Driesestig

In hierdie week se landbounuus: Rooivleisbedryfsdienste kondig ’n samewerkingsooreenkoms aan met ‘n Argentynse dieregesondheidsmaatskappy om die bedryf se reaksie op bek-en-klouseer te versterk; Suid-Afrika is op koers om sy grootste kommersiële mielie-oes nóg te lewer; ‘n vroue-veeprodusent van die Noord-Kaap is as die 2026 Veeplaas Klimaatslim Ambassadeur aangewys; en onwettige handel in beskerm...

Prof. Phillip Strydom verduidelik hoe jy jou vleis in die winkel kies, en of dit waarna jy kyk ’n uitwerking het op die kwaliteit op jou bord.

Tarona Taafaki het Tuvalu se eerste Statebondspele-medalje gekry. Sy het ‘n bronsmedalje vir boks, hoewel sy nie ‘n geveg of selfs ‘n rondte in ‘n geveg gewen het nie.

Haidee Muller-Isaacs gesels met die tienjarige Mischke Greyvensteyn, wat onlangs in Las Vegas gekroon is as die top junior jong aktrise in die wêreld by die Wêreldkampioenskappe vir Uitvoerende Kunste. Dis nie 'n sommerso pluimpie nie. Hulle noem dié talentkompetisie immers die Olimpiese Spele van die uitvoerende kunste. Boonop het Mischke opgetree op presies dieselfde verhoog in Las Vegas waar El...

Die wenner van Kokkedoor Son & See, Dirk van der Westhuizen, vertel vir Martelize Brink hoe hy al oor die vingers getik is oor bruinpoeding, en van ’n nuwe nasionale bruinpoeding-kompetisie.

Kos- en kultuurhistorikus Hetta van Deventer-Terblanche gesels oor die verskeie vorme van bruinpoeding.

‘n Britse fietsryer het ‘n verkeersoortreding aangemeld met ‘n video. Dit het egter ook gewys hoe hy twee oortredings begaan, waarvoor hy meer as R27 000 beboet is!

Namakwaland se blomme is vroeg vanjaar, en ‘n fees vir die oog. Die talle toeriste, aan veral die Weskus-Namakwaland, loop hulle soms vas in die skerp geur wat bo die branders en bamboes kan uitsweef - ‘n trossie bokkoms. Johan Rademan het met Heidie Boonzaaier van Lambertsbaai gesels oor dié kultuurhistoriese simbool van die Weskus en Namakwaland.

Dieetkundige Valpré Huisamen praat oor water, en hoeveel ‘n mens behoort te drink. Dit verskil van mens tot mens.

Ná 20 jaar word ‘n dorp in Kanada verlos van die reuk van vrot vissous. ‘n Maatskappy het die fasiliteit met 110 tenke net so gelos. Dit gaan uiteindelik verwyder word.

Cor Uys vertel vir Martelize Brink van ‘n talentkompetisie vir mense bo 50. Hy sê by die Andante Plus 50-kompetisie is wen nie so belangrik soos deelname nie. Dis ‘n geleentheid om jou talente af te stof.

Martin de Kock (39) vier vanjaar sy twintigste jaar as fotograaf. Haidee Muller-Isaacs het hom destyds ontmoet toe sy as joernalis by Huisgenoot gewerk het. Martin was pas klaar met skool, en superentoesiasties. Saam het hy en Haidee die langpad aangedurf agter stories aan. En dan was daar die keer toe hulle moes weghardloop vir Prins Harry se kwaai sekuriteitswagte! Ja, hulle het perfekte foto's...

‘n Kanadese politikus het die internet aan die gons nadat hy ‘n toespraak gelewer het, wat met behulp van KI geskryf is. Die raad wat KI gegee het, is per ongeluk in die toespraak ingesluit.

Sanger Emilie Minnie vertel vir Martelize Brink van sy ervarings in Oesbekistan, waar hy skoolhou.

Calla du Toit praat oor die ontwikkeling van appelvariëteite soos Pink Lady, wat jare kan duur.

In Japan is daar nou yskaste wat gemaak vir een mens om in te pas. Die doel is om vir ‘n kort tydjie die erge hitte te ontsnap.

In hierdie week se landbounuus: Graan SA spreek sy misnoeë uit oor die JSE se besluit oor sojaboon-liggingsdifferensiaal; Mosambiek wil sy afhanklikheid van Suid-Afrikaanse groente verminder; die Suid-Afrikaanse Pluimveevereniging doen ’n beroep op die landbouminister om ’n nasionale voëlgriep-inentingsprogram te bespoedig; en rosyntjieprodusente oorskry die honderd duisend ton leweringsmerk.

Mediapersoonlikheid Ingrid Jones het tydens 'n besoek aan haar dogter in Seoel, Suid-Kore,a halsoorkop verlief geraak op dié land en sy kultuur. Sy vertel vir Haidee Muller-Isaacs wat sy alles ervaar het doer anderkant die water.

Kos- en kultuurhistorikus Hetta van Deventer-Terblanche praat oor dille, wat vars of as saad gebruik kan word.

Weens hitte moedig die regering in Japan mans aan om hul baadjie-en-das-werksdrag te ruil vir kortbroeke, t-hemde en tekkies. Vroue kla nou oor beenhaarteistering met dié dat hulle daarin moet vaskyk. Om hulle in ag te neem, laat laser somminge mans nou hulle beenhare.

By die Kogman & Keisie-gasteplaas op Montagu maak Liana Jansen van FIJN Botanicals parfuum uit die veld. Jy kan ‘n dag saam met haar in die ryk geskiedenis van die omgewing pluk en delf. Johan Rademan was daar.

Dieetkundige Valpré Huisamen vertel hoe jy kos kan kies wat jou toelaat om meer te eet en voller te voel, maar steeds minder kalorieë in te kry.

Die eienaar van ‘n restaurant met 2 Michelinsterre in Seoel is in die moeilikheid oor miere op die spyskaart. Buiten vir ‘n boete van sowat R224 000, vra aanklaers ook vir ‘n jaar tronkstraf.

Haidee Muller-Isaacs het die 2017-naaswenner van die Agri's Got Talent-sangwedstryd opgespoor. Jason Baartman was destyds 'n algemene werker, en deesdae is hy 'n junior produksiebestuurder wat sy storie met appels ken. Hy kweek sommer self appelbome, vertel dié jong landbouman van Ceres.

Dr. Mandie Uys vertel wat ons kan leer by Ethiopië, en die laaste Salomoniese keiser, Haile Selassi.