Driesestig

Daar was ‘n glips met die ontwerp van die Syndey-marathon se medaljes. In plaas van Sydney se Allianz Stadion verskyn München in Duitsland se Allianz Arena saam met ander Sydneybakens op die medalje.

Mariene bioloog Maryke Musson vertel vir Martelize Brink van die sardynherpes wat sardyntjies aan die Weskus het, en die impak wat die siekte in Nieu-Seeland en Australië gehad het.

In hierdie week se landbounuus: Graan SA en ‘n aantal bedryfsvennote oorhandig ‘n petisie aan die JSE. Kommer oor die verspreiding van bek-en-klouseer in die Oos-Kaap. SA se landboubedryf groei met gemiddeld sowat 3% per jaar. Indië keur nuwe uitvoervoorwaardes vir Suid-Afrikaanse sitrus goed.

Prof. Phillip Strydom vertel vir Martelize Brink wat die terme, organies, vrylopend, graangevoer en grasgevoer beteken op die etikette op vleis.

Motorverkoopsman Clément Vandenkerckhove is verlede week erken as ‘n Belgiese prins, egter sonder koninklike toelae, amptelike pligte en aanspraak op die Belgiese troon. Prins Clément se ma het ‘n verhouding met die koning se broer, prins Laurent, gehad voor sy huwelik met prinses Claire in 2003.

Haidee Muller-Isaacs was onlangs op Ceres waar sy 'n paar plaasvroue toegespreek het op Vrouedag. Daar het haar paaie gekruis met Anna Nel van Vastrap. Dié het daar aangekom met 'n boksie uie as geskenk, want haar wêreld se uie is die beste - vars uit die grond uit.

Kos en kultuurhistorikus Hetta van Deventer-Terblanche praat oor kosmites soos dat jy ‘n bietjie olie by die water moet sit wanneer jy pasta kook om te keer dat dit aan mekaar vassit.

In China is die film, Niu Lai, ‘n onverwagse lokettreffer. Dit is só swak gemaak dat mense dit gaan kyk om te kan saampraat. In ‘n mate is dit ook ‘n vorm van verset teen kunsmatige intelligensie-skeppings.

Lehanro Maritz vertel vir Martelize Brink van ‘n produk wat bye na die boord lok. Die produk bevat die feromoon wat werkersbye afskei om die res van die korf te laat weet dat daar ‘n gunstige voedingsbron is.

Arbeidsterapeut Lize Visser praat oor fiksheid vir jou brein anderkant 60. Sy gee praktiese raad en waarsku om nie te wag tot dinge nie meer so lekker werk nie.

‘n Man in Engeland het vir die polisie weggejaag - vir sy hond ook. Die hond het sy pad terug huis toe gekry, en die polisie is saam om hom te arresteer.

Op haar tuisdorp, Oudtshoorn, gesels Haidee Muller-Isaacs met Shirley Erasmus. Sy is 'n oudonderwyseres en ook 'n gemeenskapsontwikkelaar. Sy vertel van die afgelope 25 jaar se skoonheidswedstryde waarby sy betrokke was, en hoekom sy dit vanjaar behoorlik vier.

Neels Schoeman, ’n boorling van Boksburg, vertel waar die dorp sy naam gekry het.

In Vlaandere in België is daar tydens huisverbeteringe €9 miljoen se goud in die muur gekry. Die huis behoort aan ‘n liefdadigheidsorganisasie. Indien die wettige eienaar dit nie binne vyf jaar opeis nie, deel die bouspan en die liefdadigheidsorganisasie dié goue gelukkie.

Len Gerber vertel vir Martelize Brink van die lewe in Katalonië in Spanje, waar hulle ‘n klipruïne gekoop, en self tot ‘n huis omskep het. Hy sê dis ‘n fietsryparadys waar mens dit rustig vat.

Fanus Fourie sou in die ou dae ‘n houtwerkonderwyser gewees het, maar vandag is hy die aktiwiteitsbestuurder by Soetmelksvlei langs Babylonstoren. Elric Dampies werk met hout in die aktiwiteitssentrum, Johan Rademan het hulle gaan inloer.

‘n Vrou in Auckland in Nieu-Seeland se hart het gaan staan in supermark se parkeerterrein. Sy was tegnies dood, maar het oorleef, en is met ‘n ambulans hospitaal toe. Haar motor het egter vyf en ‘n half ure daar gestaan, en op die ou end het sy ’n boete van $80 dollar gekry.

Marinebioloog Maryke Musson vertel hoe jellievis deesdae gebruik word.

In hierdie week se landbounuus: Bek-en-klouseer-entstofbestellings kan nou op RMIS se platform vir veeartse bestel word; Suid-Afrika is weer ’n netto-invoerder van sekere suiwelprodukte; Kleinhandelverkope van trekkers daal; Suid-Afrika se koring-invoertarief is na nul gewysig.

Prof. Phillip Strydom praat oor Dexterbeeste. Hy vertel hoe hulle in boerdery ingespan word, en die aansprake wat oor hulle vleis gemaak word.

Iemand in Noorweë is nagenoeg R86 000 beboet omdat hulle ‘n boot se mishoring gebruik het om ‘n ysbeer uit hibernasie wakker te maak.

Georgia Abrahams vertel vir Martelize Brink van die Groen Piketberg R366 selfry-toersimeroete. Gaste word genooi om te deel in alles wat die omgewing bied.

Kos- en kultuurhistorikus Hetta van Deventer-Terblanche praat oor die gebruik van lourierblare in kookkuns.

Hulle is almal ouer as sestig, maar oud-skoolhoof Hubert Titus, onderwyser Lukas Minnie en motorwerktuigkundige Leon Hougard het op 28 Junie die pad gevat per fiets vanaf Rundu in Namibië tot in Worcester, hulle tuisdorp. Ons het in Julie met hulle gesels terwyl hulle nog hard besig was om die kronkelpaaie aan te durf. Hulle het intussen veilig op Worcester aangeland. Die span het 2 714 km getrap...

Arbeidsterapeut Lize Visser verduidelik hoe persone ouer as 60 fisieke oefening moet benader.