུ་འགྲོ་བཞིན་པའི་གནས་ཚུལ་ཐོན་འདུག

འདས་པའི་གཟའ་འཇུག་དེར་ཨུ་རུ་སུར་དྲག་པོའི་གྱེན་ལོག་དང་ནང་འཁྲུག་སོགས་ཀྱི་གནས་ཚུལ་མང་པོ་བྱུང་ཡོད་ཅིང་། ད་ལྟ་ཟང་ཟིང་གི་གནས་ཚུལ་མང་ཆེ་བ་ཞི་འཇམ་ཕྱིན་ཡོད་ཀྱང་ཨུ་རུ་སུའི་ནང་འཁྲུག་དང་ངོ་ལོག་གི་ཤུགས་རྐྱེན་ངོ་མ་དེ་ད་གཟོད་འགོ་ཚུགས་ཀྱི་ཡོད་པ་རེད། དེ་རིང་གི་ང་ཚོའི་ལེ་ཚན་ལ་དེའི་སྐོར་གླེང་སློང་ཞུ་རྒྱུ་ཡིན།།

དེ་རིང་སྲིད་འཛིན་བྷ་ཌན་ནས་རྒྱ་གར་གྱི་སྲིད་བློན་མོ་དྷིར་དགའ་བསུའི་མཛད་སྒོ་གཟབ་རྒྱས་ཤིག་འཚོགས་ཀྱི་ཡོད་ཅིང་། དེང་སྐབས་རྒྱལ་སྤྱིའི་ཁོར་ཡུག་ནང་དུ་ཨ་རི་དང་རྒྱ་གར་གྱི་འབྲེལ་བ་ཧ་ཅང་གལ་ཆེན་ཞིག་ཏུ་གྱུར་ཡོད་པས་ཕྱོགས་གཉིས་ཀྱི་འབྲེལ་བ་འདི་དམ་ཟབ་ཅི་ཙམ་འགྲོ་ཐུབ་མིན་ཐད་མི་ཚོས་དོ་སྣང་བྱེད་ཀྱི་ཡོད་།།

༄༅། །ཨ་རིའི་ནང་ཕེབས་འབྱོར་ཟིན་པའི་རྒྱ་གར་གྱི་སྲིད་བློན་ན་རེན་ཌ་མོ་རྡི་མཆོག་གི་ཨ་རིར་རྒྱལ་དོན་འཚམས་གཟིགས་དེ་ཆགས་ཀྱི་ཡོད་པས་དེའི་གནད་འགག་དང་མཇུག་འབྲས་ཇི་བྱུང་སོགས་ཀྱི་ཐོག་སི་ཨེན་ཨེན་གསར་འགྱུར་ལས་ཁང་གིས་ཆབ་སྲིད་བསྐྱར་ཞིབ་པས་བསམ་ཚུལ་འདོན་སྤེལ་བྱས་པ་དེ་པདྨ་བདེ་ཆེན་ལགས་ཀྱིས་སྙན་སྒྲོན་ཞུ་ཡི་རེད།

ད་ལོའི་མགོ་སྟོད་དུ་དཔལ་འབྱོར་ཉམས་ཞིབ་པ་མང་པོས་ནད་ཡམས་བཀག་སྡོམ་མཇུག་སྒྲིལ་བའི་རྗེས་སུ་རྒྱ་ནག་གི་དཔལ་འབྱོར་མདུན་སྐྱོད་ཆེན་པོ་བྱེད་ཐུབ་རྒྱུའི་ཚོད་དཔག་བྱས་ཡོད་ཀྱང་། དེང་སྐབས་རྒྱ་ནག་གི་དཔལ་འབྱོར་ལ་དཀའ་མང་པོ་ཞིག་འཕྲད་བཞིན་ཡོད་པས་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཞུ་རྒྱུ་ཡིན།།

འདས་པའི་ལོ་གཅིག་ལྷག་ལ་ཨུ་རུ་སུའི་མི་དམངས་ཀྱི་ངོས་ནས་བཤད་ན་ཡུཀ་རེན་གྱི་དམག་འཁྲུག་དེ་རང་གི་ཉིན་རེའི་འཚོ་བར་ཐད་ཀར་འབྲེལ་བ་མེད་པ་ཞིག་ཏུ་སྣང་། ད་ལྟ་དམག་འཁྲུག་དེ་རིམ་བཞིན་ཨུ་རུ་སུའི་རྒྱལ་ནང་དུ་ཁྱབ་ཀྱི་ཡོད་ཅིང་། དེ་རིང་གི་ང་ཚོའི་སྐྱར་ཞིབ་ལེ་ཚན་ལ་དེའི་སྐོར་གླེང་སློང་ཞུ་རྒྱུ་ཡིན།

༄༅། །རྒྱ་གར་གྱི་མངའ་སྡེ་ཨོ་ཌི་ཤར་མེ་འཁོར་གྱི་རྡུང་ག་འཚབ་ཆེན་པོ་བྱུང་རྗེས་རྒྱ་གར་གྱི་མེ་འཁོར་ཇི་ཙམ་བརྟན་ཚུགས་དང་ཡིད་བརྟོན་རུང་བ་ཡིན་པའི་སྐོར་ལ་འཕྲུལ་རིག་མཁས་པ་ཚོས་བགྲོ་གླེང་བྱེད་ཀྱི་ཡོད་པ་དང་། །ད་ལམ་དོན་རྐྱེན་དེར་ཞིབ་དཔྱོད་འགོ་འཛུགས་བྱས་ཡོད་པའི་སྐོར་འཕྲིན་ལས་ཆོས་སྒྲོན་གྱིས་སྙན་སྒྲོན་ཞུ་ཡི་རེད།

སྤྱི་ཟླ་༦་པའི་ཚེ་༢་ཉིན་ལྷོ་ཀོ་རི་ཡའི་རྒྱལ་ས་སོལ་གྲོང་ཁྱེར་དུ་མན་ཇུའི་རྒྱལ་ཁབ་སླར་གསོའི་བརྗོད་གཞིའི་ཐོག་ཏུ་འབྲེལ་ཡོད་མི་སྣ་བརྒྱ་ཕྲག་འགའི་ལྷན་ཚོགས་ཤིག་བསྐོངས་འདུག དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་ཚོགས་འདུ་དེའི་སྐོར་གླེང་སློང་ཞུ་རྒྱུ་ཡིན།

རྒྱ་ནག་གཞུང་གིས་པེ་ཅིང་གནམ་བདེ་སྒོ་མོ་ཆེའི་ཐང་གི་དམངས་གཙོའི་ལས་འགུལ་ལ་དྲག་གནོན་བྱས་ནས་ལོ་༣༤་ཕྱིན་ཡོད་ཅིང་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་ངོས་རང་བོད་པ་ཞིག་གི་ངོས་ནས་སྐབས་དེའི་རྒྱ་ནག་གི་དམངས་གཙོའི་ལས་འགུལ་དེ་གང་འདྲ་ཞིག་མཐོང་བའི་མྱོང་ཚོར་ཁག་ཅིག་ཞུ་རྒྱུ་ཡིན།

ཨ་རིའི་རྒྱལ་ས་ཝ་ཤིང་ཊོན་དུ་བཅའ་སྡོད་ཐེ་ཝན་གྱི་སྐུ་ཚབ་ལ་གཞུང་ཚབ་ཆེན་མོ་ཞེས་འབོད་ཆོག་གི་མེད་ཅིང་། ལྕམ་ཤའོ་མེ་ ཆིན་ནི་རྒྱལ་ས་ཝ་ཤིང་ཊོན་དུ་ཕྱི་རྒྱལ་གྱི་སྐུ་ཚབ་བརྒྱ་ཕྲག་ཡོད་པ་དེ་དག་གི་གྲས་ནས་ཤུགས་རྐྱེན་ཆེས་ཤོས་དེར་ངོས་འཛིན་ཞུ་བཞིན་འདུག

འདས་པའི་ལོ་མང་རིང་གསང་བའི་ཐོག་ནས་དྲྭ་ལམ་དུ་རྩོམ་བྲིས་ཏེ་རྒྱ་ནག་མི་དམངས་ཀྱི་བློ་སྒོ་འབྱེད་མཁན་རན་ཤའོ་ཧན་ལ་ཉེ་དུས་ལོ་བདུན་གྱི་བཙོན་འཇུག་གི་ཁྲིམས་ཐག་བཅད་ཅིང་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་རན་ཤའོ་ཧན་ཟེར་ན་དེ་སུ་ཡིན་དང་བོད་པ་དྲྭ་ལམ་རྩོམ་འབྲི་བ་འཇིགས་མེད་རྣམ་རྒྱལ་སོགས་ངོ་སྤྲོད་ཞུ་རྒྱུ་ཡིན།

གཟའ་འཁོར་སྔོན་མར་ཨུ་རུ་སུའི་དམག་དཔུང་གིས་ཡུཀ་རེན་གྱི་བྷག་མུ་ཏ་གྲོང་ཁྱེར་ལེན་ཐུབ་ཙམ་བྱུང་མོད། འོན་ཀྱང་རྒྱལ་ཁ་དེས་ཨུ་རུ་སུའི་དམག་གི་སྟོབས་ཤུགས་མཚོན་རྒྱུའི་ཚབ་ཏུ་ཨུ་རུ་སུའི་དམག་དཔུང་གི་ནང་ཁུལ་དུ་འཁྲུག་རྩོད་ཧ་ཅང་རྣོ་ངར་ལྡན་པ་ཞིག་འབྱུང་གི་ཡོད་པ་ཕྱི་ལ་མངོན་འདུག

འཛམ་གླིང་གི་འབྱོར་ལྡན་རྒྱལ་ཁབ་བདུན་གྱི་ཆེས་མཐོའི་ལྷན་ཚོགས་དེ་ཉི་ཧོང་དུ་མཇུག་སྒྲིལ་བའི་སྐབས་སུ་དམངས་གཙོའི་མཐུན་གྲོགས་ རྒྱལ་ཁབ་བདུན་པོས་རྒྱ་ནག་ལ་གཅིག་གྱུར་གྱི་སྲིད་ཇུས་ཤིག་འཛིན་རྒྱུ་ནི་ཐེངས་འདིའི་ལྷན་ཚོགས་དེའི་ཐག་གཅོད་ གཙོ་བོ་ཞིག་ཏུ་གྱུར་འདུག

ཨ་རིའི་སྲིད་འཛིན་གྱི་ཕོ་བྲང་དཀར་པོ་དང་གྲོས་ཚོགས་འོག་མའི་སྤྱི་མཐུན་ཚོགས་པའི་འཐུས་མི་གྲངས་མང་ཟུང་གིས་ཨ་རིའི་དབུས་གཞུང་གིས་བུ་ལོན་བསྐྱི་ཕྱོགས་དང་བུ་ལོན་ཚད་མང་ཤོས་ཅི་ཙམ་ལེན་ཆོག་མིན་ཐད་རྩོད་གླེང་ཧ་ཅང་ཆེན་པོ་བྱེད་ཀྱི་ཡོད་ཅིང་། དེ་རིང་གི་ང་ཚོས་བུན་ལོན་དང་འབྲེལ་བ་ཡོད་པའི་ཆབ་སྲིད་སྐོར་གླེང་སློང་ཞུ་རྒྱུ་ཡིན།

བོད་ནང་གི་གློང་བརྙན་ཁྲབ་འཁྲིད་པ་པདྨ་ཚེ་བརྟན་གློ་བུར་དུ་འདས་གྲོངས་སུ་གྱུར་པའི་ཡིད་སྐྱོའི་གནས་ཚུལ་ཐོན་འདུག པདྨ་ཚེ་བརྟན་ནི་དེང་དུས་བོད་ནང་གི་རྩོམ་པ་པོ་དང་སྒྱུ་རྩལ་བ་ཧ་ཅང་དམིགས་བསལ་ཅན་ཞིག་ཡིན་ཞིང་། དེ་རིང་ང་ཚོའི་ལེ་ཚན་ནང་ཁོང་གི་གློག་བརྙན་སྒྱུ་རྩལ་དང་གོ་དོན་སོགས་ཀྱི་མཐོང་ཚུལ་འགའ་སྙན་སྒྲོན་ཞུ་ཡི་ཡིན།།

ཟླ་བ་འདིར་རྒྱ་གར་གི་མི་འབོར་རྒྱ་ནག་ལས་མང་དུ་ཕྱིན་ཏེ་འཛམ་གླིང་གི་མི་འབོར་མང་ཤོས་ཀྱི་རྒྱལ་ཁབ་དེར་གྱུར། རིང་མིན་རྒྱ་གར་གྱིས་དེ་སྔ་རྒྱ་ནག་གིས་བསྒྲུབས་པ་ལྟར་མི་འབོར་བེད་སྤྱོད་བཏང་ནས་དཔལ་འབྱོར་འཕེལ་རྒྱས་མྱུར་པོ་ཞིག་གཏང་ཐུབ་མིན་ཐད་དེང་སྐབས་མི་ཚོས་དོ་སྣང་ཆེན་པོ་བྱེད་ཀྱི་ཡོད་།

བཅོས་རིག་གམ། མི་བཟོས་རིག་ནུས་ཀྱི་ནུས་པ་མྱུར་དུ་ཆེ་རུ་ཕྱིན་ཡོད་པར་མ་ཟད། བཟོ་ཚོང་ལས་ཁུངས་ཕན་ཚུན་དང་རྒྱལ་ཁབ་ཁག་བཅོས་རིག་གི་ལག་རྩལ་ཐད་འགྲན་རྩོད་ཆེན་པོ་ཞིག་ཚུགས་ཡོད་ཅིང་། ད་ལྟའི་བཅོས་རིག་ལག་རྩལ་འདི་ཐོག་མར་གསར་གཏོད་བྱེད་མཁན་གྱིས་མི་བཟོས་རིག་ནུས་འདི་ཉེན་ཁའི་དུས་སུ་བསླེབས་ཡོད་པའི་ཉེན་བརྡ་བཏང་འདུག

གཟའ་འཁོར་སྔོན་མ་རྒྱ་ནག་གཞུང་གི་ཁྲིམས་ཁང་ཞིག་གིས་ཁྲིམས་རྩོད་པ་གྲགས་ཅན་ཤུའི་ཀྲི་ཡུང་ལ་རྒྱ་ཁབ་ཀྱི་སྲིད་དབང་མགོ་རྟིང་སློག་ཐབས་བྱས་པའི་ཉེས་འཛུགས་བྱས་ནས་ལོ་བཅུ་བཞི་ལ་བཙོན་འཇུག་གི་ཁྲིམས་ཐག་བཅད། སྐུ་ཞབས་ཤུའི་ཀྲི་ཡུང་ནི་ཡུན་རིང་ནས་བོད་པའི་ཐོབ་ཐང་ལ་དོ་སྣང་གནང་མཁན་ཞིག་ཡིན་།

ཧྥ་རན་སིའི་སྲིད་འཛིན་མེཀ་རོན་རྒྱ་ནག་ལ་ཕེབས་ཏེ་ཞིས་ཅིན་ཕིང་ལ་ཐུག་འཕྲད་གྲོས་མོལ་བྱུང་ཞིང་། ཁོང་གིས་ཡུ་རོབ་ཀྱིས་རྒྱ་ནག་ལ་འཛིན་པའི་སྲིད་ཇུས་དེ་ཨ་རིའི་རྗེས་སུ་འབྲངས་པ་ཞིག་མ་ཡིན་པར་རང་བཙན་གྱི་ལངས་ཕྱོགས་ཤིག་འཛིན་དགོས་ཞེས་བཤད་པ་དེར་སྐྱོན་བརྗོད་བྱེད་མཁན་ཤུགས་ཆེན་འབྱུང་གི་ཡོད་པའི་གནས་ཚུལ་ཐོན་འདུག

གཟའ་ལྷག་པའི་ཉིན་ཨ་རིའི་གྲོས་ཚོགས་ཀྱི་ཚོགས་གཙོ་དང་ཐེ་ཝན་གྱི་སྲིད་འཛིན་གཉིས་མཇལ་འཕྲད་བྱུང་ཡོད་ཅིང་། ཉེ་དུས་ཤིག་ནས་ཨ་རི་དང་ཐེ་ཝན་གྱི་མཐོ་རིམ་དབུ་ཁྲིད་ཁག་མཇལ་འཕྲད་གནང་རྒྱུ་ཇེ་མང་དུ་འགྲོ་བཞིན་ཡོད་པར་མ་ཟད། རྒྱལ་ཁབ་དེ་དག་གི་འབྲེལ་བའི་ལམ་སྲོལ་གསར་པ་ཞིག་ཏུའང་འགྱུར་བཞིན་ཡོད་འདུག

རེས་གཟའ་ཉི་མའི་ཉིན་ཨུ་རུ་སུའི་དམག་དོན་དྲྭ་ལམ་དུ་རྩོམ་ཡིག་འབྲི་མཁན་སྐད་སྒྲགས་ཅན་ཞིག་ལྐོག་གསོད་བྱས་ཡོད་ཅིང་། ཨུ་རུ་སུས་ཁྱིམ་མཚེས་རྒྱལ་ཁབ་ཡུཀ་རེན་ལ་བཙན་འཛུལ་བྱས་པ་ནས་བཟུང་། ཨུ་རུ་སུའི་རྒྱལ་ནང་དུ་དམག་འཁྲུག་གི་སྐོར་ལ་དྲྭ་ལམ་དུ་གནས་ཚུལ་སྤེལ་མཁན་ཁག་ཅིག་བྱུང་ཡོད་པ་དེ་དག་གི་ཤུགས་རྐྱེན་ཆེ་རུ་འགྲོ་བཞིན་ཡོད་

ཐེ་ཝན་གྱི་སྲིད་འཛིན་ཚེ་དབྱིན་ཝེན་ཨ་མི་རི་ཀར་ཕེབས་ཏེ་དེ་འཚམས་འདྲི་གནང་འགོ་ཚུགས་འདུག དེ་བཞིན་ཉིན་ཤས་གོང་ནས་ཐེ་ཝན་གྱི་སྲིད་འཛིན་ཟུར་པ་མ་དབྱིན་ཇུག་ཀྱང་རྒྱ་ནག་ལ་འཚམས་འདྲིར་ཕེབས་ཡོད་ཅིང་། ཚེ་དང་མ་གཉིས་ཀྱི་འཚམས་འདྲི་འདིས་ད་ལྟའི་ཐེ་ཝན་གྱི་གནས་སྟངས་མ་འདྲ་བ་གཉིས་མཚོན་ཐུབ།