Hefnendurnir

Hulkleikur Dagsson og ÆvorMan Grímsson búa sig undir páskahret með því að etja saman eingyðistrú og fjölgyðistrú, lúffa fyrir erfiðleikum streymisveitusveltis og minnast lítilega á elskhuga gilmore mæðgna. 

Öndunarvélarbræðurnir taka nauðsynlegt spjall um live action disney remake slop, líkamshrylling oflimaðs kónulóarmanns, gervigreind Orsons Wells, brottför Chuckys og hljómsveitina 30 seconds to ass. 

Leikur Hulksins og Maður Ævorsins fara yfir afhendingar akademíunnar, vandræði vampýrubanans og grænbúningaleysi geimlögreglunnar. 

Hefnendurnir taka heljarstökk í þróunarsögu sinni og kynna til sögunnar nýja áskrifatrmöguleika! Hverjir halda þeir að þeir séu? Stöð tvö árið 1986? But seriously, folks. Tékkið á Patreon.com/hefnendurnir ef þið viljið gerast Neðanjarðarbúar. 

Ævar hristir af sér veiru og ræðir við Hulla sinn um mennskar puntsvínstennur, dvínun treksins og sjö kraftmiklar framhaldsmyndir.

Hulli er aleinn því Ævar er veikur. En ekki örvænta! Hann promptaði til sín gestastjórnanda og saman ræða þau heima og geima. Bæði kjötheima og sæbergeima. 

Hulli og Ævar spyrja hvorn annan alveg heilar tvær til þrjár spurningar um Gremlins, bera saman sjálfleikandi hasarhetjur og minnast hins villta vísindasumars áttumiðjunnar áður en þeir gefa Blossa þau props sem hann á skilið. 

Hetjurnar okkar hætta við gerast guðir og gerast maðkar í staðinn er þeir fabúlera um stiklur súpuskálarinnar, hrauna yfir hraunara, troða vampýrum í kynsegin stafrófið og tuða stefnulaust um rómantík.

Hefnendurnir hringhvolfa augunum yfir Herra Skepnu, velta vöngum yfir verkefnum Vin Diesels, hafa engin svör um hið rétta andlit Hobgoblins og syrgja bestu leikkonu í heimi. 

Samdægurs síðasta þætti en samt viku síðar spjalla Hulli og Ævar enn frekar um stiklu Garps, spá í tilnefningar Óskars og syrgja mikilvægustu menningarstofnun mjóddarinnar. 

Hetjurnar hringjast úr sitthvoru landshorninu og ræða bangera Webbers, illa lyktandi He-Man kalla, framhald Grænlands og grínskrínaða hobbita. 

Hetjurnar okkar láta sig dreyma um útópískt rækjugúmbó, telja saman fjóra fræknustu fjarkana, melta möguleg marvelísk memberber og segja sjáumst við skrítnari hluti.

ÆvorMan og Hulkleikur veita bíómyndum og sjónvarpsþáttum síðasta árs virtustu ímynduðu bransaverðlaunin landsins.

ÆvorMan og Hulkleikur halda uppá 200 þátta afmæli með jarðarbúum! Þeir ræða leðurblökur verkalýðsins, slaufuð sagnaskáld, gikkjagleði Hans Óla, partý á öðrum plánetum, sundhallarakyttur, disneydýrablöndur, þrífætta fimmtudaga, leiðinlegar ljósmyndadúkkur, greddu Svals, mennskar sjálfshjálpargeimverur, húðflúraða jólasveina, bennatvennur, sverð, sandala, seiðkarla og íþróttir.

Hetjurnar okkar jafna sig á spurningakeppnis-tráma, fara yfir best of lista sem einhver leikstjóri útí bæ gerði og undirbúa sig undir 200 þátta afmæli.

Hetjurnar okkar syrgja Udo og Larry, skrifa ímyndað bréf til Tarantino og spyrja hvorn annan ofurhetjuspjörunum úr. 

Hulkleikur og Ævorman kryfja kveðju Indjána Jóns, brjálast yfir internetbrjáli, eru down with the Downton og mæla með morð-róbótum og róbóta-risaeðlum.

Hulli og Ævar baða sig í fortíðarþrá. Fyrst í fjarlægri VHS nostalgíu og svo í nýlegri gláps-upprifjun og komast að óvæntri niðurstöðu um besta marvel þáttinn.

Ævor Man og Hulkleikur hafa engu gleymt og snúa aftur eins og ekkert hafi í skorist og tala um framtíð Star Wars, tilvistarkreppu Doctor Who og smekk Marge Simpson.

Hetjurnar okkar halda ótrauðar áfram í upprifjun sinni á tímans rás til að hita upp fyrir spánýja þætti á Storytel.

Hulkleikur og Ævorman halda áfram niður braut hefndurminninganna í undirbúningi fyrir hefndurkomu Hefnenda á Storytel. Hvað ætli þeir muni í þessum þætti?

Reboot Hefnenda er handan hornsins og í tilefni þess minnast Hulli og Ævar sinna fyrstu ævintýra sem gerðust fyrir alveg aðeins meira en hálfum áratug síðan.

Hulkleikur snýr aftur á klakann og Ævorman treður í hann hamborgurum og bláberjum. Þeir gera sitt besta til að sigrast á kjötsvimanum á meðan þeir ræða um skáskot Jada Pinkett-Smith, Rómarveldið Abrams og mögulegar stafsetningarvillur í víkingaleikjum, áður en Hulli egnir til slagsmála með feitri bombu um Kardemommubæinn.

Ævormann býður Hullann velkominn frá plánetunni Ber-Lin yfir í Stark Tower, þar sem þeir taka fyrir mikilvægustu málefnin, nemlig: Battinson, Sjálfsmorðsliðana og annað désadæmi… og tala síðan aðeins um eina af dauðasyndum bíógláps: að tala meðan ÉG ER AÐ REYNA AÐ HORFA!

Hetjurnar okkar hittast yfir frelsisöli til að ræða um póstkví, blakkfeisoff, smitfaðmlög og Dale Carnegie handabönd og þessa óþolandi áráttu sumra til að vera stöðugt að gefa manni óumbeðin power move kreistuknús!